ერდოღანი: აია-სოფიას სტატუსის ცვლილებით შეცდომა გამოვასწორეთ
1594754573
თურქეთის პრეზიდენტის რეჯეფ ტაიპ ერდოღანის განცხადებით, აია-სოფიასთვის სტატუსის ცვლილებით, ხელისუფლებამ 1934 წელს დაშვებული შეცდომა გამოასწორა.
მისი თქმით, მეჩეთი კვლავ დაცული იქნება როგორც კულტურული ძეგლი.
„აია-სოფია, სტატუსის შეცვლის მიუხედავად, დაცული იქნება, როგორც კულტურული მემკვიდრეობის ძეგლი“,- აღნიშნა ერდოღანმა.
ერდოღანის თქმით, სასამართლო და აღმასრულებელმა ხელისუფლებამ 83 მლნ-იანი მოსახლეობის სურვილი შეასრულა.
„ჩვენ შეასრულეთ თურქეთის 83 მლნ მოქალაქის ნება. 1934 წელს იგი მუზეუმად გადაკეთდა. ახლა ჩვენ შეცდომას ვასწორებთ. ეს ჩვენი სუვერენული უფლებაა”, - განაცხადა პრეზიდენტმა.
აია-სოფიას თურქეთის სასამართლოსა და პრეზიდენტის გადაწყვეტილებით სტატუსი მიმდინარე წლის 10 ივლისს შეეცვალა და ის მეჩეთად გადაკეთდა. მიუხედავად ამისა, მეჩეთი ყველა რელიგიის წარმომადგენლისთვის კვლავ ღია იქნება.
