მექსიკის შტატ ოახაკში ბავშვებისთვის უსარგებლო საკვების და შაქრიანი სასმელების რეალიზაცია აიკრძალა, ჭარბწონიანობასა და დიაბეტის დონის შემცირების მიზნით. ამის შესახებ ინფორმაციას BBC ავრცელებს.
ოხაკა არის ერთ-ერთი პირველი, რომელმაც მიიღო ეს გადაწყვეტილება მექსიკაში, რადგან აქ მსოფლიოში მოსახლეობის სიმსუქნის ერთ-ერთი ყველაზე მაღალი მაჩვენებელი ფიქსირდება.
კანონპროექტი მხოლოდ ბავშვებს შეეხება, ზრდასრულებს კი თავისუფლად შეეძლებათ არაჯანსაღი საკვების შეძენა.
ეკონომიკური თანამშრომლობისა და განვითარების ორგანიზაციის მიერ ჩატარებული კვლევის თანახმად, მექსიკის მოსახლეობის 73% ჭარბწონიანია.
ამ კანონის დარღვევის შემთხვევაში მოქალაქეები დაჯარიმდებიან და ზოგიერთმა მათგანს შესაძლოა საკუთარი ბიზნესის დახურვაც მოუწიოს. ხელმეორედ კანონის დარღვევის შემთხვევაში დამნაშავეს პატიმრობა ემუქრება.