ორი ადამიანი დაიღუპა და ერთი დაკარგულად ითვლება საბერძნეთში ძლიერი ციკლონით გამოწვეული წყალდიდობის შედეგად. ამის შესახებ „ბი-ბი-სი“ იუწყება.
ციკლონი ქვეყნის ცენტრალურ ნაწილსა და საბერძნეთის დასავლეთს დაატყდა თავს. წყალდიდობამ გზები, სახლები და ხიდები დააზიანა. ასობით ოჯახი ელექტროენერგიის გარეშე დარჩა.
ძლიერმა ქარმა საბერძნეთის პორტებში მდგომი იახტები და ნავები ამოაყირავა.