სომხეთში ბავშვს კავასაკის სინდრომი დაუდგინეს
1591184337
სომხეთში კავასაკის სინდრომის პირველი შემთხვევა დაფიქსირდა. აღნიშნული დიაგნოზი კორონავირუსით ინფიცირებულ ბავშვს დაუდგინეს.
სომხეთის ჯანდაცვის მინისტრის არსენ ტოროსიანის განცხადებით, ე.წ. კავასაკის სინდრომი 4 წლის ბავშვს დაუდასტურდა. ინფიცირებული მცირეწლოვნის მდგომარეობა ამჟამად საშუალოდ ფასდება და მას იმუნოლოგიური პრეპარატებით მკურნალობენ.
ცნობისთვის, კავასაკის სინდრომი უკვე გავრცელებულია აშშ-სა და ევროპის ქვეყნებში. არის ბავშვთა გარდაცვალების ფაქტებიც.
