თურქეთის აღმოსავლეთ ნაწილში მაგნიტუდით 5,2 მიწისძვრა დაფიქსირდა. ამის შესახებ ინფორმაციას უცხოური მედია ევროპისა და ხმელთაშუა ზღვის სეისმოლოგიურ ცენტრზე (EMSC) დაყრდნობით ავრცელებს.
ცენტრის ინფორმაციით, მიწისძვრა 4 აგვისტოს, ადგილობრივი დროით 12:37 საათზე, თურქეთის პროვინცია მალათიაში დაფიქსირდა.
მსხვერპლისა და ნგრევის შესახებ ინფორმაცია ჯერ-ჯერობით არ ვრცელდება. მიწისძვრამ ადგილობრივ მოსახლეობაში პანიკა გამოიწვია.