უკრაინაში კორონავირუსით ინფიცირებულთა საერთო რაოდენიბამ 200 ათასს გადააჭარბა. ამის შესახებ ინფორმაციას უკრაინული გამოცემა unian ავრცელებს.
გამოცემის ცნობით, ბოლო დღე-ღამის განმავლობაში კოვიდვირუსს 69 ადამიანი ემსხვერპლა, ხოლო გარდაცვლილთა საერთო რაოდენობა 4065-მდე გაიზარდა. რაც შეეხება გამოჯანმრთელებულებს, პანდემიის დაწყებიდან დღემდე უკრაინაში კოვიდინფექცია 90 250 პაციენტმა დაამარცხა.
ინფორმაციისთვის, კოვიდ-19-ით ინფიცირების პირველი შემთხვევა ჩინეთში, უჰანის პროვინციაში 2019 წლის დეკემბერში გამოვლინდა. მიმდინარე წლის 20 მარტს ჯანდაცვის მსოფლიო ორგანიზაციამ კორონავირუსი პანდემიად გამოაცხადა. ინფექცია გამოწვეულია კორონავირუსის აქამდე უცნობი შტამით. კოვიდ-19-ის საწინააღმდეგო ვაქცინაზე მსოფლიოში 180-ზე მეტი ქვეყანა მუშაობს.