უკრაინაში კოვიდინფიცირებულთა რაოდენობა 23 ათასს აჭარბებს
1590826574
ბოლო 24 საათის განმავლობაში უკრაინაში კორონავირუსით ინფიცირების 393 ახალი შემთხვევა გამოვლინდა, ხოლო ინფიცირებულთა საერთო რაოდენობა 23 204-მდე გაიზარდა.
ინფორმაციას Unian ავრცელებს. გამოცემის ცნობით, ბოლო 24 საათში კორონავირუსს კიდევ 17 ადამიანი ემსხვერპლა. გარდაცვლილთა რიცხვი კი 696-მდე გაიზარდა. უკრაინაში ინფექციისგან სულ 9311 ადამიანია გამოჯანმრთელებული.
ცნობისთვის, 11 მარტს ჯანდაცვის მსოფლიო ორგანიზაციამ კორონავირუსი პანდემიად გამოაცხადა.
