ევროსაბჭოს გადაწყვეტილება უკრაინისთვის ზურგის შექცევაა?! რას მოუტანს ეს საქართველოს?

ევროსაბჭომ რუსეთს, უკვე ყირიმიანად, ხმის უფლება დაუბრუნა. რას მოუტანს ეს ევროპას, მათ შორის უკრაინას და რა გავლენები ექნება საქართველოზე – ამ საკითხებზე „პირველი“ „საქართველოს უნივერსიტეტის" პროფესორს გია ჯაფარიძეს ესაუბრა.

– რას წარმოადგენს ევროსაბჭო – რა ძალა აქვს მას და რას ნიშნავს რუსეთისთვის ხმის უფლების დაბრუნება? ან რატომ მოხდა ყირიმის ანექსიის გამო ჩამორთმეული უფლების დაბრუნება, როდესაც ნახევარკუნძულზე სტატუსკვო არ შეცვლილა?

თავდაპირველად დავიწყოთ იმით, რომ ჩვენს საზოგადოებაში ხშირად უჭირთ გარჩევა და ევროსაბჭო, ევროპის კავშირის სტრუქტურული ერთეული ჰგონიათ.

რეალურად, ევროსაბჭო არის საერთაშორისო ორგანიზაცია, რომელიც მოიცავს ევროპის სახელმწიფოებს და რომლის წევრი საქართველოც გახლავთ. აპრილში ჩვენ აღვნიშნეთ, ზემოხსენებულ სტრუქტურაში გაწევრიანების 20-წლისთავი.

თავის დროზე ევროსაბჭოდან რუსეთი არავის გაუძევებია და მხოლოდ ხმის მიცემის უფლება შეუჩერეს. ეს მოხდა იმიტომ, რომ 2014 წელს რუსეთმა უკრაინას, ასე პირდაპირ, „მტაცებლურად“ წაართვა ყირიმის ნახევარკუნძული.

მომდევნო ხუთი წლის მანძილზე, 2019 წლის 17 მაისამდე, მას შემდეგ, რაც ორგანიზაციის ერთიანი გადაწყვეტილებით რუსეთს ხმის უფლება დაუბრუნდა, ყირიმის ტერიტორიაზე უკეთესობისკენ არაფერი შეცვლილა. პირიქით, უარესი მდგომარეობაა და ამ მიმართულებით ოფიციალურ მოსკოვს არცერთი ნაბიჯით უკან არ დაუხევია.

უფრო მეტიც, განახორციელა ყირიმის ანექსია და ახლა ნახევარკუნძულის პოლიტიკურ, სოციალურ და ეკონომიკურ ინტეგრაციას ცდილობს რუსეთის სივრცეში.

რა ფასად ახორციელებს კრემლი ამ პოლიტიკას, ეს ცალკე განხილვის თემაა, მაგრამ არსებითი ცვლილებები არ მომხდარა. მაშინ რა მოხდა ევროსაბჭოში?

უკანასკნელ პერიოდში (განსაკუთრებით ავსტრიაში მომხდარი ამბების შემდეგ, ის რომ ვიცე-კანცლერი, ჰაინც-კრისტიან შტრახე რუსეთთან თანამშრომლობდა) ბევრი რადიკალური პოზიციების მქონე პარტიები თანამშრომლობენ ოფიციალურ მოსკოვთან. ზოგიერთ მათგანს პირდაპირი, ღია ხელშეკრულებები აქვთ გაფორმებული პუტინის „ედინაია რასიასთან“, მათ შორის შტრახეს „თავისუფლების პარტიას“.

ხშირად ამბობენ, რომ ევროპაში არიან პოპულისტური ძალები, მაგრამ რამდენად პოპულისტურები არიან და გახდნენ თუ არა ეს ძალები უკვე მეინსტრიმულები, ეს უკვე ცალკე მსჯელობის საგანია. მაშინ, როდესაც მსგავსი ტიპის პოლიტიკური სუბიექტები ძლიერდებიან, მხოლოდ ამ დროიდან იწყება საზოგადოების მხრიდან „განგაშის ზარების“ შემოკვრა.

ევროსაბჭოში კი სულ რამდენიმე ქვეყანა იყო რუსეთისთვის ხმის აღდგენის წინააღმდეგი.

ეს გამოწვეულია იმით, რომ ევროსაბჭოს ბიუჯეტის გარკვეული წილი ოფიციალურ მოსკოვზე მოდის, რომელსაც შესაბამისი თანხები შეაქვს მათთან.

მას შემდეგ, რაც რუსეთმა შეწყვიტა აღნიშნული ფინანსური შენატანის უზრუნველყოფა, პრობლემა შეექმნა ბიუჯეტის შევსებას.

მნიშვნელოვანია აღინიშნოს საქართველოს პრემიერ-მინისტრის სწორი პოზიცია, როდესაც მან გააჟღერა ინიციატივა, რომ ოფიციალური თბილისი მზად არის გაზარდოს თავის ფინანსური კონტრიბუცია. ეს არის ძალიან სწორი გადაწყვეტილება. ამის აღნიშვნა აუცილებელია, რადგან ხელისუფლებაში არ იფიქრონ, თითქოს მხოლოდ „ჩასაფრებულის“ პოზიციიდან ვუყურებთ მთავრობას და მათ საგარეო პოლიტიკას. ეს ასე ნამდვილად არ არის.

ევროსაბჭოში ფინანსური კონტრიბუციის გაზრდის თემა, რაც პრემიერ-მინისტრმა აპრილში გააჟღერა, საქართველოს გაწევრიანების 20 წლისთავთან დაკავშირებით მიძღვნილ ღონისძიებაზე, სწორი გზავნილია.

მართებულია აგრეთვე ჩვენი ქვეყნის პოზიცია, როდესაც იმ სახელმწიფოთა მცირე ჯგუფში აღმოვჩნდით, უკრაინასთან, ბრიტანეთთან, პოლონეთთან, ბალტიის სამივე სახელმწიფოსთან ერთად, რომლებიც რუსეთისთვის ხმის დაბრუნების წინააღმდეგ წავიდა. აღნიშნული ნაბიჯი საქართველოს საგარეო საქმეთა სამინისტროს უნდა შევუქოთ.

რაც შეეხება პირვანდელ თემას, ევროსაბჭოში რუსეთის ყოფნა-არყოფნის საკითხი იდგა უკვე დღისწესრიგში და აქ საფრანგეთმა და გერმანიამ მოიშველია პირადად ჩემთვის ძალიან უსუსური არგუმენტი, რომ თითქოს თუ ოფიციალური მოსკოვი ორგანიზაციის წევრი აღარ იქნება, მაშინ რა ეშველებათ რუსეთის იმ მოქალაქეებს, რომლებსაც დღეს აქვთ შანსი მიმართონ ე.წ. სტრასბურგის სასამართლოს (ადამიანის უფლებათა ევროპულ სასამართლოს).

ოფიციალური განცხადებით, რუსეთის მოქალაქეებს არ უნდა დაუკარგონ შანსი, გამოიყენონ მათი უფლება მიმართონ სტრასბურგის სასამართლოს თუ ჩათვლიან, რომ მათი უფლებები არის დარღვეული.

ზემოაღნიშნული არგუმენტი უსუსურია იმ მხრივ, რომ საჭიროების შემთხვევაში თუ რუსეთის ხელისუფლებას დააკისრეს გარკვეული კომპენსაცია, ის ამ კომპენსაციას აუცილებლად გადაიხდის და საერთაშორისო ევროპულ თანამეგობრობას არ აქვს საშუალება ამ სასამართლოს გამოყენებით, რაიმე სახის წნეხი მიიტანოს ოფიციალურ მოსკოვზე.

ევროსაბჭოს გადაწყვეტილებას მოჰყვა უამრავი კითხვა - რა კავშირშია ეს გადაწყვეტილება ყირიმთან? შეიცვალა რაიმე და შევეგუეთ იმას, რაც ჩაიდინა რუსეთმა ნახევარკუნძულზე?

ზოგადად, საერთაშორისო ურთიერთობებში დიდი მნიშვნელობა აქვს რეპუტაციას, მათ შორის რუსეთისთვის და ამ დეკლარაციით, ოფიციალური მოსკოვის რეაბილიტაცია შედგა.

არანაირი მიზეზით არ შეიძლება გამართლდეს კრემლისთვის ხმის დაბრუნების უფლება. ეს გვაფიქრებინებს, რომ სრულიად სხვა საფუძვლები ჰქონდა ევროსაბჭოს წევრი სახელმწიფოების გადაწყვეტილებას.

აქ უფრო იყო ის პოლიტიკური და შესაძლებელია ეკონომიკური ინტერესები, რომელიც ევროპულ სახელმწიფოებს რუსეთთან მიმართებაში გააჩნიათ.

ეს არ იყო კარგი გადაწყვეტილება არც უკრაინისთვის, არც საქართველოსთვის და საბოლოო ჯამში არც ევროპისთვის.

– საქართველოსთან მიმართებაში რა შედეგები შეიძლება მოჰყვეს რუსეთისთვის ხმის უფლების დაბრუნებას?

რუსეთს ხმის უფლება 2014 წლამდეც გააჩნდა. ევროპის საბჭოში, და ნებისმიერ სხვა საერთაშორისო ორგანიზაციაში, რუსეთის პოზიცია საქართველოსთან მიმართებაში ძალიან აშკარა და ცალსახაა.

ის რეზოლუციები თუ გადაწყვეტილებები, რომელიც ჩვენ ქვეყანასთან დაკავშირებით მიიღება და ჩვენი სახელმწიფოებრივი ინტერესებითვის არის სასარგებლო, რუსეთი ყოველთვის ეწინააღმდეგება და ცდილობს სხვა ქვეყნებზეც მოახდინოს გავლენა, არ დაუჭირონ მხარი საქართველოს.

აქედან გამომდინარე, ჩვენთვის დიდად არაფერი იცვლება, რუსეთის ფედერაცია კვლავ გააგრძელებს ოფიციალური თბილისის წინააღმდეგ მოქმედებებს.

ნეგატიური არის ის რომ, საერთაშორისო სამართლის ასეთი უხეში დარღვევა, რასაც ჰქონდა ადგილი რუსეთის მხრიდან, უკრაინის წინააღმდეგ, ეს დაუსჯელი დარჩა. იყო მხოლოდ მინიმალური სანქციები და ჩვენ ვხედავთ, რომ ეს სანქციებიც ნელნელა იშლება. ანუ კრემლის განზრახვა, ძირი გამოუთხაროს საერთაშორისო ურთიერთობათა სისტემას, რომელიც კონკრეტულ ნორმებზეა დაფუძნებული, თუ სრულად ვერა, მეტნაკლები წარმატებით მაინც ახორციელებს.

მიუხედავად იმისა, რომ საერთაშორისო სამართლის მიხედვით ყველანი თანაბარი ვართ, ჩვენ არ გაგვაჩნია ის პოლიტიკური, დიპლომატიური, გნებავთ ეკონომიკური რესურსი, რომელიც ობიექტურად ჩვენზე დიდ რუსეთს აქვს.

აქედან გამომდინარე, როდესაც რუსეთს პირდაპირი შეტევა მიაქვს საერთაშორისო სამართალზე, ანგრევს მას, ეს ჩვენთვისაც არ არის კარგი.

მნიშვნელოვანია, უკრანისი გამო, რუსეთს დამატებითი სანქციები ჰქონდეს და ამ კონტექსტში საქართველოც იყოს მოხსენიებული.

აღნიშნულის ნაცვლად კი საპირისპირო ხდება. წარმოდგინეთ ახლა უკრაინის იმედგაცრუება, როდესაც ევროპა (ზემოთ აღნიშნული შვიდი სახელმწიფოს გარდა), უგულვებელჰყოფს ოფიციალური მოსკოვის მიერ, საერთაშორისო სამართლებრივი ნორმების და იმ მსოფლიო წესრიგის რღვევას, რომელიც მეორე მსოფლიო ომის შემდეგ არის ჩამოყალიბებული.

– რა გამოხმაურება მოჰყვება აღნიშნულ გადაწყვეტილებას უკრაინის მხრიდან?

ნამდვილად არ ვისურვებდი რომელიმე სახელმწიფოს ყოფნას უკრაინის მდგომარეობაში. წარმოიდგინეთ, ერთ-ერთი უმთავრესი ევროპული საერთაშორისო ორგანიზაცია, რომლის წევრიც არის უკრაინა, ვართ ჩვენც და ყველა ევროპული სახელმწიფო, ფაქტიურად „უპრავებს“, უგულებელყოფს რუსეთის მიერ ჩადენილ იმ ქმედებებს, რომელიც 2014 წელს, ყირიმის ნახევარკუნძულზე განხორციელდა.

უკრაინა, რომელიც უდიდესი სახელმწიფოა, ფაქტიურად მიტოვებული დარჩა ევროპული პარტნიორების მხრიდან და კიევში შეიძლება ვინმემ იფიქროს, რომ საერთაშორისო ორგანიზაციებში კვლავ „დიდი ქვეყნების“ გარიგებებს ენიჭება მნიშვნელობა.

ამ შემთხვევაში გერმანია-საფრანგეთის პოზიცია იყო გადამწყვეტი და სხვა სახელმწიფოები იმ პოზიციას დაიკავებდნენ, რასაც ოფიციალური ბერლინი და პარიზი გააჟღერებდა. შესაბამისად, მათ მიიღეს გადაწყვეტილება, რომ რუსეთს დაბრუნებოდა ხმის უფლება.

არვიცი, შესაძლებელია ახლა ჩვენც ბერლინში, ან პარიზში რომ ვიყოთ, ასე მოვქცეულიყავით, რადგან გვეფიქრა, რომ რეალპოლიტიკა ამას გვკარნახობს, თუმცა, ჩემი პირადი მოსაზრებით, რეალპოლიტიკა სულ სხვა რაღაცას გვკარნახობს.

აღნიშნული არ არის რეალპოლიტიკა, არამედ ეს უფრო იდეალისტური პოლიტიკაა, უფრო რაღაც სასურველის შესაძლებლად დანახვა, იმიტომ რომ გასული წლები, თუნდაც საუკუნეები ადასტურებს, რომ რუსეთთან მსგავსი მიდგომები მას მხოლოდ აძლიერებთ.

იმ შემთხვევაში, თუ გსურს რუსეთთან, გნებავთ დიპლომატიაში, გნებავთ გეოპოლიტიკურ პაექრობაში გაიმარჯვო, მსგავსი პოზიცია, რაც ევროპულმა სახელმწიფოებმა დააფიქსირეს, წარმატების მომტანი არ არის. ეს განწირულია მარცხისთვის.

ავტორი: რატი ერისთავი #მედიალაბორატორია


აქციის მონაწილეებმა რუსთაველის გამზირზე კარვები გაშალეს

თბილისში, რუსთაველის გამზირზე მიმდინარე პროტესტის მონაწილეებმა კარვები გაშალეს, აქციის მონაწილეების ნაწილმა კი, აქციის გაგრძელება ბიძინა ივანიშვილის სახლთან გადაწყვიტა.

 
"ქართველი საზოგადოება არ არის ამის ღირსი" - საქართველოს მეოთხე პრეზიდენტი რუსთაველზე აქციას შეუერთდა

საქართველოს მეოთხე პრეზიდენტი გიორგი მარგველაშვილი რუსთაველის გამზირზე მიმდინარე აქციას შეუერთდა.

"ქართული ოცნება -კონსერვატორების" გადაწყვეტილება საპარლამენტო უმრავლესობაში დარჩენის შესახებ ხვალ გახდება ცნობილი

დარჩებიან თუ არა ფრაქცია "ქართული ოცნება -კონსერვატორების" წევრები საპარლამენტო უმრავლესობაში, ხვალ გახდება ცნობილი.

თბილისის მერი რუსთაველზე მიმდინარე აქციაზე: ყველა ადამიანს აქვს გამოხატვის თავისუფლება

თბილისის მერი კახა კალაძე დედაქალაქის მთავარ გამზირზე მიმდინარე საპროტესტო აქციას ეხმაურება. მისი განცხადებით, ხელისუფლებამ  20 ივნისის მოვლენების განმეორება არ უნდა დაუშვას და ადამიანების აზრის გამოხატვის თავისუფლება დაცული უნდა იყოს. 

ირაკლი კობახიძე: ენას ძვალი არ აქვს, ოპონენტებს შეუძლიათ ყველაფერი თქვან

"ნაციონალური მოძრაობა" "მელკი" ტყუილებით არის გამორჩეული", - ამის შესახებ საპარლამენტო უმრავლესობის წევრი ირაკლი კობახიძე აცხადებს.

კობახიძე უზენაესის კანდიდატებზე: არ ვფიქრობ, რომ ოცივე კანდიდატი იქნება პარლამენტის მიერ მხარდაჭერილი

დეპუტატ ირაკლი კობახიძის განცხადებით, პარლამენტში უზენაესი სასამართლოს მოსამართლეობის ოცივე კანდიდატი არ იქნება მხარდაჭერილი.

ირაკლი კობახიძე: ყველას მოვუწოდებთ, თავი შეიკავონ რადიკალიზმისგან

საპარლამენტო უმრავლესობის წევრის ირაკლი კობახიძის განცხადებით, ოპოზიციური პარტიები ვითარების გამძაფრებას ცდილობენ.

საქართველოს დელეგაცია პარიზში "UNESCO"-ს გენერალური კონფერენციაში მონაწილეობს

საქართველოს დელეგაცია, საგარეო საქმეთა მინისტრის მოადგილის ხათუნა თოთლაძის ხელმძღვანელობით, პარიზში 2019 წლის 12 ნოემბრიდან 27 ნოემბრამდე მიმდინარე "UNESCO"-ს გენერალური კონფერენციის მე-40 სესიაში მონაწილეობს.

ლაშა დარსალია ევროპის საბჭოს ადამიანის უფლებათა კომისარს შეხვდა

საგარეო საქმეთა მინისტრის მოადგილემ ლაშა დარსალიამ, 12-14 ნოემბერს სტრასბურგში ვიზიტის ფარგლებში ევროპის საბჭოს ადამიანის უფლებათა კომისართან და ევროპის საბჭოსთან ევროკავშირის წევრი ქვეყნების მუდმივ წარმომადგენლებთან შეხვედრები გამართა.

გია ვოლსკი: არ მივალთ რიგგარეშე არჩევნებამდე, მაგრამ ასეც რომ იყოს, ქვეყანას დავაზიანებთ

საპარლამენტო უმრავლესობის ლიდერი გია ვოლსკი ფიქრობს, რომ რიგგარეშე საპარლამენტო არჩევნები ქვეყანას დააზიანებს.

რუსთაველის გამზირზე საპროტესტო აქცია გრძელდება

თბილისში, პარლამენტის წინ აქცია მიმდინარეობს. მოქალაქეებმა, რომლებიც დეპუტატების მიერ არჩევნების პროპორციული წესით ჩატარებასთან დაკავშირებული კანონპროექტის ჩაგდებას აპროტესტებენ დედაქალაქის მთავარი გამზირი გადაკეტეს.

თბილისის სახელმწიფო უნივერსიტეტში სამეცნიერო კონფერენცია - „ქართული ხელოვნება, ეპოქები და ტენდენციები“ გაიმართება

ივანე ჯავახიშვილის სახელობის თბილისის სახელმწიფო უნივერსიტეტში სამეცნიერო კონფერენცია – „ქართული ხელოვნება გაიხსნება.

ქუთაისში არჩევნების პროპორციული წესით ჩატარების შესახებ პროექტის ჩაგდებას აპროტესტებენ

გადაგვაგდე? გადაგაგდებთ ივანიშვილო", "მხეიძე სირცხვილია"- ქუთაისში აქცია მიმდინარეობს. სამოქალაქო აქტივისტები, მოქალაქეები და პოლიტიკური პარტიის წევრები ცენტრალურ მოედანზე შეიკრიბნენ და პროპროციული სისტემის კანონპროექტის ჩაგდებას აპროტესტებენ.

თსუ საერთაშორისო კონფერენცია „გენდერული ბარიერების აღმოფხვრა და ქალთა ეკონომიკური გაძლიერება“-ს უმასპინძლებს

ივანე ჯავახიშვილის სახელობის თბილისის სახელმწიფო უნივერსიტეტის ეკონომიკის საერთაშორისო სკოლის (ISET) კვლევითი ინსტიტუტი, აღმოსავლეთ ევროპისა და განვითარებადი ეკონომიკების კვლევების ფორუმთან (FREE Network) თანამშრომლობით 15 ნოემბერს 09:30 საათზე, მასპინძლობს საერთაშორისო კონფერენციას „გენდერული ბარიერების აღმოფხვრა და ქალთა ეკონომიკური გაძლიერება“.

           

ოპოზიცია ვადამდელი საპარლამენტო არჩევნების ჩატარებას და გახარიას გადადგომას ითხოვს

ოპოზიციური პარტიები კონსულტაციიის შედეგად ერთიან მოთხოვნებზე შეთანხმდნენ.

"პატრიოტთა ალიანსი“ უწყვეტ საპროტესტო აქციებს აანონსებს

"ამიტომ ჩვენ ამ ვითარებაში გადავდივართ უწყებ საპროტესტო აქციებზე, პირველი აქცია ჩატარდება კვირას",-ამის შესახებ "პატრიოტთა ალიანსის" ლიდერმა ირმა ინაშვილმა პარლამენტში ბრიფინგზე განაცხადა. 

ვახუშტი მენაბდე: რიგგარეშე არჩევნები მხოლოდ ორ შემთხვევაში შეიძლება დაინიშნოს

პოლიტიკური სამართლის სპეციალისტი ვახუშტი მენაბდე იმ ორ შემთხვევას ასახელებს, რა დროსაც რიგგარეშე არჩევნების დანიშვნაა შესაძლებელი.

 

აშშ-ის საელჩო საკონსტიტუციო ცვლილებების პროექტის ჩაგდებაზე განცხადებას ავრცელებს

"გული გვწყდება, რომ მიუხედავად ოპოზიციური პარტიების მხარდაჭერისა, კენჭისყრაზე საკონსტიტუციო ცვლილებებს "ქართული ოცნების" დეპუტატების არასაკმარისმა რაოდენობამ დაუჭირა მხარი",- ამის შესახებ ამერიკის შეერთებული შტატების საელჩოს მიერ გავრცელებულ განცხადებაშია აღნიშნული.

ზუგდიდის მერმა ბრიტანეთის ელჩის მოადგილეს საქართველოში უმასპინძლა

ზუგდიდის მუნიციპალიტეტის მერმა გიორგი შენგელიამ, მოადგილე კოსტანტინე კაკავასთან ერთად, დღეს, მერიაში ბრიტანეთის ელჩის მოადგილეს საქართველოში, ალექსანდრა ქოულს უმასპინძლა.

ქართული თაფლის მწარმოებლებისთვის „სახელმძღვანელო უვნებელი და ხარისხიანი თაფლის წარმოებისთვის“ შეიქმნა

გარემოს დაცვისა და სოფლის მეურნეობის სამინისტროს ინიციატივითა და ევროკავშირის მხარდაჭერით, თაფლის წარმოებაში ევროკავშირის მიერ დაწესებული სტანდარტების შესახებ ქართველი მეწარმეების ცნობადობის ამაღლების მიზნით მომზადდა დოკუმენტი „სახელმძღვანელო უვნებელი და ხარისხიანი თაფლის წარმოებისთვის“.

ქარელის, ყვარლისა და წალკას მუნიციპალიტეტებში წვეთოვანი საირიგაციო სისტემები დამონტაჟდა

გაეროს განვითარების პროგრამისა და გლობალური გარემოსდაცვითი ფონდის ხელშეწყობით, ქარელის, ყვარლისა და წალკას მუნიციპალიტეტებში წვეთოვანი საირიგაციო სისტემები დამონტაჟდა.