"ტოიოტა კავკასიამ" კახეთში სპეციალური ტესტ-დრაივი მოაწყო

"ტოიოტა კავკასიამ", კახეთის რეგიონში ჟურნალისტებისთვის დაუვიწყარი სპეციალური ტესტ-დრაივის ტური მოაწყო. მედიის წარმომადგენლებმა გამოსცადეს ჰიბრიდული ავტომობილების 2019 წლის მოდელები -  RAV4, Camry, Corolla და C-HR.

გამოცდის მიზანს წარმოადგენდა ჰიბრიდული სატრანსპორტო საშუალების, ტექნოლოგიების უკეთ გაცნობა სხვადასხვა პირობებში: სწორ გზაზე, მაღალსიჩქარიან ტრასაზე, სხვა ავტომობილის გასწრებისას და აღმართზე მოძრაობისას.


Hybrid Electric Vehicle (HEV) არის ჰიბრიდული სატრანსპორტო საშუალება, რომელიც აერთიანებს ჩვეულებრივი შიდა წვის ძრავის სისტემას (Internal Combustion Engine – ICE) ელექტროძრავის სისტემასთან. ჰიბრიდული ტექნოლოგია უკვე საკმაოდ ცნობილი და პოპულარულია არა მხოლოდ საქართველოში, არამედ მთელ რეგიონშიც, შესაბამისად ქართველ ჟურნალისტებთან ერთად ტესტ-დრაივში მონაწილეობა მიიღეს აზერბაიჯანელმა კოლეგებმაც, რათა უკეთ გააცნონ აზერბაიჯანულ საზოგადოებას ჰიბრიდული  ტექნოლოგიები.


დაუვიწყარი ტური გომბორის უღელტეხილზე დაიწყო და წინანდლამდე მანძილს მოიცავდა. პირველი ავტომობილი, Camry (ძრავის მოცულობა 2,5), დაღმართზე საწვავის მოხმარებაზე და ელემენტის დამუხტვის პროცესზე გამოიცადა. უპირველესად თვალშისაცემია 2019 წლის მოდელის ექსტერიერი, განახლებული ვიზუალი, რომელიც იდეალურია საქმიანი ადამიანებისთვის. ინტერიერში, გამოყენებულია მაღალი ხარისხის მასალა, რაც ხელს უწყობს მაქსიმალურ კომფორტს არამხოლოდ მძღოლისთვის, არამედ მგზავრებისთვისაც. ავტომობილს გააჩნია ელეგანტური, ტევადი სალონი.


რაც შეეხება საწვავის მოხმარების პროცესს - ოფიციალური მონაცემებით, 2,5 ძრავა შერეულ პირობებში 4,3 ლიტრ ბენზინს მოიხმარს, ზემოთ აღნიშნულ მანძილზე კი ავტომობილის სისტემამ 3 ლიტრი საწვავის მოხმარება დააფიქსირა.


შედეგი  მარშრუტი, გზა წინანდლიდან იყალთოს მონასტრამდე, სადაც გვხვდება რამდენიმე აღმართი, საშუალებას იძლეოდა შეგვემოწმებინა, ჰიბრიდული ავტომობილების მაბრუნი მომენტის განაწილება, ანუ როდესაც ავტომობილი იყენებს დამატებით ენერგიას HEV ელემენტებიდან და საჭიროების შემთხვევაში უზრუნველყოფს უფრო მძლავრ აჩქარებას.


ამ შემთხვევაში გამოიცადა RAV4 (ძრავის მოცულობა 2,5), რომელიც სრულიად სახეცვლილია და გამოირჩევა მკაცრი ექსტერიერით და თანამედროვე, ტევადი ინტერიერით. ეს ავტომობილი კომფორტულია ნებისმიერ სიტუაციაში, იქნება ეს რთული საგზაო პირობები, ჩქაროსნული გზატკეცილი თუ ქალაქის გადატვირთული გზები. განსაკუთრებით  კომფორტულია უკანა სავარძელზე მყოფი მგზავრებისთვის, აქვს დიდი სივრცე მოსათავსებლად და თავისუფალი მგზავრობისთვის.


ავტომობილს ოფიციალური, კომბინირებული საწვავის ხარჯი 4,5 ლიტრია, მაგრამ პრაქტიკულ შემთხვევაში, გზის მოცემულ მონაკვეთზე მოიხმარა 3,1 ლიტრი ბენზინი.


მარშრუტის მესამე ნაწილი, იყალთოს ტაძრიდან, ალავერდის სამონასტრო კომპლექსამდე. ეს გზის მეტ-ნაკლებად სწორი მონაკვეთი იყო და მომეცა საშუალება მშვიდ და კომფორტულ პირობებში მემართა C-HR და გამომეცადა ტოიოტას თანამედროვე უსაფრთხოების სისტემის (Toyota Safety Sense) ხაზის შეცვლის ფუნქცია (Lane Change Assistance).  ეს ტექნოლოგია სიმშვიდისა და სიამოვნების შეგრძნებას იწვევს,  გზაზე მოძრაობისას არამხოლოდ მაფრთხილებდა გამყოფი ხაზის გადაკვეთისას სპეციალური სიგნალის მეშვეობით, არამედ ავტომობილის საჭეს ავტომატურად აბრუნებდა სწორ პოზიციაში.


ალავერდის კომპლექსიდან საავტომობილო კოლონა ლოპოტას გადასახვევისკენ დაიძრა და ამ შემთხვევაში გამოიცადა ჰიბრიდული ავტომობილების დინამიური კრუიზ-კონტროლი, რომელიც მძღოლს ხანგრძლივი მოგზაურობისას ეხმარება. ამ ტექნოლოგიამ საშუალება მომცა ავტომატურად დამერეგულირებინა დისტანცია ჩემს წინ მიმავალ სატრანსპორტო საშუალებასთან, სიჩქარის ცვლილებიდან მის სრულ გაჩერებამდე, ანუ თუ წინა ავტომობილი ამუხრუჭებდა, შესაბამისად ჩემი სატრანსპორტო საშუალება აღიქვამდა გადაადგილებას და მუხრუჭის სატერფულზე დაჭრის გარეშე, ავტომატურ რეჟიმში ამუხრუჭებდა და შედგომ თავისით იწყებდა განახლებულ სვლას.


მარშრუტის ბოლო მონაკვეთზე გამოვცადე Corolla  (ძრავის მოცულობა 1,8) და RAV4 (ძრავის მოცულობა 2,5) სწრაფი აჩქარების პირობებში. აღსანიშნავია, რომ ქართულ საზოგადოებაში გავრცელებული მოსაზრებიდან, რომ თითქოს ჰიბრიდულ ავტომობილებს არ აქვთ საკმარისი რესურსი სწრაფი სიარულისთვის, გამიქარწყლდა. განსაკუთრებით, 2,5 მოცულობის ძრავის მქონე RAV4 -მა გამაოცა სასიამოვნოდ, რომელსაც სპორტული რეჟიმის ფუნქცია გააჩნია და სწორ ტრასაზე საკმაოდ სწრაფად მოძრაობს.


უნდა აღინიშნოს, რომ აქტიური უსაფრთხოების სისტემა, როგორიცაა Toyota Safety Sense სისტემა, შექმნილია ტარების პროცესში მძღოლის დასახმარებლად.


ვინაიდან გარე ფაქტორების ზემოქმედების გამო ყოველთვის არსებობს ალბათობა, რომ დამხმარე სისტემების მეშვეობით ვითარება ზუსტად ვერ იყოს აღქმული, მძღოლის მხრიდან არ უნდა ხდებოდეს რეაგირების მთლიანად მინდობა აღნიშნულ სისტემებზე.


მძღოლი მუდმივად უნდა აკონტროლებდეს ვითარებას ავტომიბილის გარშემო და იცავდეს უსაფრთხოების ყველა ზომას.


"ტოიოტას" თანამედროვე, აქტიური უსაფრთხოების სისტემა ე.წ. Toyota Safety Sense, რომელიც 4 უახლეს ტექნოლოგიას - შეჯახების პრევენციის სისტემას, ზოლიდან გადასვლის შეტყობინების ფუნქციას, ავტომატურ შორი-ახლო განათების ფუნქციას და ადაპტირებად კრუიზ-კონტროლს მოიცავს. ეს ტექნოლოგია ერთ საერთო მიზანს ემსახურება - მაქსიმალურად შეამციროს საგზაო შემთხვევები, შექმნას ყველასთვის უსაფრთხო გარემო მართვისას და მხარი დაუჭიროს მძღოლს ყოველდღიური მგზავრობისას.


შეჯახების პრევენციის სისტემა


Toyota Safety Sense-ის შეჯახების პრევენციის სისტემა იყენებს კამერას და ლაზერულ სენსორებს, რათა დააფიქსიროს წინ მიმავალი ავტომობილები. შეჯახების რისკის შემთხვევაში მძღოლი მიიღებს გაფრთხილებას ვიზუალური და ხმოვანი სიგნალებით და გააქტიურდება მუხრუჭების დამხმარე სისტემა. თუ მძღოლი ვერ მოახდენს დროულ რეაგირებას, ამოქმედდება ავტომატური დამუხრუჭების ფუნქცია, რათა აგარიდოთ ან შეამციროს შეჯახება.


ზოლიდან გადასვლის შეტყობინების ფუნქცია


ეს ტექნოლოგია იყენებს კამერას, როელიც აფიქსირებს გზაზე არსებული გამყოფი ზოლის ნიშნულებს. სისტემა აფრთხილებს მძღოლს ვიზუალური და ხმოვანი სიგნალებით, თუკი ავტომობილი უნებლიედ დაიწყებს ზოლიდან გადასვლას ციმციმა მაშუქის ჩართვის გარეშე. ამის შემდეგ მძღოლს შეუძლია მიიღოს შესაბამისი ზომები.


ავტომატური შორი-ახლო განათების ფუნქცია


Toyota Safety Sense-ის ავტომატური შორი-ახლო განათების ფუნქცია შექმნილია ხილვადობის ოპტიმიზირებისთვის ღამით მართვის დროს, გზის ყველა მომხმარებლისთვის. კამერა აფიქსირებს შემხვედრი ავტომობილების მაშუქებს, წინ მიმავალი ავტომობილების მაშუქებს და აგზის განათების სიკაშკაშეს. სისტემა ავტომატურად ანაცვლებს ახლო და შორ განათებას, რაც ზრდის უსაფრთხო მართვას ღამის საათებში.


ადაპტირებადი კრუიზ-კონტროლი


Toyota Safety Sense-ის ადაპტირებადი კრუიზ-კონტროლი უზრუნველყოფს წინასწარ მითითებულ, მინიმალურ დისტანციას თქვენსა და წინ მიმავალ ავტომობილს შორის. აღნიშნული დისტანციის შემცირებისას, სისტემა ამცირებს ავტომობილის სიჩქარეს და ამუხრუჭებს მას საჭიროებიდან გამომდინარე. თუ დისტანცია კვლავ გაიზრდება, სისტემა თანდათანობით გაზრდის ავტომობილის სიჩქარეს იქადე, ვიდრე არ დაუბრუნდება თქვენ მიერ მითითებულ ნიშნულს.


თუმცა დავუბრუნდეთ ჩვენს მოგზაურობას, რომელიც არ დასრულებულა ტეტს დრაივის დღეს:


მომდევნო დღეს, ტოიოტა კავკასიას გუნდმა მედიის წარმომადგენლებს და მოწვეულ სტუმრებს ლოპოტაზე-ზე უმასპინძლა, სადაც აზერბაიჯანელმა ჟურნალისტებმა, ქართველ კოლეგებთან ერთად კახური სამზარეულოს მასტერკლასებში მიიღეს მონაწილეობა. აქვე მათ დააგემოვნეს სხვადასხვა სახეობის ტრადიციული ქართული ღვინო.


ღონისძიება არაფორმალურ, მეგობრულ გარემოში წარიმართა და მონაწილეები სხვადასხვა საინტერესო, გასართობ ღონისძიებებში ჩაერთვნენ. „ტოიოტა კავკასიამ“ ქართველ და აზერბაიჯანელ ჟურნალისტებს დაუვიწყარი ორი დღე გვაჩუქა!


დამატებითი ინფორმაციის მისაღებად  მოხმარებლებს შეუძლიათ დაუკავშირდნენ საქართველოში "ტოიოტას" ოფიციალურ დილერებს: "ტოიოტა ცენტრ თბილისს" ან "ტოიოტა ცენტრ თეგეტას".


თამარ ჩუგოშვილი: ძალიან მიხაროდა, რომ გუშინდელ ბიუროს სხომაზე არ მეკუთვნოდა დასწრება

საპარლამენტო უმრავლესობიდან წასული დეპუტატი თამარ ჩუგოშვილი აცხადებს, რომ მისთვის გუშინდელ ბიუროს სხდომაზე დასწრება ძალიან მძიმე იქნებოდა.

მიხეილ ყაველაშვილი: ნუ შეგყავთ საზოგადოება შეცდომაში, რომ რომელიმე პოლიტიკურ პარტიას დავპირდით და არ შევასრულეთ

"ნუ შეგყავთ საზოგადოება შეცდომაში, რომ რომელიმე პოლიტიკურ პარტიას დავპირდით და არ შევასრულეთ. ჩვენ არავისთან მაგიდასთან არ დავმსხდარვართ არ გვიმსჯელია და ხელი არ მოგვიწერია."

გიორგი გუგავა: იქნება მსვლელობა რესპუბლიკის მოედნიდან რუსთაველის გამზირისკენ

"ლეიბორისტული პარტიის" ერთ-ერთი ლიდერი გიორგი გუგავა ორშაბათს, 25 ნოემბერს მასშტაბურ აქციას აანონსებს. ამის შესახებ მან განცხადება რუსთაველის გამზირზე მიმდინარე საპროტესტო აქციაზე განაცხადა.

პარლამენტის წინ საპროტესტო აქცია განახლდა

რუსთაველის გამზირზე, პარლამენტის შენობის წინ საპროტესტო აქცია განხლდა.

საქართველო და თურქეთი საბაჟო პროცედურების გამარტივებაზე შეთანხმდნენ

საქართველოსა და თურქეთს შორის შერეული ეკონომიკური კომისიის სხდომის დასრულების შემდეგ კომისიის თანათავმჯდომარეებმა - საქართველოს ეკონომიკისა და მდგრადი განვითარების მინისტრმა ნათია თურნავამ  და თურქეთის ვაჭრობის მინისტრმა რუსარ ფექჩანმა მედიისთვის განცხადებები გააკეთეს.

მამუკა მდინარაძე: სრულად მაჟორიტარულ სისტემაზე გადასვლის იდეა არარელევანტურია

ფრაქცია „ქართული ოცნების“ თავმჯდომარე, მამუკა მდინარაძე მიიჩნევს, რომ მაჟორიტარი დეპუტატების ერთი ნაწილის მიერ ინიცირებული იდეა სრულ მაჟორიტარულ სისტემაზე გადასვლასთან დაკავშირებით არარელევანტურია. 

ანკარაში შემოსავლების სამსახურისა და თურქეთის საბაჟო კომიტეტების რიგით მე-2 შეხვედრა გაიმართა

19 ნოემბერს, ანკარაში, ფინანსთა სამინისტროს შემოსავლების სამსახურისა და თურქეთის რესპუბლიკის ვაჭრობის სამინისტროს ერთობლივი საბაჟო კომიტეტის რიგით მე-2 შეხვედრა გაიმართა.

ნათია თურნავა: თურქეთთან დიაგონალური კუმულაციის შესახებ შეთანხმების ამოქმედება ინვესტიციებს და ახალი სამუშაო ადგილების შექმნას წაახალისებს

თურქეთში ვიზიტის ფარგლებში, ეკონომიკისა და მდგრადი განვითარების მინისტრი ნათია თურნავა თურქეთის ვაჭრობის მინისტრს რუსარ ფექჩანს შეხვდა.

არჩილ თალაკვაძე: საერთაშორისო პარტნიორებთან ერთად ყველაფერს ვაკეთებთ, რომ ექიმი ვაჟა გაფრინდაშვილი გათავისუფლდეს 

პარლამენტის თავმჯდომარის არჩილ თალაკვაძის განცხადებით, საერთაშორისო პარტნიორებთან ერთად ყველაფერი კეთდება, რომ ცხინვალის საოკუპაციო რეჟიმის მიერ უკანონოდ დაკავებული ექიმი, ვაჟა გაფრინდაშვილი გათავისუფლდეს. 

არჩილ თალაკვაძე აშშ-ის ელჩის მოვალეობის შემსრულებელს და ევროკავშირის ელჩს შეხვდა

საქართველოს პარლამენტის თავმჯდომარე არჩილ თალაკვაძე აშშ-ის ელჩის მოვალეობის შემსრულებელს ელიზაბეტ რუდს და ევროკავშირის წარმომადგენლობის ელჩს კარლ ჰარცელს შეხვდა.

დიმიტრი ცქიტიშვილი: ფრაქციის შექმნას არ გამოვრიცხავ

"ფრაქციის შექმნას არ გამოვრიცხავ", - ამის შესახებ დიმიტრი ცქიტიშვილმა განაცხადა, რომელმაც საპარლამენტო უმრავლესობა დატოვა.

20 ნოემბერს თბილისის რამდენიმე უბანს ელექტრომომარაგება შეეზღუდება

გეგმურ-პროფილაქტიკური სამუშაოების ჩატარების გამო 20 ნოემბერს თბილისის რამდენიმე უბანს ელექტრომომარაგება დროებით შეეზღუდება. ამის შესახებ ინფორმაციას "თელასი" ავრცელებს.

ნათია თურნავა: თურქეთთან სავაჭრო რეჟიმის შემდგომი ლიბერალიზაციისკენ ნაბიჯები გადავდგით 

„დღეს ჩვენ თურქ კოლეგებთან ერთად ძალიან ბევრ საკითხზე ვიმსჯელეთ და განვიხილეთ თანამშრომლობის მიმართულებები სხვადასხვა სფეროში. მოგეხსენებათ, თურქეთი ჩვენი უმნიშვნელოვანესი სტრატეგიულ-ეკონომიკური და ნომერ პირველი სავაჭრო პარტნიორი და ერთ-ერთი უდიდესი ინვესტორია. თურქეთი ასევე ძალიან მნიშვნელოვანი ქვეყანაა სულ უფრო მზარდი ტურისტული ნაკადების თვალსაზრისით“, - განაცხადა საქართველოს ეკონომიკისა და მდგრადი განვითარების მინისტრმა ანკარაში  საქართველო-თურქეთის შერეული ეკონომიკური კომისიის სხდომის შედეგების კომენტირებისას.

ირაკლი ლატარია: ღამის 12 საათიდან მოყოლებული, ყველა ოპოზიციონერი არათუ ერთი მესიჯბოქსით, იდენტური სიტყვებით იმეორებს, მთელ ოპოზიციას გვაქვს 41% და ეს დიდი მიღწევააო

„ყველა ოპოზიციონერი არათუ ერთი მესიჯბოქსით, იდენტური სიტყვებით იმეორებს, მთელ ოპოზიციას გვაქვს 41% და ეს არის დიდი მიღწევაო. ღამის 12 საათზე კვლევის გამოგდებაც საინტერესოა, ვის ინტერესებს ემსახურება, თუმცა ეგ ცალკე თემაა“,- ამის შესახებ ექსპერტი ირაკლი ლატარია სოციალურ ქსელში წერს.

ქვეყნის მასშტაბით ტყის ქვედა საფარის ხანძრის 7 კერა ფიქსირდება

შინაგან საქმეთა სამინისტროს საგანგებო სიტუაციების მართვის სამსახურის ინფორმაციით, ამ დროისთვის, მთელი ქვეყნის მასშტაბით, ტყის ქვედა საფარის ხანძრის 7 კერაა - სვანეთში, სამეგრელოში, რაჭასა და აჭარაში.

ლარი უმნიშვნელოდ გამყარდა

19 ნოემბერის ვაჭრობის შედეგად აშშ დოლარი გაუფასურდა და  2.9735 ლარი შეადგინა. კურსი, რომელიც დღეს მოქმედებდა, 2.9736 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.01 თეთრი შეადგინა.
 

ვახტანგ ჭარაია: მნიშვნელოვანია, პოლიტიკოსებმა აიღონ შესაბამისი პასუხისმგებლობა და მოერიდონ დაძაბულობის ესკალაციას

„მიზეზების ძიება შორს წაგვიყვანს, მაგრამ ზუსტად ვიცი, რომ პოლიტიკური არასტაბილურობა ლარს აუცილებლად დაარტყამს, მთავარი კი ნეგატიური მოლოდინი იქნება“, - ამის შესახებ ეკონომიკური ექსპერტი ვახტანგ ჭარაია სოციალურ ქსელში წერს.

დავით ზალკალიანი ნატოს მინისტერიალის ფარგლებში ბრიუსელს ეწვევა

საქართველოს საგარეო საქმეთა მინისტრი, დავით ზალკალიანი ბრიუსელს ეწვევა, სადაც 20 ნოემბერს, ბრიუსელში დაგეგმილ ნატო-ს საგარეო საქმეთა მინისტერიალის ფარგლებში, ნატო-ს გენერალური მდივნის მოადგილესთან, მირჩა ჯოანთან, ასევე ნატოს წევრი ქვეყნების საგარეო საქმეთა მინისტრებთან შეხვედრებს გამართავს.

ფრანკფურტში საქართველოს გენერალური კონსული ჩრ. რაინი- ვესტფალიის პარლამენტის პრეზიდენტს შეხვდა

ქ. მაინის ფრანკფურტში საქართველოს გენერალური კონსული, ლევან დიასამიძე სამუშაო ვიზიტით იმყოფებოდა ჩრ. რაინი-ვესტფალიის ფედერალურ მიწაზე, სადაც შეხვედრა გამართა ჩრ. რაინი- ვესტფალიის პარლამენტის პრეზიდენტთან, ანდრე კუპერთან.

ანდრია გვიდიანი: არაცივილური და არანორმალური პოლიტიკური პროცესი, რაც რუსთაველზე ვნახეთ, ნეგატიურად აისახება ეკონომიკაზე

ექსპერტი ეკონომიკის საკითხებში ანდრია გვიდიანი რუსთაველის გამზირზე მომდინარე მოვლენების ეკონომიკაზე ნეგატიური ზეგავლენის მოხდენის თაობაზე საუბრობს.

გურჯაანის მერიის ეზოში ელექტრომომარაგების კარადა აფეთქდა

გურჯაანის მუნიციპალიტეტის მერიის ეზოში ელექტრომომარაგების კარადა აფეთქდა.