„საქართველო ისეთივე დაზარალებულია რუსეთისგან, როგორც უკრაინა, ჩვენ არანაკლები ტკივილი გადავიტანეთ 2008 წელს“, - ამის შესახებ კონფლიქტოლოგმა პაატა ზაქარეიშვილმა „ტვ პირველის“ ეთერში  ჩართვისას განაცხადა. კონფლიქტოლოგის თქმით, ევროპამ დაინახა, რომ  ქართველებისთვის რუსეთი მიუღებელია.  „ბრძოლა გრძელდება, „ქართული ოცნება“ ასე არ დათმობს სიტუაციას. მორიგ ვერაგობას მოიფიქრებენ. ძალიან ფრთხილად უნდა ვიყოთ. ევროპამ დაინახა, რომ ქართველი ხალხისთვის, განსაკუთრებით ახალგაზრდებისთვის მიუღებელია რუსეთი. შეიძლება მოგვცენ ეს სანუკვარი კანდიდატის სტატუსი. ევროკავშირის დროშა სისხლით არ არის შეღებილი. ასე თავგამოდებით ვიღაც იცავდეს ევროკავშირის დროშას, ეს ძალიან იშვიათი მოვლენაა. ასე თავგანწირვით არავის დაუცავს ევროკავშირის დროშა“, - აცხადებს პაატა ზაქარეიშვილი.  კონფლიქტოლოგის განცხადებით, საქართველო ისეთივე დაზარალებულია რუსეთისგან, როგორც უკრაინა.  „პროპაგანდა, რაც რუსეთიდან მოდის აჩვენებს ერთ რამეს - რუსეთისთვის ცალკეა უკრაინა და ცალკეა - საქართველო, ანუ უკრაინაში მარცხი  ავტომატურად არ გამოიწვევს მარცხს საქართველოში. თუ უკრაინაში განიცადა ფიასკო, საქართველო მაინც შეინარჩუნოს. ჩვენ ვერ მოვახერხეთ მსოფლიოსთვის გვეჩვენებინა რომ საქართველო ისეთივე დაზარალებულია რუსეთისგან, როგორც უკრაინა ზარალდება დღეს. ჩვენ არანაკლები ტკივილი გადავიტანეთ 2008 წელს. რუსეთი არ ასრულებს  შეთანხმების მეხუთე პუნქტს, ჯარები არ გაჰყავს საქართველოდან. „ქართული ოცნება“ მზად არის უკრაინაში მიზნების არ მიღწევის შემდეგ რუსეთს საქართველო მაინც დაუტოვოს. არის მოსაზრება რომ საქართველო 2 სკამზე ზის. ერთი სკამი - რუსულია, მეორე - ევროპული, არა, მარტო ერთ სკამზე ზის და ეს სკამია - რუსული“, - აღნიშნავს ზაქარეიშვილი. პაატა ზაქარეიშვილი შინაგან საქმეთა ყოფილი მინისტრის ვანო მერაბიშვილის განცხადებასაც გამოეხმაურა.კონფლიქტოლოგი მერაბიშვილის განცხადებას საგანგაშოს უწოდებს. მისი თქმით, ახლა ვადამდელი არჩევნების დრო არ არის. კონფლიქტოლოგი რუსეთის ფედერაციის განცხადებებსაც გამოეხმაურა და აღნიშნა, რომ  არანაირი ლეგიტიმაცია ომის წამოწყების არ არსებობს. „ახლა არ არის დრო ვადამდელი არჩევნების. ჩვენ გვჭირდება ევროკავშირის  კანდიდატის სტატუსი. უნდოდათ გამჭვირვალობა, უნდა მიიღონ გამჭვირვალობა, ფეხდაფეხ უნდა ვდიოთ „ოცნებას“. საჭიროა მეტი აქტიურობა, არ უნდა მოვასვენოთ ეს ხალხი. ძალიან დიდი შეცდომა დაუშვა მერაბიშვილმა, როცა გააკეთა განცხადება, თითქოს ამ ხალხით ცდილობს ხელისუფლების გაშვებას. ეს  იყო საგანგაშო განცხადება. იმის ნაცვლად, ილაპარაკოს 12 პუნქტის შესრულებაზე და ევროკავშირში შესვლაზე, ის უცებ ლაპარაკობს ხელისუფლების გადადგომაზე. ახალგაზრდებს უნდათ ევროპა და ევროპული ღირებულებები, მათ უნდა შევთავაზოთ ახალი კონცეფცია.  „ოცნება“ სამოქალაქო სექტორის დისკრედიტაციას დაიწყებს. უნდა შევუცვალოთ „ოცნებას“ დღის წესრიგი და ჩვენი დღის წესრიგით  უნდა ვიმუშაოთ. არანაირი ლეგიტიმაცია ომის წამოწყების არ არსებობს, დანარჩენი ყველაფერი არის - ბლეფი. არ უნდა წამოვეგოთ რუსეთის პროვოკაციას“, - დასძენს კონფლიქტოლოგი.  შეგახსენებთ, საქართველოს ყოფილმა შს მინისტრმა ვანო მერაბიშვილმა განაცხადა, რომ მასობრივი საპროტესტო აქციების დაწყებას აპირებენ, ასევე, მათი მთავარი მიზანია, მთავრობის შეცვლა. საქართველოში 7-8 მარტს განვითარებულ პროცესებს გამოეხმაურა, ასევე, კრემლის პროპაგანდისტი მარგარიტა სიმონიანი და აღნიშნა, რომ „ომის გამეორების შემთხვევაში, თბილისს ლოლიალობის გარეშე, პირდაპირ დაარტყამენ“.  საქართველოში განვითარებულ მოვლენებს გამოეხმაურა დმიტრი პესკოვიც და განაცხადა, რომ მოსკოვი მეზობელ ქვეყანაში არსებულ ვითარებას თვალს ყურადღებით ადევნებს. მისი თქმით, საქართველოს მხრიდან აფხაზეთისა და ცხინვალის მიმართულებით პროვოკაციების რისკი არსებობს. აგრეთვე წაიკითხეთ: 👉 პროვოკაცია, რომელიც ბიძინას და „ოცნების“ წისქვილზე ასხამს წყალს - ხაზარაძე მერაბიშვილის განცხადებაზე 👉 საქართველოს ახალი მთავრობა რუსეთის წინააღმდეგ იომებს - ვანო მერაბიშვილი 👉 ძალიან მძიმე მდგომარეობაშია, მინიმალურს ჭამს - გიული ალასანია სააკაშვილზე 👉 ვაპირებთ, დავიწყოთ მასობრივი საპროტესტო აქციები, ჩვენი მთავარი მიზანია მთავრობის შეცვლა - ვანო მერაბიშვილი 👉 მრცხვენია, რომ საქართველო არ მონაწილეობს და არ არის უკრაინის გვერდით ამ ომში - ვანო მერაბიშვილი

„კრიზისი გადალახულია, ახალგაზრდობა ჩვენზე უკეთ არის მზად იმისათვის რომ გადაიბაროს ძალაუფლება და საერთოდ გახდეს პოლიტიკური სივრცის ნამდვილი ლიდერი“, - ამის  შესახებ ექსპერტმა პოლიტიკის საკითხებში გია ხუხაშვილმა განაცხადა. ექსპერტის თქმით, ქვეყანაში მიმდინარე მოვლენებმა გამოაცოცხლა პოლიტიკური პროცესი და გააღვიძა  ახალგაზრდობა.მისი თქმით, ახალგაზრდობამ უფროს თაობას მომავლის იმედი გაუჩინა. „კრიზისი გადალახულია, ქვეყანა დაბრუნდა ნორმალური, ცივილიზებული ევროპისკენ მიმავალ გზაზე. კრიზისები, რა თქმა უნდა, ცუდია, ისინი დრამატიზმით არის აღსავსე, მაგრამ ამასთანავე, უნდა გვესმოდეს, ზუსტად კრიზისები იძლევა გარკვეულ შესაძლებლობებს, გარკვეული სარკმელი იხსნება იმისათვის, რომ ნახტომი გააკეთოს საზოგადოებამ განვითარებისკენ. „ხალხის ძალამ“ და მთლიანად ხელისუფლებამ საზოგადოებას სერიოზული სამსახური გაუწია იმიტომ, რომ ფრონტის ხაზი გახდა ძალიან გამჭვირვალე, გასაგები, მორალური სიცხადე შემოვიდა ჩვენ ცხოვრებაში, რამაც გამოაცოცხლა პოლიტიკური პროცესი, გააღვიძა ჩვენი ახალგაზრდობა.ახალგაზრდობა ჩვენზე უკეთ არის მზად იმისათვის, რომ გადაიბაროს ძალაუფლება და საერთოდ გახდეს პოლიტიკური სივრცის ნამდვილი ლიდერი. მათ ნამდვილად გვანახეს, როგორ არის საჭირო სიბნელესთან ბრძოლა. შედეგი დაიდო, უფროს თაობას გაგვიჩნდა იმედი, რომ ყველაფერი კარგად იქნება. მათ უნდა გავუხსნათ სივრცე აქტიურობისთვის. საქართველოს აწმყო და მომავალი მათია და ვფიქრობ, ისინი ძალიან ღირსეულად გადაიბარებენ ამ დროშას“, - აცხადებს გია ხუხაშვილი.ექსპერტი პოლიტიკის საკითხებში, ასევე, აცხადებს, რომ საქართველოში პარლამენტარები არ არსებობენ. მისი თქმით, ქვეყანაში დამყარდება ნამდვილი ევროპული დემოკრატია.„გარდა ამისა, ამ კრიზისმა აჩვენა რა ხდება პარლამენტში რეალურად. პარლამენტარები არ არსებობენ ფაქტობრივად, მათ ისე მიაღებინეს ეს კანონი, საერთოდ წაკითხულიც  არ ჰქონდათ, უბრალოდ მათ ეუბნებიან რომელ ღილაკს დააჭირონ ხელი. 2-3 დღის შემდეგ მათ მოუწიათ ამის წინააღმდეგ ხმის მიცემა. ეს მეტყველებს არაჯანსაღ მმართველობით სისტემაზე. ასე თანამედროვე ქვეყნები არ იმართება. ჩვენი  საზოგადოება, პირველ რიგში, ახალგაზრდების წინა ხაზზე გაშვებით ამ ყველაფერს ბოლოს მოუღებს და ჩვენს ქვეყანაში დამყარდება ნამდვილი ევროპული დემოკრატია, რომელიც ეფუძნება ინსტიტუტებს და არა პიროვნებებს“, - დასძენს ექსპერტი პოლიტიკის საკითხებში. აგრეთვე წაიკითხეთ: 👉 ხომ მოხვდათ ის თვითმიზანი ცხვირში! საქართველო აღარ გახდება რუსეთი - ალეკო ელისაშვილი 👉 მოხარული ვართ, რომ კანონი გაწვეულია, საჭიროა მეტი რეფორმა - ჯონ კირბი 👉 „ვანო მერაბიშვილი და ეს დინოზავრები, წარსულის პოლიტიკური გადმონაშთები, ახლაც ხელებს იფშვნეტენ - მათ ჰგონიათ, რომ ეს ხალხი თვითონ გამოიყვანეს“ - ელისაშვილი 👉 სწავლას რომ მორჩებით, მერე განახებენ სეირს, უფრო მეტი უნდა ვიყოთ აქციაზე - იაგო ხვიჩია 👉 როგორც ჩანს, „ქართულ ოცნებას“ მართლაც შეეშინდა სტუდენტების - რაქვიაშვილი სავალდებულო ჯარზე

პოლიტიკურ საკითხებში ექსპერტმა პაატა ზაქარეიშვილმა ტვ „პირველის“ ეთერში ე.წ. აგენტების კანონთან დაკავშირებით ქვეყანაში განვითარებულ პროცესებსა და ამ კონტექსტში მმართველი ძალის მიერ გადადგმულ ნაბიჯზე ისაუბრა. „აშკარად ჩანს, რუსეთი გრძნობს, რომ ვერ აღწევს იმას, რაც უკრაინაში დაგეგმა. არის დიდი მცდარი მოსაზრება და მითი, რომ თუ უკრაინა იმარჯვებს, ავტომატურად იმარჯვებს საქართველო. ეს ასე არ არის, რუსეთი აშკარად ცდილობს, რომ ცალკე ოთახში ჰქონდეს მოთავსებული უკრაინა, ცალკე ოთახში კავკასია და საქართველო კავკასიის კონტექსტში მოიაზრება, ბუნებრივია, ამ ცალკე ოთახში ცალკე ოთახი ჰქონდეს საქართველო. უკრაინა რომც დაკარგოს რუსეთმა, ის განაგრძობს ბრძოლას საქართველოსთვის, ამიტომ ნუ ვიქნებით მოდუნებული და ნუ ჩავთვლით, რომ ყველაფერი მხოლოდ უკრაინაში წყდება. ბევრი რამე ნამდვილად წყდება უკრაინაში, მაგრამ თუ ჩვენ ხელი არ გავანძრიეთ და კარგია რომ ხელი გავანძრიეთ. ამიტომ, რუსეთი დღეს შეშფოთებულია. აშკარად ჩანს, რომ  დასავლური ღირებულების ინსტიტუტების მოსპობის გეგმა ჩაუვარდა. რუსეთმა კარგად იცის, რომ საქართველოში პოპულარული არ არის. წარმოუდგენელია რუსეთის დროშების ფრიალი. რუსეთს სჭირდება, რომ საქართველო ანტიდასავლური იყოს და ეს პროექტი უვარდება“, - აცხადებს პაატა ზაქარეიშვილი. ზაქარეიშვილის თქმით, საზოგადოებამ ახალი თაობის დაბადება იხილა. ამასთან, ზაქარეიშვილი ხაზგასმით აღნიშნავს, რომ მმართველი ძალის ნდობა არ შეიძლება.„ჩვენ ვიხილეთ ახალი თაობის დაბადება. უდიდესი მადლობა ახალ თაობას. ეს იყო უბრწყინვალესი გამარჯვება.  უცებ სულ სხვა საქართველო ამოიზარდა მათ თვალწინ, ისინი მზად არ იყვნენ. ისინი მიხვდნენ, რომ ძალიან შეტოპეს, ეს არის ნებისმიერი ავტოკრატიული მმართველობის პრობლემა. მადლობა ახალგაზრდებს, სიტყვები არ მყოფის ეს აღტაცება რომ გამოვხატო, მაგრამ ეიფორიაში არ უნდა ჩავარდნენ, ამის იმედი აქვს დღეს „ქართულ ოცნებას“, რომ გაწელავს დროს, გადააგორებს, წარმატების განცდას შეგვიქმნის და ამ დროს სხვა ფორმით გარეწრული ნაბიჯების გადადგმას მოახერხებს.„ქართული ოცნების“ ნდობა არ შეიძლება არანაირად და ამიტომ საჭიროა საქმის ბოლომდე მიყვანა, ევროკავშირის კანდიდატის სტატუსის მიღებამდე და შემდეგაც, რა თქმა უნდა. იმედია, ეს არჩევნებამდე მოხდება და შემდეგ არჩევნებში უნდა იყოს ძალიან სერიოზული წარმატება“, - აცხადებს პაატა ზაქარეიშვილი.  ცნობისთვის, პროტესტის შემდეგ, „ქართულმა ოცნებამ“ პარლამენტიდან „ხალხის ძალის“ კანონპროექტი გაიწვია. პარლამენტთან  19:00 საათზე აქცია გაიმართება. აგრეთვე წაიკითხეთ: 👉 კანონპროექტის გაწვევის შესახებ განცხადება კარგია, მაგრამ კონკრეტული სამართლებრივი ნაბიჯებია საჭირო - ბორელი ე.წ. აგენტების კანონზე 👉 გიორგი ვაშაძე „ოცნების“ საქმეს ემსახურება - ნათია მეზვრიშვილი 👉 „აგენტების შესახებ კანონს“ მეორე მოსმენაზე ჩავაგდებთ“ - მამუკა მდინარაძე 👉 კრემლი საქართველოში მიმდინარე პროცესებით შეშფოთებულია - პესკოვი 👉 მოღალატეები და რუსები დარჩნენ მოღალატეებად და რუსებად - ელენე ხოშტარია

„ხალხის ძალის“ კანონი აბსოლუტურად - ანტიდასავლურია. იმედი მაქვს, „ქართულ ოცნებაშიც“ კი ძალიან ბევრი ადამიანი გამოფხიზლდება და ამ უფსკრულისკენ აღარ უბიძგებს ქვეყანას“, - ამის შესახებ ექსპერტმა პოლიტიკის საკითხებში გია ხუხაშვილმა განაცხადა. ექსპერტის თქმით, „ხალხის ძალის“ კანონპროექტის მიღების შემდეგ საქართველოსთვის ევროკავშირის კარები დაიკეტება. ხუხაშვილის განცხადებით, ცინიკურია ხელისუფლების განცხადებები, თითქოს ღირსეულად შევლენ ევროკავშირში.„ის, რაც დღეს ხდება, სამწუხაროდ, არის ერთ-ერთი ყველაზე დრამატული პროცესი საქართველოს ისტორიაში. განა იმიტომ, რომ ჩხუბი და დაპირისპირება არ ყოფილა, უფრო მეტიც, სამოქალაქო ომიც კი გავიარეთ, მაგრამ ამის მიუხედავად არასოდეს არ დამდგარა ეჭვქვეშ საქართველოს გრძელვადიანი განვითარების ვექტორი, რომელიც ყოველთვის მიმართული იყო ევროპისკენ, ევროატლანტიკური სივრცისკენ და დღეს მივიღეთ მოცემულობა, როდესაც აქ დაისვა სერიოზული კითხვის ნიშანი. საქმე ამ კონკრეტულ კანონში არ გახლავთ, საქმე გახლავთ იმაში რომ ის სამყარო, რომლისკენაც მივისწრაფვით, გვეუბნება, თუ აღნიშნული კანონი იქნა მიღებული, ამ შემთხვევაში ჩვენ ამ გზაზე დაგვეწყება სერიოზული შეფერხებები, სერიოზული კითხვის ნიშანი დაისმება და მაღალი ალბათობით, შესაძლოა, ეს გზა საერთოდ გადაიკეტოს.სრულ აბსურდამდე დაიყვანა „ქართულმა ოცნებამ“ მზაკვრული ტექნოლოგიებით მთელი ეს დისკუსია, ისინი ოპონენტებს აბრალებენ, რომ ისინი არიან მოღალატეები და უსამშობლოები. რაც ყველაზე ცინიკურია, გზადაგზა აცხადებენ, ღირსეულად შევლენ ევროკავშირში მაშინ, როდესაც ყველა ევროპული ქვეყანა გეუბნება, რომ თუ ამ ნაბიჯს გადადგამ ამ კანონთან დაკავშირებით, კარები ევროკავშირში ჩაიკეტება. საფრთხეების გადაფარვა ხდება ამ ემოციური ფასადური ტალღით. ევროკავშირი არ გვეხვეწება წევრობას, ეს კანონი {ხალხის ძალის} აბსოლუტურად - ანტიდასავლურია. იმედი მაქვს, „ქართულ ოცნებაშიც“ კი ძალიან ბევრი ადამიანი გამოფხიზლდება და ამ უფსკრულისკენ აღარ უბიძგებს ქვეყანას“, - აცხადებს გია ხუხაშვილი.  აგრეთვე წაიკითხეთ: 👉 უკიდურესად საზიანო იქნება ევროინტეგრაციის გზისთვის - ზურაბიშვილი გაეროში „ხალხის ძალის“ კანონზე 👉 „ქვეყნის ევროატლანტიკური ინტერესი უბრალოდ აღარ არსებობს, მარტო ჩვენგან ხედავთ პროტესტს ამ ყველაფერზე?“ - დეკანოიძე 👉 პოლიტიკური პროცესის მართვა უკვე მთლიანად გადაიბარეს რუსულმა სპეცსამსახურებმა, ბიძინაც აღარ არსებობს - გია ხუხაშვილი 👉 გასამხედროებული წესია პარლამენტში, დემოკრატიულ კანონებს, პარლამენტი ხალხისგან არ იცავს - ანა ნაცვლიშვილი 👉 „მე და შენში მოღალატის დედა მოვ**ან“ - ყაველაშვილი ვაშაძეს

„ოცნებას“ სჭირდება, მოსპოს და გაანადგუროს ყოველგვარი სიმპათიები დასავლური ინსტიტუტების მიმართ, უნდათ ფეოდალური მმართველობა შექმნან“, - ამის შესახებ კონფლიქტოლოგმა პაატა ზაქარეიშვილმა „პალიტრას“ ეთერში განაცხადა. ზაქარეიშვილი აცხადებს, რომ საქართველოს ხელისუფლება ქვეყნის ინტერესებს სწირავს.მისი თქმით, ხელისუფლების წარმომადგენლებს უნდათ ფეოდალური მმართველობა შექმნან! პატრიოტიზმი, კონსტიტუცია მათთვის სასაცილოა.„ქართულ ოცნება“ მართლაც შედის ავტორიტარიზმში, სხვა რა დარჩენია მას, არაფერი. როდესაც, მმართველ ძალას და რეჟიმს აქვს რესურსები ფსევდოდემოკრატიით მართოს სისტემა, ურჩევნია ყურადღება მოადუნოს, ვითომ დემოკრატიით მიაღწიოს წარმატებას.ვინაიდან, დღევანდელ „ქართულ ოცნებას“ არაფერი აქვს შესათავაზებელი საზოგადოებისთვის, ამიტომ ეპოტინება წარსულს. მას სჭირდება რაღაც შესთავაზოს საზოგადოებას, არა დღევანდელი დღისა. მას ამომრჩეველთან მუშაობა სჭირდება. არჩევნებში გამარჯვება მხოლოდ შეუძლიათ პროდასავლური ღირებულების განადგურებით.„ქართულ ოცნებას“ სჭირდება, რომ მოსპოს და გაანადგუროს ყოველგვარი სიმპათიები დასავლური ინსტიტუტების მიმართ. მთავარი ამოცანაა მტრის ხატის შექმნა დასავლეთის სახით. ხალხი უნდა გამოვიდეს ქუჩაში. საქართველოს ხელისუფლება ქვეყნის ინტერესებს სწირავს, „ფეხებზე ჰკიდიათ“ ქვეყანა. ცნება ქვეყანა არ არსებობს, სახელმწიფოს არ ახსენებენ. სახელმწიფოს ნაცვლად ახსენებენ იმპერიულ ტერმინს - სამშობლოს. მუდმივად ცდილობენ, რომ ჩვენ დაგვაკარგინონ მთავარი სანუკვარი ამოცანა, სახელმწიფოებრიობა. მათ უნდათ ფეოდალური მმართველობა შექმნან! პატრიოტიზმი, კონსტიტუცია მათთვის სასაცილოა.კონსტიტუციაში უწერიათ ევროკავშირსა და ნატოში გაწევრიანება და რას აკეთებენ?! ეწინააღმდეგებიან. ჩვენი და დასავლეთის შეცდომაა, რომ ჩვენ მათ აღვიქვამთ, როგორც ვითომდა სახელმწიფოზე მზრუნველებად. პარლამენტი პარლამენტი არ არის, პროკურატურა პროკურატურა არ არის. ივანიშვილი ადრე იყო დემოკრატიის მხარეს. დღეს დროა რუსეთის დამარცხების, ყველა უნდა გადავიდეთ სინათლის მხარეს“, - აცხადებს  პაატა ზაქარეიშვილი.  აგრეთვე წაიკითხეთ: 🔹 „ოცნებამ“ დაინახა, რომ ქვეყანას სტატუსის მიღების შანსი აქვს და სპეციალურად იღებენ ამ კანონს, ცდილობენ ეს პროცესი ააფეთქონ“ - გახარია 🔹 „ჩვენ საქართველოს მიმართ ყურადღება მოვადუნეთ“ - კონდოლიზა რაისი 🔹 პატიმრობა არ უნდა ნიშნავდეს სასიკვდილო განაჩენს, ხელისუფლებამ უნდა განიხილოს სამედიცინო მიზნით გათავისუფლება - Amnesty International, HRW მიხეილ სააკაშვილზე 🔹 შენი პატიმრობა არის პოლიტიკური მოტივებით ნაკარნახევი, ჩემი იმედი უნდა გქონდეს - იოსელიანი ნიკა გვარამიას 🔹 ეს კანონი არის მავნებლობა და არ მგონია, საღ აზრზე მყოფმა ადამიანმა მხარი დაუჭიროს - რაქვიაშვილი „ხალხის ძალის“ კანონზე

უპილოტო საფრენი აპარატების მასირებული შეტევა რუსეთის რამდენიმე რეგიონზე ამ ტიპის ყველაზე მასშტაბური მოვლენა იყო უკრაინაში რუსეთის სრულმასშტაბიანი შეჭრის დაწყების შემდეგ. ამაზე BBC სტატიას ავრცელებს. სამი დრონი 27 თებერვალს ბელგოროდში ჩამოვარდა. კიდევ ერთი კი ბრიანსკის ოლქის სურაჟის რაიონში. ღამით, უპილოტო აპარატების დარტყმის შედეგად, აფეთქება მოხდა ტუაფსეში ნავთობის საცავში, ხოლო კიდევ ერთი დრონი ადიღეში ჩამოვარდა. 28 თებერვალს დილით გავრცელდა ინფორმაცია, რომ მოსკოვის რეგიონის კოლომენსკის რაიონში გაზის კომპრესორის სადგურთან კიდევ ერთი დრონი ჩამოვარდა.იმავე დღეს ლენინგრადის რეგიონში საჰაერო სივრცე გარკვეული დროით დაკეტილი იყო ამოუცნობი მფრინავი ობიექტის გამო. სხვადასხვა წყაროს ცნობით, სამხედროებმა „საჰაერო მოძრაობის მართვის ერთიან სისტემას“ გადასცეს განგაშის სიგნალი „ხალიჩა“, რაც გულისხმობს რუსეთის საჰაერო საზღვრის გადაკვეთის მცდელობას. ასეთი სიგნალის გადაცემის შემდეგ ყველა სამოქალაქო თვითმფრინავი დაუყოვნებლივ ტოვებს ტერიტორიას ან აეროდრომზე უნდა დაფრინდეს.რუსეთის თავდაცვის სამინისტრომ მოგვიანებით განაცხადა, რომ ატარებდა წვრთნას „სამოქალაქო საჰაერო მოძრაობის კონტროლის ორგანოებთან შეთანხმებული მოქმედების მიზნით“ და რომ ცაში საბრძოლო თვითმფრინავები აფრინდნენ.კიევი ამ ინციდენტებზე არავითარ კომენტარს არ აკეთებს, მაგრამ იმის გათვალისწინებით, რომ უკრაინაში წელიწადზე მეტია მიმდინარეობს სრულმასშტაბიანი ომი, რომლის დროსაც  რუსეთის წინააღმდეგ დრონები აქტიურად გამოიყენება, არსებობს ყველა საფუძველი ვიფიქროთ, რომ ამ დარტყმების უკან უკრაინის ძალები დგანან.გარდა ამისა, გასული წლის დეკემბრის დასაწყისში სარატოვისა და რიაზანის რაიონებში რამდენიმე აეროდრომზე უპილოტო საფრენი აპარატების შეტევა განხორციელდა. რუსეთის თავდაცვის სამინისტრომ შეტევებში უკრაინა დაადანაშაულა და თქვა, რომ მან გამოიყენა ძველი საბჭოთა სადაზვერვო დრონები, რომლებიც მოიერიშე დრონებად გადააკეთა. ერთადერთი ასეთი საფრენი აპარატი, რომელსაც კიევს ამ მიზნების მისაღწევად შეეძლო გამოეყენებინა, ტუ-141 იყო.მსხვერპლის შესახებ არაფერია ცნობილი. ტუაფსეში აფეთქებამ ნგრევა გამოიწვია. გარდა ამისა, ბელგოროდში მრავალსართულიანი შენობები დაზიანდა. ჰქონდა თუ არა ყველა დრონს ასაფეთქებელი ნივთიერებები, დაზუსტებით ცნობილი არ არის.მომზადებული, კოორდინირებული, მასირებული შეტევაამ დარტყმას აქვს რამდენიმე მახასიათებელი, რაც განასხვავებს მას სხვა შეტევებისგანმოსკოვის ოლქამდე დრონი პირველად მიფრინდა. ეს კი ნიშნავს, რომ მოსკოვი, თავისი სამთავრობო შენობებით, კრიტიკული ინფრასტრუქტურით და მოსახლეობით, პოტენციურად, ასევე, შესაძლოა დარტყმის ობიექტი აღმოჩნდეს.მოსკოვის რეგიონში უპილოტო აპარატის ჩამოვარდნა, რა თქმა უნდა, ფსიქოლოგიურ გავლენას მოახდენს მოსკოვისა და რეგიონის მცხოვრებლებზე. ამ დრომდე, როგორც დამკვირვებლები აღნიშნავენ, რუსეთის დედაქალაქში ასობით კილომეტრის დაშორებით მიმდინარე ომი პრაქტიკულად არ იგრძნობოდა.თუმცა, მას შემდეგ, რაც იანვრის ბოლოს მოსკოვში რამდენიმე შენობის სახურავზე საჰაერო თავდაცვის სისტემები დამონტაჟდა, ადგილობრივმა მცხოვრებლებმა სოციალურ ქსელებში აღნიშნეს, რომ ეს ბევრმა შეშფოთებით აღიქვა - ასეთი სისტემები რეალურ საფრთხეზე მიუთითებს. ახლა კი ეს საფრთხე რეალური გახდა - დრონი მოსკოვის რეგიონში აღმოჩნდა.მანძილი უკრაინის საზღვრიდან მოსკოვის რეგიონში დრონის ჩამოვარდნის ადგილამდე 450 კილომეტრზე მეტია. ტუაფსედან უკრაინის ფრონტის ხაზამდე დაახლოებით 420 კილომეტრია, ხოლო ადიღეის სოფელ ნოვიდან - დაახლოებით 380.კიდევ ერთი მნიშვნელოვანი გარემოება არის ის, რომ რამდენიმე დარტყმა მოხდა დაახლოებით ერთსა და იმავე დროს, რამდენიმე საათის სხვაობით. განვითარებული საჰაერო თავდაცვის სისტემის მქონე ქვეყნისთვისაც კი რთულია შეტევის მოგერიება ერთდროულად რამდენიმე მიმართულებიდან.დილიდან რუსეთის რამდენიმე რეგიონში, ადგილობრივი რადიოსადგურები და ტელეარხები ავრცელებდნენ გაფრთხილებას საჰაერო განგაშის შესახებ. მოსახლეობას მედიით სირენების ხმის ფონზე მოუწოდებდნენ - დაუყოვნებლივ გადავიდნენ თავშესაფარში. რუსეთის საგანგებო სიტუაციების სამინისტრომ მოგვიანებით განაცხადა, რომ ეს იყო ჰაკერების მიერ გამაფრთხილებელი სისტემების გატეხვის შედეგი.თუ ეს ასეა, მაშინ ასეთი ქმედება მხოლოდ გაზრდის ფსიქოლოგიურ ეფექტს რუსეთის ტერიტორიის დაუცველობის შესახებ.სხვადასხვა საჰაერო აპარატებიგარდა იმისა, რომ ეს შეტევა მასიური და კოორდინირებული იყო, ის სხვადასხვა საშუალებებით განხორციელდა.ადიღეში დრონის ჩამოვარდნის ადგილიდან მიღებული ფოტოებით თუ ვიმსჯელებთ, მას ტურბორეაქტიული ძრავი აქვს. ტუაფსეში ობიექტზე დარტყმის ვიდეოთი თუ ვიმსჯელებთ, რომელიც სათვალთვალო კამერამ დააფიქსირა, ეს დრონი, ასევე, რეაქტიული ძრავით იყო აღჭურვილი, რომელიც მიწაზე დაცემის მომენტამდე მუშაობდა.თუ ეს დარტყმები განხორციელდა უკრაინის შეიარაღებული ძალების მიერ, მაშინ, სავარაუდოდ, ეს დრონი იყო საბჭოთა Tu-141 უპილოტო აპარატის  გადაკეთებული ვარიანტი. უკრაინამ ისინი უკვე გამოიყენა დეკემბერში სტრატეგიულ აეროდრომებზე შეტევების  დროს.მოსკოვის ოლქში დრონის ჩამოვარდნის ადგილიდან მიღებული ფოტოებით თუ ვიმსჯელებთ, იქ სხვა მოწყობილობა იყო გამოყენებული. ის გარეგნულად წააგავს უკრაინული კომპანია Ukrjet-ის მიერ წარმოებულ UJ-22 Airborne-ს. ეს არის უფრო მცირე ზომის უპილოტო საფრენი აპარატების კლასი.ომში ასეთი დრონები როგორ წესი გამოიყენება დაზვერვის მიზნით, მაგრამ მას ბომბების ან რაკეტების გამოყენებაც შეუძლია. UJ-22-ს შეუძლია მცირე საბრძოლო მასალის გადატანა.ეს არ არის ძალიან დიდი მოწყობილობა: ფრთების სიგრძე მხოლოდ 4,6 მეტრია. შედარებისთვის, მის „თანაკლასელს“ TB-2 Bayraktar-ს ფრთების სიგრძე 12 მეტრი აქვს.UJ-22 Airborne არ არის შექმნილი იმისთვის, რომ იმოქმედოს როგორც კამიკაძე დრონმა, მაგრამ მისი დატვირთვა შეიძლება შეიცვალოს. მას შეუძლია ჰაერში ასწიოს 20 კილოგრამამდე, მაგრამ შესაძლებელია დატვირთვის შემცირება მოქმედების მანძილის გაზრდის მიზნით. ამ მოწყობილობას შეუძლია 100 კილომეტრამდე ფრენა ოპერატორის კონტროლით, ან 800 კილომეტრამდე ავტონომიურ რეჟიმში.კადრებში, რომელიც ბელგოროდის რეგიონშია გადაღებული, ასევე ჩანს დრონი, რომელიც ფორმითა და აღწერილობით ასევე ჰგავს უკრაინულ UJ-22 Airborne-ს.საჰაერო თავდაცვის მუშაობას ართულებს ის ფაქტი, რომ შეტევის  დროს ასეთი განსხვავებული დრონები გამოიყენეს. ფაქტია, რომ თითოეულ ამ მიზანს აქვს საკუთარი მახასიათებლები. Tu-141 არის დიდი ლითონის ობიექტი, რომელიც კარგად ჩანს რადარის ეკრანებზე. მას დაბალ სიმაღლეზე საკმაოდ მაღალი სიჩქარით ფრენა შეუძლია. UJ-22 ბევრად უარესად ჩანს რადარის ეკრანზე - მის დიზაინში გამოყენებულია ნახშირბადი, ხოლო თავად მოწყობილობა, რომელიც საკმაოდ ნელა დაფრინავს დაბალ სიმაღლეზე, ცუდად ჩანს რადარებზე. უკრაინის შეიარაღებულ ძალებსაც შეექმნათ შორი დისტანციური დრონების აღმოჩენის პრობლემა, როდესაც რუსეთმა უკრაინის ტერიტორიის დაბომბვა დაიწყო ირანული წარმოების შაჰედ-136 უპილოტო აპარატებით.ტუაფსეში ხანძრის შესახებ შეტყობინება ღამის ორ საათზე მივიდა. ადიღეის ხელმძღვანელმა განაცხადა, რომ ამ დროს აფეთქებაც სოფელ ნოვის მახლობლად  დაფიქსირდა. ორივე შემთხვევაში, სავარაუდოდ, ტუ-141 გამოიყენეს.ბელგოროდზე შეტევის შესახებ ცნობები წინა ღამით გავრცელდა. როდის ჩამოაგდეს აპარატი ბრაიანკის ოლქში, ამის შესახებ ინფორმაცია არ ვრცელდება. ინციდენტები მოსკოვისა და ლენინგრადის რეგიონებში სამშაბათს დილით დაფიქსირდა.იმ ფაქტმა, რომ ყველა ეს დარტყმა „ტალღისებურად“ განხორციელდა, ასევე შეიძლება გაართულოს საჰაერო თავდაცვის მუშაობა. თუ ნადვილად Tu-141 და UJ-22 გამიყენება მოხდა, მაშინ ისინი რადარის ეკრანზე განსხვავებულად ჩანს და სხვადასხვა სიჩქარით დაფრინავს.რა მოჰყვა დრონების შეტევას?შეტევის ზუსტი მიზანი უცნობი დარჩა. როგორც ჩანს, მხოლოდ ერთმა დრონმა მიაღწია მიზანს - ნავთობის საწყობი ტუაფსეში. მოსკოვის რეგიონში დრონი „გაზპრომის“ ინფრასტრუქტურის სიახლოვეს ჩამოვარდა.დანარჩენები ან საჰაერო თავდაცვის სისტემებმა ან რადიოელექტრონული ბრძოლის ხელსაწყოებმა ჩამოაგდეს, ზოგი დრონი კი სხვა მიზეზით ჩამოვარდა.კერძოდ, გამოითქვა ვერსია, რომ ბელგოროდში დრონები, უბრალოდ,  სანავიგაციო შეცდომების გამო სახლებს შეეჯახნენ. მოსკოვის რეგიონში ჩამოვარდნილ დრონს, სავარაუდოდ, საწვავი ამოეწურა.ამ დარტყმას, პირველ რიგში,  ფსიქოლოგიური ეფექტი აქვს - შეტევებმა აჩვენა, რომ უკრაინას, რუსეთის ტერიტორიის სიღრმეში ობიექტების განადგურების საშუალებები გააჩნია და საჰაერო თავდაცვა ყოველთვის მათ ვერ უმკლავდება.დაბოლოს, არის კიდევ ერთი შედეგი, რომლის მიღწევაც შეიძლებოდა ასეთი შეტევით - ამ რეიდის დროს შესაძლებელი გახდა ინფორმაციის მიღება საჰაერო თავდაცვის სისტემების მუშაობის შესახებ. ეს განსაკუთრებით იმ დრონებს ეხება, რომლებმაც რეიდები ტუაფსესა და ადიღეში განახორციელეს.ისინი შავი ზღვის მახლობლად არის განლაგებული, სადაც დასავლეთის ქვეყნების სადაზვერვო თვითმფრინავები უკრაინაში რუსეთის შეჭრის შემდეგ პატრულირებენ. ამიტომ, ასეთი დარტყმების ერთ-ერთი მიზანი, შესაძლოა, რუსული საჰაერო თავდაცვის სისტემების,  კერძოდ, რადარების ადგილმდებარეობის დადგენა ყოფილიყო. 

„რუსეთს არაფერში არ სჭირდება საქართველოსთან ომი, იმიტომ რომ სხვა მილიონი პრობლემები აქვს. ომის დაწყების საფუძველი არ არსებობს, მას, თუ ომის დაწყება უნდა, საბაბს იპოვის“, - ამის შესახებ კონფლიქტოლოგმა პაატა ზაქარეიშვილმა განაცხადა. კონფლიქტოლოგის თქმით,  დღეს საქართველო უკრაინის გვერდში უნდა იდგეს, რადგან საქართველო არის ერთადერთი გამონაკლისი სახელმწიფო უკრაინასთან ერთად, რომელიც არის ოკუპირებული და სწორედ დაზარალებულია დღევანდელი რუსეთის იმპერიალიზმისგან.პაატა ზაქარეიშვილი, პარლამენტის თავმჯდომარის, შალვა პაპუაშვილის განცხადებას, რომ ისინი ყველაზე მეტს აკეთებენ  უკრაინისთვის, სამარცხვინოს უწოდებს. ამასთან, კონფლიქტოლოგი  შალვა პაპუაშვილს აკრიტიკებს იმის გამო, რომ ომის წლისთავზე ის უკრაინაში არ იმყოფება. „სამწუხაროდ, საქართველოს ხელისუფლება „ქართული ოცნების“ სახით განაგრძობს სიცრუეში მოსახლეობის ყოლას. პარლამენტის თავმჯდომარე გამოვიდა და თქვა, რომ ისინი ყველაზე მეტს აკეთებენ უკრაინისთვის. პირდაპირ ეთერში მოიტყუა იმიტომ, რომ დღეს პაპუაშვილი უნდა ყოფილიყო კიევში და იქიდან უნდა ელაპარაკა.გველაპარაკება საქართველოდან ყველაფერს ვაკეთებთო. როგორ აკეთებს ყველაფერს, როცა წლისთავზე იქ არ ხარ, როცა მთელი მსოფლიო ჩადის, ბაიდენი ჩავიდა მოულოდნელად, ყველა ცდილობს მხარში ამოუდგეს უკრაინას და ის ასეთ სამარცხვინო განცხადებას აკეთებს. აშკარად ჩანს, ის ამ განცხადებას აკეთებს თავის ამომრჩევლისთვის, მიამიტი ხალხისათვის, ვისაც უნდა გაუმყაროს არგუმენტები, თუ რატომ არ დგანან უკრაინის გვერდში. ეს არის, რა თქმა უნდა, ფარისევლობა და ყოვლად გაუგონარი მოვლენა. დასავლეთმა ძალიან კარგად იცის რა ხდება საქართველოში. ეს მესიჯია რუსეთისთვის, ხომ ხედავთ ჩვენ პირნათლად ვასრულებთ ჩვენს პირობას და არ ვართ უკრაინის გვერდით.დღესაა სწორედ დრო, უკრაინის გვერდში ვიყოთ, არა იმიტომ, რომ უკრაინას დავეხმაროთ ეს თავისთავად იგულისხმება, არამედ ჩვენ სახელმწიფოს დავეხმაროთ. საქართველო არის ერთადერთი გამონაკლისი სახელმწიფო უკრაინასთან ერთად, რომელიც არის ოკუპირებული და სწორედ დაზარალებულია დღევანდელი რუსეთის იმპერიალიზმისგან.ჩვენ აი, ამ პუტინის დროინდელმა რუსეთმა დაგვაზარალა უკრაინასთან ერთად და სამარცხვინოა, როდესაც ვამბობთ, ჩვენ ეს ომი არ გვეხება, ჩვენ სწორედ რომ გვეხება და უკრაინის დახმარება ნიშნავს საქართველოს დახმარებას. საქართველო ამ დროს გავიდა გვერდზე. ხელისუფლებას სურს საქართველო დატოვოს რუსეთის ორბიტაზე“, - აცხადებს პაატა ზაქარეიშვილი.კონფლიქტოლოგ პაატა ზაქარეიშვილის განცხადებით, როდესაც დაიწყება პროცესები უკრაინიდან ჯარების გასაყვანად, საქართველოსკენ არავინ გამოიხედავს, რადგან საქართველოს ხელისუფლება არ ლაპარაკობს. მისი თქმით, რუსეთი მარცხდება და და ადრე თუ გვიან უკან დახევა მოუწევს. ამასთან, ზაქარეიშვილი ამბობს, რომ რუსეთს არაფერში სჭირდება საქართველოსთან ომი.„აშკარად ჩანს, რუსეთი თავის მიზნებს ვერ აღწევს, ვერცერთ მიზანს ვერ მიაღწია. რეალურად რუსეთი წინ ვერ მიდის, მარცხდება. ადრე თუ გვიან რუსებს მოუწევთ უკან გადადგმა ნაბიჯისა, მსოფლიოში არავინ არ აპირებს რუსეთს დაუთმოს უკრაინაში გარკვეული პოზიციები. მაშინ როდესაც დადგება მშვიდობის პერიოდი და რუსული და უკრაინული მხარეები მოაწერენ ხელს ცეცხლის შეწყვეტაზე, დაიწყება პროცესები უკრაინიდან ჯარების გასაყვანად და აქ საქართველო აგებს, საქართველოზე ლაპარაკი არ იქნება იმიტომ, რომ საქართველო დღეს არ ლაპარაკობს.მსოფლიოს იმდენად მობეზრებული ექნება ეს ომი, რომ საქართველოსკენ არავინ გამოიხედავს, რატომ? ქართული მთავრობა არ ლაპარაკობს ამაზე. ჩვენ არ მოგვცეს ევროკავშირის სტატუსი, ჩვენ დაგვტოვეს გვერდზე, რატომ? ჩვენ არ შევასრულეთ პირობები, რომელსაც ასრულებდა მოლდოვა და კიევი. ყველაფერი  გავაკეთეთ, სტატუსი არ მოეცათ. რუსეთს, თუ ომის დაწყება უნდა საბაბს იპოვის. რუსეთს არაფერში არ სჭირდება საქართველოსთან ომი იმიტომ, რომ სხვა მილიონი პრობლემები აქვს. ომის დაწყების საფუძველი არ არსებობს“, - დასძენს კონფლიქტოლოგი პაატა ზაქარეიშვილი.  აგრეთვე წაიკითხეთ: 👉 საქართველოს მოსახლეობის ძალიან დიდი ნაწილი მზად არის პირველივე შემოყვირებაზე დანებდეს რუსეთს - გია ხუხაშვილი 👉 მიშას და ბიძინას დაპირისპირებამ გადაიყოლა ეს ქვეყანა, ბიძინა და მიშაა ეს ქვეყანა?! - გია ხუხაშვილი 👉 შეიძლება დადგეს პრეზიდენტის სიკვდილი, მართლა სანამ კუბოში არ ჩაწვება, მანამდე იძახებენ, რომ სიმულანტი არისო, ხომ?! - გიორგი ჩალაძე 👉 ამ იდიოტებს ჰგონიათ, საზოგადოებას დააჯერებენ, მიხეილ სააკაშვილი ჩამოვიდა საქართველოში „ვივამედში“ რომ დაესრულებინა სიცოცხლე - ეკა ხერხეულიძე 👉 ახლა სააკაშვილის კი არა, კობახიძის ჯანმრთელობაა მთავარი საზრუნავი - გია ხუხაშვილი

„მიშას და ბიძინას დაპირისპირებამ გადაიყოლა ეს ქვეყანა“, - ამის შესახებ ექსპერტმა პოლიტიკის საკითხებში გია ხუხაშვილმა „პალიტრანიუსის“ ეთერში ჩართვისას განაცხადა. ხუხაშვილის თქმით, მიშა-ბიძინას დაპირისპირება მხოლოდ და მხოლოდ სიძულვილზე დგას.გია ხუხაშვილის განცხადებით, მიხეილ სააკაშვილმა და ბიძინა ივანიშვილმა მომავლის არჩევანი ჩაუკეტეს ქვეყანა.„ამ მიშას და ბიძინას დაპირისპირებამ გადაიყოლა ეს ქვეყანა. მიშა ღმერთმა დიდხანს აცოცხლოს და ჯანმრთელი უნდა იყოს, რა თქმა უნდა, მაგრამ ბიძინა და მიშაა ეს ქვეყანა?!საზოგადოების გარეშე პოლიტიკოსები არ არსებობენ, მთავარია საზოგადოება შერიგდეს და შერიგება კომპრომისის საფუძველზე ხდება და სად არის ეს კომპრომისი?! ეს კომპრომისი იქ არის რომ, ორივეს უარი უნდა ვუთხრათ, ეს მიშა-ბიძინას დაპირისპირება მხოლოდ და მხოლოდ სიძულვილზე დგას, წარსულსა და აწმყოს შორის მიდის დაპირისპირება, ხერგავს ეს ყველაფერი მომავლისკენ მიმავალ გზას. ადამიანებს სულ სხვა პრობლემები აწუხებთ, სულ სხვა პრობლემები უნდათ იყოს პოლიტიკური დღის წესრიგში. ამ ადამიანებმა ჩაკეტეს, მომავლის არჩევანი ჩაუკეტეს ქვეყანას და ეს გრძელდება უსასრულოდ, არ მთავრდება და არ მთავრდება. ამიტომ საზოგადოებას ვეუბნები, ორივეს უარი უნდა ვუთხრათ. რა თქმა უნდა, მიშა უნდა გაუშვან, წავიდეს და თავის ჯანმრთელობას მიხედოს, ბიძინაც უნდა ჩაირეცხოს პოლიტიკურად ერთხელ და სამუდამოდ. წარსულიც მანკიერი გვქონდა, აწმყოც მანკიერი გვაქვს, ჩვენ გვინდა უკეთესი მომავალი“, - აცხადებს ექსპერტი პოლიტიკის საკითხებში.  აგრეთვე წაიკითხეთ: 👉 საქართველოს მოსახლეობის ძალიან დიდი ნაწილი მზად არის პირველივე შემოყვირებაზე დანებდეს რუსეთს - გია ხუხაშვილი 👉 შეიძლება დადგეს პრეზიდენტის სიკვდილი, მართლა სანამ კუბოში არ ჩაწვება, მანამდე იძახებენ, რომ სიმულანტი არისო, ხომ?! - გიორგი ჩალაძე 👉 ამ იდიოტებს ჰგონიათ, საზოგადოებას დააჯერებენ, მიხეილ სააკაშვილი ჩამოვიდა საქართველოში „ვივამედში“ რომ დაესრულებინა სიცოცხლე - ეკა ხერხეულიძე 👉„შიში აქვთ, რომ დაიწყება შეუქცევადი პროცესი, ცდილობენ დანაშაული აიცილონ“ - გიული ალასანია 👉 „კორუმპირებულები მოიკითხონ თავისკენ“ - გიული ალასანია კობახიძეს

„ჩვენი ხელისუფლება ცნობილი გზავნილით „ომი გინდათ“ ფაქტობრივად ახერხებს იმას, რომ საქართველოს მოსახლეობის ძალიან დიდი ნაწილი მზად არის, პირველივე შემოყვირებაზე დანებდეს რუსეთს“, - ამის შესახებ ექსპერტმა პოლიტიკის საკითხებში, გია ხუხაშვილმა განაცხადა. ხუხაშვილის თქმით, დღეს რუსეთის იმპერია საქართველოსთან მიმართებით რბილი ძალის მეშვეობით სერიოზულ წარმატებას აღწევს.ექსპერტის ცნობით, უძრავი ქონების უმეტეს ნაწილს დღეს რუსეთის ფედერაციის მოქალაქეები ფლობენ. „იმპერიები სანამ პირდაპირ აგრესიაზე გადავლენ ამა თუ იმ ქვეყნის ოკუპაციის მიზნით, ისინი თავიდან მოქმედებენ ე.წ. რბილი ძალის მეშვეობით, ეს გახლავთ დემოგრაფიული ექსპანსია, საინფორმაციო, კულტურული, ეკონომიკური და თუ ეს ყველაფერი შედეგს არ იძლევა, მხოლოდ ამის შემდეგ იწყებენ ისინი პირდაპირ აგრესიას და ამის სამოდელო ქვეყანა გახდა უკრაინა. სანამ უკრაინაში ომი დაიწყებოდა, ყველას გვახსოვს, თუ რა მეთოდებით ცდილობდა რუსეთი უკრაინის გაკონტროლებას. როდესაც რუსეთმა დაინახა, რომ მისი მეთოდები არ იყო ეფექტური, ამის შემდეგ გადავიდნენ ბოლო სტადიაზე ანუ პირდაპირ აგრესიაზე.საქართველოსთან მიმართებით რბილ ძალას ისინი, რა თქმა უნდა, ყოველთვის იყენებდნენ ამა თუ იმ წარმატებით, როდესაც დაინახეს, საქართველოს ხელისუფლებას ძალიან ხისტი პოზიცია ჰქონდა და ფაქტობრივად, ის ბლოკავდა ყველაფერ ამას, მხოლოდ ამის შემდეგ დაიწყო პირდაპირი აგრესია, რასაც მოჰყვა 2008 წლის ომი საქართველოსა და რუსეთს შორის.დღევანდელ მოცემულობაში ვხედავთ, ცხელი ომი არ არის, ხელისუფლება ამით ძალიან ამაყობს, მაგრამ სერიოზულ წარმატებას აღწევს რუსეთის იმპერია საქართველოსთან მიმართებით რბილი ძალით, პრაქტიკულად ყველა მიმართულებით, ეს არის  - კულტურული ექსპანსია, საინფორმაციო ექსპანსია, ხელისუფლების პოლიტიკის კორექცია მათთვის სასარგებლო მიმართულებით.რუსეთს არ აქვს მიზნად, ჩვენ გვიყვარდეს, მაგრამ თუ შიში რუსეთის უძლეველობის მიმართ საქართველოში ძალიან მყარად გაიდგამს ფესვებს, ეს მათთვის აბსოლუტურად დამაკმაყოფილებელი შედეგია და სამწუხაროდ, ჩვენი ხელისუფლება ცნობილი გზავნილით - „ომი გინდათ“ - ფაქტობრივად ახერხებს იმას, რომ საქართველოს მოსახლეობის ძალიან დიდი ნაწილი მზად არის, პირველივე შემოყვირებაზე დანებდეს რუსეთს“, - აცხადებს გია ხუხაშვილი.  აგრეთვე წაიკითხეთ: 👉 ამ იდიოტებს ჰგონიათ, საზოგადოებას დააჯერებენ, მიხეილ სააკაშვილი ჩამოვიდა საქართველოში „ვივამედში“ რომ დაესრულებინა სიცოცხლე - ეკა ხერხეულიძე 👉„შიში აქვთ, რომ დაიწყება შეუქცევადი პროცესი, ცდილობენ დანაშაული აიცილონ“ - გიული ალასანია 👉 „ვერც ივანიშვილი გაიპარება უკანა კარებიდან და ვერც თქვენ გაიშვერთ ხელს ბიძინა ივანიშვილის მიმართულებით, რადგან ყველას პასუხისმგებლობა იქნება პერსონალიზებული“ - გახარია „ოცნებაში“ დარჩენილებს 👉 „კორუმპირებულები მოიკითხონ თავისკენ“ - გიული ალასანია კობახიძეს 👉 ევროპულ ღირებულებებს ამ ქვეყანაში კლავდნენ და ღუდუშაური აშშ ისვენებდეს, სად მოსულა - ანი წითლიძე

კონფლიქტოლოგი პაატა ზაქარეიშვილი ახალი ამბების სააგენტო Pia.ge-სთან მინსკში ბელარუსის თვითგამოცხადებული პრეზიდენტის ალექსანდრ ლუკაშენკოს და ოკუპირებული აფხაზეთის დე ფაქტო პრეზიდენტის ასლან ბჟანიას შეხვედრასა და მათ მიერ განხილულ საკითხებს გამოეხმაურა. „მგონია, რომ პუტინმა ლუკაშენკო საქართველოს კურატორად დანიშნა. შთაბეჭდილება მრჩება, რომ შორს არ გაუშვან საქართველო, ვიდრე რუსეთი დაკავებული არის უკრაინით და ამავე დროს არ დაკარგონ აფხაზეთიც. იმიტომ რომ აფხაზეთს თავისი ინტერესები აქვს. აშკარად ჩანს, რომ ქართული თემა არ არის მიბმული რუსეთისთვის უკრაინის თემაზე. უხეშად რომ ვთქვათ, უკრაინა რომც დაკარგონ, საქართველო მაინც არ უნდა დაკარგონ, დაახლოებით ასეთ კონცეფციას ვხედავ დღეს რუსეთიდან ანუ საქართველო არის ცალკე, უკრაინა ცალკე. ვკარგავთ უკრაინას, საქართველო უნდა შევინარჩუნოთ, ვკარგავთ საქართველოს, უკრაინა არ უნდა დავკარგოთ ანუ ერთმანეთზე დამოუკიდებელი სხვადასხვა ოთახებია, რასაც კარგად ეხმარება „ქართული ოცნება“ ამ კონცეფციის რეალიზაციაში. ამ ფონზე ლუკაშენკო ცდილობს, ილაპარაკოს მინიშნებებზე, რომ ვითომ შეიძლება იყოს აღიარება, სინამდვილეში ამისთვის არაფერს აკეთებს ანუ არავითარი პრობლემა არ აქვს ბელარუსს არც მორალური, არც სამართლებრივი, არც პოლიტიკური რომ აღიაროს აფხაზეთის დამოუკიდებლობა, მაგრამ მაშინ გააღიზიანებს საქართველოს მოსახლეობას, „ოცნებას“ ვერ გააღიზიანებს, შეიძლება ისეთი პროცესები დაიწყოს, რომელიც ძვირად დაუჯდება რუსეთს და ძალაუფლებას დაკარგავს „ოცნება“, - აცხადებს პაატა ზაქარეიშვილი. ზაქარეიშვილის თქმით, ამ ეტაპზე ვერ ხედავს იმის აუცილებლობას, რომ ლუკაშენკო ოკუპირებული რეგიონის აღიარებას აპირებს.ზაქარეიშვილი ამბობს, რომ ლუკაშენკო ამის გამკეთებელია შემზადების გარეშე, თუმცა არ აკეთებს.ამასთან, ზაქარეიშვილს მიაჩნია, რომ დღეს აშკარად არ არის მისი ამოცანა აფხაზეთის აღიარება, მისი ამოცანაა საქართველოს შანტაჟი.„ამიტომ, მე ვერ ვხედავ აუცილებლობას, რომ ლუკაშენკო ემზადება აფხაზეთის აღიარებისთვის, ის ამის გამკეთებელია ყოველგვარი შემზადების გარეშე. ის ამას არ აკეთებს. დღეს აშკარად არ არის მისი ამოცანა აფხაზეთის აღიარება, მისი ამოცანაა საქართველოს შანტაჟი, რომ „კარგად მოიქეცი საქართველო, თორემ ვაღიარებ“. ამიტომ არის რევერანსებით ჩასვლა სოხუმში, მინსკში, რომელიც არღვევს ყველანაირ საერთაშორისო ნორმებს. ლუკაშენკო თამაშობს. ჩვენ, სახელმწიფო ამას მკაცრად უნდა ვგმობდეთ, დიპლომატიურ ურთიერთობას უნდა ვწყვეტდეთ ბელარუსთან, უნდა ვამბობდეთ, რომ ეს არის მეგობრული ურთიერთობების დასამარება, ეს არის საერთაშორისო სამართლის უხეში დარღვევა, ეს არის ჩვენი ტერიტორია და მას არ აქვს უფლება ჩვენს ტერიტორიაზე არსებულ პრობლემებს თავისებურად ეთამაშებოდეს. ამიტომ, ლუკაშენკო გახდა შუამავალი, როცა პუტინს არ სცალია საქართველოსთვის, თვითონ ახორციელებს რუსეთიდან წამოსულ დავალებებს. ლუკაშენკომ რომც აღიაროს ბელარუსი, ამით ბელარუსი არაფერს არ მიიღებს. იმიტომ რომ თუ ვინმე ელაპარაკება ლუკაშენკოს, ეს არის მხოლოდ დსთ-ს ქვეყნები. მას 100 წელი არ სჭირდება აფხაზეთის აღიარება, ის არაფერს არ მიიღებს. ის აშკარად ასრულებს რუსეთის დავალებას, ფეხს ითრევს ხან ისე, ხან ასე. აღიარება არ უნდა, მაგრამ აღიარებაზე ლაპარაკი კი. ჩვენ ვხედავთ სპექტაკლს სცენაზე, სამწუხაროდ სცენაზე არ არის საქართველო, ის არის მაყურებელი“, - აცხადებს პაატა ზაქარეიშვილი. ინფორმაციისთვის, 21 თებერვალს მინსკში ლუკაშენკოსა და ოკუპირებული აფხაზეთის ე.წ. პრეზიდენტის ასლან ბჟანიას შეხვედრა გაიმართა.  შეხვედრაზე ლუკაშენკო ე.წ. აფხაზეთის მთავრობასა და ბელარუსს შორის არსებულ ურთიერთობაზე  მთავრობის რეაქციას გამოეხმაურა.  ლუკაშენკოს განცხადებით, თბილისმა, სოხუმმა და მინსკმა თანაცხოვრება უნდა შეძლონ.