მიმდინარე წლის ივნისში საქართველოს საარჩევნო კოდექსში შეტანილი ცვლილებების ერთ-ერთი მნიშვნელოვანი მუხლი მოიცავს ცესკოს ვალდებულებას უზრუნველყოს შეიქმნას საკონსულტაციო ჯგუფი, რომელშიც გაერთიანდებიან ადგილობრივი არასამთავრობო და საერთაშორისო ორგანიზაციები და სახალხო დამცველის აპარატის წარმომადგენელი; ჯგუფი ცენტრალურ საარჩევნო კომისიას საარჩევნო დავებთან დაკავშირებით რეკომენდაციებს წარუდგენს. საკონსულტაციო ჯგუფის შექმნის თაობაზე 6 აგვისტოს შედგა სამუშაო შეხვედრა არასამთავრობო სექტორთან. შეხვედრაზე მოწვეულები იყვნენ ორგანიზაციები, რომლებიც ბოლო სამი საერთო არჩევნებისას რეგისტრირებული იყვნენ დამკვირვებლებად. უშუალოდ შეხვედრაში მონაწილეობა მიიღეს 15 ადგილობრივი და 2 საერთაშორისო ორგანიზაციის წარმომადგენლებმა. შეხვედრაზე არასამთავრობო სექტორის წარმომადგენელთა მიერ გამოთქმული მოსაზრებების საფუძველზე გამოიკვეთა, რომ თუ ურთიერთშეთანხმებით ვერ შეირჩევა ჯგუფის წევრობის კანდიდატი, შესაძლებელია ჯგუფის წევრები არასამთავრობო სექტორიდან მაღალი კვორუმის საფუძველზე კენჭისყრით აირჩიონ. აღნიშნულის თაობაზე კი შემდგომ, 6 აგვისტოს გამართულ ცესკოს სხდომაზე შესაბამისი ცვლილებაც შევიდა დადგენილებაში ჯგუფის წევრების არჩევის პროცესთან დაკავშირებით. საარჩევნო ადმინისტრაციამ სრულად დაიცვა კანონმდებლობით გაწერილი ყველა ვალდებულება ჯგუფის შექმნასთან დაკავშირებით. საარჩევნო კანონმდებლობის თანახმად კი უშუალოდ არასამთავრობო სექტორის პრეროგატივაა აირჩიოს საკონსულტაციო ჯგუფის შემადგენლობა. საკონსულტაციო ჯგუფის შექმნის მიზნით მოწვეულმა ორმა არასამთავრობო ორგანიზაციამ, - „სამართლიანი არჩევნებისა და დემოკრატიის საერთაშორისო საზოგადოებამ“ (ISFED) და „საერთაშორისო გამჭვირვალობა საქართველომ“ (TI) დღეს გაავრცელა ინფორმაცია, რომ არ აპირებენ ამ პროცესში ჩართულობას. თუმცაღა, საარჩევნო ადმინისტრაცია კვლავაც სთავაზობს არასამთავრობო სექტორს წარმოადგინონ საკუთარი მოსაზრებები საკონსულტაციო ჯგუფის წევრების არჩევის წესთან დაკავშირებით, რასაც საარჩევნო ადმინისტრაცია შესაბამისად გაითვალისწინებს და მთლიან პროცესს შეუწყობს ხელს. შეგახსენებთ, რომ თავდაპირველად ცესკოს დადგენილებით განისაზღვრა, რომ არანაკლებ 7 და არაუმეტეს 11 კანდიდატურას, ურთიერთშეთანხმებით (კონსენსუსით) წარადგენენ ბოლო სამი საერთო არჩევნებისას ცესკოში რეგისტრირებული ადგილობრივი დამკვირვებელი ორგანიზაციები; ხოლო არანაკლებ 1 და არაუმეტეს 3 კანდიდატურას ურთიერთშეთანხმებით (კონსენსუსით) წარადგენენ ბოლო სამი საერთო არჩევნებისას ცესკოში რეგისტრირებული საერთაშორისო სადამკვირვებლო ორგანიზაციები. დადგენილებაში შეტანილი ცვლილების თანახმად კი თუ ურთიერთშეთანხმებით (კონსენსუსით) ვერ შეირჩევა კანდიდატი, კანდიდატურებს კენჭისყრით შეარჩევენ. საკონსულტაციო ჯგუფი უფლებამოსილი იქნება ცესკოს წარუდგინოს რეკომენდაციები ცესკოსა და საოლქო საარჩევნო კომისიებში საარჩევნო დავების განხილვის პროცესთან დაკავშირებით, მათ შორის განხილვის პროცედურის, სათანადო მასალების მოძიების ან/და სათანადო მტკიცებულების გამოკვლევის თაობაზე. საკონსულტაციო ჯგუფის თავმჯდომარეს ან მის მიერ განსაზღვრული ჯგუფის წევრს ასევე შეეძლება საკუთარი ინიციატივით დაესწროს საოლქო საარჩევნო კომისიებში კენჭისყრის შედეგების ხელახლა დათვლის პროცესს.ცესკო საკონსულტაციო ჯგუფის შემადგენლობას არჩევნების დანიშვნიდან 10 დღის ვადაში, განკარგულებით დაამტკიცებს.

180-მა პირმა, რომლებიც საოლქო საარჩევნო კომისიების დროებითი წევრების ვაკანტურ ადგილებზე გამოცხადებულ კონკურსში მონაწილეობენ, 7 აგვისტოს გასაუბრებები გაიარეს. საარჩევნო ადმინისტრაციამ კონკურსში მონაწილეთა გასაუბრებებს ერთი დღის განმავლობაში 10 რეგიონსა და თბილისში გაუწია ორგანიზება. თითოეულ რეგიონში გასაუბრებები ცესკოს წევრებმა, როგორც პარტიების მიერ დანიშნულმა, ისე პროფესიული ნიშნით არჩეულმა წევრებმა, წარმართეს. კონკურსანტებთან გასაუბრების ორგანიზების თაობაზე ერთობლივი გადაწყვეტილება ცენტრალური საარჩევნო კომისიის წევრებმა 5 აგვისტოს გამართული მსჯელობის შედეგად მიიღეს. გასაუბრებების პირდაპირი ტრანსლირება ცესკოს ოფიციალურ Facebook გვერდზე გადაიცემოდა 13 ლოკაციიდან.როგორც თავად არაერთმა კონკურსანტმა განაცხადა, ამ ფორმით გასაუბრებების ორგანიზება უშუალოდ საარჩევნო პროცესის მეტად გამჭვირვალედ წარმართვას უწყობს ხელს და ასახავს რეალურ სურათს, რა კრიტერიუმებით ხელმძღვანელობს საარჩევნო ადმინისტრაცია საოლქო საარჩევნო კომისიებში დროებითი წევრების არჩევის პროცესში.შეგახსენებთ, რომ 73 საოლქო საარჩევნო კომისიაში გამოცხადებულ კონკურსებზე 377 განაცხადი შემოვიდა. ხოლო კონკურსის მომდევნო ეტაპზე 370 პირი გადავიდა (7-მა კონკურსანტმა არ წარმოადგინა შესწორებული დოკუმენტაცია ხარვეზის დადგენის შემდგომ კანონით დადგენილ ვადებში), აქედან 246 ქალია და 124 კაცი. 311 კონკურსანტს სხვადასხვა წლებში საარჩევნო სფეროში მუშაობის გამოცდილება აქვს, როგორც ტრენერად, ისე უშუალოდ საოლქო საარჩევნო კომისიებში; მათ ასევე აქვთ მონაწილეობა მიღებული საარჩევნო ადმინისტრაციის მიერ ორგანიზებულ საგანმანათლებლო პროგრამებში. აღსანიშნავია, რომ 12 საოლქო საარჩევნო კომისიაში დარეგისტრირდა სამ-სამი კანდიდატი, 20-ში - ოთხ-ოთხი, 16 კომისიაში - ხუთ-ხუთი, 9 კომისიაში - ექვს-ექვსი, 11-ში - შვიდ-შვიდი, 4 კომისიაში - რვა-რვა და ერთში - თერთმეტი. 8 აგვისტოს ცესკოში დაგეგმილ სხდომაზე საოლქო საარჩევნო კომისიებში დროებითი წევრების არჩევის პროცესი წარიმართება, რომლის პირდაპირი ტრანსლირება ცესკოს ოფიციალური სოციალური ქსელის მეშვეობით განხორციელდება.

მოგეხსენებათ, 2 ოქტომბერს მუნიციპალიტეტის წარმომადგენლობითი ორგანოს არჩევნები იმართება. საარჩევნო ადმინისტრაცია ოფიციალურად გადავიდა საარჩევნო რეჟიმზე, რაც კანონმდებლობით დადგენილი არაერთი პროცედურისა და ღონისძიების განხორციელებას გულისხმობს. ამ პროცესების გამჭვირვალედ წარმართვა კი, როგორც ყოველთვის, ჩვენთვის ერთ-ერთი უმნიშვნელოვანესი პრიორიტეტია. ამიტომ, დღეს გვინდა საარჩევნო პროცესებში ჩართულ ყველა მხარეს, როგორც მედიას, ისე საერთაშორისო ორგანიზაციებსა და ადგილობრივ არასამთავრობო სექტორს, მოვუწოდოთ, დროულად გაიარონ საარჩევნო ადმინისტრაციაში (ცესკოსა და შესაბამის საოლქო საარჩევნო კომისიებში) რეგისტრაცია/აკრედიტაცია.გუშინ ცენტრალურმა საარჩევნო კომისიამ სხდომაზე დაამტკიცა საარჩევნო ღონისძიებათა გრაფიკი, რომელშიც დეტალურადაა აღწერილი არჩევნებთან დაკავშირებული საქმიანობები და ვადები. საარჩევნო კანონმდებლობის შესაბამისად პერიოდულად იგეგმება ცესკოსა და საოლქო საარჩევნო კომისიებში სხდომების გამართვა მიმდინარე საარჩევნო საკითხებთან დაკავშირებით, ჩვენთვის კი არსებითად მნიშვნელოვანია საარჩევნო პროცესების გამჭვირვალობა. ამიტომ მოგიწოდებთ - დროულად გაიაროთ კანონმდებლობით გაწერილი პროცედურები ცენტრალურ ან საოლქო საარჩევნო კომისიებში რეგისტრაციისა და აკრედიტაციის მისაღებად. იმისათვის, რომ გქონდეთ სრული ინფორმაცია ჩვენი საქმიანობის შესახებ, შეუფერხებლად შეძლოთ საარჩევნო პროცესებზე დაკვირვება, სხდომებზე დასწრება და გაშუქება.დეტალური ინფორმაციისთვის გთხოვთ დაგვიკავშირდეთ ტელეფონის ნომერზე - 2 51-00-51.

საარჩევნო საკითხებზე საჩივრების წარდგენა ელექტრონულად, ონლაინ იქნება შესაძლებელი. ცენტრალურმა საარჩევნო კომისიამ (ცესკო) ახალი სერვისი სწორედ ჩართული მხარეებისთვის პროცედურების გამარტივების მიზნით დანერგა. აღნიშნულთან დაკავშირებით დღეს ცესკოში სამუშაო შეხვედრა გაიმართა არასამთავრობო ორგანიზაციების წარმომადგენლებთან, რომლებიც საჩივრის ელექტრონულად წარდგენის (ცესკოსა და საოლქო საარჩევნო კომისიებში) პროცედურებს დეტალურად გაეცნენ. აღნიშნულ ინფორმაციას ცესკო ავრცელებს. მათი ინფორმაციით, ისინი ასევე გაეცნენ განახლებულ ინფორმაციას - თუ როგორ ხორციელდება ელექტრონული განაცხადების წარდგენა მათი დამკვირვებლების რეგისტრაციის მიზნით როგორც ცენტრალურ, ისე საოლქო საარჩევნო კომისიებში.„საარჩევნო პერიოდში მედია აკრედიტაციის მისაღებად ზემოაღნიშნულ საკითხზე დღესვე შეხვედრა შედგა მედიაორგანიზაციებთან. მათ დეტალურად მიიღეს ინფორმაცია იმის თაობაზე თუ რამდენად იოლი და გამარტივებულია მათი წარმომადგენლებისთვის ელექტრონულად აკრედიტაციის მიღება არჩევნების ეფექტურად გაშუქებისთვის. ახალი ტექნოლოგიების დანერგვა მიზნად ისახავს საარჩევნო ადმინისტრაციის საქმიანობის კიდევ უფრო ეფექტურად წარმართვას, პროცედურების გამარტივებას საარჩევნო პროცესებში ჩართული მხარეებისთვის და რა თქმა უნდა, მათთვის უსაფრთხო, სანდო და მაღალი ხარისხის სერვისის მიწოდებას“, - ნათქვამია განცხადებაში.

„სამართლიანმა არჩევნებმა“ (ISFED) დღეს გავრცელებული ინფორმაციით დაადასტურა, რომ მათ მიერ ე.წ. მეტობით დისბალანსების შესახებ არჩევნების შემდეგ გავრცელებული განცხადება იყო მეორე, არასწორად გავრცელებული და დაუსაბუთებელი ინფორმაცია, რომელიც პარალელური დათვლის მეთოდოლოგიას ეყრდნობოდა. ამის შესახებ ინფორმაციას ცენტრალური საარჩევნო კომისია (ცესკო) ავრცელებს.მათივე განცხადებით, სამწუხაროა, რომ არჩევნების პერიოდში ამ დაუზუსტებელი (არასწორი განმარტებებით), მონაცემების გავრცელებამ საზოგადოებაში არასწორი აღქმაც გამოიწვია და შეიძლება ითქვას საზოგადოების ნაწილი შეცდომაშიც შეიყვანა.„დღეს უკვე, 8 პროცენტიან დისბალანსზე საუბრისას „სამართლიანი არჩევნები“ აცხადებს, რომ ეყრდნობოდა მხოლოდ პირველად შედგენილ ოქმებს და არ ჰქონდა გათვალისწინებული შესწორების ოქმები, რომელიც დგება კანონმდებლობის საფუძველზე და შემაჯამებელი ოქმის განუყოფელი ნაწილია.ამასთან დაკავშირებით, ცესკომ, საჯარო განცხადების გარდა, 22 იანვარს მიმართა ორგანიზაციას ოფიციალური წერილით და მოითხოვა კიდეც დამატებითი განმარტებები ამ საკითხთან დაკავშირებით. საარჩევნო ადმინისტრაციამ თავად შესთავაზა ორგანიზაციას დაზუსტება იმისა, დათვლის პროცესში გათვალისწინებული იყო თუ არა შესწორების ოქმები. როგორც დღევანდელი მათი განცხადებიდან იკვეთება ე.წ. 8 პროცენტიანი დისბალანსი არ ეფუძნებოდა ერთიან საოქმო მონაცემებს ანუ მათ არ ჰქონდათ შესწორების ოქმები გათვალისწინებული ამ მონაცემების დამუშავებისას. აღნიშნული სახით არასრული, დაუზუსტებელი და შესაბამისად, არასწორი ინფორმაციის გავრცელება ნამდვილად ეწინააღმდეგება პროფესიულ სტანდარტებს და უკვე მეორედ ტოვებს კითხვის ნიშნებს ჩატარებული პარალელური დათვლის შედეგებიდან გამომდინარე, ორგანიზაციის მიერ აქამდე გავრცელებულ განცხადებებთან მიმართებაში.შეგახსენებთ, რომ ცესკომ ჯერ კიდევ 16 დეკემბერს გააკეთა განცხადება, რომ კომისიის მიერ დამუშავებული ოფიციალური სტატისტიკური მონაცემების მიხედვით, „სამართლიანი არჩევნების“ მიერ წარმოდგენილი მონაცემები რადიკალურად განსხვავდება და არსებითად აცდენილია ცესკოს მიერ საუბნო შემაჯამებელი ოქმების საფუძველზე დამუშავებულ ოფიციალურ სტატისტიკურ მონაცემებს.უნდა აღინიშნოს, რომ ყველა სამართლებრივი პროცედურის შემდეგ, ე.წ დისბალანსი, რომელიც უკავშირდება ბიულეტენების მეტობას არჩევნებში მონაწილეთა რაოდენობასთან მიმართებაში, საბოლოო მონაცემების მიხედვით საქართველოში გახსნილი ძირითადი საარჩევნო უბნების მხოლოდ 19 შემაჯამებელ ოქმში - 0,52%-ში ფიქსირდება.მისასალმებელია, რომ „სამართლიანი არჩევნები“ მზად არის ითანამშრომლოს ცესკოსთან, შეხვდეს და დეტალურად მიაწოდოს ინფორმაცია დღეს გავრცელებულ ინფორმაციასთან დაკავშირებით. თავის მხრივ საარჩევნო ადმინისტრაცია ყოველთვის მზად არის კონსტრუქციულ გარემოში თანამშრომლობისთვის, იქნება ეს შესწორების ოქმებისა და ახსნა-განმარტებების შედგენის პროცესთან, შესაბამის პროცედურულ/საკანონმდებლო საკითხებთან, თუ გამოწვევებთან დაკავშირებით, რომელიც მნიშვნელოვანია საარჩევნო პროცესის გასაუმჯობესებლად“, - აღნიშნულია ინფორმაციაში.

ცენტრალური საარჩევნო კომისიის თავმჯდომარე თამარ ჟვანია სოციალურ ქსელში განცხადებას ავრცელებს.თამარ ჟვანია იმედს გამოთქვამს, რომ დაგვიანებით გაჟღერებული, მაგრამ უკვე საჯაროდ გამოტანილი რეალობა, შეცვლის იმ დამოკიდებულებებს, რომლებმაც ყოვლად უსაფუძვლოდ დიდი ზიანი მიაყენა საარჩევნო ადმინისტრაციას და, რაც ყველაზე სამწუხაროა, მთლიანად საარჩევნო პროცესს და ქვეყანას. „დღეს, როდესაც უკვე ყველასთვის ცნობილი გახდა „სამართლიანი არჩევნების“ პარალელური დათვლის (pvt) დაზუსტებული შედეგები, რომელიც მყარად ადასტურებს, რომ არჩევნების ოფიციალური შედეგები ზუსტია, არ შემიძლია არ გავიხსენო განვლილი მძიმე დღეები, ტალახის სროლა, ბრალდებები, შეურაცხყოფა, „ბულინგი“ და მუქარა რაც ცესკოს მიმართ, პირადად ჩემზე და მთელს საარჩევნო ადმინისტრაციაზე ხორციელდებოდა. დაგვიანებით გაჟღერებული, მაგრამ უკვე საჯაროდ გამოტანილი რეალობა, იმედი მაქვს შეცვლის იმ დამოკიდებულებებს, რომლებმაც ყოვლად უსაფუძვლოდ დიდი ზიანი მიაყენა საარჩევნო ადმინისტრაციას და რაც ყველაზე სამწუხაროა, მთლიანად საარჩევნო პროცესს და ქვეყანას. იმედია თითოეული ის ადამიანი, რომელიც პრაქტიკულად უაპელაციოდ დამნაშავეებად გვაცხადებდა, შეცვლის თავის დამოკიდებულებას და გაიაზრებს, რომ სიმართლე არასდროს იკარგება; ხოლო ისინი, რომლებიც პირდაპირ მუქარას ახორციელებდნენ, მიიღებენ შესაბამის პასუხს. ამასთან, იმის მიუხედავად, რომ საარჩევნო ადმინისტრაციასა და მის ხელმძღვანელობაზე განხორციელებული ზეწოლის პირობებში არ გაკეთებულა შესაბამისი მხარდამჭერი განცხადებები, ჩემთვის პირადად და მთელი ადმინისტრაციისთვის მიუღებელია და ვგმობთ შეტევებს, შეურაცხმყოფელ დამოკიდებულებებს არასამთავრობო ორგანიზაციებისა თუ სხვა ჩართული მხარეების მიმართ. ყოველთვის მჯეროდა, რომ ყველაზე დიდი ღირსება ის არის, როდესაც ადამიანებს შეუძლიათ სიმართლის დაცვა, სიმართლის აღიარება და სიმართლის რწმენით ცხოვრება“, - წერს თამარ ჟვანია.

სამართლიანი არჩევნებისა და დემოკრატიის საერთაშორისო საზოგადოების (ISFED) აღმასრულებელი დირექტორი ელენე ნიჟარაძე სოციალურ ქსელში განცხადებას ავრცელებს.მისი თქმით, ორგანიზაციისთვის საპარლამენტო არჩევნების ხმების პარალელური დათვლის შედეგების შესახებ საბოლოო ანგარიშის გამოქვეყნება რთული იყო. „ძალიან მძიმე იყო ამ განცხადების გამოქვეყნება. ISFED-ისთვის, როგორც ორგანიზაციისთვის და მისი თითოეული თანამშრომლისთვის ეხლა ყველაზე მძიმე და სტრესული პერიოდია. მე რაც ორგანიზაციაში ვარ 2012 წლიდან ასეთი მძიმე გამოწვევა ორგანიზაციას არ ჰქონია. მადლობა მინდა ვუთხრა თითოეულ თანამშრომელს მხნეობისა და გამძლეობისთვის. პირადად ჩემი და ორგანიზაციის სახელით უღრმესი მადლობა ყველა იმ ადამიანს, რომელმაც სტატუსით თუ სხვა სახით მხარდაჭერა გამოხატა და გვერდში გვიდგას. ძალიან ვაფასებთ და ყველაზე მეტად ახლა გვჭირდება ეს მხარდაჭერა. ვიცი, რომ ბევრისთვის შოკისმომგვრელი იყო ეს განცხადება. ჩვენ ყველაზე კარგად გვესმის ეს მდგომარეობა. თუმცა, ეს არის რეალობა, რაც არ უნდა მძიმე იყოს. სამწუხაროდ, გვიწევს ხოლმე ასეთ მძიმე ფაქტებთან შეჯახება ცხოვრებაში და ამ დროს, ეტყობა, ყველაზე მნიშვნელოვანია, რომ ეს რეალობა მივიღოთ და როგორღაც გავუმკლავდეთ. ძალიან მაღალი სტანდარტია, მაგრამ შევეცადეთ ეს მაღალი სტანდარტი დაგვეცვა და თვალი არ დაგვეხუჭა რაღაცაზე“, – წერს ელენე ნიჟარაძე. 👉 ინფორმაციისთვის, 11 დეკემბერს, ISFED-მ განაცხადა, რომ ხმების დათვლისას დაფიქსირებული სხვაობა არცერთი საარჩევნო სუბიექტის მიერ მიღებული მანდატების რაოდენობაზე გავლენას არ ახდენს. 👉 „სამართლიანი არჩევნების“ (ISFED) 2020 წლის 31 ოქტომბრის არჩევნების დღის საბოლოო შედეგების დაზუსტებული ინფორმაციით, „ქართული ოცნება – დემოკრატიულ საქართველოს” ხმების 47.6% აქვს. აგრეთვე წაიკითხეთ: 👉 ხატია დეკანოიძე: ISFED კარუსელითა და მოსყიდვით მოპოვებულ ხმებს არ ითვლის 👉 ISFED 2020 წლის არჩევნების საბოლოო შედეგების დაზუსტებულ ინფორმაციას აქვეყნებს 👉 ელისაშვილი: ISFED-ის საარჩევნო შედეგებმა ძალიან დაასუსტა ოპოზიცია, ეს ჩვენთვის დიდი დარტყმაა

ცენტრალურ საარჩევნო კომისიაში 31 ოქტომბრის საპარლამენტო არჩევნების შედეგების შეჯამების სხდომა მიმდინარეობს, რომელზეც გამარჯვებული ოფიციალურად გამოცხადდება.კენჭისყრის დაწყებამდე ცესკოს წევრმა „ნაციონალური მოძრაობიდან“ დავით კირთაძემ სხდომა დატოვა. მან ცესკოს თავმჯდომარეს თამარ ჟვანიას მიმართა და განაცხადა, რომ შემაჯამებელ ოქმზე ხელმოწერას არ აპირებდა. „კიდევ ერთხელ შეგახსენებთ, რომ თქვენ მიერ ჩატარებული 2020 წლის საპარლამენტო არჩევნების შედეგები არის გაყალბებული. ეს არჩევნები ჩატარდა მოსყიდვით, ძალადობით, შანტაჟით, უსამართლოდ და გაუმჭვირვალედ. დღევანდელ სხდომაში მონაწილეობას არ მივიღებ, რადგან თქვენ ამ სიყალბით სავსე ოქმს ხელს მაინც მოაწერთ. შემდგომში ალბათ ქართული ოცნების შტაბში დარეკავთ და ეტყვით, რომ ოქმს ხელი მოვაწერე და კრება დარჩა მხიარული. შევეცდები კიდევ ერთხელ მოგიწოდოთ, დაფიქრდეთ, არა იმაზე, ამ ოქმზე ხელმოწერით რა სარგებლობას მოუტანთ თქვენს თავს, არამედ იმაზე, რამხელა ზიანს მიაყენებთ ქვეყანასა და მოსახლეობას. ამ ფარსში მონაწილეობას არ მივიღებ“, - აღნიშნა დავით კირთაძემ სხდომის დატოვებამდე. დღის წესრიგისთვის კენჭისყრის დაწყებამდე სხდომაზე სიტყვა ითხოვა ასევე ცენტრალური საარჩევნო კომისიის წევრმა „ევროპული საქართველოდან“ დავით გურგენიძემ. მან სხდომაზე საერთაშორისო სადამკვირვებლო მისიების შუალედური დასკვნებიდან ციტატები მოიყვანა და აღნიშნა, რომ ფაქტობრივად, ყველა ორგანიზაციას არჩევნების შედეგების ლეგიტიმურობაში ეჭვი შეაქვს. „ყველა საერთაშორისო მისიამ არჩევნების სანდოობა კითხვის ნიშნის ქვეშ დააყენა. ათწლეულების განმავლობაში ეს ორგანიზაცია მუშაობდა იმისთვის, რომ მოქალაქეების ნდობა მოეპოვებინა და ერთ დღეში თქვენ მოახერხეთ, რომ ეს ყველაფერი წყალში ჩაყარეთ“, - აღნიშნა დავით გურგენიძემ. 👉 ინფორმაციისთვის, 2020 წლის საპარლამენტო არჩევნები 31 ოქტომბერს გაიმართა. 21 ნოემბერს კი, 17 საარჩევნო მაჟორიტარულ ოლქში მეორე ტური ჩატარდა. მეორე ტური ოპოზიციის ბოიკოტის ფონზე გაიმართა. 👉 საპარლამენტო არჩევნები განახლებული მოდელით, 120/30-ზე ჩატარდა, რაც იმას ნიშნავს, რომ პროპორციული სიით პარლამენტში 120 დეპუტატი შედის, 30 კი, მაჟორიტარი იქნება. 👉 პარლამენტში შესასვლელად 1%-იანი ბარიერი 8 ოპოზიციურმა პარტიამ გადალახა, თუმცა არცერთი მათგანი არჩევნების შედეგებს არ აღიარებს. ისინი საპარლამენტო მანდატებზე უარს ამბობენ.

ცენტრალური საარჩევნო კომისია 2020 წლის საპარლამენტო არჩევნების საბოლოო შედეგებს დღეს შეაჯამებს. სხდომა 17:00 საათზეა ჩანიშნული. ინფორმაციისთვის, 2020 წლის საპარლამენტო არჩევნები 31 ოქტომბერს გაიმართა. 21 ნოემბერს კი, 17 საარჩევნო მაჟორიტარულ ოლქში მეორე ტური ჩატარდა. მეორე ტური ოპოზიციის ბოიკოტის ფონზე გაიმართა. საპარლამენტო არჩევნები განახლებული მოდელით, 120/30-ზე ჩატარდა, რაც იმას ნიშნავს, რომ პროპორციული სიით პარლამენტში 120 დეპუტატი შედის, 30 კი, მაჟორიტარი იქნება. პარლამენტში შესასვლელად 1%-იანი ბარიერი 8 ოპოზიციურმა პარტიამ გადალახა, თუმცა არცერთი მათგანი არჩევნების შედეგებს არ აღიარებს და გაყალბებაზე საუბრობენ. ისინი საპარლამენტო მანდატებზე უარის თქმას აპირებენ. აგრეთვე წაიკითხეთ: 👇 ⭕როდის შეიკრიბება მე-10 მოწვევის პარლამენტი? ⭕ რა მოხდება იმ შემთხვევაში, თუ ოპოზიცია მანდატებზე უარს იტყვის? ⭕ რა გეგმები აქვს ოპოზიციას პარლამენტის შეკრების დღეს?

ექსპერტი ლევან ნიკოლეიშვილი 2017 წელს, ბერი სალოსის ქუჩაზე ჩატარებული სპეცოპერაციისას დაღუპულ ივანე გოლაშვილს იხსენებს და ამბობს, რომ სწორედ ვანოსნაირ ადამიანებზე დგას ქართული სახელმწიფო. ექსპერტი, აგრეთვე, ამბობს, რომ ტერორისტებს, რომლებიც მოთხოვნების დაუკმაყოფილებლობის შემთხვევაში საცხოვრებელი კორპუსის აფეთქებით იმუქრებოდნენ, მოკავშირეებიც ჰყავდათ და ერთ-ერთი მაჩალიკაშვილის ოჯახი იყო. „სამი წლის წინ ბერი სალოსის ქუჩაზე გამაგრებულმა ტერორისტებმა, არამარტო საქართველოს, არამედ მთელი მსოფლიოს ყურადღება მიიპყრო. სამწუხაროდ, ტერორისტების ნასროლი ტყვიებით დაიღუპა სპეცდანიშნულების რაზმის ოფიცერი ივანე გოლაშვილი. ღირსეული ქართველი ვაჟკაცი ივანე გოლაშვილი სიმამაცისა და თავდადების სიმბოლოა. როგორც მისი ოჯახი, როგორც მარიამი და გიორგი, მთელი ცხოვრება იამაყებენ მამის გმირობით, ასევე ამაყობს თითოეული ქართველი. სწორედ ვანოსნაირ ადამიანებზე დგას ქართული სახელმწიფო! როგორც მოგვიანებით გაირკვა, ტერორისტებს რომლებიც, ლამის ნახევარი საქართველოს აფეთქებას ფიქრობდნენ, მოკავშირეებიც ჰყავდათ, მათ შორის, მაჩალიკაშვილის ოჯახი, სამწუხაროდ, ამ ტერაქტის შემდეგ მაჩალიკაშვილის მამა „ნაცმოძრაობის“ გმირი გახდა და უტიფრად მორალს გვიკითხავს სხდასხვა ტელე სივრცეებიდან. ტერორისტების გეგმა სამართალდამცავებმა და სპეცსამსახურებმა ჩაშალეს, ტერორისტები ლიკვიდირებული იქნა... საქართველოს კიდევ ერთი გმირი ვანო გოლაშვილი შეემატა! დიდება გმირებს!“, - აღნიშნავს ლევან ნიკოლეიშვილი.