როგორ აღმოჩნდა კახა კალაძის ხმები ნიკა მელიას მხარეს. შეუსაბამობა ხელახალი გადათვლის შედეგად გამოვლინდა. „ნაციონალური მოძრაობის“ კანდიდატის დალუქულ ბიულეტენებში „ქართული ოცნების“ კანდიდატის მხარდამჭერებს მიაგნეს.

საპარლამენტო უმრავლესობის წევრი, ნიკოლოზ სამხარაძე Twitter-ის გვერდზე არჩევნების მეორე ტურის შედეგებს ეხმაურება. დეპუტატი აღნიშნავს, რომ მმართველი პარტიის ზედიზედ მე-8 გამარჯვება საზოგადოების უპრეცედენტო ნდობაზე მიანიშნებს.„ადგილობრივი თვითმმართველობის არჩევნების მეორე ტურში „ქართულმა ოცნებამ“ ხმების 55% მიიღო, ხოლო დანარჩენმა ოპოზიციურმა პარტიებმა 45%. „ქართული ოცნების“ ზედიზედ მე-8 გამარჯვება და საზოგადოების უპრეცედენტო ნდობა დამოუკიდებელი საქართველოს ისტორიაში“, - წერს ნიკოლოზ სამხარაძე.

საქართველოში ევროკავშირის წარმომადგენლობა, ადგილობრივი თვითმმართველობის არჩევნების მეორე ტურთან დაკავშირებით, საერთაშორისო სადამკვირვებლო მისიებსა და ევროპარლამენტარების დელეგაციასთან კომუნიკაციის საფუძველზე შეფასებას, ავრცელებს. როგორც განცხადებაშია აღნიშნული, პირველ ტურში დაფიქსირებული ხარვეზების აღმოსაფხვრელად მნიშვნელოვანი ნაბიჯები არ გადადგმულა.ევროკავშირის წარმომადგენლობა საქართველოში, მოუწოდებს ყველა პარტიას დარჩნენ საარჩევნო პროცესში და მონაწილეობა მიიღონ ხმების გადათვლისა და საჩივრების განხილვის პროცესში.„30 ოქტომბერს საქართველოს მოქალაქეები 2021 წლის ადგილობრივი არჩევნების მეორე ტურისთვის საარჩევნო უბნებს დაუბრუნდნენ. ევროკავშირი კიდევ ერთხელ გამოხატავს მადლიერებას ამომრჩევლების, საარჩევნო კომისიის წევრებისა და ადგილობრივ დამკვირვებლების მხრიდან გამოჩენილი მთელი ძალისხმევისა და ჩართულობისთვის COVID 19-ის პანდემიის ფონზე. ჩვენ გულთბილად მივესალმებით არჩევნების საერთაშორისო სადამკვირვებლო მისიას, რომელსაც ეუთო/ოდირი და ევროპარლამენტის დელეგაცია ახორციელებს ასევე მეორე ტურში.მიუხედავად იმისა, რომ ამ მისიამ კვლავ დაასკვნა, რომ არჩევნები ზოგადად კარგად იყო ადმინისტრირებული და რომ კამპანია იყო კონკურენტუნარიანი, მან ასევე დაფიქსირდა უარყოფითი რიტორიკის გამწვავება ამომრჩევლების დაშინებისა და ზეწოლის შესახებ, ასევე რესურსების მკვეთრი დისბალანსის კუთხით, რამაც მმართველ პარტიას უპირატესობა მიანიჭა და საასპარეზო პირობები შეცვალა.პირველი ტურის შემდეგ ჩვენ განვაცხადეთ, რომ აღნიშნული დარღვევები არ უნდა იქცეს ნორმად საქართველოში. ვწუხვართ, რომ ამ არჩევნებზე ეს შანსი ხელიდან იქნა გაშვებული. საერთაშორისო დამკვირვებლების მკაფიო შეფასების მიუხედავად, ძირითადი ხარვეზების აღმოსაფხვრელად მნიშვნელოვანი ნაბიჯები არ გადაიდგა.პირიქით, გაჩნდა შემდგომი ხარვეზები, განსაკუთრებით საქართველოს პოლიტიკური ლიდერების მიერ ადმინისტრაციული რესურსების ბოროტად გამოყენებისა და ძალადობრივი რიტორიკის კუთხით, რამაც ისედაც ღრმა პოლიტიკური პოლარიზაცია კიდევ უფრო გააძლიერა.ამ არჩევნებამდე გაკეთებული წინადადებები, რომ ცენტრალური ხელისუფლება არ ითანამშრომლებს ადგილობრივ საკრებულოებთან, თუ იქ ოპოზიციური უმრავლესობა იქნება, შემაშფოთებელია, რადგან ისინი ცდილობენ შეზღუდონ ამომრჩეველთა არჩევანი და პლურალიზმი.მოვუწოდებთ ყველა პარტიას, დარჩნენ საარჩევნო პროცესში. საზოგადოების ნდობა მისი მთლიანობის მიმართ მოითხოვს ინკლუზიურ, სანდო და გამჭვირვალე გადათვლას და საჩივრებისა და მიმართვების სამართლიან განხილვას. ამ კუთხით ცენტრალურ საარჩევნო კომისიას და სასამართლოებს აკისრიათ მთავარი პასუხისმგებლობა უახლოეს დღეებში.ველით, რომ საქართველოს ლიდერების მხრიდან იქნება ჭეშმარიტი ძალისხმევა, რათა შეიქმნას პოლიტიკური კლიმატი, რომელიც ხელსაყრელი იქნება საქართველოს მოქალაქეების მოლოდინების დასაკმაყოფილებლად. ეს მოიცავს განმეორებით ვალდებულებების შესრულებას მნიშვნელოვანი რეფორმების შესახებ, განსაკუთრებით სასამართლო სისტემაში, ისევე როგორც ევროკავშირ-საქართველოს შეთანხმებული დღის წესრიგის განხორციელების განახლებას, რომელიც დაფუძნებულია დემოკრატიის ღირებულებებზე, ადამიანის უფლებების პატივისცემასა და კანონის უზენაესობაზე“, - ნათქვამია განცხადებაში. შეგახსენებთ, რომ საქართველოში 30 ოქტომბერს ადგილობრივი თვითმმართველობის არჩევნების მეორე ტური ჩატარდა.მოქალაქეებმა მერებისა და საკრებულოების კანდიდატებს 20 მუნიციპალიტეტში მისცეს ხმა.ინფორმაციისთვის, საქართველოში თვითმმართველობის არჩევნების პირველი ტური 2 ოქტომბერს გაიმართა.მუნიციპალიტეტის ორგანოთა 2021 წლის 30 ოქტომბრის არჩევნების მეორე ტურზე, ცესკოს მონაცემებით, თვითმმართველ ქალაქებში - თბილისი, ბათუმი, რუსთავი, ქუთაისი და ფოთი, მმართველი პარტიის კანდიდატებმა გაიმარჯვეს.თვითმმართველ თემებში მმართველი პარტიის კანდიდატებმა გაიმარჯვეს, გამონაკლისია წალენჯიხა სადაც ენმ-ის კანდიდატმა, გიორგი ხარჩილავამ გაიმარჯვა.აგრეთვე წაიკითხეთ: 👇👉 „ლოზუნგი - „არჩევნები გაუქმებულია“ მცდარია“ - გიგა ბოკერია👉„ხალხს აღარ აინტერესებს მიტინგები, რევოლუცია არავის უნდა“ - სოსო ცინცაძე👉 „სააკაშვილმა ჯამური ოპოზიცია უფრო დააზიანა, ვიდრე სარგებელი მოუტანა“ - გია ხუხაშვილი

გაერთიანებული ოპოზიცია კვირას, 7 ნოემბერს მასშტაბურ აქციას აანონსებს. ამის შესახებ „ნაციონალური მოძრაობის“ თავმჯდომარემ ნიკა მელიამ რუსთაველის გამზირზე მიმდინარე შეკრებაზე განაცხადა. ნიკა მელიას თქმით, კვირას დაგეგმილი აქცია სხვა დანარჩენი საპროტესტო აქციებისგან განსხვავებული უნდა იყოს.მელია ამბობს, რომ კვირას დაგეგმილი აქციის შესახებ მეტ დეტალზე ამ ეტაპზე არ ისაუბრებს.„ხელისუფლებას ამაოდ ჰგონია, რომ მან გუშინ გამარჯვება მოიპოვა. მას გუშინ გამარჯვება არ მოუპოვებია. გამარჯვებას მოიპოვებს ქართველი ხალხი თქვენი სახით. ჩვენ მაღალი მოტივაციით, უკომპრომისო ბრძოლით ვაპირებთ უახლოეს მომავალში ძალიან ფართო ბრძოლის გაჩაღებას.სამშაბათს ბათუმში ვაპირებთ ჩასვლას ჩვენს მეგობრებთან, რათა ადგილზე გავაპროტესტოთ უსამართლობა. ასევე უნდა ვიყოთ ქუთაისში და სხვადასხვა ქალაქებში, მაგრამ ძალიან მნიშვნელოვანია სერიოზული ორგანიზაციული საკითხების მოგვარება. მასშტაბური აქცია გაიმართება თავისუფლების მოედანზე კვირას. ეს აქცია, რომელიც გაიმართება, უნდა იყოს განსხვავებული ბევრი თვალსაზრისით. ნება მომეცით ამაზე მეტ დეტალებში არ შევიდე“, - განაცხადა ნიკა მელიამ. შეგახსენებთ, რომ საქართველოში 30 ოქტომბერს ადგილობრივი თვითმმართველობის არჩევნების მეორე ტური ჩატარდა.მოქალაქეებმა მერებისა და საკრებულოების კანდიდატებს 20 მუნიციპალიტეტში მისცეს ხმა.ცესკოს მონაცემებით, თვითმმართველ ქალაქებში - თბილისი, ბათუმი, რუსთავი, ქუთაისი და ფოთი, მმართველი პარტიის კანდიდატებმა გაიმარჯვეს, გამონაკლისია წალენჯიხა სადაც ენმ-ის კანდიდატმა, გიორგი ხარჩილავამ გაიმარჯვა.აგრეთვე წაიკითხეთ: 👇👉 „ლოზუნგი - „არჩევნები გაუქმებულია“ მცდარია“ - გიგა ბოკერია👉„ხალხს აღარ აინტერესებს მიტინგები, რევოლუცია არავის უნდა“ - სოსო ცინცაძე👉 „სააკაშვილმა ჯამური ოპოზიცია უფრო დააზიანა, ვიდრე სარგებელი მოუტანა“ - გია ხუხაშვილი

რუსთაველის გამზირზე პარლამენტის წინ, ოპოზიციის მიერ ორგანიზებული შეკრება დაიწყო. ოპოზიციონერი ლიდერები თვითმმართველობის არჩევნების მეორე ტურის შედეგებს აპროტესტებენ და ამბობენ, რომ არჩევნები გაუქმებულია.მათივე თქმით, ხელისუფლებამ არჩევნები მიისაკუთრა.„გუშინ ბრძოლა არ დასრულებულა, გუშინ ბრძოლა დაიწყო“, - აღნიშნა „ნაციონალური მოძრაობის“ თავმჯდომარემ ნიკა მელიამ.ადგილზე სამართალდამცველები არიან მობილიზებული. შეგახსენებთ, რომ საქართველოში 30 ოქტომბერს ადგილობრივი თვითმმართველობის არჩევნების მეორე ტური ჩატარდა.მოქალაქეებმა მერებისა და საკრებულოების კანდიდატებს 20 მუნიციპალიტეტში მისცეს ხმა.ინფორმაციისთვის, საქართველოში თვითმმართველობის არჩევნების პირველი ტური 2 ოქტომბერს გაიმართა.მუნიციპალიტეტის ორგანოთა 2021 წლის 30 ოქტომბრის არჩევნების მეორე ტურზე, ცესკოს მონაცემებით, თვითმმართველ ქალაქებში - თბილისი, ბათუმი, რუსთავი, ქუთაისი და ფოთი, მმართველი პარტიის კანდიდატებმა გაიმარჯვეს.თვითმმართველ თემებში მმართველი პარტიის კანდიდატებმა გაიმარჯვეს, გამონაკლისია წალენჯიხა სადაც ენმ-ის კანდიდატმა, გიორგი ხარჩილავამ გაიმარჯვა.აგრეთვე წაიკითხეთ: 👇👉 „ლოზუნგი - „არჩევნები გაუქმებულია“ მცდარია“ - გიგა ბოკერია👉„ხალხს აღარ აინტერესებს მიტინგები, რევოლუცია არავის უნდა“ - სოსო ცინცაძე👉 „სააკაშვილმა ჯამური ოპოზიცია უფრო დააზიანა, ვიდრე სარგებელი მოუტანა“ - გია ხუხაშვილი

„ძალიან მნიშვნელოვანი ფურცელი გადაიშალა ქართულ პოლიტიკაში. კიდევ ერთი ეტაპი დასრულდა, რის შემდეგაც დაიწყება სრულიად ახალი პოლიტიკური ლანდშაფტის ჩამოყალიბება“, - ამ სიტყვებით ეხმაურება თბილისის საკრებულოს ყოფილი დეპუტატი ვატო შაქარიშვილი ადგილობრივი თვითმმართველობის არჩევნების მეორე ტურის შედეგებს.მისი თქმით, დღის წესრიგში მოსახლეობის ინტერესები დაბრუნდება და ქვეყანა განვითარების ახალ ეტაპზე გადავა:„ამდენი წარუმატებლობის და მიღებული უარის შემდეგ, ბოროტების ბუდე - „ნაციონალური მოძრაობა“ დაიშლება; ბიზნესმენები და სხვა კონფორმისტები, ვინც ძალაუფლების ცვლილებაში ამაოდ დაარწმუნეს, კატის კნუტებივით დაიწყებენ ლაქუცს „ქართულ ოცნებასთან“ და კიდევ ერთხელ შეიცვლიან პოზიციას („ქართული ოცნებაც“ სიამოვნებით მიიღებს მათ). გაზაფხულის თოვლივით გაქრებიან მდიდარი მაგრამ 1%-იანი პარტიები („ლელო“, „სტრატეგია “და ა.შ). ამით გათავისუფლდება სივრცე კეთილსინდისიერი, პროფესიონალი და სუფთა ადამიანებისთვის.იდეური და ღირებულებითი თანხმიერების საფუძველზე შეიქმნება ახალი პოლიტიკური ჯგუფები. ამ რეალობაში გამოირიცხება კრებსითი გუბაზების არსებობა. „ქართულ ოცნებას“ გამოეცლება სასურველი მოწინააღმდეგე და მოუწევს სამართლიან, საფუძვლიან და არგუმენტირებულ კითხვებზე პასუხის გაცემა. მოსახლეობის ინტერესები დაბრუნდება დღის წესრიგში, ხალხი ამოისუნთქავს და ქვეყანა განვითარების ახალ ეტაპზე გადავა. ასე რომ არჩევნების შედეგებს ვულოცავ ქართველ ხალხს!“, - წერს ვატო შაქარიშვილი. ინფორმაციისთვის, საქართველოში 30 ოქტომბერს ადგილობრივი თვითმმართველობის არჩევნების მეორე ტური ჩატარდა. თვითმმართველ თემებში „ქართული ოცნების“ კანდიდატებმა გაიმარჯვეს, გამონაკლისია წალენჯიხა, სადაც ენმ-ის კანდიდატმა, გიორგი ხარჩილავამ გაიმარჯვა.

დუისში „ქართული ოცნების“ მაჟორიტარი დეპუტატობის კანდიდატმა ელდარ ბაღაკაშვილმა „ნაციონალური მოძრაობის“ კანდიდატი მალხაზ მაჩალიკაშვილი სოლიდური უპირატესობით დაამარცხა. დუისის მე-5 საარჩევნო უბანზე „ქართულმა ოცნებამ“ 341 ხმა მიიღო, „ნაციონალურმა მოძრაობამ“ - 184 ხმა; 26-ე საარჩევნო უბანზე - „ქართული ოცნება“ - 338 ხმა, „ნაციონალური მოძრაობა“ - 240 ხმა.ჯამში დუისში „ქართულმა ოცნებამ“ მიიღო 679 ხმა, „ნაციონალურმა მოძრაობამ“ კი - 424 ხმა.

„ერთობა გრძელდება - კოალიცია იდეაა და არა ტაქტიკური სვლა“, - ამის შესახებ ოპოზიციის ერთ-ერთი ლიდერი, მოძრაობა „დროას“ დამფუძნებელი ელენე ხოშტარია სოციალურ ქსელში წერს. ელენე ხოშტარიას თქმით, ერთობა გრძელდება.„არჩევნებზე მიმართული მოლოდინების და დახარჯული ენერგიის ფონზე ბევრის განწყობა მესმის, დაღლილობის განცდაც, კითხვებიც, რეფლექსია, პრეტენზიებიც. ოღონდ დავსვათ, ჩემი აზრით, მთავარი კითხვები:- მოულოდნელი იყო რაც მოხდა? - არა- ამიტომ არ უნდა გვებრძოლა თუ გაყალბებას ველოდებოდით? რა თქმა უნდა, კი.- ოპოზიციამ წააგო? ხალხის მხარდაჭერის თვალსაზრისით ნამდვილად არა. გაფორმება, რაც რეჟიმს დაასრულებდა, ჯერ ვერ შევძელით.- რეჟიმი დასუსტდა? ჩემი აზრით, კი.- all in, შესული ლიდერები დაზარალდნენ? არანაირად, რადგან პერსონალური პრესტიჟი თუ პოზა არც ყოფილა საერთოდ სათვალავში. პირიქით, შედეგი მათ შორის ამან მოიტანა.- ერთობა გრძელდება? რა თქმა უნდა კი, იმიტომ, რომ ერთობაც და კოალიციაც იდეაა და არა ტაქტიკური სვლა.მოკლედ ოპოზიცია დღეს უფრო ძლიერია ვიდრე გუშინ და ამ სიძლიერეს ხალხის მხარდაჭერა განსაზღვრავს და არა წულუკიანის ან ვინმეს სიტყვები. ამიტომ, საერთოდ ვერ ვივლებ თავში ხელების ჩამოყრას, პირიქით წინ და შემართებით.ამასთანავე, ცხადია ამ ბრძოლის ტაქტიკაზე შეიძლება ბევრი ვიკამათოთ, ნაკლები შეცდომა დავუშვათ და კრიტიკაც უნდა მივიღოთ“, - წერს ელენე ხოშტარია. შეგახსენებთ, რომ საქართველოში 30 ოქტომბერს ადგილობრივი თვითმმართველობის არჩევნების მეორე ტური ჩატარდა.მოქალაქეებმა მერებისა და საკრებულოების კანდიდატებს 20 მუნიციპალიტეტში მისცეს ხმა.ინფორმაციისთვის, საქართველოში თვითმმართველობის არჩევნების პირველი ტური 2 ოქტომბერს გაიმართა.მუნიციპალიტეტის ორგანოთა 2021 წლის 30 ოქტომბრის არჩევნების მეორე ტურზე, ცესკოს მონაცემებით, თვითმმართველ ქალაქებში - თბილისი, ბათუმი, რუსთავი, ქუთაისი და ფოთი, მმართველი პარტიის კანდიდატებმა გაიმარჯვეს.თვითმმართველ თემებში მმართველი პარტიის კანდიდატებმა გაიმარჯვეს, გამონაკლისია წალენჯიხა სადაც ენმ-ის კანდიდატმა, გიორგი ხარჩილავამ გაიმარჯვა.აგრეთვე წაიკითხეთ: 👇👉 „ლოზუნგი - „არჩევნები გაუქმებულია“ მცდარია“ - გიგა ბოკერია👉„ხალხს აღარ აინტერესებს მიტინგები, რევოლუცია არავის უნდა“ - სოსო ცინცაძე👉 „სააკაშვილმა ჯამური ოპოზიცია უფრო დააზიანა, ვიდრე სარგებელი მოუტანა“ - გია ხუხაშვილი👉 „განსაკუთრებით აქტიურ ლიდერებს გისმენთ! მეორე ტურს რომ გააყალბებდა, ამაში ეჭვი გეპარებოდათ?“ - თაკო ჩარკვიანი👉 20-დან 19 ქალაქში „ქართული ოცნების“ მერობის კანდიდატმა გაიმარჯვა

„ლოზუნგი - „არჩევნები გაუქმებულია“, ჩვენ მცდარად მიგვაჩნია“, - ამის შესახებ „ევროპული საქართველოს” ლიდერმა გიგა ბოკერიამ სპეციალურად გამართულ ბრიფინგზე განაცხადა. „ევროპული საქართველოს” ლიდერის გიგა ბოკერიას თქმით, ქვეყანა რთულ ვითარებაშია.„ქვეყანა ძალიან რთულ ვითარებაშია. მიუხედავად იმისა, რომ ოპოზიციამ გადადგა წინ ნაბიჯი მობილიზების საქმეში, ეს ძალისხმევა საკმარისი არ აღმოჩნდა არალეგიტიმური მეთოდების გადასაფარად.ბრძოლას სჭირდება კომპლექსური და თანმიმდევრული მიდგომა, რომლის აუცილებელი ნაწილია მშვიდობიანი საპროტესტო აქციები. ლოზუნგი - „არჩევნები გაუქმებულია“, ჩვენ მცდარად მიგვაჩნია“, - განაცხადა გიგა ბოკერიამ. შეგახსენებთ, რომ საქართველოში 30 ოქტომბერს ადგილობრივი თვითმმართველობის არჩევნების მეორე ტური ჩატარდა.მოქალაქეებმა მერებისა და საკრებულოების კანდიდატებს 20 მუნიციპალიტეტში მისცეს ხმა.ინფორმაციისთვის, საქართველოში თვითმმართველობის არჩევნების პირველი ტური 2 ოქტომბერს გაიმართა.მუნიციპალიტეტის ორგანოთა 2021 წლის 30 ოქტომბრის არჩევნების მეორე ტურზე, ცესკოს მონაცემებით, თვითმმართველ ქალაქებში - თბილისი, ბათუმი, რუსთავი, ქუთაისი და ფოთი, მმართველი პარტიის კანდიდატებმა გაიმარჯვეს.თვითმმართველ თემებში მმართველი პარტიის კანდიდატებმა გაიმარჯვეს, გამონაკლისია წალენჯიხა სადაც ენმ-ის კანდიდატმა, გიორგი ხარჩილავამ გაიმარჯვა.აგრეთვე წაიკითხეთ: 👇👉 ქუთაისში მერის არჩევნები იოსებ ხახალეიშვილმა მოიგო👉 ბათუმის მერის არჩევნებში არჩილ ჩიქოვანმა გაიმარჯვა👉 „სააკაშვილმა ჯამური ოპოზიცია უფრო დააზიანა, ვიდრე სარგებელი მოუტანა“ - გია ხუხაშვილი👉 თბილისის მერი კახა კალაძე გახდა👉 20-დან 19 ქალაქში „ქართული ოცნების“ მერობის კანდიდატმა გაიმარჯვა

„მინდა მადლობა გადავუხადო ჩემს მშობლიურ ქალაქს, რაიონს, თითოეულ ამომრჩეველს, რომელიც მივიდა არჩევნებზე და დააფიქსირა საკუთარი პოზიცია. მადლობა ყველას, ვინც მხარი დამიჭირა, თანადგომა გამომიცხადა და ამ წლების მანძილზე ერთგულად იბრძოდა ჩემი და ჩვენი გუნდის გვერდით“, - ამის შესახებ „ქართული ოცნების“ წალენჯიხის მერობის კანდიდატმა გოგა გულორდავამ განაცხადა. გულორდავამ თავის მხარდამჭერებს თანადგომისთვის მადლობა გადაუხადა და გია ხარჩილავას წარმატებები უსურვა:„ჩვენ შევქმენით განვითარების ის სქემა, რომელიც წალენჯიხის კეთილდღეობის ხარისხზე ნათლად აისახა.წარმატებას ვუსურვებ გია ხარჩილავას, მიუხედავად იმისა, რომ ის წარმოადგენს იმ პოლიტიკურ ძალას, რომელიც ჩემთვის და საქართველოს მოსახლეობის უმრავლესობისთვის მიუღებელია. ვიმედოვნებ, რომ მისი დღის წესრიგი მისი პარტიისგან განსხვავებით, საქმეზე ორიენტირებული იქნება და თავის მანდატს წალენჯიხას მოახმარს“, - აღნიშნავს გულორდავა.ინფორმაციისთვის, ცენტრალური საარჩევნო კომისიის მონაცემებით, ადგილობრივი თვითმმართველობის არჩევნების მეორე ტურში წალენჯიხაში „ნაციონალური მოძრაობის“ მერობის კანდიდატმა გიორგი ხარჩილავამ გაიმარჯვა.