ომიკრონის წინააღმდეგ ვაქცინა მზად 100 დღეში იქნება - კომპანია „ფაიზერი“
1638133015
Pfizer/BioNTech-ის თანახმად, თუ არსებული ვაქცინა კორონავირუსის ახალი შტამის, „ომიკრონის“ წინააღმდეგ არაეფექტური აღმოჩნდება, კომპანია 100 დღეში ვაქცინის განახლებულ ვერსიას შეიმუშავებს და მიწოდებისთვის მზად იქნება, - ამის შესახებ ინფორმაციას „გარდიანი“ ავრცელებს.
გერმანული ბიოტექნოლოგიური კომპანია უკვე იძიებს, მუშაობს თუ არა ვაქცინა „ომიკრონის“ წინააღმდეგ.
კომპანია აცხადებს, რომ ორ კვირაში ეცოდინება, იქნება თუ არა მისი ამჟამინდელი ვაქცინა საკმარისად ეფექტური B.1.1.529 ვარიანტის წინააღმდეგ.
საჭიროების შემთხვევაში, კომპანია მზადაა შეცვალოს თავისი ვაქცინა, რათა ის უფრო ახლოს იყოს ახალ ვარიანტთან.
„Pfizer-მა და BioNTech-მა თვეების წინ გადადგეს ნაბიჯები, რათა ახალი ვარიანტის გავრცელების შემთხვევაში 6 კვირაში შესაძლებელი ყოფილიყო mRNA ვაქცინების ადაპტირება, ხოლო 100 დღის ვადაში მიწოდება დაწყებულიყო“, - ნათქვამია კომპანიის განცხადებაში.
აგრეთვე წაიკითხეთ: 👇
⚫ „კორონავირუსის ახალ ვარიანტში ერთდროულად 32 ცვლილება დაფიქსირდა“ - ზაზა წერეთელი
⚫ „ბოტსვანას“ შტამი - ჯანმომ კორონავირუსის ახალი ვარიანტი დაადასტურა
⚫ კორონავირუსის ახალი შტამი დელტა შტამზე უფრო სწრაფად ვრცელდება
