საქართველოს ეროვნულმა ბანკმა ვალუტის ახალი კურსი დაადგინა. 22 მარტის ვაჭრობის შედეგად აშშ დოლარი გაუფასურდა და 2.5754 ლარი შეადგინა. კურსი, რომელიც დღეს მოქმედებდა, 2.5762 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებით 0.0008 ლარი შეადგინა.გამყარდა ევრო, რომლის კურსი 2.7778 ლარია. მაშინ, როცა დღეს მოქმედი კურსი 2.7717 ლარს შეადგენდა.გაუფასურდა თურქული ლირა, რომელიც 0.1352 ლარს შეადგენს.დღევანდელი ვაჭრობის შედეგად მიღებული კურსი 23 მარტიდან შევა ძალაში.

„საქართველოში მართლაც ნულიდან ჩამოყალიბდა სტარტაპ ეკოსისტემის მხარდაჭერის მექანიზმი. ეროვნული ინოვაციების ეკოსისტემის პროექტი დასრულდა, მაგრამ ამ პროექტით არ მთავრდება ჩვენს ქვეყანაში სტარტაპ ეკოსისტემის მხარდაჭერა, პირიქით, ჩვენ ძალიან აქტიურები ვიქნებით - სახელმწიფოს უამრავი გეგმა, მიზანი და ამოცანა აქვს იმისთვის, რომ კიდევ უფრო შეუწყოს ხელი ქვეყანაში ინოვაციების და ტექნოლოგიების განვითარებას“, - განაცხადა ვიცე-პრემიერმა, ეკონომიკისა და მდგრადი განვითარების მინისტრმა ლევან დავითაშვილმა ეროვნული ინოვაციების ეკოსისტემის შედეგების საპრეზენტაციო ღონისძიებაზე. პროექტი 2018 წლიდან ხორციელდებოდა - მსოფლიო ბანკის ფინანსური ხელშეწყობით, დღემდე სულ 186 პროექტი დაფინანსდა, 40 000-ზე მეტმა ბენეფიციარმა მიიღო დახმარება და 3000-ზე მეტი სამუშაო ადგილი შეიქმნა.აღსანიშნავია, რომ პროექტის ფარგლებში შექმნილი და მხარდაჭერილი არაერთი ქართული სტარტაპი საერთაშორისო ბაზარზე გავიდა და წარმატებით საქმიანობს.ლევან დავითაშვილმა პროექტის მხარდაჭერისა და მონაწილეობისთვის მადლობა გადაუხადა როგორც მსოფლიო ბანკის გუნდს, ისე თავად სტარტაპერებს. როგორც ეკონომიკის მინისტრმა აღნიშნა, საქართველოს მთავრობა მომავალშიც აქტიურ მუშაობას აპირებს სტარტაპ ეკოსისტემის განვითარების მიმართულებით.ამასთან, როგორც ეკონომიკის მინისტრმა აღნიშნა, მთავრობამ ქვეყანაში ერთ-ერთი ყველაზე მნიშვნელოვანი, მსოფლიო სამეულში მყოფი აქსელერატორი - „500 სტარტაპი“ შემოიყვანა, ამ პროგრამის რამდენიმე ეტაპი უკვე წარმატებით დასრულდა და მომავალში გაგრძელდება ახალი სტარტაპკომპანიების, ინოვაციური იდეების დაფინანსება.„გვინდა, მაქსიმალურად მეტი ადამიანი მოვიცვათ, ვისაც ინოვაციური იდეები აქვს, ან სურს, თავისი ნიჭი ახალ მიმართულებებს მოახმაროს, დახვეწოს თავისი უნარები. წელს და მომავალ წელს რამდენიმე ათასი დამწყები აიტი სპეციალისტის მომზადებას ვაპირებთ.  პროფესიული კადრების მომზადებითა და სტარტაპ იდეების ფინანსური და ტექნიკური მხარდაჭერით ჩვენ შევძლებთ საქართველოში ისეთი კომპანიების ჩამოყალიბებას, რომლებიც ჩვენს ქვეყანას სახელს გაუთქვამს საერთაშორისო ასპარეზზე“ - განაცხადა ლევან დავითაშვილმა.ღონისძიებაზე ასევე სიტყვით გამოვიდა მსოფლიო ბანკის რეგიონული დირექტორი სამხრეთ კავკასიაში სებასტიან მოლინეუსი.პრეზენტაციაზე ეკონომიკისა და მდგრადი განვითარების სამინისტროს ინოვაციებისა და ტექნოლოგიების სააგენტოს ხელმძღვანელმა ავთანდილ კასრაძემ ყურადღება გაამახვილა ინოვაციების ეკოსისტემის განვითარებისათვის სასიცოცხლოდ მნიშვნელოვან საკითხზე - კერძო ინვესტორების ჩართულობასა და ქართული სტარტაპების დაფინანსებაზე. მან ასევე სხვადასხვა ნომინაციაში გამორჩეული სტარტაპები დააჯილდოვა.

საქართველოს ეროვნულმა ბანკმა ვალუტის ახალი კურსი დაადგინა. 21 მარტის ვაჭრობის შედეგად აშშ დოლარი გაუფასურდა და 2.5762 ლარი შეადგინა. კურსი, რომელიც დღეს მოქმედებდა, 2.5763 ლარი იყო.გამყარდა ევრო, რომლის კურსი 2.7717 ლარია. მაშინ, როცა დღეს მოქმედი კურსი 2.7564 ლარს შეადგენდა.გაუფასურდა თურქული ლირა, რომელიც 0.1354 ლარს შეადგენს.დღევანდელი ვაჭრობის შედეგად მიღებული კურსი 22 მარტიდან შევა ძალაში.

შესასყიდი ფოლადის მილების ჩამონათვალი, რაოდენობა, სპეციფიკაცია, მიწოდების ადგილი, მიწოდების პირობები და ვადები მოცემულია სატენდერო დოკუმენტაციაში.დალუქულ კონვერტში მოთავსებული სატენდერო განაცხადი პოტენციურმა მიმწოდებლებმა უნდა წარადგინონ (გააგზავნონ) შპს “თბილისი ენერჯი”-ში შემდეგ მისამართზე: საქართველო, ქ. თბილისი, მიცკევიჩის ქ. №18ა, კანცელარია.სატენდერო განაცხადების წარდგენის ბოლო ვადაა - 2023 წლის 30 მარტი, 17:00 საათი.დამატებითი ინფორმაციისა და ცნობების მიღება შესაძლებელია ტელ: 591021902 და ელექტრონული ფოსტის მისამართზე: procurement@te.ge

„გასული წლის განმავლობაში ეგვიპტიდან საქართველოში რამდენიმე მიმართულებით განხორციელდა პირდაპირი უცხოური ინვესტიციები, მათ შორის ტურისტულ სექტორში და  ჩამოყალიბდა თავისუფალი ეკონომიკური ზონა კახეთის რეგიონში. ვხედავთ, რომ ეგვიპტელი ინვესტორების მხრიდან დიდია საქართველოთი დაინტერესება და იმედი მაქვს, საქართველო-ეგვიპტის ბიზნესფორუმი გახდება ორ ქვეყანას ეკონომიკური და საქმიანი კავშირების შემდგომი გაღრმავების დამატებითი პლატფორმა“, - ამის შესახებ ლევან დავითაშვილმა კაიროში გამართული ბიზნესფორუმის დასრულების შემდეგ მედიასთან განაცხადა.მისი თქმით, ბიზნესფორუმის ფარგლებში ეგვიპტელი ინვესტორები გაეცნენ საქართველოს ეკონომიკური პოტენციალს, ასევე საინვესტიციო გარემოს, რაც დამატებით შესაძლებლობებს ქმნის 2023 წელს ეგვიპტიდან საქართველოში უცხოური ინვესტიციების განხორციელებისთვის.ვიცე-პრემიერი, ეკონომიკისა და მდგრადი განვითარების მინისტრი თანხმლებ დელეგაციასთან ერთად კაიროში იმყოფებოდა, სადაც მონაწილეობა მიიღო ეგვიპტე - საქართველოს ბიზნესფორუმში. როგორც ლევან დავითაშვილმა აღნიშნა,  ეგვიპტიდან კაპიტალის შემოდინება 96 მილიონ აშშ დოლარს აღემატება, რომელიც განხორციელდა ისეთ სექტორებში, როგორიცაა მშენებლობა, ტრანსპორტი, უძრავი ქონება და სხვ. მისივე თქმით, ასევე ქუთაისისა და საგარეჯოს თავისუფალ ინდუსტრიულ ზონებში ხორციელდება ინვესტიციები ეგვიპტიდან. მინისტრის განცხადებით, საქართველოს მთავრობა ხელს უწყობს ქვეყანაში პირდაპირი უცხოური ინვესტიციების მოზიდვას და  ხელსაყრელი ბიზნესგარემოსა და დაბალი საგადასახადო ტვირთის გარდა, კომპანიებს თავისუფალ ინდუსტრიულ ზონებში დამატებით შეღავათებსაც სთავაზობს.

ვიცე-პრემიერმა, ეკონომიკისა და მდგრადი განვითარების მინისტრმა ლევან დავითაშვილმა ეგვიპტის არაბთა რესპუბლიკაში, ქალაქ კაიროში ეგვიპტე - საქართველოს ბიზნესფორუმის გახსნის ცერემონიაში მიიღო მონაწილეობა. ინფორმაციას ეკონომიკის სამინისტრო ავრცელებს. მისასალმებელ სიტყვაში ვიცე-პრემიერმა ყურადღება გაამახვილა საქართველოს ეკონომიკურ ტენდენციებზე და განაცხადა, რომ ქვეყანამ 2021 – 22 წლებში ორნიშნა ეკონომიკური ზრდა აჩვენა, ხოლო საერთაშორისო სავალუტო ფონდის პროგნოზის მიხედვით, 2023-2027 წლებში საქართველოს ექნება უფრო მაღალი ეკონომიკური ზრდა რეგიონში. ლევან დავითაშვილმა ასევე ისაუბრა ეკონომიკის სხვადასხვა სექტორებში არსებულ წარმატებებზე, აგრეთვე რეგიონული მნიშვნელობის ინფრასტრუქტურულ პროექტებზე, მათ შორის, აქცენტი გაკეთდა ანაკლიის ღრმაწყლოვანი პორტისა და შავი ზღვის ენერგეტიკული კაბელის სტრატეგიული მნიშვნელობის პროექტებზე.  ვიცე-პრემიერმა იმედი გამოთქვა, რომ საქართველო - ეგვიპტეს ბიზნესფორუმი გახდება ორ ქვეყანას შორის წარმატებული თანამშრომლობის მაგალითი და ეკონომიკური და საქმიანი კავშირების შემდგომი გაღრმავების დამატებითი პლატფორმა.ლევან დავითაშვილის განცხადებით, ეგვიპტიდან კაპიტალის შემოდინება 96 მილიონ აშშ დოლარს აღემატება, რომელიც განხორციელდა ისეთ სექტორებში, როგორიცაა მშენებლობა, ტრანსპორტი, უძრავი ქონება და სხვ.მისივე თქმით, ქუთაისისა და საგარეჯოს თავისუფალ ინდუსტრიულ ზონებში ხორციელდება ინვესტიციები ეგვიპტიდან.ლევან დავითაშვილის განცხადებით, საქართველოს მთავრობა ხელს უწყობს ქვეყანაში პირდაპირი უცხოური ინვესტიციების მოზიდვას და  ხელსაყრელი ბიზნესგარემოსა და დაბალი საგადასახადო ტვირთის გარდა, კომპანიებს თავისუფალ ინდუსტრიულ ზონებში დამატებით შეღავათებსაც სთავაზობს. ბიზნესფორუმზე, ასევე, მოხსენება გააკეთეს ეგვიპტის საინვესტიციო და თავისუფალი ზონების გენერალური სააგენტოს (GAFI) აღმასრულებელმა დირექტორმა ჰოსამ ჰეიბამ და ეგვიპტის სხვა ოფიციალურმა პირებმა. ბიზნესფორუმის მსვლელობისას, ხელი მოეწერა ურთიერთგაგების მემორანდუმს  ეგვიპტის არაბთა რესპუბლიკის საინვესტიციო და თავისუფალი ზონების გენერალურ სააგენტოსა (GAFI)  და საქართველოს ეკონომიკისა და მდგრადი განვითარების სამინისტროს სააგენტოს  „აწარმოე საქართველოში“ შორის.მემორანდუმი მიზნად ისახავს მხარეებს შორის თანამშრომლობის წახალისებას საინვესტიციო და ორმხრივი ეკონომიკური ურთიერთობების განვითარების კუთხით. ამასთანავე, ხელს შეუწყობს გამოცდილების გაზიარებასა და ბიზნესკლიმატის თაობაზე ინფორმაციის გაცვლას. ქართული დელეგაციის მხრიდან კაიროს ბიზნესფორუმში ასევე მონაწილეობდნენ ეკონომიკისა და მდგრადი განვითარების მინისტრის მოადგილე გენადი არველაძე, საგარეო საქმეთა მინისტრის მოადგილე ალექსანდრე ღვთისიაშვილი, სააგენტოს „აწარმოე საქართველოში“ დირექტორი მიხეილ ხიდურელი, საქართველოს ბიზნესს ასოციაციიდან - სოსო ფხაკაძე, ლევან ვეფხვაძე, აკაკი საღირაშვილი და საქართველოს საგანგებო და სრულუფლებიანი დესპანი ეგვიპტის არაბთა რესპუბლიკაში მიხეილ თიგიშვილი.

2023 წლის იანვარ-თებერვალში საქართველოში საქონლით საგარეო სავაჭრო ბრუნვამ 2 898.2 მილიონი დოლარი შეადგინა, რაც წინა წლის შესაბამის პერიოდთან შედარებით 12.3%-ით მეტია. აქედან ექსპორტი 914.8 მლნ. დოლარს შეადგენს (გაიზარდა 20.3%-ით), ხოლო იმპორტი 1 983.4 მლნ. დოლარს (გაიზარდა 9.0%-ით). ინფორმაციას საქართველოს სტატისტიკის ეროვნული სამსახური ავრცელებს. საქსტატის ცნობით, საქართველოს უარყოფითმა სავაჭრო ბალანსმა, 2023 წლის იანვარ-თებერვალში, 1 068.6 მლნ. დოლარი შეადგინა, რაც საგარეო სავაჭრო ბრუნვის 36.9 პროცენტია.ამავე ინფორმაციით, 2023 წლის იანვარ-თებერვალში ათი უმსხვილესი საექსპორტო პარტნიორი ქვეყნის წილმა საქართველოს მთლიან ექსპორტში 81.5 პროცენტი შეადგინა. უმსხვილესი საექსპორტო სამეული ასეთია: სომხეთი (133.1 მლნ. აშშ დოლარი), რუსეთი (128.2 მლნ. აშშ დოლარი) და ჩინეთი (112.4 მლნ. აშშ დოლარი).ამავე პერიოდში ათი უმსხვილესი საიმპორტო პარტნიორი ქვეყნის წილმა საქართველოს მთლიან იმპორტში 68.4% შეადგინა. პირველ სამეულში შედის: რუსეთი (338.8 მლნ. აშშ დოლარი), თურქეთი (322.2 მლნ. აშშ დოლარი) და ჩინეთი (134.0 მლნ. აშშ დოლარი).2023 წლის იანვარ-თებერვალში ათი უმსხვილესი სავაჭრო პარტნიორი ქვეყნის წილმა საქართველოს მთლიან საგარეო სავაჭრო ბრუნვაში 68.5 პროცენტი შეადგინა. ქვეყნის უმსხვილესი სავაჭრო პარტნიორები არიან: ✔️ რუსეთი (467.1 მლნ. აშშ დოლარი) ✔️თურქეთი (387.0 მლნ. აშშ დოლარი) ✔️ჩინეთი (246.4 მლნ. აშშ დოლარი) ✔️მათ მოსდევს აზერბაიჯანი, სომხეთი, გერმანია, აშშ, ყაზახეთი, არაბთა გაერთიანებული საამიროები და იტალია2023 წლის იანვარ-თებერვალში სასაქონლო ჯგუფებიდან საექსპორტო ათეულში პირველი ადგილი მსუბუქმა ავტომობილებმა დაიკავა 236.8 მლნ. აშშ დოლარით, რაც მთელი ექსპორტის 25.9%-ია. მეორე ადგილზეა სპილენძის მადნები და კონცენტრატები 143.4 მლნ. აშშ დოლარით (მთლიანი ექსპორტის 15.7%), ხოლო მესამეზე ფეროშენადნობები - 71.7 მლნ.აშშ დოლარით (7.8%).უმსხვილესი საიმპორტო სასაქონლო ჯგუფიც მსუბუქი ავტომობილები იყო (207.8 მლნ. აშშ დოლარი და მთელი იმპორტის 10.5%). მეორე ადგილი ნავთობის აირებმა და სხვა აირისებრმა ნახშირწყალბადებმა დაიკავა 175.5 მლნ. აშშ დოლარით (იმპორტის 8.8%), ხოლო მესამე ადგილზეა ნავთობი და ნავთობპროდუქტები 158.4 მლნ. აშშ დოლარით (იმპორტის 8.0%).

საქართველოს ეროვნულმა ბანკმა ვალუტის ახალი კურსი დაადგინა. 20 მარტის ვაჭრობის შედეგად აშშ დოლარი გაუფასურდა და 2.5763 ლარი შეადგინა. კურსი, რომელიც დღეს მოქმედებდა, 2.5800 ლარი იყო.გამყარდა ევრო, რომლის კურსი 2.7564 ლარია. მაშინ, როცა დღეს მოქმედი კურსი 2.7425 ლარს შეადგენდა.გაუფასურდა თურქული ლირა, რომელიც 0.1355 ლარს შეადგენს.დღევანდელი ვაჭრობის შედეგად მიღებული კურსი 21 მარტიდან შევა ძალაში.

საქართველოს ეროვნულმა ბანკმა ვალუტის ახალი კურსი დაადგინა. 17 მარტის ვაჭრობის შედეგად აშშ დოლარი გაუფასურდა და 2.5800 ლარი შეადგინა. კურსი, რომელიც დღეს მოქმედებდა, 2.5832 ლარი იყო.გამყარდა ევრო, რომლის კურსი 2.7425 ლარია. მაშინ, როცა დღეს მოქმედი კურსი 2.5832 ლარს შეადგენდა.გაუფასურდა თურქული ლირა, რომელიც 0.1357 ლარს შეადგენს.დღევანდელი ვაჭრობის შედეგად მიღებული კურსი 18 მარტიდან შევა ძალაში.

საქართველოს ეროვნულმა ბანკმა ვალუტის ახალი კურსი დაადგინა. 16 მარტის ვაჭრობის შედეგად აშშ დოლარი გაუფასურდა და 2.5832 ლარი შეადგინა. კურსი, რომელიც დღეს მოქმედებდა, 2.5867 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებით 0.0035 ლარი შეადგინა. გაუფასურდა ევრო, რომლის კურსი 2.7397 ლარია. მაშინ, როცა დღეს მოქმედი კურსი 2.7520 ლარს შეადგენდა.გამყარდა თურქული ლირა, რომელიც 0.1360 ლარს შეადგენს.დღევანდელი ვაჭრობის შედეგად მიღებული კურსი 17 მარტიდან შევა ძალაში.