„პროფესიონალი დიპლომატებისგან განსხვავებით, მასკი ცდილობს, მშვიდობის მიღწევის გზები მოძებნოს“ - კრემლის სპიკერი
1664882393
უკრაინის პრეზიდენტის პრესმდივანი დმიტრი პესკოვი ამერიკელი ბიზნესმენის ილონ მასკის ტვიტს გამოეხმაურა, რომელშიც მან რუსეთსა და უკრაინას შორის „მშვიდობის ხელშეკრულების“ გეგმაზე ისაუბრა.
„შევამჩნიეთ, რომ მასკის ამ ინიციატივამ ბევრი გააღვიძა ევროპაში, უკრაინაში, პოლონეთსა და ბალტიისპირეთში. პირველ რიგში, მან გააღვიძა ბოტები, რომლებიც აქტიურად მონაწილეობდნენ კენჭისყრაში. ძალიან დადებითია, რომ მასკის მსგავსი ადამიანი მშვიდობიან გამოსავალს ეძებს.
პროფესიონალი დიპლომატებისგან განსხვავებით, მასკი ცდილობს, მშვიდობის მიღწევის გზები მოძებნოს. და რუსეთის პირობების შესრულების გარეშე მშვიდობის მიღწევა აბსოლუტურად შეუძლებელია“, - განაცხადა პესკოვმა.
ცნობისთვის, ილონ მასკმა ტვიტერზე გამოაქვეყნა „სამშვიდობო გეგმა“, რომელიც, უკრაინაში ომის დასრულებას ეხება. მან თავის მიმდევრებს მოუწოდა, ხმა მისცენ მის წინადადებას „მომხრე“ ან „წინააღმდეგი“.
„ომის დასრულებისთვის უკრაინა ნეიტრალური უნდა გახდეს, ყირიმი კი რუსეთის შემადგენლობაში დარჩეს“, - განაცხადა მასკმა.
ასევე დაგაინტერესებთ:
👉 უკრაინა პუტინთან მოლაპარაკებებზე უარს ოფიციალურად ამბობს - ზელენსკიმ განკარგულებას ხელი მოაწერა
