პუტინმა გერმანიას მოუწოდა, უკრაინის მოვლენების კონტექსტში მიდგომებს გადახედოს
1669982382
გერმანიის კანცლერ ოლაფ შოლცსა და რუსეთის პრეზიდენტ ვლადიმერ პუტინს შორის სატელეფონო საუბარი შედგა. ლიდერებმა უკრაინის ომი განიხილეს.
როგორც აღინიშნა, პუტინმა კვლავ გამოხატა უკმაყოფილება უკრაინისთვის დასავლური იარაღის მიწოდების გამო და „გერმანიას მოუწოდა გადახედოს მიდგომებს უკრაინის მოვლენების კონტექსტში“.
ასევე, რუსეთის პრეზიდენტმა კვლავ სცადა უკრაინის კრიტიკულ ინფრასტრუქტურაზე საჰაერო იერიშის მიტანის გამართლება.
მისი თქმით, რუსეთმა ასეთი ნაბიჯი „კიევის მიერ რუსეთის ფედერაციის სამოქალაქო ინფრასტრუქტურის წინააღმდეგ განხორციელებული თავდასხმების გამო“ გადადგა, რაც სავარაუდოდ ყირიმის ხიდზე მომხდარ ინციდენტზე მიუთითებს.
