სერბეთის პრეზიდენტმა, ალექსანდრ ვუჩიჩმა განაცხადა, რომ რუსეთის წინააღმდეგ ევროკავშირის სანქციებს მისი ქვეყნის მეშვეობით ვერავინ ვერ აუვლის გვერდს.
„ჩვენ გამოვეხმაურეთ გარკვეული საქონლის რეექსპორტის შემთხვევებზე და ჩვენმა სახელმწიფო ორგანოებმა დააკავეს ადამიანები იმ კომპანიებიდან, რომლებიც მონაწილეობდნენ რუსეთის ფედერაციის წინააღმდეგ დაწესებული სანქციების გვერდის ავლაში“, - აღნიშნა ვუჩიჩმა გაფართოების საკითხებში ევროკომისართან, ოლივერ ვარჰეისთან შეხვედრის შემდეგ.
სერბეთი, რომელიც ევროკავშირში გაწევრიანებას ცდილობს, უცხოელი დიპლომატების მხრიდან კრიტიკის ქვეშ მოექცა იმის გამო, რომ უკრაინაში შეჭრის შემდეგ რუსეთს ოფიციალურად არ დაუწესა სანქციები.
სერბეთს გაზის მთელი მარაგი რუსეთიდან შეაქვს.
„მივესალმები პრეზიდენტის გზავნილს, რომ ის დაგვეხმარება სანქციების (რუსეთის წინააღმდეგ) გამოყენებაში ამ ომის დასასრულებლად“, - განაცხადა ვარჰეიმ.
ასევე დაგაინტერესებთ:
👉 ოლაფ შოლცმა ვლადიმერ პუტინს მოუწოდა, გაიყვანოს ჯარები უკრაინიდან