რუსეთს არ აქვს უნარი, მოამზადოს და აღჭურვოს ახალი, გაწვეული პერსონალის დიდი რაოდენობა - ბრიტანული დაზვერვა

1664863526

2022 წლის 30 სექტემბერს რუსეთის პრეზიდენტმა ვლადიმერ პუტინმა ხელი მოაწერა ბრძანებას შემოდგომის გაწვევის შესახებ, რომელიც მიზნად ისახავს 120 000 წვევამდელის მომზადებას. ამ წვევამდელებს კანონიერად აკრძალული აქვთ რუსეთის ფარგლებს გარეთ გასვლა, - ამის შესახებ ბრიტანული დაზვერვის მიერ გავრცელებულ ანგარიშშია ნათქვამი.

დაზვერვის ცნობით, ეს არის დამატებითი ძალა, რომელიც არ შედის 21 სექტემბერს გამოცხადებული ნაწილობრივი მობილიზაციის ბრძანების ფარგლებში.

ამავე ცნობით, გაწვევა ჩვეულებრივზე ერთი თვით გვიან, 2022 წლის 1-ელ ნოემბერს დაიწყება.

„გაწვევის დაგვიანებული დაწყება მიუთითებს იმაზე, რომ რუსეთს არ აქვს უნარი მოამზადოს და აღჭურვოს ახალი, გაწვეული პერსონალის დიდი რაოდენობა“ ,- წერს ბრიტანული დაზვერვა და დასძენს, რომ მნიშვნელოვანი გამოწვევებია მობილიზებული და გაწვეული პერსონალის განთავსება, მომზადება და აღჭურვა.

„რუსეთის ადმინისტრაციულ და ლოჯისტიკურ სისტემებში არსებული ხარვეზები კვლავ ძირს უთხრის ამ ძალისხმევას“, - განაცხადა დაზვერვამ.

(1/4) On 30 September 2022 Russian President Vladimir Putin signed an order for the routine autumn conscription cycle, which aims to train 120,000 conscripts. These conscripts are legally not permitted to be deployed outside of Russia. pic.twitter.com/d9xp2RVK9I
— Ministry of Defence 🇬🇧 (@DefenceHQ) October 4, 2022