უკრაინელებმა სამხრეთში ოკუპანტების საბრძოლო მასალის საცავი და მრავალი სახის ტექნიკა გაანადგურეს
1653021652
უკრაინის შეიარაღებული ძალების ნაწილებმა 19 მაისის დღის განმავლობაში უკრაინის სამხრეთ ნაწილში 40 ოკუპანტი, მტრის კიდევ ერთი საბრძოლო მასალების საცავი და სხვადასხვა სახის სამხედრო ტექნიკა გაანადგურეს, - ამის შესახებ ოპერატიული სარდლობა „სამხრეთი“ იტყობინება.
აღნიშნულია, რომ უკრაინულმა სარაკეტო და საარტილერიო დანაყოფებმა ავიაციასთან ერთად დღეში 91 საცეცხლე მისია შეასრულეს.
„განადგურებულია საბრძოლო მასალის კიდევ ერთი საცავი ხერსონის ოლქში, T-72 ტიპი ორი ტანკი, ჰაუბიცა, “გრადის“ ტიპის მრავალჯერადი გაშვების სარაკეტო ორი სისტემა, „ტორის“ ტიპის საზენიტო-სარაკეტო სისტემა, ჯავშანტექნიკა და საავტომობილო ტექნიკა. მტრის ძალები კიდევ 40 რუსით შემცირდა“, - ნათქვამია განცხადებაში.
მათივე ინფორმაციით, შავ ზღვაში მყოფი რუსული გემების გამო უკრაინის სამხრეთი ნაწილი და ასევე სხვა რეგიონები კვლავ სარაკეტო დარტყმის საფრთხის ქვეშ იმყოფებიან.
აგრეთვე წაიკითხეთ:
👉უკრაინის ავიაციამ რუსეთის ცოცხალი ძალა, ჯავშანმანქანები და საბრძოლო მასალა გაანადგურა
👉უკრაინელებმა დონბასში 8 რუსული ტანკი გაანადგურეს და 14 შეტევა მოიგერიეს
