„უკრაინის სამმა საელჩომ მიიღო წერილები, რომლებიც დასველებული იყო წითელი სითხით, ეს დაშინებაა“ - დმიტრო კულება
1669962640
უკრაინის საგარეო საქმეთა მინისტრმა, დმიტრო კულებამ განაცხადა, რომ საზღვარგარეთ უკრაინის სამ საელჩოში მიიღეს წერილები.
„უკრაინის არა ორმა, არამედ სამმა საელჩომ უკვე მიიღო წერილები. კონვერტების შიგნით იყო სიმბოლური მუქარა, ყველა კონვერტი მიღების დროს წითელი სითხით იყო დასველებული“, - განაცხადა მინისტრმა.
მისივე თქმით, საგარეო საქმეთა სამინისტრო ამ საკითხთან დაკავშირებით განცხადებას მალე გააკეთებს.
„ახლა ვაანალიზებთ რა მოხდა. მაგრამ ეს აშკარად უკრაინისა და უკრაინელი დიპლომატების დაშინებაა“, - აღნიშნა კულებამ.
ასევე დაგაინტერესებთ:
