პოლონეთის პრემიერ-მინისტრის განცხადებით, ევროკავშირი მხოლოდ სახელით არის დემოკრატიული და გერმანია და საფრანგეთი ფლობენ რეალურ ძალაუფლებას, რომლებიც საკმარისად არ უსმენენ ევროკავშირის ნაკლებად ძლიერ წევრ ქვეყნებს.
„ქაღალდზე ყველა წევრი სახელმწიფო თანასწორია, თუმცა პოლიტიკური რეალობა ცხადყოფს, რომ გერმანიისა და საფრანგეთის ხმების წონა დომინანტურია. ჩვენ საქმე გვაქვს ფორმალურ დემოკრატიასთან, დე ფაქტო ოლიგარქიასთან, სადაც ძალაუფლება იმის ხელშია, ვინც უძლიერესია“, - განაცხადა მატეუშ მორავეცკიმ.
მორავეცკიმ დასძინა, რომ „ევროკავშირის შიგნით იმპერიალიზმის საფრთხეს“ ახლა ისევე უნდა ებრძოლონ, როგორც რუსული იმპერიალიზმის შემთხვევაში იყო საჭირო“.
მისი თქმით, ევროკავშირის შიგნით თანამშრომლობის საფუძველი უნდა იყოს კონსენსუსის ძიება და „არა ძლიერის ბატონობა“
ასევე დაგაინტერესებთ:
👉 რუსული არმია მოხალისეებს უკრაინის ომში მონაწილეობისთვის 4 000 დოლარს ჰპირდება - ISW
👉 შეერთებული შტატები „მსოფლიო სასურსათო პროგრამისთვის“ უკრაინულ ხორბალს შეისყიდის