შოლცი აცხადებს, რომ პუტინთან პირად საუბრებში კრემლის ლიდერი თავაზიანი ადამიანია და ერთმანეთს სახელით მიმართავენ
1679381761
გერმანიის კანცლერი ოლაფ შოლცი აცხადებს, რომ არ ელის უკრაინაში რუსული აგრესიის სწრაფ დასრულებას.
„ჩვენ მზად უნდა ვიყოთ იმისთვის, რომ ამას შეიძლება დიდი დრო დასჭირდეს. მაშინაც კი, როცა ომი დასრულდება, ყველაფერი მაშინვე ნორმას არ დაუბრუნდება. არ უნდა შევაჩეროთ ჩვენი ძალისხმევა ომის დასასრულებლად“, - აცხადებს ოლაფ შოლცი.
ოლაფ შოლცის თქმით, სამართლიანი მშვიდობის წინაპირობა იქნება ის, რომ რუსეთმა უკრაინის ტერიტორიიდან ჯარები გაიყვანოს.
ამასთან, გერმანიის კანცლერმა ყურადღება გაამახვილა ომის გრძელვადიან შედეგებზე.
კანცლერმა თქვა, რომ რეგულარულად ესაუბრება რუსეთის პრეზიდენტ ვლადიმერ პუტინს.
„ეს არის ხანგრძლივი საუბრები, ხან გერმანულად, ხან თარგმანებით. დიახ, პუტინი თავაზიანი ადამიანი იყო ამ საუბრებში. ჩვენ ერთმანეთს სახელით მივმართეთ“, - თქვა შოლცმა.
ასევე დაგაინტერესებთ:
🔴 ომის ფონზე, რუსეთი ფარულ მობილიზაციას ახორციელებს - უკრაინული მხარე
🔴 იაპონიის პრემიერი მოულოდნელი ვიზიტით უკრაინაში გაემგზავრა
🔴 თეთრი სახლი სი ძინპინს მოუწოდებს, პუტინზე ზეწოლა განახორციელოს
