თანამგზავრებმა უკრაინის საზღვართან რუსული საბრძოლო ტექნიკა გადაიღეს (ვიდეო)
1642752455
კომპანიის, Maxar Technologies-ის თანამგზავრებმა უკრაინის საზღვართან პოლიგონებზე რუსული სამხედრო ტექნიკა დააფიქსირეს. ამის შესახებ „უნიანი“ იუწყება.
ფოტოებზე ტანკები, საარტილერიო დანადგარები, სატვირთო ავტომობილები და ქვეითთა საბრძოლო მანქანები ჩანს.
ჟურნალისტის, ალექს სალვის ინფორმაციით, რუსეთმა შეიარაღებული ძალები კლიმოვოში (უკრაინიდან 13 კმ-ში) კლინცში (30 კმ), იელნაში (135კმ) და პოგონოვოში (165 კმ)
ინფორმაცია იმის შესახებ, რომ რუსეთმა უკრაინის საზღვართან შეიარაღებული ძალები განათავსა, 2021 წლის ნოემბერში გავრცელდა. დასავლეთის ქვეყნების დაზვერვის ცნობით, ეს ფაქტი მიუთითებს, რომ მოსკოვი უკრაინის წინააღმდეგ ფართომასშტაბიან აგრესიას ამზადებს. მოსკოვი ამ მოსაზრებას უარყოფს.
პარალელურად მოსკოვმა დასავლეთს ფაქტობრივად ულტიმატუმის სახით მოთხოვნა წაუყენა, რომლის მიხედვით ნატომ ალიანსში ყოფილი საბჭოთა ქვეყნების მიღებაზე უარი უნდა თქვას. ალიანსმა მოსკოვს უპასუხა, რომ თითოეულ ქვეყანას ამ საკითხის სუვერენული გადაწყვეტის უფლება აქვს.
აგრეთვე, დაგაინტერესებთ:
⭕ ესპანეთმა შავ ზღვაში საბრძოლო ხომალდები გაგზავნა
🔴„ნაკლებად სავარაუდოა, რომ უკრაინა უახლოეს მომავალში ნატოს წევრი გახდება“ - ბაიდენი
