უცხოეთი

„უკრაინაზე თავდასხმა რუსეთს ძალიან ძვირად დაუჯდება“ - ემანუელ მაკრონი

ემანუელ მაკრონი
1643178016
დაკოპირებულია

საფრანგეთის პრეზიდენტმა ემანუელ მაკრონმა გერმანიის კანცლერთან ოლაფ შოლცთან შეხვედრის შემდეგ ერთობლივ პრესკონფერენციაზე უკრაინის კრიზისზე ისაუბრა

მისი თქმით, საფრანგეთი და გერმანია რუსეთ-უკრაინას შორის დაძაბულობის განმუხტვის მიზნით ერთობლივად მუშაობენ.

„ჩვენ ერთდროულად ვამზადებთ საერთო პასუხს თავდასხმის შემთხვევაში. უკრაინაზე თავდასხმა რუსეთს ძალიან ძვირად დაუჯდება, დასავლეთი ერთიანია“, - აღნიშნა მაკრონმა. 

მაკრონმა, ასევე, დაადასტურა, რომ 28 იანვარს რუსეთის პრეზიდენტ ვლადიმერ პუტინთან ტელეფონით ისაუბრებს. 

26 იანვარს პარიზი, „ნორმანდიული ფორმატის“ ფარგლებში, გერმანიის, რუსეთისა და უკრაინის წარმომადგენლების შეხვედრას უმასპინძლებს, რათა აღადგინოს დიალოგი, რომელიც 2014 წელს დაიწყო, მაგრამ ბოლო წლებში თავისი ფუნქცია დაკარგა. 

შეგახსენებთ, 2021 წლის ნოემბრის შემდეგ აშშ-ის და ნატოს ქვეყნების დაზვერვა უკრაინის საზღვართან რუსეთის შეიარაღებული ძალების კონცენტრაციის შესახებ იუწყება. შეერთებული შტატები ეჭვობენ, რომ მოსკოვი უკრაინის წინააღმდეგ ფართომასშტაბიან აგრესიას ამზადებს. 

იხილეთ აგრეთვე:

🔴  უკრაინას ნატოში არაფერი ესაქმება - ხორვატიის პრეზიდენტი

🔴  „რუსეთი ანაკლიის დაკავებას და სამეგრელოში სამხედრო რეიდებს აპირებს“ - სააკაშვილი

🔴  „ამ მომენტისთვის უკრაინაში რუსეთის მიერ სამხედრო შემოჭრა ფიზიკურად შეუძლებელია“ - უკრაინის ეროვნული უსაფრთხოებისა და თავდაცვის საბჭოს მდივანი

🔴  უკრაინული გრივნა რეკორდულად გაუფასურდა

🔴  უკრაინელ სპორტსმენებს პეკინის ოლიმპიადაზე რუსი სპორტსმენების გვერდით დგომას არ ურჩევენ