„ნაციონალური მოძრაობის“ თავმჯდომარეობის კანდიდატი ლევან ხაბეიშვილი პარტიის პოლიტიკური საბჭოს მდივნის, კობა ნაყოფიას მიერ პოლიტსაბჭოს სხდომის მოწვევას გამოეხმაურა.
მისი თქმით, მნიშვნელოვანია, რომ პარტიაში არჩევნები რაც შეიძლება მალე ჩატარდეს.
„ძალიან კარგია რომ თარიღი გამოცხადდა, შეიკრიბება პოლიტსაბჭო, მიიღებს კონკრეტულ გადაწყვეტილებებს და რაც ძალიან მნიშვნელოვანია, სწრაფად უნდა მოხდეს „ნაციონალურ მოძრაობაში“ არჩევნების ჩატარება.
ამომრჩევლის მანდატის გარეშე, პარტიის თავმჯდომარე ვერ იქნება ეფექტური და ვერ იქნება პარტია სტაბილური. უმნიშვნელოვანესია, ძალიან სწრაფად დასრულდეს საარჩევნო პროცესი და ეს აუცილებლად უნდა მოხდეს დეკემბრის თვეში“, - განაცხადა ხაბეიშვილმა.
აგრეთვე წაიკითხეთ:
✔️ „გათავისუფლება ან გადავადება“ - BBC მიხეილ სააკაშვილის შესახებ
✔️ „მიხეილ სააკაშვილი დაუმალეს საზოგადოებას“ - ეკა ხერხეულიძე