„ოპოზიციურ არხებზე ჭეშმარიტებად საღდებოდა, რომ სააკაშვილის ჩამოსვლა ბიძინას შიშის ზარს დასცემს... დღეს ტანდაკაწრული მიშა 75 კილოა და ბიძინა ისე მყარად დგას, როგორც არასდროს“ - თამარ ჩერგოლეიშვილი
1669890324
„ტაბულას“ დამფუძნებელი, თამარ ჩერგოლეიშვილი საქართველოს მესამე პრეზიდენტის, მიხეილ სააკაშვილის შვილის, ედუარდ სააკაშვილის განცხადებას ეხმაურება, რომელმაც თქვა: „მამაჩემმა თავი მოიტყუა წლების განმავლობაში. მას გაფილტრული ინფორმაცია მისდიოდა. თვითონაც ფილტრავდა“.
ჩერგოლეიშვილის თქმით, სააკაშვილის საქართველოში ჩამოსვლა ოპოზიციურ არხებზე მითოლოგიზებულად შუქდებოდა - უდავო ჭეშმარიტებად საღდებოდა, რომ სააკაშვილის ჩამოსვლა ბიძინა ივანიშვილის შიშის ზარს დასცემდა.
„ედუარდ სააკაშვილს აქებს ახლა ყველა. ვუერთდები ქებას. ოღონდ მე არ ვარ დარწმუნებული, რომ ყველა მისი ნათქვამის, მისი შინაარსის გამო აქებს.
ედუარდმა თქვა, რომ მამამისს მისდიოდა „გაფილტრული ინფორმაცია”, რომ „თვითონაც ფილტრავდა” და იმას ხედავდა, რისი დანახვაც თვითონ უნდოდა.
ედუარდმა თქვა, რომ სააკაშვილის მოლოდინები და რეალობა ერთმანეთს იყო აცილებული და ამიტომ იყო ჩამოსვლა დიდი შეცდომა. მე მგონი ამაზე დავას არ დამიწყებთ. ვისთანაც შეიძლება ვისაუბრო, ეს ალბათ ყველას ერთნაირად გვესმის.
ვისაც ასე არ ესმის - არ დამელაპარაკოს, დავბლოკავ - ბაბილონის გოდოლი ტელემედიაშიც გვეყოფა.
მოკლედ, სააკაშვილს რეალობაზე დამახინჯებული წარმოდგენა ჰქონდა და ამან განაპირობა, რომ ახლა ასე ცუდადაა, ხვდება და გაუშვით, აღარ იზამსო - შვილი ამას ამბობს.
ახლა მინდა, რომ მითხრათ ერთი სატელევიზიო ეთერი, რომელიც ამ თემაზე დისკუსიას მიეძღვნა. გაიხსენეთ დისკუსია, სადაც მოგვეცა შესაძლებლობა არგუმენტებით გვემსჯელა, აგვეწონ-დაგვეწონა, დაგვეთვალა ამ იდეის ავკარგიანობა. ასეთი რამე არ ყოფილა.
ყველა სატელევიზიო დისკუსია ამ საკითხზე იყო სრულიად მითოლოგიზებული - ოპო არხებზე უდავო ჭეშმარიტებად საღდებოდა, რომ სააკაშვილის ჩამოსვლა ბიძინას შიშის ზარს დასცემს, ბიძინა გაიქცევა, ხალხი ქუჩაში გამოვა და … მერე როგორცაა.
არ მოგვცემია საშუალება ჩვენ - ვინც არსად მივცოცავდით და რეალობის სახეში მიხლის არ გვეშინოდა ამ თემაზე „ნაციონალური“ მედიის ეთერიდან გვემსჯელა - აგვეწონ-დაგვეწონა. მოღალატეებად და გიჟებად ვიყავით შერაცხილი და „დაქენსელებული”. ახლა ედუარდის აზრებს ბევრი იწონებთ - უსაფრთხოა და იმიტომ.
მაგრამ გიჭირთ გაიგოთ, რატომ ვერჩი არასასურველი სპიკერების და დისკუსიების ჩახშობის გამო ოპოზიციურ ტელემედიას!
რასაც ედუარდი ამბობს, მაგას ვიძახით 2013 წლიდან შიგნით და პირისპირ მიშასთან. 2016 წლიდან საჯაროდ!
მაგრამ ამ სათქმელს ბლოკავდნენ - ფილტრავდნენ. დღეს, ტანდაკაწრული მიშა 75 კილოა. და ბიძინა ისე მყარად დგას, როგორც არასდროს. (იმედია პიროსივით).
ამიტომ ან უნდა გაიხსნან დისკუსიისთვის, ან ბოლომდე დისკრედიტირდნენ და მათით მოყენებული ზიანი ამ გზით შევამციროთ“, - წერს ჩერგოლეიშვილი.
ასევე დაგაინტერესებთ:
👉 ევროკავშირი ილონ მასკს ტვიტერის დაბლოკვით დაემუქრა - Financial Times
👉 „დასავლეთი უკრაინას რუსეთს წინააღმდეგ ომისკენ უბიძგებს“ - სერგეი ლავროვი
