„საქართველო სულ უფრო შორდება ევროკავშირს“ - მამუკა ხაზარაძე
1660474958
პარტია „ლელოს“ ერთ-ერთი ლიდერი მამუკა ხაზარაძე, ევროკავშირის ანგარიშს აფასებს, რომელიც საქართველოს მიერ ასოცირების პროცესის განხორციელებას ეხება. „ლელოს“ ლიდერი აცხადებს, რომ საქართველო ევროკავშირს სულ უფრო შორდება.
ამასთან, ხაზარაძე ამბობს, რომ ევროკავშირის ყოველწლიურ ანგარიშში, რომელიც საქართველოს ეხება, ახალი არაფერი წერია.
„ეს პრობლემები ახალი არ არის. ჩვენ ძალიან კარგად ვიცით, რომ „ქართული ოცნების“ პირობებში ბოლო წლების განმავლობაში საქართველო სულ უფრო და უფრო შორდება ევროკავშირს. ახალი აქ არაფერი წერია, მე ვიტყოდი, რომ უფრო რბილად წერია ეს ყველაფერი. ამიტომ, ერთადერთი გამოსავალი ამ სიტუაციიდან არის „ქართული ოცნების“ ჩამოშორება ხელისუფლებიდან და ისეთი კოალიციური მთავრობის მოყვანა ხელისუფლებაში, რომელიც ნამდვილად ქართველი ხალხის ოცნებას და მიზანს აასრულებს ძალიან მალე“, - აცხადებს მამუკა ხაზარაძე
ევროკავშირთან ასოცირების შეთანხმების შესრულების მორიგი ანგარიში 13 აგვისტოს გამოქვეყნდა. მასში აღნიშნულია, რომ 2021 წლის განმავლობაში და 2022 წლის პირველ ნახევარში საქართველოში იყო უკუსვლა ყველა ძირითად სფეროში.
აგრეთვე წაიკითხეთ:
👉 „ეს არის პოლიტიკური თვითმკვლელობა“ - ბადრი ჯაფარიძე 4 დეპუტატის განცხადებაზე
👉 🎥 „დაუმორჩილებლობა, პროტესტი, საბოტაჟი, პარალიზება, ეს არის ჩვენი სამოქმედო გეგმა“ - ზურაბ ჯაფარიძე
