ყაზბეგში სოციალურად დაუცველ პატარებს, საახალწლო საჩუქრები გადაეცათ
1642256081
ყაზბეგის მუნიციპალიტეტის მერიის ორგანიზებითა და სათამაშოების მაღაზიათა ქსელ „ჭიტას“ დახმარებით, ერთიდან ათ წლამდე, სოციალურად დაუცველ პატარებს, საახალწლო საჩუქრები გადაეცათ. ინფორმაციას ყაზბეგის მუნიციპალიტეტის მერია ავრცელებს.
მერიის ცნობით, მრავალშვილიან ოჯახებს, რამდენიმე სოფელში, თავად მერი, ბაკურ ავსაჯანიშვილი ესტუმრა და ახალი წელი კიდევ ერთხელ მიულოცა.
„მომავალი უნდა იყოს საიმედო, ამიტომ პირველ რიგში, ჯანმრთელობას ვუსურვებ ჩვენს პატარებს. ხალისიანი და ბედნიერი ყოფილიყოს მათი ყოველი დღე.
მადლობა მინდა გადავუხადო სათამაშოების მაღაზიათა ქსელს „ჭიტას“, რომელმაც მთელი რეგიონის მასშტაბით ბევრი პატარა გაახარა“, - განაცხადა ყაზბეგის მუნიციპალიტეტის მერმა ბაკურ ავსაჯანიშვილმა.
