საქართველოს მორაგბეთა ნაკრები „რაგბი ევროპის“ 2023 წლის გათამაშების გამარჯვებული გახდა.
ფინალურ შეხვედრაში ბორჯღალოსნები პორტუგალიელ მორაგბეებს დაუპირისპირდნენ.
მატჩის პირველი ნახევარი ქართველების სასარგებლოდ, ანგარიშით 12:11 დასრულდა. პირველი ტაიმისგან განსხვავებით, პორტუგალიის ნაკრები მეორე ნახევარში უსუსურად გამოიყურებოდა, რაც საბოლოო ანგარიშზეც აისახა - 38:11.
საქართველოს ნაკრები „რაგბი ევროპის“ გამარჯვებული ზედიზედ მეექვსედ, ისტორიაში კი მეთხუთმეტედ გახდა.