გიგა ლემონჯავა იერუსალიმის ისრაელის დედაქალაქად აღიარების შესახებ

უკანასკნელი 22 წლის მანძილზე დონალდ ტრამპი შეერთებული შტატების პირველი პრეზიდენტია, რომელმაც 1995 წელს კონგრესის მიერ მიღებული „იერუსალიმის საელჩოს აქტის“ ამოქმედება გაბედა.

კონგრესმა განმარტა, რომ ნებისმიერი სუვერენული სახელმწიფოს უფლებაა, განსაზღვროს საკუთარი დედაქალაქი. იერუსალიმი ისრაელის პრეზიდენტის, პარლამენტისა და უზენაესი სასამართლოს, ასევე, სამთავრობო სტრუქტურების, სოციალური და კულტურული ინსტიტუციების ადგილსამყოფელია. 1948-1967 წლებში იერუსალიმი გაყოფილი იყო და ისრაელის მოქალაქეებს, ასევე, ებრაელებს მთელი მსოფლიოდან, არ ეძლეოდათ იორდანიის მიერ კონტროლირებულ ზონებში წმინდა ადგილების მონახულების შესაძლებლობა. 1967 წელს, ე.წ. „ექვსდღიანი ომის“ შემდეგ იერუსალიმი გაერთიანდა და მას შემდეგ ქალაქის ადმინისტრირებას ისრაელი ახორციელებს. ყველა აღმსარებლობის ადამიანს სრულად აქვს გარანტირებული წვდომა ქალაქში არსებულ წმინდა ადგილებთან.



აქტის მე-2 და მე-3 პუნქტების მიხედვით, იერუსალიმი აღიარებულ უნდა იქნას ისრაელის სახელმწიფოს დედაქალაქად და შეერთებული შტატების საელჩო ისრაელში უნდა დაფუძნდეს იერუსალიმში, არაუგვიანეს 1999 წლის 31 მაისისა. თუმცა, ამავე აქტის მე-7 პუნქტის „ა“ ქვეპუნქტის მიხედვით, შეერთებული შტატების პრეზიდენტს ენიჭება სპეციალური უფლებამოსილება, გადაავადოს საელჩოს გახსნა იერუსალიმში, თუ ის წინასწარ შეატყობინებს კონგრესს, რომ ამგვარი გადავადება აუცილებელია ამერიკის ეროვნული ინტერესების დასაცავად. აქტის მიღებიდან დღემდე, შეერთებული შტატების ყველა პრეზიდენტი ამ უფლებამოსილებას იყენებდა. „ტრადიცია“ 2017 წლის 6 დეკემბერს დაირღვა. თეთრი სახლის განმარტებით, იერუსალიმის ცნობა ისრაელის დედაქალაქად „ისტორიული და არსებული რეალობის დადასტურებაა.“ ქალაქის სტატუსის განსაზღვრა, ისრალი-პალესტინის მრავალწლიანი კონფლიქტის ერთ-ერთი ცენტრალური საკითხია, რამდენადაც პალესტინური მხარის პოზიციით, აღმოსავლეთ იერუსალიმი მათი მომავალი სახელმწიფოს დედაქალაქი უნდა გახდეს. შეფასებებში რადიკალურია პალესტინის ეროვნული ადმინისტრაციის ლიდერი მაჰმუდ აბასი, რომელიც შეერთებული შტატების როლს მედიაციის პროცესში ამოწურულად მიიჩნევს. მუქარის შემცველ განცხადებებს აკეთებს რადიკალური ისლამისტური დაჯგუფება „ჰამასი“. სამშვიდობო პროცესის „მკვლელობაზე“ საუბრობენ ახლო აღმოსავლეთის ისლამური ქვეყნების ლიდერები: თურქეთი, საუდის არაბეთი, ირანი, იორდანია, ლიბანი, კატარი.



კრიტიკულია საერთაშორისო თანამეგობრობა. მყისიერი განცხადებები გააკეთეს გაეროს გენერალურმა მდივანმა, ევროპის კავშირმა, გაერთიანებული სამეფოს პრემიერ-მინისტრმა, საფრანგეთისა და გერმანიის ლიდერებმა. მათი პოზიციით, იერუსალიმის სტატუსის განსაზღვრა კონფლიქტის ორ მხარეს შორის მოლაპარაკების საბოლოო პუნქტად უნდა დარჩენილიყო.



ტრამპმა საკუთარ განცხადებაში აღნიშნა, რომ აშშ-ის საელჩოს გადატანა იერუსალიმში არ წარმოადგენს პრეზიდენტის პოზიციას იერუსალიმის სტატუსის საბოლოო განსაზღვრისათვის, მათ შორის იერუსალიმის ტერიტორიაზე სპეციალური საზღვრების დადგენისა და ამ საზღვრებში ისრაელის სუვერენიტეტის გავრცელების კონტექსტში.



ნაკლებად სავარაუდოა, რომ პრეზიდენტ ტრამპის ეს ნაბიჯი მხოლოდ მორალურ საწყისებს ეფუძნება და ებრაელი ხალხის რამდენიმე ათასწლიანი შეუპოვარი ბრძოლის ჯეროვანი დაფასებაა. აღნიშნული მოქმედება შესაძლებელია სწორედაც „რეალპოლიტიკის“ მკაფიო გამოვნილებად გავიგოთ, ნათელ გზავნილად, რომ მოსალოდნელი კრიტიკისა და ტურბულენციის მიუხედავად, შეერთებული შტატები დაიცავს მოკავშირეთა ეროვნულ ინტერესებს. ახალი მიდგომა მშვიდობის დამყარების პროცესშიც სწორედ ამ ნარატივზეა აგებული – „თუ გვინდა მშვიდობა, პირველ რიგში დავარქვათ ყველაფერს თავისი სახელი.“ ამ მოსაზრებას ამყარებს სენატორ ჯონ მაკკეინის გუშინდელი „ტვიტი“ – „დიდი ხანია მჯერა, რომ იერუსალიმი ისრაელის ნამდვილი დედაქალაქია. დღევანდელი განცხადება კომპლექსური დიპლომატიური სტრატეგიის ნაწილი უნდა გახდეს ჩვენს რეგიონალურ პარტნიორებთან ერთად, რათა დამყარდეს მშვიდობა და უსაფრთხოება ისრაელის მოქალაქეებსა და პალესტინელებს შორის.“



ამ გადაწყვეტილებით, პრეზიდენტი ტრამპი აგრძელებს სტრატეგიულ ხაზს პოლიტკორექტულობისა და “ილუზიური დიპლომატიის” წინააღმდეგ. აშშ-ისრაელის ტანდემს, მოკავშირეებთან ერთად, უახლოესი დღეების განმავლობაში მოუწევს გაუმკლავდეს ერთის მხრივ, კრიტიკის ნიაღვარს პოლიტიკური და ექსპერტული წრეებიდან, მეორე მხრივ, უზრუნველყოს უსაფრთხოება და თავიდან აიცილოს რადიკალიზაცია რეგიონსა და მსოფლიოში. პირველი შეტაკება ისრაელის სპეციალურ დანაყოფებსა და პალესტინელ დემონსტრანტებს შორის ბეთლემში უკვე მოხდა.


19 დეკემბერს განათლების საერთაშორისო ცენტრში 2017 წლის შემაჯამებელი ღონისძიება გაიმართება

19 დეკემბერს, 12:00 საათზე სსიპ - განათლების საერთაშორისო ცენტრში (მის.: თბილისი, ჭავჭავაძის 7, მეორე სართული) 2017 წლის შემაჯამებელი ღონისძიება გაიმართება.

19 დეკემბერს სემეკი ელექტროენერგიის წარმოების ტარიფებს დაადგენს

საქართველოს ენერგეტიკისა და წყალმომარაგების მარეგულირებელი ეროვნული კომისია  (სემეკ)19 დეკემბრის საჯარო სხდომაზე იმსჯელებს ელექტროენერგიის წარმოების ტარიფების დადგენაზე. 

მუხიანში საცხოვრებელ კორპუსში ხანძარი გაჩნდა

თბილისში, მუხიანის მესამე მიკრორაიონში, საცხოვრებელი კორპუსის მე-16 სართულზე ხანძარი გაჩნდა. შემთხვევის შედეგად არავინ დაშავებულა.

ფოთში სკოლის მოსწავლემ თვითდაზიანება მიიყენა

ფოთში სკოლის მოსწავლემ თვითდაზიანება მიიყენა. ამის შესახებ "პირველს" შს სამინისტროს პრესსამსახურის წარმომადგენელმა დაუდასტურა.

უცხოური ვალუტის ოფიციალური კურსი

18 დეკემბრის ვაჭრობის შედეგად აშშ დოლარი გამყარდა და 2.5453 ლარი შეადგინა. კურსი, რომელიც დღეს მოქმედებდა, 2.5405 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.48 თეთრი შეადგინა.

სემეკმა წყალმომარაგების კომპანიების 2018-2020 წლების საინვესტიციო გეგმები შეითანხმა

ენერგეტიკისა და წყალმომარაგების მარეგულირებელმა ეროვნულმა კომისიამ (სემეკ) წყალმომარაგების სექტორში მოქმედი კომპანიების 2018-2020 წლებში განსახორციელებელი ინვესტიციები შეითანხმა.

19 დეკემბერს ელექტროენერგიის მიწოდება შეიზღუდება

"თელასის" ცნობით, ელექტროქსელის საიმედოობის გაზრდის მიზნით 19 დეკემბერს ელექტრომომარაგება დროებით შეიზღუდება.

საქართველოსა და ბელარუსს შორის საიდუმლო ინფორმაციის გაცვლის შესახებ შეთანხმებას მოეწერა ხელი

საქართველოსა და ბელარუსის რესპუბლიკას შორის საიდუმლო ინფორმაციის გაცვლისა და ორმხრივად დაცვის შესახებ“ შეთანხმება გაფორმდა. 

უკრაინაში "ქართული ლეგიონის" პოზიციები არტილერიამ დაბომბა - არიან დაჭრილები

უკრაინაში, დონბასში, "ქართული ლეგიონის" პოზიციებზე იერიში მიიტანეს. დაბომბვის შედეგად 8 ადამიანი დაიჭრა.

 

სასამართლომ ცრუ დასმენისთვის ბრალდებული დამნაშავედ ცნო

ქუთაისის სააპელაციო სასამართლომ ძალაში დატოვა ზუგდიდის რაიონული სასამართლოს გადაწყვეტილება და პირადი მოტივით მძიმე დანაშაულის ჩადენის შესახებ ცრუ დასმენისთვის ო.ბ. დამნაშავედ ცნო და 5 წლით თავისუფლების აღკვეთა განუსაზღვრა.

თბილისის ოპერის თეატრში კიდევ ერთი პრემიერა შედგება - პიეტრო მასკანის „სოფლის ღირსება“

თბილისის ოპერის სცენაზე „სოფლის ღირსება“ ცოცხლდება - შედევრი, რომელმაც 26 წლის უცნობი კომპოზიტორი ერთ დღეში აქცია ოპერის მსოფლიო ისტორიის ნაწილად. 

ნაძალადევში, ლეჩხუმის პირველი შესახვევის რეაბილიტაცია დასრულდა

ნაძალადევის რაიონში, ლეჩხუმის პირველი შესახვევის კაპიტალური რეაბილიტაცია დასრულდა. შესრულებულ სამუშაოებს ნაძალადევის რაიონის გამგებელი ირაკლი ხელაძე და საკრებულოს მაჟორიტარ დეპუტატ დავით ჭელიძესთან ერთად, ადგილზე გაეცნო.

ადვოკატთა ასოციაციის თავმჯდომარის გამოსავლენად მეორე ტური ჩატარდება

ადვოკატთა ასოციაციის თავმჯდომარის არჩევნების მეორე ტური სპორტის სასახლეში 23 დეკემბერს ჩატარდება.

სს „ენერგო-პრო ჯორჯიამ“ ოზურგეთში ახალი საკაბელო ქსელის მოწყობის სამუშაოები დაასრულა

სს „ენერგო-პრო ჯორჯია“ განაგრძობს ქსელის სარეაბილიტაციო სამუშაოების წარმოებას. კომპანიამ, ოზურგეთში ახალი მიწისქვეშა საკაბელო ქსელის მოწყობის სამუშაოები განახორციელა.

19-20 დეკემბერს სპექტაკლ „ედიტ პიაფის“ თბილისური პრემიერა გაიმართება

19-20 დეკემბერს მიხეილ თუმანიშვილის სახელობის კინომსახიობთა თეატრში სპექტაკლ "ედიტ პიაფის" თბილისური პრემიერა გაიმართება. 

უკრაინაში "ქართული ლეგიონის" პოზიციები არტილერიამ დაბომბა - არიან დაჭრილები

უკრაინაში, დონბასში, "ქართული ლეგიონის" პოზიციებზე იერიში მიიტანეს. დაბომბვის შედეგად 8 ადამიანი დაიჭრა.

 

სოფლის მეურნეობის მინისტრი ფრანგ ბიზნესმენებს შეხვდა

გარემოს დაცვისა და სოფლის მეურნეობის მინისტრი ლევან დავითაშვილი ფრანგ ბიზნესმენებს, კონიაკის მწარმოებელი კომპანია "პრულოს" დამფუძნებელს, რიჩარდ პრულოს და კომპანიის ექსპორტის მენეჯერს, იუჟენ ჯილეტს შეხვდა.

ავსტრიას ახალი მთავრობა ჰყავს - ახალი კანცლერი 31 წლის სებასტიან კურცი გახდა

ავსტრიას ახალი მთავრობა ჰყავს. ქვეყნის ახალი კანცლერი საგარეო საქმეთა ყოფილი მინისტრი, 31 წლის სებასტიან კურცი გახდა.

პარლამენტის თავმჯდომარე პოლონეთის რესპუბლიკის სეიმის მარშალს შეხვდა

საქართველო ქართულ-პოლონურ საპარლამენტო ასამბლეას უმასპინძლებს. ასამბლეა, სავარაუდოდ, მომავალი წლის გაზაფხულზე გაიმართება.

შოუბიზნესის ბაზარზე მაქინაციები გახშირდა - TKT.GE პასუხს არაფერზე აგებს?!

შოუბიზნესის ბაზარზე მაქინაციები გახშირდა. აღნიშნულ თემაზე bfm.ge ვრცელ სტატიას აქვეყნებს.

მსოფლიო ბაზარზე ოქრო და ვერცხლი გაძვირდა

მსოფლიო ბაზარზე, დღევანდელი მონაცემებით, უნცია ოქროს ფასი 1,258.1 აშშ დოლარია, ხოლო უნცია ვერცხლი 16,10 აშშ დოლარი ღირს.