ორი შაჰიდის დედის, ქისტი ქალის ისტორია – პანკისიდან „ისლამურ სახელმწიფოში“ (ნაწილი II)

პანკისის ხეობის სოფელ ჯოყოლოში ორი შაჰიდის დედა, ლეილა აჭიშვილი ცხოვრობს. ლეილა მოგვითხრობს, როგორ გაიარა პანკისიდან სირიამდე ურთულესი გზა შვილების გადასარჩენად.

პანკისიდან თურქეთში


2013 წლის აგვისტო იყო. სტამბოლში ჩავედი. იქ ვინმე რუსლანი უნდა დამხვედროდა, მაგრამ არავინ დამხვდა. თურმე ერთმანეთს ავცდით. არ ვიცოდი, როგორ მოვქცეულიყავი. იქვე, ერთ თურქ ქართველს წავაწყდი, რომელსაც ვუთხარი, რომ სირიაში შვილთან მივდიოდი. სწორედ ამ ქალისგან გავიგე, რომ ჩემს შვილს იქ აბუ აბდულას ეძახდნენ. იმ წამს დატრიალდა ის ქალი, ტაქსით გამამგზავრა იმ ადგილამდე, სადაც მეორე ადამიანი უნდა მენახა.


18 საათი ვიყავი გზაში, გაუსაძლის სიცხეში. ახლა მახსენდება, რომ სადღაც საზღვრისპირა ადგილას, უზარმაზარ შენობაში შემიყვანეს, დანგრეულში, იქ დამხვდა ერთი ბიჭი, რომელიც მხოლოდ თურქულ ენაზე საუბრობდა. ტელეფონზე დამალაპარაკა რუსულად მოსაუბრე ვიღაც კაცთან, რომელმაც ამიხსნა, რომ ჩემი შვილი მეორე დღის 12:00 საათამდე საზღვართან მოსვლას ვერ შეძლებდა. მანვე მითხრა, რომ ეს ბიჭი მიმიყვანდა ისეთ ადგილას, სადაც ღამის გათევას შევძლებდი.


ჩემი შვილის თხოვნით ჰიჯაბით დავდიოდი. საშინელი სიცხე სულს მიხუთავდა. მიმიყვანეს ერთი შენობის დიდ ოთახში, სადაც დაახლოებით 8 კაცი კომპიუტერთან იჯდა და მუშაობდა. როგორც აღმოჩნდა, მოვხვდი იმ ადგილას, სადაც მოჯაჰიდებს იღებდნენ. ახლაც მახსენდება, როგორი საშინელი კაცები იყვნენ, თავგადაპარსულნი და გრძელი წვერით.


ერთმა კაცმა ამიყვანა მეორე თუ მესამე სართულზე. ოთახი სავსე იყო დაჭრილებით. ოხვრა-კვნესა ისმოდა. ამ ოთახიდან პატარა, ასანთის კოლოფივით ოთახში შემიყვანეს, სადაც ღამის გათევას შევძლებდი. ოთახში სირიიდან წამოყვანილი გოგო დამხვდა, სამი შვილით. როგორც მერე გავიგე, ამ გოგონას ქმარი, შვილების თვალწინ, დანით მოკლეს. ამის შესახებ მისმა პატარა, 4 წლის ბიჭმა მიამბო. ძალიან დატანჯულები ჩანდნენ. ჩემთან კონტაქტს ჟესტებით ცდილობდნენ. როგორც იქნა, დაღამდა, თეთრად გავათენე ის ღამე, გაუსაძლის სიცხეში. მეორე დღეს, დილას ბიჭმა მომაკითხა და ქვედა სართულზე მყოფ ჩეჩნებთან მიმიყვანა. ოთახში 18-20 წლის ბიჭები დამხვდნენ. ავუხსენი, ვინც ვიყავი და სადაც მივდიოდი. ჩემს შვილს ყველა იცნობდა. გადავწყვიტე, ამ ბიჭებისგან გამეგო, რატომ წავიდნენ სირიაში. მათ მიპასუხეს: „ჩვენ იქ მივდივართ, სადაც ჩვენი ძმები იბრძვიან“. ერთმა მითხრა, სამი თვეა, ცოლი მოვიყვანე და ოჯახს მოვატყუე, ვითომ ევროპაში მივდიოდი და აქ წამოვედიო. ეს ბიჭებიც და მეც ერთ დიდ მანქანაში ჩაგვსვეს და წაგვიყვანეს.


სირიის საზღვართან


საქართველოდან თურქეთში გადასვლის დროს საზღვარზე ფურცელი მომცეს, ბეჭედდარტყმული. არ ვიცოდი, თუ დამჭირდებოდა. იქვე გადავაგდე. როგორც აღმოჩნდა, სირიის გამშვებ პუნქტში ეს ფურცელი უნდა წარმედგინა. ვიცოდი, რომ სულ რაღაც ერთ კილომეტრში ჩემი შვილი მელოდებოდა. საზღვარზე არ მიშვებდნენ. პასპორტი უკან გადმომიგდეს. არავინ მაქცევდა ყურადღებას. მივხვდი, რომ არ აპირებდნენ ჩემს გაშვებას და უცბად დავიწყე საშინელი კივილი რუსულად – „ვინმემ რუსული არ იცით, დამეხმარეთ-მეთქი“. ამ დროს ერთი არაბი მოვიდა ჩემთან და ტელეფონით დამალაპარაკა კაცთან, რომელსაც ვუთხარი, ვინც ვიყავი და სადაც მივდიოდი.


ამის შემდეგ უპრობლემოდ გამიშვეს. უზარმაზარი ქვეყანა გადაიშალა ჩემს თვალწინ, რომელსაც ცეცხლი ეკიდა და იწვოდა.


მივდივარ. ირგვლივ სიცარიელე და მავთულხლართებია. მივდივარ 25-კილოიანი ჩანთით. ბეტონის კედელსა და მავთულხლართებს შორის გზა არ მთავრდება. ამ დროს გამოჩნდა რკინის უზარმაზარი ჭიშკარი. წვრილი გისოსების მიღმა ახალგაზრდა, წვერმოშვებული ბიჭები გამოჩნდნენ.


„ისლამურ სახელმწიფოში“


მივედი რკინის ჭიშკართან. დავაგდე ძირს ჩანთა და ვდგავარ. უცბად კარი აჭრიალდა. გაიღო. ამ ბიჭებს ვიღაც გამოეყო. ჩემკენ დაიძრა. ვუყურებ. ვერ ვცნობ ჩემს შვილს. დიდი წვერით, საოცრად გამხდარი იყო. რომ მომიახლოვდა და დამიძახა, მაშინღა ვიცანი.


შევხვდით ერთმანეთს. მანქანისკენ წამიყვანა, რომელიც იქვე იდგა. ამ დროს ზურგს უკან ხმა მომესმა. მოვტრიალდი. დავინახე ის ბიჭები, რომლებიც დილით თურქეთში ვნახე. უკვე მანქანაში ისხდნენ და წასვლას აპირებდნენ. ახლაც არ ვიცი, რა გზით მოხვდნენ ამ ტერიტორიაზე, რადგან იმ გზაზე, ჩემ წინ და უკან, არავინ დამინახავს, ისე გამოვიარე. მანქანაში ჩავჯექი. დამხვდა გოგონა – ჩემი რძალი. მარტო თვალები უჩანდა. როდესაც მომეხვია და  სახეზე ჰიჯაბი აიხადა, გავოგნდი. მისმა სილამაზემ დამამუნჯა.


ისეთ მანქანაში ვიჯექი, მსგავსი ცხოვრებაში არც კი მინახავს. როგორც ჩემი შვილისგან გავიგე, ის თარხანის მანქანა იყო, ტყვიაგაუმტარი, რომელიც სპეციალურად ჩემს დასახვედრად გამოატანეს. მერე გავიგე, რომ ამ მანქანის ასაწყობად ირანიდან ხალხი ჩამოუყვანია თარხან ბათირაშვილს  და მათთვის აუწყობინებია. დაახლოებით ნახევარი საათი მივდიოდით. ვხედავდი უზარმაზარ სახლებს, მიწასთან გასწორებულს. სახლების წინ დაყრილ თოჯინებს. საბავშვო ეტლებს. განადგურებული იყო ყველაფერი. მიწასთან გასწორებული. ალეპოს გარეუბნის ერთ-ერთ სახლში მივედით. იქაურობა სამოთხეს ჰგავდა. მოოქროვილი სამზარეულო... სახლში არანორმალური სიმდიდრე იყო. მარმარილოში ჩასმული, უზარმაზარი ოთახები. დავინტერესდი, ვის ეკუთვნოდა სახლი. როგორც ჰამზათმა მიპასუხა, სახლი მისი მეგობრის იყო. ის ბიჭი 20 წელი ავღანეთში იბრძოდა და ახლა სირიელ გოგოზე დაქორწინდა და აქ დაიდო ბინაო. ჩემმა შვილმა მითხრა, რომ მას არაფერი ჰქონდა, არც სახლი და არც სიმდიდრე და არც სჭირდებოდა. სირიაში მხოლოდ იმიტომ იმყოფებოდა, რომ შაჰიდი გამხდარიყო.


რამაზანის თვე იყო და მთხოვა, ბიჭებისთვის ხინკალი მომეხვია. ისიც მითხრა, გარეთ არც კი გამეხედა. მე არ ვიცოდი, ვინ გადიოდა და ვინ შემოდიოდა. უამრავი ოთახი იყო და მე სამზარეულოდან არ გავსულვარ. 5 დღე დავრჩი. სანამ იქ ვიყავი, ჩემს შვილს გარეთ გასვლის საშუალებას არ ვაძლევდი.


ირგვლივ ყველაფერი იბომბებოდა. ფანჯრებთან ერთად სახლიც კი ზანზარებდა. შიშისგან მთელი ღამეები არ მეძინა. ის ხუთი დღე გვერდიდან არ მომშორებიან ჩემი შვილი და რძალი. ღამეც კი ერთ ოთახში გვეძინა. ერთ დღესაც თარხან ბათირაშვილს შემახვედრა. ვესაუბრე. ბევრი კითხვა დავუსვი. ამიხსნა ყველაფერი. დამამშვიდა.


ჩემი შვილის მეგობრები ჩამოდიოდნენ ავსტრიიდან და უამრავი რამ ჩამოჰქონდათ, მაგრამ თვითონ არაფერს იტოვებდა. ყველაფერს სხვებს აძლევდა. არაფერი უნდოდა ამქვეყნიური. ერთი ხალათით დადიოდა, რომელსაც ღამე ირეცხავდა და დილისთვის აშრობდა.


მეექვსე დღეს ჩემმა შვილმა მითხრა, რომ უნდა წამოვსულიყავი. უკვე საბრძოლო მოქმედებები მიმდინარეობდა. ჩემი იქ დარჩენა აღარ შეიძლებოდა. სხვა გზა არ მქონდა. წამოვედი. უამრავი მანქანა გამოგვყვა გამოსაცილებლად.


რომ ვშორდებოდით, მივბრუნდი, მუხლებზე დავეცი. ვთხოვე, წამომყოლოდა. ვეუბნებოდი, რომ აღარავინ დაგვრჩა ოჯახში. ვერ დავითანხმე. მითხრა, ყველა ძალიან მიყვარხართ - შენც, ჩემი მეუღლეც, ჩემი მესამე, არდაბადებული შვილიც. მაგრამ მე თქვენზე მეტად ალაჰი მიყვარს. მის წინაშე უნდა წარვდგეო. 


პანკისში დაბრუნება და შვილების გარდაცვალება


წამოვედი. როგორც იქნა, ჩამოვედი. ერთ დღეს ჩემს ტელეფონზე უცხო ნომრიდან ზარი შემოვიდა. ვუპასუხე. ჩემი შვილის ხმა: „განა მე არ მიყვარხართ, მე თქვენზე ვილოცებო“. ტელეფონში აფეთქების საშინელი ხმები გაისმა. კავშირი გაწყდა. გული ჩამწყდა. მთელი ღამე დარდში გავათენე. მეორე დღე. ისევ ზარი შემოვიდა. ჩემი მეორე შვილის, ხალიდის ხმა. ვეხვეწებოდი, არაფერი ეთქვა. გული ცუდს მიგრძნობდა. „პანიკა საჭირო არ არის, ჰამზათი შაჰიდი გახდა“. ეს მოხდა ჰამზათთან განშორების მეოთხე დღეს. მერე აღარაფერი მახსოვს.


რამდენიმე დღეში დავურეკე ჩემს მეორე შვილს. მაინტერესებდა, რას აპირებდა. მითხრა, რომ თვითონაც სირიაში გეგმავდა წასვლას. გული გამეყინა. მივხვდი, ვერც მას გადავარჩენდი.


ხალიდი სამი თვის შემდეგ დაიღუპა.


მაგ დროს საავადმყოფოში ვიყავი ტომოგრაფიაზე. რეკავს ტელეფონი. არ მინდა, ვუპასუხო. გული მიგრძნობდა, რომ რაღაც ცუდი უნდა ეთქვათ ჩემთვის...


ასე გამომეცალა ორი ვაჟკაცი სამ თვეში ხელიდან.


ფეხზე ვერ ვდგებოდი. ძაღლივით ოთხით დავდიოდი. მერე მივხვდი, რომ ჩემ მშობლებს მიხედვა სჭირდებოდათ. თავს ძალა დავატანე. ფეხზე წამოვდექი.


ხანდახან ისე მენატრებიან, რომ მინდა გავიდე და ხმამაღლა ვიტირო. მაგრამ ვხედავ ჩემს მშობლებს, რომლებმაც ორი შვილი დამარხეს და...


ცხოვრება გავაგრძელე. ვცდილობ, ჩემს მშობლებსა და ჩემს მესამე შვილს გავუფრთხილდე და ცრემლი აღარ დავანახო.


 


 


ავტორი: მანია ტოგონიძე, „პირველის“ რედაქტორი


 


 


პირველი ნაწილი იხილეთ ბმულზე


 


მასალაში გამოყენებულია The Daily Beast -ის ფოტოები


სიახლეები მსგავს თემაზე

ორი შაჰიდის დედის, ქისტი ქალის ისტორია – პანკისიდან „ისლამურ სახელმწიფოში“

პანკისის ხეობის სოფელ ჯოყოლოს მკვიდრი, ორი შაჰიდის დედა, ლეილა აჭიშვილი, 90-იანი წლებიდან იწყებს საკუთარი ისტორიის მოყოლას. მან საკუთარი შვილების გადასარჩენად საოცარი გზა გაიარა გროზნოდან პანკისამდე და პანკისიდან სირიამდე.

"ქართულმა ოცნებამ" დღეს საქართველოს ევროსაბჭოს თავმჯდომარეობა აღნიშნა (ფოტოკოლაჟი)

„ქარ­თუ­ლი ოც­ნე­ბის" ახალ­გაზ­რდუ­ლი ფრთის ორ­გა­ნი­ზე­ბით, თა­ვი­სუფ­ლე­ბის მო­ე­დან­ზე ევ­რო­საბ­ჭოს სა­ქარ­თვე­ლოს თავ­მჯდო­მა­რე­ო­ბას­თან და­კავ­ში­რე­ბით სა­ზე­ი­მო ღო­ნის­ძი­ე­ბა გაიმართა, რომელიც სა­ქარ­თვე­ლოს ჰიმ­ნით და­ი­წყო.

თბილისის მერია განცხადებას ავრცელებს

პირველი რესპუბლიკის მოედანზე სატრანსპორტო მოძრაობა შეიზღუდა.

ალექსანდრე თევზაძე: მომავალში ჩვენი უნივერსიტეტი გახდება ევროპული განათლების სივრცის ღირსეული წევრი

ქუთაისის საერთაშორისო უნივერსიტეტის რექტორი ალექსანდრე თევზაძე ევროპის საბჭოს მინისტრთა კომიტეტში საქართველოს თავმჯდომარეობას გამოეხმაურა.

ეკა ლეკაშვილი: ჩვენ კარგად გვაქვს გააზრებული, რამდენად მნიშვნელოვანია ჩვენი ქვეყნის ინტეგრაციის საკითხი

„ჩვენ კარგად გვაქვს გააზრებული, რამდენად მნიშვნელოვანია ჩვენი ქვეყნის ინტეგრაციის საკითხი“, - ამ სიტყვებით გამოეხმაურა სოციალურ ქსელში თსუ-ს ასოცირებული პროფესორი ეკა ლეკაშვილი ევროპის საბჭოს მინისტრთა კომიტეტში საქართველოს თავმჯდომარეობას.

გიორგი ღაღანიძე: ჩვენი ქვეყნისათვის ევროპული, ევროატლანტიკური მისწაფებები ყოველთვის წარმოადგენდა იმ ყველაზე მნიშვნელოვან მიმართულებას, რომლისკენაც ყოველთვის იყვნენ ორიენტირებული თაობები

თსუ-ს პროფესორი, დეკანი გიორგი ღაღანიძე ევროპის საბჭოს მინისტრთა კომიტეტში საქართველოს თავმჯდომარეობას სოციალურ ქსელში გამოეხმაურა:

სერგი კაპანაძე: "ქართული ოცნების" აქციის საბაბი ძალიან სასაცილო იყო

"ამ აქციით კიდევ ერთხელ გაუსვეს ხაზი, როგორ ცუდ მდგომარეობაში არიან",- ასე გამოეხმაურა "ევროპული საქართველოს" წევრი სერგი კაპანაძე "ქართული ოცნების" ახალგაზრდული მოძრაობის მიერ ორგანიზებულ აქციას.

გიორგი გახარია: თითოეულმა ჩვენგანმა, თითოეულმა თქვენგანმა ნაბიჯ-ნაბიჯ მძიმე დღეები გავიარეთ, რომ ვყოფილიყავით უფრო ახლოს ევროპასთან

„დღეს ჩვენ შეგვიძლია ვთქვათ, რომ უკვე 20 წელია საქართველო ევროსაბჭოს წევრია“, - ამის შესახებ საქართველოს პრემიერ-მინისტრმა გიორგი გახარიამ თავისუფლების მოედანზე „ქართული ოცნების“ ახალგაზრდული ორგანიზაციის მიერ ორგანიზებულ ღონისძიებაზე სიტყვით გამოსვლისას განაცხადა, რომელიც ევროპის საბჭოს მინისტრთა კომიტეტში საქართველოს თავმჯდომარეობას მიეძღვნება.

ბიძინა ივანიშვილი: ჩვენ ყველა სიძნელეს დავძლევთ, ჩვენ ქვეყანასაც გავამთლიანებთ და ეკონომიკასაც ავაღორძინებთ!

„ჩვენ ყველა სიძნელეს დავძლევთ, ჩვენ ქვეყანასაც გავამთლიანებთ და ეკონომიკასაც ავაღორძინებთ", - ამის შესახებ "ქართული ოცნების" თავმჯდომარემ ბიძინა ივანიშვილმა პარტიის ახალგაზრდული ორგანიზაციის მიერ ორგანიზებულ ღონისძიებაზე სიტყვით გამოსვლისას განაცხადა.

გლდანის პატარა ტბის მიმდებარე ტერიტორიის სარეკრეაციოდ განვითარებისთვის საჯარო შეხვედრა გაიმართა

ევროპის საბჭოს და თბილისის მერიის ერთობლივი პროექტის "საჯარო სივრცეების პროექტირებაში მოქალაქეთა ჩართულობის გაძლიერება" ფარგლებში, პირველი შეხვედრა გაიმართა.

განათლების, მეცნიერებისა და კულტურის სამინისტრო განცხადებას ავრცელებს

"სამინისტრო, მის ხელთ არსებული ყველა რესურსის გამოყენებით აქტიურად არის ჩართული "მწვანე სკოლაში" მომხდარი ინციდენტის საფუძველზე განვითარებული ძალიან სამწუხარო ფაქტის შესწავლაში",-ამის შესახებ განათლების სამინისტროს განცხადებაშია აღნიშნული.

კახა კალაძე: გილოცავთ, საქართველო ევროსაბჭოს თავჯდომარე ქვეყანა გახდა

„გილოცავთ, საქართველო ევროსაბჭოს თავჯდომარე ქვეყანა გახდა“ - ამის შესახებ "ქართული ოცნების" გენერალურმა მდივანმა, თბილისის მერმა კახა კალაძემ პარტიის ახალგაზრდული მოძრაობის მიერ ორგანიზებულ მიმდინარე აქცია-ღონისძიებაზე სიტყვით გამოსვლისას განაცხადა.

ზალკალიანი: საქართველო, როგორც ევროპის საბჭოს მინისტრთა კომიტეტის თავმჯდომარე ყველაფერს გააკეთებს, რათა ხელი შეუწყოს ამ ორგანიზაციის გაძლიერებას

საგარეო საქმეთა მინისტრის დავით ზალკალიანის განცხადებით, ღონისძიება, "საქართველოს გზა ევროპისკენ" ახალგაზრდების ძალიან კარგი ინიციატივაა, რომ ერთად აღინიშნოს საქართველოს ევროპის საბჭოს მინისტრთა კომიტეტის თავმჯდომარეობა, რაც ქვეყნისთვის დიდი პასუხისმგებლობაა.

ზალკალიანი: მაქსიმალურად ამოქმედებულია ყველა საერთაშორისო მექანიზმი, რათა დაუყოვნებლივ დასრულდეს გაფრინდაშვილის უკანონო პატიმრობა

"არ დარჩენილა არც ერთი საერთაშორისო ორგანიზაციის უმაღლესი თანამდებობის პირი თუ მაღალი ტრიბუნა, მინისტერიალების ერთობლივი განცხადებები იქნა მიღებული მოწოდებით, რომ დაუყოვნებლივ დასრულდეს ვაჟა გაფრინდაშვილის უკანონო პატიმრობა",-ამის შესახებ საგარეო საქმეთა მინისტრმა დავით ზალკალიანმა განაცხადა

გიორგი გახარია: უსამართლობაა, ექიმი, რომელმაც გადაკვეთა საოკუპაციო ხაზი კეთილი სურვილებით, დღეს იყოს ასეთ მდგომარეობაში

"უსამართლობაა, ადამიანი, ექიმი, რომელმაც გადაკვეთა საოკუპაციო ხაზი კეთილი ნებით, კეთილი სურვილებით, დღეს იყოს ასეთ მდგომარეობაში", - ამის შესახებ პრემიერ-მინისტრმა გიორგი გახარიამ თავისუფლების მოედანზე პარტიის ახალგაზრდული ორგანიზაციის მიერ ორგანიზებულ ღონისძიებაზე სიტყვით გამოსვლისას განაცხადა.

ივანიშვილი: ჩვენი აგრესიული ოპონენტები მალე თავად დარწმუნდებიან სიცრუესა და ძალადობაზე დაფუძნებული პოლიტიკის უპერსპექტივობაში

"ჩვენ ყველა სიძნელეს დავძლევთ, ქვეყანასაც გავამთლიანებთ და ეკონომიკასაც ავაღორძინებთ",- ამის შესახებ "ქართული ოცნების" თავმჯდომარემ ბიძინა ივანიშვილმა პარტიის ახალგაზრდული ორგანიზაციის მიერ ორგანიზებულ ღონისძიებაზე სიტყვით გამოსვლისას განაცხადა. 

ბიძინა ივანიშვილი: ცინიზმი იმაში მდგომარეობს, რომ ვინც ოკუპაცია გააფორმა, სწორედ მან მოირგო პატრიოტის მანტია

"დღევანდელობის ცინიზმი კი იმაში მდგომარეობს, რომ ვინც ოკუპაცია გააფორმა - სწორედ მან მოირგო პატრიოტის მანტია და აქეთ გვდებს ბრალს ოკუპაციაში",- ამის შესახებ "ქართული ოცნების" თავმჯდომარემ ბიძინა ივანიშვილმა პარტიის ახალგაზრდული ორგანიზაციის მიერ ორგანიზებულ ღონისძიებაზე სიტყვით გამოსვლისას განაცხადა.

გახარია: ევროპა არის საქართველოს წარსული, დღევანდელი დღე და მომავალი

"ევროპა არის საქართველოს წარსული, ევროპა არის საქართველოს დღევანდელი დღე და ევროპა არის საქართველოს მომავალი", - ამის შესახებ პრემიერ-მინისტრმა გიორგი გახარიამ "ქართული ოცნების" ახალგაზრდული ორგანიზაციის მიერ ორგანიზებულ ღონისძიებაზე სიტყვით გამოსვლისას განაცხადა.

გიორგი გახარია: საქართველოში ყოველთვის იყო ევროპა და ჩვენი ისტორია ამის დამადასტურებელია

"აქ იყო ყოველთვის ევროპა და ამის დამადასტურებელია ჩვენი ისტორია", - ამის შესახებ პრემიერ-მინისტრმა გიორგი გახარიამ თავისუფლების მოედანზე "ქართული ოცნების“ ახალგაზრდული ორგანიზაციის მიერ ორგანიზებულ ღონისძიებაზე სიტყვით გამოსვლისას განაცხადა.

 

კახა კალაძე: ადვილია ქართველისთვის ევროპაში თავის დამკვიდრება, რადგან მათ ზუსტად ჩვენსავით ესმით თავისუფლების ფასი

"დღეს ჩვენი ცივილიზაციის, ორი უმთავრესი საყრდენის თავისუფლების და ტოლერანტობის ცენტრია ევროპა, ამ ღირებულების გამო ვართ ისტორიულად ერთად",-ამის შესახებ "ქართული ოცნების" გენერალურმა მდივანმა თბილისის მერმა პარტიის ახალგაზრდული მოძრაობის მიერ ორგანიზებულ მიმდინარე აქცია-ღონისძიებაზე სიტყვით გამოსვლისას განაცხადა.

"ქართული ოცნების" აქცია "საქართველოს გზა ევროპისკენ" დაიწყო

თავისუფლების მოედანზე, "ქართული ოცნება" საქართველოს ევროპის საბჭოს თავმჯდომარეობის აღსანიშნავ აქცია- ღონისძიებას "საქართველოს გზა ევროპისკენ" მართავს. 

 

გენადი არველაძე: ინვესტიციების დაცვის შეთანხმება იაპონიიდან მაღალტექნოლოგიურ სექტორებში მეტი ინვესტიციის შემოსვლის შესაძლებლობას შექმნის

საქართველოსა და იაპონიას შორის მოლაპარაკების დასრულების შესახებ ინვესტიციების დაცვის, ხელშეწყობისა და ლიბერალიზაციის შეთანხმებასთან დაკავშირებით ოქმს ხელი მოეწერა.