ვლადიმერ ჯანჯღავა: გიორგი სალაყაიამ ყველაფერი იკადრა! თაღლითი და აფერისტია!

ორ თვეზე მეტია, საკმაოდ დიდი ვნებათაღელვაა კომპანია „ბადაგონის“ გარშემო.

„ბადაგონის“ დამფუძნებელი ვლადიმერ ჯანჯღავა აცხადებს, რომ „ბადაგონის“ ამჟამინდელმა მფლობელმა, გიორგი სალაყაიამ, მიითვისა კომპანია და არ შეასრულა დათქმული პირობა იმის შესახებ, რომ გარკვეული პერიოდით დათმობილ წილს მოგვიანებით უკან დააბრუნებდა.


სალაყაია კი აცხადებს, რომ კომპანიის პატიოსანი მფლობელია და იმ დროს, როცა კომპანია 40 000 დოლარად შეიძინა, ეს თანხაც არ ღირდა. მოგვიანებით ციფრი შეიცვალა და სალაყაიას ადვოკატმა განაცხადა, რომ წილის გამოსყიდვაში არა 40 000 დოლარი, არამედ 1 200 000 გადაიხადეს.


ვლადიმერ ჯანჯღავას ადვოკატის, იმედა დვალიძის თქმით, სალაყაიას მხარე ვერ წარმოადგენს ვერანაირ დოკუმენტს, რომლითაც დადასტურდება, რომ ზემოხსენებული თანხა წილის გამოსყიდვის მიზნით გადაიხადეს. მისი თქმით, ამ თანხით კომპანია „ბადაგონმა“, და არა გიორგი სალაყაიამ, ინვესტორი კომპანია „გრაკოროს“ ვალის მცირე ნაწილი დაფარა.


ბევრი კითხვა დაგროვდა როგორც ვლადიმერ ჯანჯღავას, ისე გიორგი სალაყაიას მიმართ. გიორგი სალაყაიასთან არაერთგზის დაკავშირების მიუხედავად, მასთან შეხვედრა ვერ მოვახერხეთ. ასეთი მნიშვნელოვანი დავის დროს, კომპანიამ გადაწყვიტა, მედიასთან ურთიერთობა გაეწყვიტა.


 „რაც დღეს ხდება, ჩემთვის გაუგებარია. ვფიქრობ, მოვიდა დრო, ბატონ სალაყაიას შევახსენო, რომ ყველა თანხას კომპანიის ინვესტირებისთვის იღებდა ჩემგან. ჩვენ ვმეგობრობდით და, სამწუხაროდ, მან ეს ყველაფერი დაივიწყა. სამწუხაროდ, ის იგნორირებას უკეთებს ჩვენს სამართლებრივ მოთხოვნებს. იძულებული ვართ, თავად ვიპოვოთ გზები და სამართლიანობა აღვადგინოთ. მან ჩვენი ნდობა გამოიყენა და ჩემი საკუთრება მიითვისა“, – აცხადებს ვლადიმერ ჯანჯღავა.


ის იმ პერიოდს იხსენებს, როდესაც გიორგი სალაყაიასთან საქმიანი ურთიერთობა დაიწყო.


„სალაყაიას გაუჩნდა ფინანსური პრობლემები და, ასევე, პრობლემები სამართალდამცავ ორგანოებთან. ის ჩამოვიდა ჩემთან უკრაინაში და დავეხმარე, რომ ამ სიტუაციიდან თავი დაეღწია.


ამის შემდეგ დაბრუნდა საქართველოში და გახდა პარლამენტის დეპუტატი. ვიფიქრე, რომ თავისი გამოცდილებით, ის საჭირო ადამიანი იქნებოდა და ვთხოვე, ჩვენს საქმეში ჩართულიყო. გადავწყვიტეთ, აგვეშენებინა დიდი ქარხანა, რომელსაც გოგის ჩავაბარებდით. მას წილიც კი მივეცით, მიუხედავად იმისა, რომ პარტნიორებს წილის მიცემასთან დაკავშირებით სულ სხვანაირი მოლაპარაკება გვქონდა.


გიორგი სალაყაიამ ჩადო თუ არა „ბადაგონში“ რაიმე სახის ინვესტიცია და თუ ჩადო, რამდენი?


 ჩემ გარდა,  არავის არაფერი ინვესტიცია არ შეუტანია და ეს მშვენივრად იცის სალაყაიამაც. თუ არადა, წარმოადგინოს დოკუმენტაცია, მისი მხრიდან რაიმე სახის ინვესტიციის შემოტანის თაობაზე.


გიორგი სალაყაიას განცხადებით, მან წილის სანაცვლოდ 40 000 დოლარი გადაიხადა. მისივე თქმით, იმ დროისთვის ქარხანა მეტი არც ღირდა.


რა 40 000?! 2006 წლისთვის „ბადაგონში“ უკვე 15 მილიონი იყო ინვესტირებული. არავინ მოელოდა ამხელა პროექტს. ასევე, არავინ მოელოდა, რომ ამხელა ფულს ჩავდებდი... არავინ მოელოდა არც იმას, რომ ხანგრძლივი პროექტი იქნებოდა.


2006 წელს ავაშენეთ ქარხანა 2 მილიონი ბოთლის წარმადობით. ყველაფერი უმაღლესი ხარისხის იყო. კიდევ 7 წელი მე ვდებდი ამ საქმეში ფულს. ეს ფული იხარჯებოდა ხელფასებში, ტექნიკაზე. შემდეგ, რაღაც მომენტში ვეღარ ვახერხებდი ინვესტირებას, მაგრამ ვვითარდებოდით.


ამის შემდეგ, სალაყაიამ მითხრა, უნდა განვვითარდეთ კიდევ უფრო მეტადო, მაგრამ ინვესტიციის ჩადების საშუალება აღარ მქონდა. ავდექით და სესხის გარანტიად ჩავდეთ ბანკში ტექნიკა-დანადგარები. შემდეგ მითხრა, აქციებით შეგვიძლია კრედიტის აღება, მაგრამ ეს აქციები რეზიდენტზე უნდა იყოსო. დავეთანხმე და პირველად გადავაფორმეთ „ბადაგონის“ 40%. ეს არ იყო გაყიდვა, ეს იყო ტექნიკური საშუალებების ბანკში ჩადება. მერე მითხრა, კიდევ 10 პროცენტიაო საჭირო. კიდევ გადავაფორმეთ 10%. თითქოს მოგვარდა ყველა პრობლემა და მე, როგორც ინვესტორმა, შევასრულე ჩემი ვალდებულება. საჭირო იყო, გადამეცა აქციები, გადავეცი, მოვაგვარე პრობლემა და კომპანიამ განაგრძო განვითარება. იმ მომენტში ეს ატარებდა ფორმალურ სახეს.


რატომ გადაუფორმეთ საკონტროლო პაკეტი და მერე მთლიანი წილი? თქვენ ხომ ბიზნესმენი ხართ, ასე ადვილად ენდობით ადამიანებს?!


პრობლემა შემექმნა იმ ბიზნესში, საიდანაც „ბადაგონში“ინვესტიციას ვდებდი. დამჭირდა ფული და სესხის აღება ბანკიდან. სალაყაიამ მითხრა, რომ ამის გასაკეთებლად აქციების გადაფორმება იყო კიდევ საჭირო. აქ უკვე თითქოს რაღაცას მივხვდი და ვუთხარი, მოდი, ვინმე სხვაზე გადავაფორმებ-მეთქი. მითხრა, მხოლოდ ჩემზე შეგვიძლია, რადგან ბანკში ჩემი ურთიერთობები მაქვს და სხვას ასე მარტივად არ მისცემენო. ასე მოხდა ჩემი წილის მთლიანად გადაფორმება.


ალაყაიას ადვოკატი ამტკიცებს, რომ მან წილის სანაცვლოდ თქვენ მილიონ ორასი ათასი გადაგიხადათ...


ეს იყო „ბადაგონის“ ვალი „გრაკოროს“, ანუ ინვესტორი კომპანიის მიმართ. კიდევ არის დავალიანება. ეს იყო დავალიანების მცირე ნაწილის გადახდა და ეს მშვენივრად იცის სალაყაიამ. არაა პრობლემა მაგ დოკუმენტის წარმოდგენა და რაში სჭირდებათ ეს ტყუილები?!


გადის დრო და „ბადაგონიდან“ არანაირი შემოსავალი არ არის. გარემოებებიც შეიცვალა. მოწმეებთან ერთად ველაპარაკებოდი გოგის და ვეკითხებოდი, ყველაფერი ნორმალურად თუ არის-მეთქი? მეუბნებოდა, კიო, ყველაფერი ნორმალურადაა, ცოტა დარჩა და ყველაფერი გამოსწორდებაო.


როცა დავბრუნდი, გოგის ვუთხარი, ჩემი წილის დაბრუნება მინდა და მოდი, აღვადგინოთ სტატუს კვო-მეთქი. მითხრა, ვერაო. ვიღაცებთან ვალდებულებები მაქვს და ჯერ ეს წილი ჩემს სახელზე უნდა იყოსო. თან რაღაც უცნაურ ამბებს იგონებდა, სხვანაირად რომ ვქნათ ახლა, მე და ჩემს ოჯახს პრობლემები შეგვექმნებაო. მეც მჯეროდა ამ ყველაფრის.


კიდევ ერთი დეტალი, ამ პერიოდში  კიდევ გახდა თანხა საჭირო და მე ვთხოვე ჩემს მეგობარს, რომელსაც გოგი შეხვდა და 500 000 გამოართვა. კიდევ კარგი, მეტი არ მოუცია. სამი მილიონის მიცემას ითხოვდა.  ჩვენს ბოლო შეხვედრაზე გოგის ვუთხარი, ამ კაცს ფული არ უნდა დავუბრუნოთ-მეთქი? მითხრა, რომ არ აინტერესებდა, საიდან მოვიტანე ფული, შენი პრობლემებიაო. ეს უკვე საბოლოო წვეთი იყო.


ანუ ერთად ავიღეთ ფული, ამ ფულით ერთად მოვაგვარეთ ქარხნის პრობლემები და როცა ჯერი გადახდაზე მიდგა, მითხრა, შენი პრობლემააო.


ბოლოს კი მითხრა, ამ ყველაფერში, ანუ „ბადაგონის“ საქმეში, აღარ ხარო. რატომ აღარ ვარ-მეთქი? ასე აჯობებს ყველასთვისო. ამის შემდეგ უკვე იძულებული გავხდი, სხვა მეთოდებითა და ხერხებით მემოქმედა.


„ბადაგონის“ თანამშრომლებს იცნობთ? გქონდათ მათთან ურთიერთობა? ისინი გოგი სალაყაიას მხარეს დგანან.


„ბადაგონის“ ყველა თანამშრომელს ვიცნობ. ყველამ ყველაფერი იცის, მაგრამ შეშინებულები არიან.


არავინ გამინაწყენებია ქარხანაში არასდროს. ლიზა ბაგრატიონის საქციელი ძალიან საწყენია. თითქოს არ იცის, ფული საიდან მიდიოდა „ბადაგონში“. ქარხანა რომ გაიხსნა, ლიზა ბაგრატიონს მანქანა ვაჩუქე მადლიერების ნიშნად. ბასა ფოცხიშვილმა „ბადაგონის“ გახსნაზე წიგნი გააკეთა, რომელიც  მამაჩემის ფოტოთი გაფორმდა და თავად მუშაობდა ამ ფოტოს შერჩევაზე.


რას აპირებთ?


არ ვარ ბოროტი ადამიანი, ეს მიქმნის პრობლემებს, მაგრამ რასაც ვუყურებ, რაც ხდება, ვაპირებ, ბოლომდე ვიბრძოლო. არ მინდა მისი დასჯა, რომ ვინმე დაზარალდეს, მაგრამ მინდა სამართლის აღდგენა.


ბოლოს ყველა ზღვარს გადავიდა გოგი, ისიც იკადრა, რომ ჩემზე თქვა, „კაგებეს“ აგენტიაო.  მე არცერთ ინტერვიუში ის ცუდად არ მომიხსენებია, მისგან განსხვავებით. ახლა კი თავისუფლად შემიძლია ვთქვა ხმამაღლა, რომ ის არაადამიანი, თაღლითი და აფერისტია.


სერგეი გავრილოვი: არასდროს მიმიღია მონაწილეობა რაიმე მოქმედებებში აფხაზეთის ტერიტორიაზე

არასდროს მიმიღია მონაწილეობა რაიმე მოქმედებებში აფხაზეთის ტერიტორიაზე, – ამის შესახებ მართლმადიდებლური საპარლამენტთაშორისო ასამბლეის პრეზიდენტმა, რუსმა დეპუტატმა სერგეი გავრილოვმა განაცხადა.

,,ჩვენი პროექტები ხელს უწყობს ამა თუ იმ რეგიონის განვითარებას, რასაც შემდგომში მოყვება უკვე უფრო მსხვილი ინვესტიციები”

,,ჩვენი პროექტები  ხელს უწყობს ამა თუ იმ რეგიონის განვითარებას,  რასაც შემდგომში მოყვება უკვე  უფრო მსხვილი ინვესტიციები”,-განაცხადა მაია ცქიტიშვილმა საზოგადოებრივ მაუწყებელში სტუმრობისას. 

ილია მეორე: მართალია, საქართველოს ეკლესიის საზღვრები შენარჩუნებულია, მაგრამ ცხინვალის რეგიონსა და აფხაზეთში სახელმწიფო თავის იურისდიქციას დღეს ვერ ახორციელებს

საქართველოს საპატრიარქო მართლმადიდებლობის საპარლამენტთაშორისო 26-ე ასამბლეის მონაწილეებისადმი ილია მეორის მიმართავს ავრცელებს.

ქუცნაშვილი: ერთმანეთთან არათანაზომადია ​გავრილოვის მონაწილეობით იმ მნიშვნელოვანი მოვლენის გადაფარვა, რაც თბილისში ხდება

ეს არის საერთაშორისო ღონისძიება მართლმადიდებელი ქვეყნების საპარლამენტო ასამბლეის სახით, ერთმანეთთან  არათანაზომადია ​გავრილოვის მონაწილეობით იმ მნიშვნელოვანი მოვლენის გადაფარვა, რაც თბილისში ხდება,- აცხადებს ქუცნაშვილი

საქართველოში უკრაინის ელჩმა, იგორ დოლგოვმა სერგეი გავრილოვის გამოსვლა პროტესტის ნიშნად დატოვა

საქართველოში უკრაინის ელჩმა, იგორ დოლგოვმა მართლმადიდებლური საპარლამენტთაშორისო ასამბლეის პრეზიდენტის, რუსი დეპუტატის, სერგეი გავრილოვის გამოსვლა პროტესტის ნიშნად დატოვა.

თბილისში მართლმადიდებლობის საპარლამენტთაშორისო ასამბლეის სესია გაიხსნა

თბილისში მართლმადიდებლობის საპარლამენტთაშორისო ასამბლეის (IAO) 26-ე გენერალური ანსამბლეის სესიამ მუშაობა დაიწყო. ღონისძიებაში 25-მდე ქვეყნის 100-მდე წარმომადგენელი იღებს მონაწილეობას.

„თბილისი პრაიდის“ მოწინააღმდეგეები საცხოვრებელ სახლის აივნიდან ფერადი ნაჭრის ჩამოხსნას მოითხოვენ(ვიდეო)

„თბილისი პრაიდის“ მოწინააღმდეგეები თბილისში, მარჯანიშვილზე ქუჩაზე საცხოვრებელი სახლის წინ საპროტესტო აქციას მართავენ.

გენადი არველაძე: ევროკავშირთან ექსპორტის 22 პროცენტიანი ზრდა ადასტურებს, რომ DCFTA წარმატებით მუშაობს

„2019 წლის იანვარ-მაისში ექსპორტი 14.2 პროცენტით არის გაზრდილი“ - განაცხადა ეკონომიკისა და მდგრადი განვითარების მინისტრის მოადგილემ საქართველოს სტატისტიკის ეროვნული სამსახურის მიერ გამოქვეყნებული მონაცემების შეფასებისას.

ამირან სალუქვაძე: სად ხართ ქალთა უფლებების დამცველები, განსაკუთრებით ექსმინისტრები, გენდერულ თანასწორობაზე რომ საუბრობდით?

ექსპერტი ამირან სალუქვაძე ჯანდაცვის მინისტრად ეკატერინე ტიკარაძის დანიშვნასთან დაკავშირებით გამოთქმულ მოსაზრებებს ეხმიანება.

სემეკი საოჯახო ტიპის სასტუმროებისთვის სასმელი წყლის ტარიფის მოდელზე იმსჯელებს

20 ივნისის საჯარო სხდომაზე საქართველოს ენერგეტიკისა და წყალმომარაგების მარეგულირებელი ეროვნული კომისია (სემეკ) საოჯახო ტიპის სასტუმროებისთვის სასმელი წყლის ტარიფის მოდელზე იმსჯელებს.

ეკატერინე ტიკარაძე საქმიანობას ოფიციალურად შეუდგა

ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის ახალი მინისტრი ეკატერინე ტიკარაძე დღეიდან საქმიანობას ოფიციალურად შეუდგა.

მაია ცქიტიშვილი: პროექტების შესრულების დინამიკა გაუმჯობესებულია

სამინისტროს მიერ  6 თვის განმავლობაში შესრულებული სამუშაოების შესახებ საუბრისას, მაია ცქიტიშვილმა აღნიშნა, რომ პროექტების შესრულების დინამიკა გაუმჯობესებულია.

„თბილისი პრაიდის“ მოწინააღმდეგეები ვაკეში მსვლელობას აწყობენ (ფოტო-ვიდეო)

„თბილისი პრაიდის“ მოწინააღმდეგეები თბილისში, რამიშვილის ქუჩაზე, სადაც ორგანიზატორთა ოფისი მდებარეობს, გამაფრთხილებელ აქციას მართავენ.

აშშ-ის საელჩო პრაიდთან დაკავშირებით საკუთარ მოქალაქეებს აფრთხილებს

საქართველოში აშშ-ის საელჩო "ლგბტ პრაიდთან" დაკავშირებით, რომელიც 22 ივნისს ჩატარდება უსაფრთხოების ზომების მიღებისკენ მოუწოდებს.

23 ივნისამდე საქართველოს ტერიტორიაზე ელჭექი იქნება

20-22 ივნისს საქართველოს ტერიტორიაზე ნარჩუნდება ამინდის არახელსაყრელი პირობები. დროგამოშვებით იწვიმებს ელჭექით, ძირითადად ღამისა და საღამოს საათებში.

მსოფლიო ბანკი: „წყლის ენერგია უფრო სუფთა და უფრო იაფია“

საქართველომ უნდა გამოიყენოს ბუნებრივი რესურსები, რაც ღმერთმა მისცა, - ასე უპასუხა სამხრეთ კავკასიაში მსოფლიო ბანკის რეგიონულმა წარმომადგენელმა მერსი ტემბონმა bm.ge-ს დიდი ჰესების მშენებლობასთან დაკავშირებულ კითხვაზე.

ბოლო ერთ თვეში უკანონო შემოსავლის ლეგალიზაციის ექვსი ფაქტი გამოვლინდა

უკანასკნელი ერთი თვის განმავლობაში ჯგუფურად, ყალბი საგადასახადო დოკუმენტების დამზადება - გამოყენებისა და უკანონო შემოსავლის ლეგალიზაციის ექვსი ფაქტი გამოვლინდა რაზეც.


საგამოცდო ბარათების ამობეჭდვა აპლიკანტებს 20 ივნისიდან შეეძლებათ

2019 წლის გამოცდების ჩაბარების მსურველები ბარათების ამობეჭდვას 20 ივნისიდან შეძლებენ.

უცხოური ვალუტის ოფიციალური კურსი

19 ივნისის ვაჭრობის შედეგად აშშ დოლარი გამყარდა და  2.7871 ლარი შეადგინა. კურსი, რომელიც
დღეს მოქმედებდა, 2.7664 ლარი იყო. შესაბამისად, დოლარის ცვლილებამ ეროვნულ ვალუტასთან
მიმართებაში -2.07 თეთრი შეადგინა.
 
 

ავიაკომპანია „ჯორჯიან ეარვეისის“ ავიაპარკს უახლოეს მომავალში Boeing 737-800 შეემატება

ავიაკომპანია „ჯორჯიან ეარვეისის“ ავიაპარკს უახლოეს მომავალში Boeing 737-800 შეემატება, რომლითაც თბილისიდან პირდაპირი რეგულარული ავიარეისები შესრულდება.

მეუფე კალისტრატეს გარდაცვალებაზე ინფორმაცია მცდარია

ქუთათელ-გაენათელი მიტროპოლიტი კალისტრატეს ჯანმრთელობის მდგომარეობა კრიტიკულია, ის ხელოვნური სუნთქვის აპარატზეა შეერთებული.