ბანკების ასტრონომიული მოგება და მცირე ბიზნესის განვითარების დაბალი ტემპი

კომპანია „არსის“ აღმასრულებელი დირექტორი თორნიკე აბულაძე მიიჩნევს, რომ საბანკო ინსტიტუტების ასტრონომიული მოგების ფონზე მცირე და საშუალო ბიზნესის დაბალი ტემპით განვითარება საგანგაშო დისბალანსია.

თორნიკე აბულაძე M2B-სთან საუბარში იზიარებს ფინანსთა მინისტრის მიერ რამდენიმე დღის წინ გამოთქმულ პრეტენზიებს საბანკო სისტემის მიმართ.


„ზოგადად, ბიზნესის განვითარების ტრენდი არის ძალიან დაბალი. ბანკები გადავიდნენ ლომბარდულ სესხებზე, რაც ნიშნავს, რომ მხოლოდ უზრუნველყოფაზე (გარანტიებზე) ზრუნავენ და არა თავისი მსესხებლების ინსტიტუციონალურ განვითრებაზე“, – მიაჩნია „არსის“ აღმასრულებელ დირექტორს.


“პატარა ისტორიული ექსკურსი რომ გავაკეთოთ, დავინახავთ, რომ სიტუაცია რადიკალურად შეიცვალა 2008 წლის კრიზისის შემდეგ - მანამდე ბანკები ყველა ძალას ხმარობდნენ რომ მათი კლიენტები/მსესხებლები ინსტიტუციონალურად განვითარებულიყვნენ, ცდილობდნენ ამისათვის ხელი შეეწყოთ. ჩვენი კომპანიის მაგალითზე შემიძლია ეს ვთქვა - ჩვენ ერთად ვვითარდებოდით, ბევრ რამეს ვსწავლობდით ერთად - ბანკები ჩვენგან და ჩვენ ბანკებისგან. როდესაც კრიზისი დაიწყო, ბანკებს (ისევე როგორც ალბათ ნებისმიერ სხვა კომპანიას) მოუწიათ გადაწყობა და ბევრდ უფრო აგრესიული პოლიტიკის გატარება, ბანკების ქცევის სტანდარტის შეცვლის გამო ძალიან ბევრი მსესხებელი დაზარალდა. თუმცა ბანკები თავს იმართლებდნენ რომ გადარჩენის რეჟიმში მუშაობდნენ“, – განმარტავს თორნიკე აბულაძე.


მისივე თქმით, „ჩაიარა კრიზისმა, მაგრამ ბანკებმა არ შეცვალეს დამოკიდებულება - ისევ აგრესიული პოლიტკის გატარება გააგრძელეს. რას ნიშნავს აგრესიული პოლიტკია: როცა არ ფიქრობ კლიენტზე, როცა არ მიგაჩნია რომ ის შენი პარტნიორია და როცა არ მიგაჩნია რომ საბოლოო ჯამში მისი განვითარება გრძელვადიან პერიოდში შენს განვითარებასაც ნიშნავს. ბანკები უმეტესად სამომხმარებლო კრდიტებზე გადაერთნენ, და ისეთ პროდუქტების/სესხების გაცემაზე რომელიც არ არის ორიენტირებული დოვლათის შექმნაზე. როცა გაცხადებული და ეფექტური პროცენტი განსხვავდება ერთმანეთისგან, როცა ბევრი ფარული გადასახდი და საკომისიო დევს ხელშეკრულებაში“.


„ერთ მაგალითს მოვიყვან - ერთ–ერთი ბანკის ანგარიში ვნახეთ - იქ ჩანდა, რომ ბანკი რომელიღაც კვარტალში გავიდა $300 000-იან მოგებაზე, ხოლო იმავე კვარტალში ამოღებული ჯარიმების მოცულობა იყო $600 000. ანუ, ამ ბანკის ერთ–ერთი მთავარი შემოსავლის წყარო იყო ჯარიმები. შესაბამისად, მის ყველა კლიენტს კარგად რომ გადაეხადა სესხი, ბანკი გავიდოდა ზარალზე. აქ მნიშვნელოვანია ის ფაქტი, რომ ეს ბანკი მთელი წლის განმავლობაში არეკლამებდა 0%-იან სესხებს. ოღონდ ეს პროდუქტები ისე რთულად იყო ფორმირებული, რომ ყველა ვარიანტში რაღაცას არღვევდი და ჯარიმის გადახდა გიწევდა. ამას ვგულისხმობ, როდესაც აგრესიულ პოლიტიკას ვახსენებ. ასეთი პროდუქტები ამდიდრებენ ბანკს, მაგრამ აღარირიბებს მოსახლეობასაც და ბიზნესსაც“, – აცხადებს თორნიკე აბულაძე.


„არსის“ აღმასრულებელი დირექტორი ბანკებს ურჩევს, მეტი დრო და რესურსი დაუთმონ კლიენტებთან თანამშრომლობას, რათა ისინი იმდენად განვითარედნენ და გაძლიერდნენ, რომ წარმატებულად გამოიყენონ ბანკების საკრედიტო რესურსი, რის შედეგადაც კრედიტორიც მეტ შემოსავალს მიიღებს და მსესხებელიც კმაყოფილი დარჩება.


„დღეს ბანკებს იმდენად მნიშვნელოვანი და დიდი როლი აქვთ ქვეყნის განვითარებაში, რომ მათ სახელმწიფოებრივი ამბიციები უნდა ჰქონდეთ. სამწუხაროდ, დღეს ეს ასე არ არის. ერთე-ერთი მსხვილი ბანკის მოადგილემ მითხრა 2009 წელს - რაც ქვეყნისთვის კარგია, ის ჩვენთვისაც კარგი არისო. ნამდვილად ასეა, თუმცა დღეს ეს შეიცვალა და იმ ბანკსაც აღარ აქვს ეს სტრატეგია.


როცა:


·         ერთი მხრივ ამხელა გავლენა გაქვს ქვეყნის ეკონომიკაზე;


·         მეორე მხრივ ვიწრო ხედვების და მოკლევადიან (თუნდაც ამ ეტაპზე ძალიან მომგებიან) პოლიტიკას ატარებ;


·         როცა ერთი მხრივ 5 ბანკის მოგება ბევრად აღემატება 10 000 საწარმოს მოგებას;


·         მეორე მხრივ მცირე და საშუალო ბიზნესის განვითარების დინამიკა ძალიან დაბალია,


ცხადია, რომ სახელმწიფო დაიწყებს ისეთ მექნიზმებზე და ისნტრუმენტებზე ფიქრს და მუშაობას, რომელიც უზრუნველყოფს რომ ეს მომგებიანობა და ზოგადა შემოსავლები გადანაწილდეს, დაბალანსდეს“, – მიაჩნია „არსის“ აღმასრულებელ დირექტორს თორნიკე აბულაძეს.


მისივე თქმით, სოციალურ ფონზე, რომელიც ისედაც არ არის დამაკმაყოფილებელი, ზემოხსენებული დისბალანსი კიდევ უფრო აღარიბებს დაბალშემოსავლიან ოჯახებს, ვინაიდან მათი დასაქმების ძირითადი არეალი სწორედ მცირე და საშუალო ბიზნესია.


 „არსის“ ხელმძღვანელი აუცილებლად მიიჩნევს ისეთი რეგულაციების დაწესებას, რომლებიც მოგების დისბალანსის გადანაწილება/დაბალანსებას უზრუნველყოფს.


თორნიკე აბულაძეს შემდეგი მაგალითი მოჰყავს:


„მაგალითი 1:  თუ ჯამურად ყველა ბანკი და კომპანია 100 ლარი ოდენობის მოგების გენერირებას ახდენს და აქედან 70 ლარი მოდის 5 ბანკზე, ხოლო 30 ლარი 10 000 მეწარმეზე, ეს პროპორცია უნდა შეიცვალოს, რაც თავისთავად გამოიწვევს – ა. შეიქმნება მეტი სამუშაო ადგილი; ბ. ბევრად მეტ ადამიანს გაეზრდება რეალური შემოსავალი; გ. ჯამური 100 ლარის ოდენობის მოგება  500 ლარამდე გაიზრდება.


მიმაჩნია რომ ფინანსითა მინისტრის განცხადება ძალიან დროული და ადეკვატურია. იმედი მაქვს რომ ის რეალურად შეძლებს ამ პოლიტიკის გატარებას და უკან არ დაიხევს - ცხდია რომ ამ გზაზე ბევრი წინააღმდეგობა დახვდება, ბევრი ოპონენტი გამოუჩნდება, ბევრ ბარიერს შეუქმნიან. დღეს ბანკებს ძალიან დიდი გავლენა აქვთ და მათ შორის პოლიტიკურ პროცესებზეც. აქვე ისიც მნიშვნელოვანია რომ თუ ფინანსთა მინისტრმა და სამთავრობო გუნდმა მაინც შეძლეს ამ ინიციატივის განხორციელება, საბოლოო ჯამში ეს (ამ ეტაპზე ბანკბეისთვის მტკივნეული და მიუღებელი პროცესი) ბანკებისთვისაც დადებითი ეფექტის მომტანი იქნება - რაც უფრო გაძლიერდება მცირე და საშუალო ბიზნესი, რაც უფრო განვითარდება ქვეყნის ეკონომიკა, მით უფრო კარგი იქნება ეს ყველასთვის და მათ შორის ბანკებისთვის, და საბოლოო ჯამში მათაც მეტ შემოსავალს მოუტანს“, – ამბობს თორნიკე აბულაძე.


მისივე აზრით, „განვითარებულ ქვეყნებში ბანკებს არ აქვთ ასეთი დიდი როლი და არც შეიძლება, რომ მათ ეს პასუხისმგებლობა დააკისრო, მაგრამ ჩვენთან ეს რეალობაა, და ამ რეალობიდან უნდა გამოვიდეთ“.


„ჩვენ პატარა ქვეყანა ვართ, თუ რამე მნიშვნელოვანი დოვლათის შექმნა არ დავიწყეთ გლობალურ კონტექსტში, პერსპექტივა არ გვაქვს. აუცილებელია რაიმე მნიშვნელოვანი, განსაკუთრებული, ღირებული წვლილის შეტანა მსოფლიო განვითარებისს პროცესში! ასეთი ამბიციები უნდა გვქონდეს. სხვანაირად სტაგნაცია გვემუქრება. მსოფლიოში არსებობს ასეთი მოდელები - მაგალითად ესტონეთმა შეძლოს ეს. ასეთი ამბიციები უნდა ჰქონდეს სახელმწიფოს, მან უნდა შექმნას ისეთი სისტემური გარემო, რომ ეს მიღწევადი გახდეს. და ამ პროცესში ბანკების, როგორც მსხვილი მოთამაშეების როლი, ძალიან დიდია. შესაბამისად, ჯობია მოკლევადიან ჭრილში მათთვის მტკივნეული პროცესები ავიტანოთ, და ამით გრძელვადიან პერსპექტივაზე დავდოთ ფსონი“, – აცხადებს „არსის“ აღმასრულებელი დირექტორი.


12 აპრილს, ტექნოპარკში სიტყვით გამოსვლაში ეკონომიკის დივერსიფიკაციისთვის მთავარ ხელშემშლელ ფაქტორად საქართველოს ფინანსთა მინისტრმა მამუკა ბახტაძემ კაპიტალთან წვდომის საყოველთაო შეზღუდვა დაასახელა და კაპიტალზე მიუწვდომლობაში ბანკების უარყოფით როლზე მიანიშნა.


ფარავნის უღელტეხილზე მისაბმელიანი ავტოტრანსპორტის მოძრაობა აკრძალულია

საქართველოს რეგიონული განვითარებისა და ინფრასტრუქტურის სამინისტროს, საავტომობილო გზების დეპარტამენტის ინფორმაციით, ფარავნის უღელტეხილზე მისაბმელიანი ავტოტრანსპორტის მოძრაობა აკრძალულია.

,,ვეღარაფრით გამაკვირვებს ვერც ერთი „დიდი პატრიოტი“ - პაატა ბურჭულაძე განცხადებას ავრცელებს

რუსეთში გამართულ კონცერტში მონაწილეობასთან დაკავშირებით, რომელსაც ვლადიმერ პუტინიც ესწრებოდა პაატა ბურჭულაძე განცხადებას ავრცელებს.

ადრეული და სკოლამდელი განათლების რეფორმის მონიტორინგის უწყებათაშორისი საბჭოს მეხუთე სხდომა გაიმართა

იურიდიულ საკითხთა კომიტეტის ორგანიზებით ადრეული და სკოლამდელი განათლების რეფორმის მონიტორინგის უწყებათაშორისი საბჭოსმეხუთე სხდომა გაიმართა.

პარლამენტის ღია მმართველობის მუდმივმოქმედი საბჭოს სამუშაო ჯგუფი კერძო სექტორის წარმომადგენლებს შეხვდა

საქართველოს პარლამენტის ღია მმართველობის მუდმივმოქმედი საბჭოს სამუშაო ჯგუფი თემაზე - პარლამენტის ეფექტიანობის და გამჭვირვალობის გაძლიერება კერძო სექტორის წარმომადგენლებს შეხვდა.

არქიტექტურულ-სამშენებლო სფეროსთან დაკავშირებულ საკითხებზე მომუშავე სამეცნიერო-საკონსულტაციო საბჭოს სხდომა გაიმართა

დარგობრივი ეკონომიკისა და ეკონომიკური პოლიტიკის კომიტეტში სივრცით-ტერიტორიული დაგეგმვის, არქიტექტურულ-სამშენებლო სფეროსთან დაკავშირებულ საკითხებზე მომუშავე სამეცნიერო-საკონსულტაციო საბჭოს სხდომა გაიმართა.

ზვიად კვაჭანტირაძე: „თეუჩეჟ ყატი დღესაც არის ჩრდილოეთ კავკასიაში საქართველოს ჭეშმარიტი დესპანი“

პარლამენტის ეროვნული ბიბლიოთეკის საგამოფენო დარბაზში ჩერქეზი მხატვრის თეუჩეჟ ყატის გრაფიკული ნამუშევრების გამოფენა გაიმართა, რომელიც დიასპორისა და კავკასიის საკითხთა კომიტეტის თავმჯდომარემ, ზვიად კვაჭანტირაძემ გახსნა.

დეპუტატები ტურიზმის შესახებ კანონმდებლობაზე მუშაობენ

საქართველოს პარლამენტი, ეკონომიკისა და მდგრადი განვითარების სამინისტროსა და ტურიზმის ეროვნულ ადმინისტრაციასთან ერთად, ტურიზმის შესახებ კანონმდებლობაზე მუშაობს.

ციხელაშვილი: დღეს ყველა მიხვდა, რომ 10 წლის წინ საქართველოში შემოჭრა, ეს იყო ევროპაზე თავდასხმა

საქართველოს პარლამენტში მიმდინარე ელჩების კონფერენციაზე შედგა დისკუსია თემაზე „უსაფრთხოება და სტაბილური განვითარება კონფლიქტის მშვიდობიანი გზით მოსაგვარებლად“.

„თბილისის სტუდენტური ფესტივალი 2018“ საზეიმოდ დაიხურა

„თბილისის სტუდენტური ფესტივალი 2018“ საზეიმოდ დაიხურა. ღონისძიებას საქართველოს პრემიერ-მინისტრი მამუკა ბახტაძე და დედაქალაქის მერი კახა კალაძე დაესწრნენ.

რეკრუტის განცხადება, თითქოს სამხედრო პოლიციას ის არ გამოუკითხავს, არის სიცრუე - თავდაცვის სამინისტრო

თავდაცვის სამინისტრო საბრძოლო მომზადების ცენტრის მეთაურის შესაძლო გადაცდომის ფაქტთან დაკავშირებით მორიგ ინფორმაციას ავრცელებს და რეკრუტის მიერ გაკეთებულ განცხადებას სიცრუეს უწოდებს.

გიორგი ქობულია - საქართველოს ეკონომიკის განვითარებისთვის საელჩოების მუშაობას დიდი მნიშვნელობა ენიჭება

ეკონომიკისა და მდგრადი განვითარების მინისტრმა გიორგი ქობულიამ მონაწილეობა მიიღო და მოხსენება გააკეთა საქართველოს ელჩების კონფერენციაზე.

ელჩების კონფერენციის ფარგლებში სოციალური და ეკონომიკური საკითხები განიხილეს

ელჩების კონფერენციის ფარგლებში გრძელდება საზღვარგარეთ საქართველოს დიპლომატიური წარმომადგენლობების ხელმღვანელთა შეხვედრების ციკლი მთავრობის წევრებთან. კონფერენციის მესამე პანელი სოციალურ და ეკონომიკურ საკითხებს მიეძღვნა.

ადამიანის უფლებათა დაცვისა და სამოქალაქო ინტეგრაციის კომიტეტმა პარლამენტის უახლოეს სხდომაზე განსახილველ საკითხებზე იმსჯელა

საქართველოს პარლამენტის ადამიანის უფლებათა დაცვისა და სამოქალაქო ინტეგრაციის კომიტეტმა პარლამენტის უახლოეს სხდომაზე განსახილველ საკითხებზე იმსჯელა.

ლევან დავითაშვილმა „ელჩების კონფერენცია 2018“-ში მიიღო მონაწილეობა

გარემოს დაცვისა და სოფლის მეურნეობის მინისტრმა ლევან დავითაშვილმა საზღვარგარეთ საქართველოს დიპლომატიური მისიების ხელმძღვანელთა ყოველწლიურ შეკრებაში - „ელჩების კონფერენცია 2018“ მიიღო მონაწილეობა.

მარიამ ჯაში: უმაღლესი განათლების ხარისხის უზრუნველყოფას საკანონმდებლო დონეზე მხარდაჭერა ექნება

განათლების ხარისხის განვითარების ეროვნულმა ცენტრმა საქართველოს უმაღლესი სასწავლებლების ავტორიზაციის რეფორმის პირველი ეტაპის მიმდინარეობასთან დაკავშირებით შემაჯამებელი შეხვედრა გამართა.

„საპარტნიორო ფონდმა" და ჯგუფმა „სოსიეტე ჟენერალმა" სამომავლო თანამშრომლობის პერსპექტივები დასახეს

„საპარტნიორო ფონდს“ ევროპის ერთერთი უმსხვილესი კომერციული ბანკის, „სოსიეტე ჟენერალის“ ბიზნესის განვითარების რეგიონული ხელმძღვანელი, ალი ახმედოვი ეწვია. მხარეებმა სამომავლო თანამშრომლობის პერსპექტივები განიხილეს.

ეროვნული ბანკი მომხმარებელთა უფლებების დაცვის წესში შესატან ცვლილებებთან დაკავშირებით პროექტს აქვეყნებს

სამართლებრივი აქტების პროექტების გამოქვეყნების ინიციატივის ფარგლებში, ეროვნული ბანკი „ფინანსური ორგანიზაციების მიერ მომსახურების გაწევისას მომხმარებელთა უფლებების დაცვის წესში" შესატანი ცვლილებების პროექტს აქვეყნებს.

თამარ ჩუგოშვილი საერთაშორისო ექსპერტ ჯონათან მერფის შეხვდა

საპარლამენტო უმრავლესობის დეპუტატმა თამარ ჩუგოშვილმა შეხვედრა გამართა საქართველოში ევროკავშირისა გაეროს განვითარების პროგრამის მოწვევით მყოფ საერთაშორისო ექსპერტთან - ჯონათან მერფისთან.

„სილქნეტმა“ „დაჭრილ მებრძოლთა თანადგომის ფონდის“ მხარდასაჭერად საქველმოქმედო სადილი გამართა

„სილქნეტის“ მიერ გამართული საქველმოქმედო სადილი საზოგადოებაში ფონდის ცნობადობის ამაღლებასა და დაჭრილ მეომართა ზრუნვის საქმეში სხვადასხვა კომპანიების, ბიზნესმენების და საზოგადოების წევრთა ჩართულობას ისახავდა მიზნად.

ელჩების კონფერენციაზე თავდაცვისა და უსაფრთხოების საკითხები განიხილეს

საქართველოს პარლამენტის შენობაში მიმდინარე „ელჩების კონფერენცია 2018-ის ფარგლებში“ საზღვარგარეთ საქართველოს ელჩებს თავდაცვისა და უსაფრთხოების საკითხების განხილვის მიზნით მთავრობის წარმომადგენლები შეხვდნენ.

ზუგდიდში მესტიის მიმართულებით გადაადგილება შემოვლითი გზით განხორციელდება

საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტის ინფორმაციით, ზუგდიდში მესტიის მიმართულებით გადაადგილება შემოვლითი გზით განხორციელდება.