მიხეილ ჯანელიძე: ნატოს დღეების მიზანია მოსახლეობის ინფორმირება საქართველოს ევროატლანტიკური ინტეგრაციის პროცესის შესახებ

საქართველოს საგარეო საქმეთა მინისტრმა მიხეილ ჯანელიძემ ნატოს დღეების დაწყებისადმი მიძღვნილ ოფიციალურ მიღებას უმასპინძლა. მინისტრმა მოწვეულ სტუმრებს სიტყვით მიმართა და ნატოს დღეების მნიშვნელობასა და მიზნებზე ისაუბრა.

საგარეო საქმეთა მინისტრის მიხეილ ჯანელიძის განცხადებით, ნატოს დღეების მიზანს წარმოადგენს მოსახლეობის ინფორმირება ევროატლანტიკური ინტეგრაციის პროცესში წარმატებული ნაბიჯების და ნატო-საქართველოს თანამშრომლობის შესახებ.


მინისტრის განცხადებით განხორციელებული ცვლილებების შედეგად საგარეო საქმეთა სამინისტროში პირველად შეიქმნა ნატო-ში ინტეგრაციის დეპარტამენტი, რომლის ძირითად ამოცანას საქართველოს ნატო-ში ინტეგრაციის პროცესის ხელშეწყობა წარმოადგენს. მან ასევე ყურადღება გაამახვილა სტრატეგიული კომუნიკაციების დეპარტამენტზე, რომელიც ორიენტირებულია მზარდი ანტიდასავლური პროპაგანდის ფონზე ქვეყნის შიგნით ეფექტური კომუნიკაციის დამყარებაზე, ხოლო ქვეყნის გარეთ კომუნიკაციის გაძლიერებაზე ნატოსა და მის წევრ სახელმწიფოებთან.


„ჩვენი მოქალაქეები ნატო-საქართველოს აქტიური და დინამიური ურთიერთობების შესახებ კარგად არიან ინფორმირებული. საქართველოს მოსახლეობის უმრავლესობა ნატოში გაწევრიანებას აქტიურად უჭერს მხარს. უკანასკნელი წლების განმავლობაში საქართველომ, როგორც ასპირანტმა სახელმწიფომ, აქტიური და დინამიური ინტეგრაციული პროცესი გაიარა, რაც გამოიხატა მრავალ ყოვლისმომცველ რეფორმაში.   გატარებული ინსტიტუციური რეფორმების წყალობით, საქართველო უპრეცედენტოდ დაუახლოვდა დასავლურ ევროატლანტიკურ სტანდარტებს.  თავად ალიანსის წევრებიც ერთხმად აღიარებენ საქართველოს მიერ მიღწეულ პროგრესს როგორც შეიარაღებული ძალების ნატოს სტანდარტებთან თავსებადობის, ისე დემოკრატიის კონსოლიდაციისა და ეკონომიკური განვითარების კუთხით.“ - აღნიშნა მიხეილ ჯანელიძემ.


მინისტრმა საკუთარ გამოსვლაში ხაზი გაუსვა  ნატოს წლევანდელი სამიტის მნიშვნელოვანის და აღნიშნა, რომ ქვეყნის ამოცანას წამოადგენს  საქართველო სამიტის ყველა სათანადო ფორმატში შესაბამის დონეზე იქნას წარმოდგენილი და განსაკუთრებულად გაესვას ხაზი საქართველოს, როგორც ნატოს ასპირანტი და მნიშვნელოვანი პარტნიორი ქვეყნის როლს.


„საქართველოს პრემიერ-მინისტრის ინიციატივით, 2018 წელი ჩართულობისა და დიალოგის წლად გამოცხადდა. ნატოს დღეები არის ის შესანიშნავი პლატფორმა, რომლის ფარგლებშიც ჩვენს მოქალაქეებთან აქტიური დიალოგის შესაძლებლობა გვეძლევა. ამ მიზნით საგარეო საქმეთა სამინისტროს და საქართველოს სხვადასხვა უწყებას აქვს დაგეგმილი მრავალი აქტივობა ქვეყნის მასშტაბით, მრავალი ღონისძიება.  გაიმართება ღონისძიებები როგორც თბილისში ასევე რეგიონებში, ადგილობრივი თვითმართველობის, სამოქალაქო სექტორისა და მედიის წარმომადგენლებთან და რა თქმა უნდა საზოგადოების სხვა წარმომადგენლებთან.“ - განაცხადა მინისტრმა.


ღონისძიებაზე მისასალმებელი სიტყვით ასევე წარსდგებიან საქართველოს პრეზიდენტი, გიორგი მაგველაშვილი, პარლამენტის თავმჯდომარე, ირაკლი კობახიძე და ნატოს სამეკავშირეო ოფისის ხელმძღვანელი, როზარია პუგლისი და საქართველოში ბულგარეთის ელჩი დესისლავა ივანოვა.


აღსანიშნავია, რომ წელს ნატო-ს დღეები განსაკუთრებულად აღინიშნება საქართველოს რეგიონებში, სადაც ნატოსა და ევროკავშირის საინფორმაციო ცენტრისა და საგარეო საქმეთა სამინისტროს ინიციატივით გაიმართება არაერთი ღონისძიება ადგილობრივი მოსახლეობის ინფორმირებულობის ამაღლებისა და ჩართულობის მიზნით.


წელს, ნატოს დღეები მეთერთმეტედ აღინიშნება და 16 აპრილიდან 1 მაისამდე გაგრძელდება. ღონისძიება საქართველოში სსიპ „საინფორმაციო ცენტრის ნატოსა და ევროკავშირის შესახებ“ ორგანიზებით, საგარეო საქმეთა სამინისტროს, საქართველოში ნატოს სამეკავშირეო ოფისისა და საქართველოში ბულგარეთის საელჩოს (ნატოს საკონტაქტო საელჩო) მხარდაჭერით იმართება.


სასამართლომ ჯგუფურად ჩადენილი გამოძალვის ფაქტზე ბრალდებულები დამნაშავედ ცნო

თბილისის საქალაქო სასამართლომ დაასრულა სისხლის სამართლის საქმის განხილვა ძალადობის გამოყენების მუქარით, ჯგუფურად ჩადენილი გამოძალვის ფაქტზე, ბრალდებულების დ. თ.-სა და ე. ბ.-ს მიმართ.

ზაზა სარალიძე: ცრუ ჩვენების ბრალდებით დაკავებულმა ზუსტად იცის, რა მოხდა ფარდულში

ხორავას ქუჩაზე მკვლელობის საქმეზე ცრუ ჩვენების ბრალდებით დაკავებული ინციდენტის დღეს მოვლენების ეპიცენტრში იყო და ზუსტად იცის, რა მოხდა ფარდულში, - ამის შესახებ მოკლული დავით სარალიძის მამამ, ზაზა სარალიძემ განაცხადა.

ცრუ ჩვენების მიცემის გამო დაკავებული დ.ღ-ს დედა აცხადებს, რომ მისი შვილი უდანაშაულოა

თბილისში, ხორავას ქუჩაზე მომხდარი მკვლელობის საქმეზე, ცრუ ჩვენების მიცემის ბრალდებით დაკავებული არასრულწლოვანი დ.ღ-ს დედა პირველ კომენტარს აკეთებს.

,,ჯორჯიან უოთერ ენდ ფაუერის" სპეციალური განცხადება

კომპანია ,,ჯორჯიან უოთერ ენდ ფაუერი" სპეციალური განცხადებას ავრცელებს.

თელავსა და სიღნაღში სასამართლოთა განახლებული შენობა და ახალი ფლიგელი გაიხსნა

თელავის რაიონულ სასამართლოში ნაფიც მსაჯულთა ინსტიტუტის ამოქმედების მიზნით ახალი ფლიგელის მშენებლობა დასრულდა.

თიანეთში ძლიერმა ქარმა ასწლოვანი კაკლის ხეები მოგლიჯა

თიანეთის მუნიციპალიტეტის, სოფელ დულუზაურებში ძლიერმა ქარმა ასწლოვანი ხეები წააქცია.
მუნიციპალიტეტის მერის, თამაზ მეჭიაურის თქმით, ასევე დაზიანებულია სახლები, ელექტრო-ბოძები და ღობეები.

სინოპტიკოსები მდინარეებში წყლის დონის მატებასა და მთიან ზონებში მეწყრული პროცესების გააქტიურებას ვარაუდობენ

მოსალოდნელმა ძლიერმა ნალექებმა შესაძლებელია მდინარეებზე წყლის დონის მატება, ხოლო მთიან ზონებში მეწყრულ - ღვარცოფული პროცესების ჩასახვა - გააქტიურება გამოიწვიოს, – ამის შესახებ ინფორმაციას გარემოს ეროვნული სააგენტო ავრცელებს.

თბილისის მერის მოადგილემ „ღია მმართველობის პარტნიორობის“ გლობალურ სამიტში მიიღო მონაწილეობა

თბილისის მერის მოადგილე მაია ბითაძე „ღია მმართველობის პარტნიორობის” მე-5 გლობალურ სამიტს დაესწრო და პანელში სახელწოდებით „ღია მმართველობა ადგილობრივი ხელისუფლების დონეზე“ მიიღო მონაწილეობა.

ხორავას ქუჩაზე მკვლელობის საქმეზე ცრუ ჩვენების მიცემის ბრალდებით არასრულწლოვანი დააკავეს

2017 წლის პირველ დეკემბერს, ხორავას ქუჩაზე მომხდარი მკვლელობის საქმეზე ცრუ ჩვენების მიცემის ბრალდებით არასრულწლოვანი დააკავეს. ამასთან დაკავშირებით შინაგან საქმეთა სამინისტრო განცხადებას ავრცელებს.

სოფიო ქაცარავა: ჩემთვის მიუღებელია ჩვენი გუნდის წევრების მიმართ შეურაცხყოფა

ჩემთვის მიუღებელია ჩვენი გუნდის წევრების მიმართ შეურაცხყოფა, - ასე გამოეხმაურა საპარლამენტო უმრავლესობის დეპუტატი სოფიო ქაცარავა ყოფილი თანაგუნდელის დავით ჭიჭინაძის ,,ქართული ოცნებიდან" გარიცხვას.

ქუთაისში დამწვარი საცხოვრებელი კორპუსის გადასახურ მასალას მერია იყიდის

ქუთაისში, ნიკეას ქუჩაზე, ხანძრის შედეგად დაზარალებული კორპუსის მოსახლეობას ქალაქის მერია გადასახურ მასალას შეუძენს.

სოფო კილაძე - ქვეყანაში ყველაზე მთავარი გამოწვევა არის სოციალური და ეკონომიკური უფლებები

ქვეყანაში ყველაზე მთავარი გამოწვევა არის სოციალური და ეკონომიკური უფლებები, - ამის შესახებ სოფო კილაძემ პარლამენტის პლენარულ სხდომაზე განაცხადა.

დავით ზალკალიანი ევროკომისარს სამოქალაქო უსაფრთხოებისა და ჰუმანიტარული დახმარების საკითხებში ქრისტოს სტილიანიდისს შეხვდა

ევროკომისარი სამოქალაქო უსაფრთხოებისა და ჰუმანიტარული დახმარების საკითხებში მაღალ შეფასებას აძლევს საქართველოსთან თანამშრომლობას და უსაფრთხოებისთვალსაზრისით საქართველოს მნიშვნელოვან როლსრეგიონში. 

რეგიონული განვითარებისა და ინფრასტრუქტურის სამინისტრო რეორგანიზაციის პროცესში ახალ ვაკანსიებზე კონკურსს აცხადებს

რეგიონული განვითარებისა და ინფრასტრუქტურის სამინისტროს საქვეუწყებო დაწესებულებებში არსებულ ვაკანსიებზე კონკურსი ცხადდება.

მაია ცქიტიშვილი: აუცილებელია დევნილი მოსახლეობისთვის ღირსეული საცხოვრებელი პირობების შექმნა  

რეგიონული განვითარებისა და ინფრასტრუქტურის მინისტრი მაია ცქიტიშვილი ყოფილი ოკუპირებული ტერიტორიებიდან იძულებით გადაადგილებულ პირთა, დევნილთა და განსახლების სამინისტროს ტექნიკური დეპარტამენტების წარმომადგენლებს შეხვდა.

მამუკა მდინარაძე: რამდენიმე თვის განმავლობაში ვცდილობდით, პასუხი არ გაგვეცა ბატონი დავითისთვის,თუმცა მან აქედან შესაბამისი დასკვნები ვერ გამოიტანა

ფრაქცია "ქართული ოცნების" თავმჯდომარე მამუკა მდინარაძე პარტიიდან დავით ჭიჭინაძის გარიცხვის ფაქტს გამოეხმაურა.

,,საქართველო უსაფრთხო წარმოშობის ქვეყანა“ - გერმანიის მთავრობამ კანონპროექტი დაამტკიცა

გერმანიის ფედერალური მთავრობის კაბინეტმა დაამტკიცა კანონპროექტი, რომელიც საქართველოს უსაფრთხო ქვეყნად გამოცხადებას ითვალისწინებს.

გეგმიური პროფილაქტიკური სამუშაოების გამო 20 ივლისს ელექტრომომარაგება დროებით შეიზღუდება

ჩუღურეთის რაიონი

ირმა ქავთარაძემ საყოფაცხოვრებო ტექნიკის იმპორტიორ კომპანიებს ენერგომარკირების სფეროში დაგეგმილი რეფორმები გააცნო

საქართველოს ეკონომიკისა და მდგრადი განვითარების სამინისტროში გაიმართა შეხვედრა მწარმოებელი და იმპორტიორი კომპანიის წარმომადგენლებთან საყოფაცხოვრებო მოწყობილობების ენერგომარკირების საკითხზე. 

დავით ზალკალიანის შეფასებით, პრემიერ-მინისტრის ევროკავშირში ვიზიტი ადასტურებს საქართველოს ევროპული ინტეგრაციის შეუქცევადობას  

საქართველოს საგარეო საქმეთა მინისტრმა დავით ზალკალიანმა პრემიერ-მინისტრის ბრიუსელში ვიზიტი და გამართული მაღალი დონის შეხვედრები შეაფასა.

ეკატერინე გალდავა: კომპანიის რეგიონული ფილიალების საქმიანობა უფრო ეფექტიანი უნდა გახდეს 

,,გაერთიანებული წყალმომარაგების კომპანიის წარმატებული საქმიანობისთვის რეგიონულმა ფილიალებმა მნიშნელოვანი როლი უნდა შეასრულონ’’