17 მაისს ჰომოფობიასთან და ტრანსფობიასთან ბრძოლის აღსანიშნი აქცია აღარ გაიმართება

ხვალ თბილისში ჰომოფობიასთან და ტრანსფობიასთან ბრძოლის დღეს აქცია აღარ გაიმართება. 

"ჩვენ ლგბტ აქტივისტები ვიღებთ ჩვენთვის უმძიმეს გადაწყვეტილებას და ვთმობთ, აღარ გავმართავთ ხვალ აქციას" - განაცხადეს ატივისტებმა, რომლებიც რამდენიმე საათია ამ თემასთან დაკავშირებით შეხვედრას მართავდნენ. 


გთავაზობთ განცხადების სრულ ტექსტს:


"მოგმართავთ ლგბტ თემის წევრებს, საქართველოს მოქალაქეებს და მათთან ერთად საერთაშორისო საზოგადოებას, ადამიანის უფლებათა დამცველ ორგანიზაციებსა და დიპლომატიურ კორპუსს. მივმართავთ საქართველოს ხელისუფლებას, საქართველოს საპატრიარქოს, სახელისუფლებო და ოპოზიციურ პარტიებს, პოლიტიკურად ანგაჟირებულ ჯგუფებსა და საქართველოში უკანონოდ მოქმედ ფაშისტურ დაჯგუფებებს.


17 მაისი ჰომოფობიასთან ბრძოლის საერთაშორისო დღეა, რომელსაც ყოველწლიურად ვუერთდებით ლგბტ აქტივისტები, ჩვენი თანამოაზრეები, მეგობრები და საზოგადოების ის ნაწილი, ვისთვისაც მნიშვნელოვანია ეს დღე, როგორც სიძულვილთან და აგრესიასთან - ამ საყოველთაო ბოროტებასთან ბრძოლის დღე.


შეგახსენებთ, 2013 წელს ჩვენ შემზარავი მოვლენების შემსწრე გავხდით, როდესაც ამ დღის აღსანიშნავად შეკრებილი რამდენიმე ათეული მშვიდობიანი მანიფესტანტი საქართველოს საპატრიარქოსა და საეჭვო პოლიტიკური ძალების მიერ ორგანიზებული კონტრაქციის მონაწილეებმა დაგვარბიეს. ძალთა თანაფარდობის გათვალისწინებით, არსებობდა ნებისმიერი ჩვენგანის სიცოცხლის ხელყოფის საფრთხე, რომელზეც სამწუხაროდ არავის უფიქრია. აგრესიულ კონტრდემონსტრანტთა რაოდენობა რამდენიმე ათეულ ათასს აღწევდა. ეს დღე უმძიმეს ტრავმად დარჩა არამხოლოდ ჩვენი, არამედ საქართველოს სამოქალაქო საზოგადოების ისტორიაში. მას შემდეგ ყოველი წლის 17 მაისს ჩვენ ზოგჯერ ვახერხებთ, ზოგჯერ ვერც, ხოლო ზოგჯერ ნაწილობრივ, რომ გამოვიყენოთ მშვიდობიანი შეკრებისა და მანიფესტაციის კონსტიტუციური უფლება.


მიმდინარე წელს ჩვენ რამდენიმე შეხვედრა გავმართეთ შინაგან საქმეთა სამინისტროსთან და მათ დეკლარირებულად მოგვცეს უსაფრთხოების გარანტიები.


თუმცა, ჩვენთვის შეუმჩნეველი არ დარჩენილა ბოლო დღეებში მიმდინარე პოლიტიკური მოვლენები და სოციალური მღელვარება, რომელიც თბილისის ღამის კლუბებში შეჭრას მოყვა. დაწყებული საპროტესტო აქციების ესკალაცია გახლდათ ის, რომ ქალაქის მთავარი გამზირი დავიკავეთ არამხოლოდ მშვიდობიანმა მანიფესტანტებმა, არამედ სრულიად უკონტროლო და კანონგარეშე მოქმედმა ფაშისტურმა ნეონაცისტურმა დაჯგუფებებმა. ხელისუფლებას დასჭირდა უპრეცედენტო ძალის გამოყენება იმისთვის, რომ რამდენიმე ასეული დესტრუქციული მოქალაქე, რომლებიც ხეებსაც კი გლეჯდნენ, შეეკავებინათ. საბედნიეროდ, ყველაფერი მშვიდობიანად დასრულდა და მოსალოდნელი სამოქალაქო დაპირისპირება აცილებული იქნა აქციის ორგანიზატორთა ღირსეული, პასუხისმგებლიანი საქციელით - დემონსტრაციის დროებით შეწყვეტით.


ცნობილია, რომ მიმდინარე წლის 17 მაისს უპრეცედენტო მობილიზაცია აქვთ გამოცხადებული ჩვენს მიმართ მტრულად განწყობილ ჯგუფებს, მათ შორის საქართველოს საპატრიარქოსა და იმ ფაშისტურ დაჯგუფებებს, რომლებზეც არსებობს საფუძვლიანი ეჭვი, რომ თანამშრომლობენ ჩვენი ქვეყნის პოლიტიკური მტრის - რუსეთის სპეცსამსახურებთან.


გვაქვს საფუძვლიანი ეჭვი, რომ ამ წლის 17 მაისს ეს ძალები უპრეცედენტო მობილიზაციით ემზადებიან ქალაქში არეულობისა და სამოქალაქო დაპირისპირების მოსაწყობად. ამას ამყარებს ისიც, რომ მიუხედავად იმისა, რომ ყველანაირად შევეცადეთ მათი დაგეგმილი აქტივობები არც დროში და არც ლოკაციაში არ დაგვემთხვია ჩვენი აქციისთვის, ცნობილი გახდა, რომ მათ აქტივობების დრო და ლოკაციები გადმოწიეს და ზუსტად დაამთხვიეს ჩვენს აქციას, რაც ბოლოდროინდელი მოვლენების, საერთო დაძაბულობისა და მღელვარების ფონზე აძლიერებს არეულობისა და სამოქალაქო დაპირისპირების საფრთხეს, რასაც შეიძლება გაუთვლელი დამანგრეველი შედეგი მოჰყვეს ჩვენი საზოგადოებისთვის. ჩვენს ისტორიულ მეხსიერებას უახლოესი წარსულიდან, 90-იანი წლებიდან, კარგად ახსოვს, რა შედეგებამდე მივყვავართ საზოგადოებაში ქსენოფობიისა და მტრობის გაღვივებას. ჩვენ ერთხელ უკვე ვნახეთ სამოქალაქო ომში ჩათრეული ჩვენი ქვეყანა.


სწორედ ამიტომ: ვაცნობიერებთ რა ყველა არსებულ და რეალურ საფრთხეს, ჩვენ, ლგბტ აქტივისტებმა მივიღეთ ჩვენთვის უმძიმესი, ერთობლივი და კონსოლიდირებული გადაწყვეტილება, ამ ჯერზე დავთმოთ ჩვენი თავისუფალი თვითგამოზატვის კონსტიტუციური უფლება და გავაუქმოთ 17 მაისს დაგეგმილი მშვიდობიანი აქცია საქართველოს კანცელარიასთან, რათა ხელი არ შევუწყოთ დაინტერესებულ ძალებს არეულობის მოწყობაში.


2013 წლიდან დღემდე, საქართველოს ხელისუფლებას ჰქონდა ხუთ წლიანი ვადა იმისთვის, რომ ეზრუნათ და ემუშავათ ქვეყანაში არსებული ჰომოფობიისა და უთანასწორო სოიალური გარემოს აღმოსაფხვრელად, თუკი მათ ეს ნამდვილად სურდათ. ამის ნაცვლად ჩვენ სახეზე გვაქვს ქვეყნის სახელმწიფოებრიობისთვის უდიდესი საფრთხის შემცველი, უცხო ქვეყნის სპეცსამსახურებთან მოთანამშრომლე ძალების უპრეცედენტო გაძლიერება. ხელისუფლების მიერ ერთი შეხედვით წინ გადადგმული საკანონმდებლო ნაბიჯები, მათ შორის ანტიდისკრიმინაციული კანონი, მეტწილად ქმედითუუნაროა და ატარებს ფასადურ ხასიათს. მეტიც, ხელისუფლების სხვადასხვა შტოს წარმომადგენლები თავისი განცხადებებით მუდმივად ხელს უწყობენ საზოგადოებაში ჰომოფობიის, ქსენოფობიისა და შუღლის გაღვივებას.


ნაცვლად იმისა, რომ ხელისუფლება, ოპოზიცია და სხვა პოლიტიკური ძალები ყოველდღიურ რეჟიმში ფიქრობდნენ და მუშაობდნენ ჩვენი, საქართველოს საზოგადოების წინაშე არსებული უმწვავესი პრობლემების: უმუშევრობის, სიღარიბის, განათლების სისტემის უფუნქციობის, ჰაერის მომაკვდინებელი დაბინძურებისა თუ ტერიტორიული მთლიანობის აღდგენისთვის, სახეზე გვაქვს საზოგადოებაში მტრობის გაღვივების მუდმივი მცდელობა, რათა ყურადღების გადატანა მოხდეს რეალური პრობლემებიდან - არარსებულ მტრის ხატებზე. მეტიც, მიგვაჩნია, რომ ქვეყანაში ფაშისტური ჯგუფების გაძლიერება სწორედ სახელმწიფოს გულგრილი და უპასუხისმგებლო სოციალური პოლიტიკის პირდაპირი შედეგია.


მოვუწოდებთ საქართველოს ხელისუფლებას, გაიაზროს საკუთარი პოლიტიკური პასუხისმგებლობა საზოგადოებაში არსებული ულტრამემარჯვენე, რადიკალური ძალადობრივი ჯგუფების ფორმირებაში, ასევე, დაინტერესდეს მათი პოლიტიკური მიზნებითა და დაფინანსების წყაროებით.


მოვუწოდებთ ოპოზიციურ პარტიებსა და პოლიტიკურ ჯგუფებს, დაუყონებლივ შეწყვიტონ საზოგადოების დაქსაქსვის მათთვის ნაცადი მეთოდები, რომელსაც ძალაუფლების მოსაპოვებლად და შესანარჩუნებლად იყენებენ. დათმონ საკუთარი ვიწრო პარტიული ინტერესები - ამ ეტაპზე საზოგადოებრივი სიმშვიდის, ხოლო გრძელვადიან პერსპექტივაში მოქალაქეთა კეთილდღეობაზე ორიენტირებული სახელმწიფოს მშენებლობისთვის.


მოვუწოდებთ საქართველოს საპატრიარქოსა და ფაშისტურ დაჯგუფებებს, შეწყვიტონ საზოგადოებაში შუღლის გაღვივება და სამოქალაქო დაპირისპირების წარმოქმნის მცდელობა.


რაც ყველაზე მნიშვნელოვანია, მოვუწოდებთ ლგბტ თემს, ჩვენს გულანთებულ მხარდამჭერებსა და მეგობრებს, საქართველოს თითოეულ მოქალაქეს, ჩვენს დებსა და ძმებს, არ მივცეთ პოლიტიკურად ანგაჟირებულ ჯგუფებს ჩვენით მანიპულირების, ერთმანეთთან გადაკიდებისა და რეალურ პრობლემებზე ფიქრის ნაცვლად, ერთმანეთთან მტრობაში დროის ხარჯვის უფლება. ჩვენ არავისთან გვაქვს გასაყოფი რამე, ჩვენ არ ვართ ჩვენი ქვეყნისა და საზოგადოების მტრები, ჩვენ ამ ქვეყნის წინსვლის, განვითარებისა და მშვიდობიანი, ურთიერთპატივისცემაზე დაფუძნებული საზოგადოების შენების მომხრე ადამიანები ვართ.


მადლობას ვუხდით საქართველოს თითოეულ მოქალაქეს, რომელსაც ჩვენთან ერთად სჯერა, რომ საზოგადოებრივი სიმშვიდე და თანასწორობაზე დაფუძნებული საზოგადოების მშენებლობა ჩვენი უპირველესი ამოცანაა". - განაცხადეს "თანასწორობის მოძრაობის" წარმომადგენლებმა.


შეგახსენებთ, რომ ლგბტ აქტივისტები 17 მაისს ჰომოფობიასა და ტრანსფობიასთან ბრძოლის საერთაშორისო დღეს კანცელარიასთან აქციის გამართვას გეგმავდნენ.


აღსანიშნავია, რომ შინაგან საქმეთა სამინისტრომ თავისი ქვეყნის მოქალაქეების დაცვაზე პასუხისმგებლობა აიღო.


თავის მხრისვ სახალხო დამცველის აპარატმა მოქალაქეებისთვის საგანგებო რეჟიმით აამუშავა ცხელი ხაზი.


სიახლეები მსგავს თემაზე

საპატრიარქო 17 მაისის ღონისძიებების განრიგს აქვეყნებს

საქართველოს საპატრიარქო 17 მაისს დაგეგმილი ღონისძიებების შესახებ ინფორმაციას ავრცელებს, რომელსაც ,,პირველი" უცვლელად გთავაზობთ:

შსს 17 მაისს საზოგადოების უსაფრთხოებას და გამოხატვის თავისუფლებას უზრუნველყოფს

2018 წლის 17 მაის დაანონსებულ აქციასთან დაკავშირებით, შინაგან საქმეთა სამინისტროს ადამიანის უფლებათა დაცვის დეპარტამენტის დირექტორმა ლონდა თოლორაიამ ბრიფინგი გამართა.

ომბუდსმენი 17 მაისთან დაკავშირებით განცხადებას ავრცელებს

ომბუდსმენი, 17 მაისს ქვეყნის მასშტაბით დაგეგმილი აქციების მიმდინარეობისას, შესაბამის უწყებებს ადამიანის უფლებების მაქსიმალური დაცვისკენ მოუწოდებს.

"სასამართლო ავალდებულებს სახელმწიფოს პირდაპირ შეზღუდოს რელიგიური თაყვანისცემის საგნებისადმი პროვოკაციული ფორმით თავდასხმა"

გენერალური პროკურორის ყოფილი მოადგილე ლაშა ნაცვლიშვილი სტრასბურგის ადამიანის უფლებათა სასამართლოს გადაწყვეტილებიდან იმ ამონარიდს ავრცელებს, რომელიც სახელმწიფოს მორწმუნეების რელიგიური გრძნობების დაცვას ავალდებულებს.

დიმიტრი ქუმსიშვილი: საქართველოში მასპინძლობის ბიზნესის სექტორში მსოფლიო დონის კონკურსი ჩატარდება

საქართველოში ახლო მომავალში სასტუმრო და მომსახურების ბიზნესში საერთაშორისო კლასის კონკურსი ჩატარდება, - ეს განცხადება დღეს საქართველო, ეკონომიკისა და მდგრადი განვითარების მინისტრმა ტექნოპარკში გამართულ ღონისძიებაზე გააკეთა. 

დიმიტრი ქუმსიშვილი: სახელმწიფო სტარტაპებს შესაძლებლობას მისცემს, რომ რეალურად მოხდეს მათი იდეების განვითარება

საქართველოს პირველმა ვიცე პრემიერმა, ეკონომიკისა და მდგრადი განვითარების მინისტრმა დიმიტრი ქუმსიშვილმა ინოვაციების და ტექნოლოგიების სააგენტოს თანადაფინანსების გრანტების პროგრამის გამარჯვებულებს წარმატება მიულოცა.

მამუკა ბახტაძე: ჩვენ მიერ ინიცირებული პრინციპები მნიშვნელოვნად დაგვეხმარება ჭარბვალიანობის პრობლემის აღმოფხვრასა და ინკლუზიური ეკონომიკური ზრდის მიღწევაში 

ფინანსთა მინისტრმა, მამუკა ბახტაძემ Facebook-ის პირად გვერდზე მთავრობის სხდომაზე წარდგენილი ახალი საკანონმდებლო ინიციატივები შეაფასა.  

გაერომ შოთა რუსთაველის 850 წლის იუბილესთან დაკავშირებით საფოსტო მარკა გამოსცა

გაეროს საქართველოს პირველი დემოკრატიული რესპუბლიკის 100 წლისთავისადმი მიძღვნილ საზეიმო ღონისძიებაზე გაეროს საფოსტო ადმინისტრაციის მიერ გამოცემული შოთა რუსთაველის საიუბილეო მარკის პრეზენტაცია გაიმართა.

გამარჯვებული სტარტაპები ცნობილია

ეკონომიკისა და მდგრადი განვითარების სამინისტროს ინოვაციების და ტექნოლოგიების სააგენტოს თანადაფინანსების გრანტების პროგრამის გამარჯვებული სტარტაპები ცნობილია.

მერაბ ჯანიაშვილი - ფინანსთა მინისტრის ინიციატივა სამართლიანობის პრინციპზეა დაფუძნებული

ფინანსთა მინისტრის მამუკა ბახტაძის ინიციატივას, რომელიც ჭარბვალიანობასთან დაკავშირებულ ცვილებების პროექტს ეხება ეკონომიკის ანალიტიკოსი მერაბ ჯანიაშვილი აფასებს.

"რუსთავი 2-ის" მიმართ საპატრიარქოს მიერ გამოცხადებულ ბოიკოტზე ქარტიის საბჭოს განცხადებას ავრცელებს

"რუსთავი 2-ის" მიმართ საპატრიარქოს მიერ გამოცხადებული ბოიკოტის შესახებ ქარტიის საბჭოს მიერ გავრცელებულ განცხადებას უცვლელად გთავაზობთ:

რაბათის ციხეში საქართველოს პირველი დემოკრატიული რესპუბლიკის 100 წლის იუბილე საზეიმოდ აღინიშნება

26 მაისს, საქართველოს საგარეო სამინისტროს ეგიდით, სამცხე-ჯავახეთში, რაბათის ციხეში საქართველოს პირველი დემოკრატიული რესპუბლიკის100 წლის იუბილისა და დამოუკიდებლობის დღისადმი მიძღვნილი საზეიმო ღონისძიებები ჩატარდება.

ევროკომისიის პრეზიდენტი ჟან-კლოდ იუნკერი უკვე საქართველოშია

ევროკომისიის პრეზიდენტი ჟან-კლოდ იუნკერი უკვე საქართველოშია. იუნკერი ქვეყანას პრემიერ-მინისტრის გიორგი კვირიკაშვილის მოწვევით, საქართველოს პირველი დემოკრატიული რესპუბლიკის 100 წლის საიუბილეო თარიღთან დაკავშირებით ეწვია. 

ხორავას ქუჩაზე მომხდარი მკვლელობის საქმეზე სამედიცინო ექსპერტიზის დასკვნა განიხილეს

ხორავას ქუჩაზე მომხდარი მკვლელობის საქმეზე ერთ ერთი ბრალდებულის უფლებადამცველის მიერ წარმოდგენილი სამედიცინო ექსპერტიზის დასკვნა განიხილეს.

ზუგდიდის მერი ბიზნესმენებს "რუსთავი 2"-ისთვის ბოიკოტის გამოცხადებისკენ მოუწოდებს

ზუგდიდის მერმა ლაშა გოგიამ, ტელეკომპანია "რუსთავი 2"-თან დაკავშირებით საკუთარი მოსაზრება "ფეისბუქის" საკუთარ გვერდზე დააფიქსირა.

ქუთაისის საერთაშორისო აეროპორტში დამოუკიდებლობის დღის აღსანიშნავად ემზადებიან

საქართველო პირველი რესპუბლიკის დაარსებიდან 100 წლის იუბილეს აღნიშნავს. ღონისძიებები წლის განმავლობაში მთელ საქართველოს მოიცავს.

საფრანგეთის საგარეო საქმეთა მინისტრი საქართველოს ეწვევა

საფრანგეთის რესპუბლიკის საგარეო საქმეთა მინისტრი ჟან-ივ ლე დრიანი 25-26 მაისს საქართველოს ეწვევა.

პროექტ „ეკოლოგიკის“ მეორე ეტაპზე ზესტაფონის მე-2 საჯარო სკოლამ გაიმარჯვა

ზესტაფონის სპორტის სასახლეში სასკოლო პროექტ „ეკოლოგიკის“ მეორე ეტაპი დასრულდა. პროექტი „ჯორჯიან მანგანეზის“ ორგანიზებით მიმდინარეობდა და ზესტაფონისა და ჭიათურის საჯარო სკოლის მოსწავლეები მონაწილეობდნენ.

კომერციული ბანკების აქტივების მდგომარეობა

2018 წლის პირველი მაისის მდგომარეობით, საქართველოს საბანკო სექტორი 16 კომერციული ბანკითაა წარმოდგენილი; მათ შორის 15 - საწესდებო კაპიტალში უცხოური კაპიტალის მონაწილეობით.

დალია გრიბაუსკაიტე კვირიკაშვილს: გვიხარია, რომ ვართ თქვენთან და თქვენთვის, ნატოსა და ევროკავშირში ინტეგრაციის გზაზე

საქართველო არის თანამედროვე, ძალიან სწრაფად განვითარებადი სახელმწიფო და ჩვენ ძალიან მოხარულნი ვართ, რომ ვართ თქვენთან და თქვენთვის, ნატოსა და ევროკავშირში ინტეგრაციის გზაზე.

კომერციული ბანკების საკრედიტო დაბანდების მოცულობა აპრილში წინა თვესთან შედარებით, 478.0 მლნ ლარით გაიზარდა

კომერციული ბანკების საკრედიტო დაბანდების მოცულობა (არარეზიდენტებზე გაცემული სესხების ჩათვლით), 2018 წლის აპრილში წინა თვესთან შედარებით 478.0 მლნ ლარით გაიზარდა (გაცვლითი კურსის ეფექტის გარეშე 1.1 პროცენტით გაიზარდა).

არასაბანკო დეპოზიტების მოცულობამ 2018 წლის პირველი მაისისათვის 19.9 მლრდ ლარი შეადგინა

საბანკო სექტორში განთავსებული არასაბანკო დეპოზიტების მოცულობამ 2018 წლის პირველი მაისისათვის 19.9 მლრდ ლარი შეადგინა.

კენკროვანი კულტურების გაშენებისთვის მთავრობამ ახალი ქვეკომპონენტი დაამტკიცა

სახელმწიფო პროექტში „დანერგე მომავალი“ ცვლილებები შევიდა.

კიევში ქართული ხალხური ცეკვისა და სიმღერის ანსამბლის კონცერტი გაიმართა

კიევის ნაციონალური ავიაციური უნივერსიტეტის კულტურისა და ხელოვნების ცენტრში, ქართული კულტურულ-საგანმანათლებლო ცენტრის ორგანიზებით,  ქართული ხალხური ცეკვისა და სიმღერის ანსამბლის „იბერიას“ კონცერტი გაიმართა.