ღვარცოფები, მათი პროგნოზირება და მართვა - ტექნიკური უნივერსიტეტი აქტუალურ პრობლემას საერთაშორისო კონფერენციით ეხმიანება

ღვარცოფული პროცესების პროგნოზირება, მონიტორინგი, რისკების შეფასება და მართვა პლანეტის პრობლემურ საკითხთა ნუსხაშია.

აღნიშნულ თემატიკას, რაც ჩვენი ქვეყნისთვისაც განსაკუთრებულად აქტუალურია, საქართველოს ტექნიკური უნივერსიტეტის ორგანიზებით, საერთაშორისო კონფერენცია მიეძღვნა, სახელწოდებით - „ღვარცოფები: კატასტროფები, რისკი, პროგნოზი, დაცვა“.


ხუთდღიან საერთაშორსო კონფერენციას, რომელიც ტექნიკური უნივერსიტეტის დიდ სააქტო დარბაზში დღეს გაიხსნა, პრობლემის აქტუალობიდან გამომდინარე, 22 ქვეყნის 200-მდემეცნიერი და მკვლევარი შეუერთდა, მათ შორის UNESCO-ს ექსპერტებიც. კონფერენციის მუშაობაში მონაწილეობენ  საქართველოს სამთავრობო უწყებების - რეგიონული განვითარებისა და ინფრასტრუქტურის, გარემოს დაცვისა და სოფლის მეურნეობის სამინიტროების, ასევე, საქართველოს მთავრობასთან არსებული საგანგებო სიტუაციების მართვის სამსახურის წარმომადგენლები.


სტუ-ის რექტორმა, აკადემიკოსმა არჩილ ფრანგიშვილმა ყურადღება გაამახვილა კონფერენციის საერთაშორისო მნიშვნელობასა და იმ გამოწვევებზე, რაც მსოფლიო საზოგადოების წინაშეღვარცოფული კატასტროფების მართვისა და პროგნოზირების კუთხით დგას.  


„ღვარცოფული პრობლემები გლობალურია და ჩვენს ქვეყანასაც ეხება. შესაბამისად, ახალი მეთოდები და ტექნოლოგიები მნიშვნელოვანია არა მხოლოდ ჩვენთვის, არამედ მსოფლიო მასშტაბითაც. კონფერენციაზე სხვადასხვა ქვეყნის მეცნიერები განიხილავენ და ახლებურად გაიაზრებენ იმ რისკებსა და პროგნოზებს, რაც ღვარცოფული მოვლენების თანმდევია და ერთმანეთს გაუზიარებენ გამოცდილებასა და ინფორმაციას რისკების მართვის უახლეს სისტემებზე. ეს კი უდავოდ მნიშვნელოვანია საერთაშორისო მასშტაბით. ამ მიმართულებით საქართველოში მე-19 საუკუნიდან მიმდინარეობს კვლევები, შეიქმნა არაერთი ინსტიტუტი, მათ შორის წყალთა მეურნეობის და ჰიდრომეტეოროლოგიის. ისინი მრავალი წელია შეისწავლიან ამ პრობლემებს და საერთაშორისო თანამშრომლობის დიდი გამოცდილება დააგროვეს. ეს შეხვედრა გვაძლევს შესაძლებლობას, საქართველო კიდევ უფრო აქტიურად ჩაერთოს საერთაშორისო კვლევებში და დაამყაროს ახალი სამეცნიერო და კვლევითი კონტაქტები“, -  აღნიშნა არჩილ ფრანგიშვილმა.  


როგორც საგანგებო სიტუაციების მართვის სამსახურის უფროსის მოვალეობის შემსრულებელმა, შალვა ხუციშვილმა აღნიშნა, მისი სამსახურისთვის მნიშვნელოვანია კონფერენციის მუშაობაში მონაწილეობა და საერთაშორისო გამოცდილების გაზიარება.


„ღვარცოფები და მათგან მომდინარე პრობლემები საგანგებო სიტუაციების მართვის სამსახურის რისკების შკალაში მნიშვნელოვან ადგილს იკავებს. ამიტომ, ჩვენთვის პრიორიტეტულია სამეცნიერო წრეებთან ურთიერთობა და მკვლევარების ჩართვა საგანგებო სიტუაციების მართვაში. მითუმეტეს, რომ ახალი კანონმდებლობა ითვალისწინებს სამსახურის საქმიანობაში სამეცნიერო წრეების ჩართულობასა და სამეცნიერო-საკონსულტაციო საბჭოს შექმნას. იმედი გვაქვს, რომ ამ ხუთი დღის მანძილზე და შემდეგაც, საინტერესო სამუშაო გველის“, - განაცხადა შალვა ხუციშვილმა.


ღვარცოფების საერთაშორისო ასოციაციის პრეზიდენტის, მოსკოვის ლომონოსივის სახ. უნივერსიტეტის პროფესორის, სერგეი ჩერნომორეცის თქმით, ეს პირველი უდიდესი საერთაშორისო კონფერენციაა, რომელმაც მსოფლიოში ერთ-ერთი ყველაზე აქტუალური თემის ირგვლივ მრავალი ქვეყნის 200-მდე მეცნიერისა და მკვლევარის მობილიზება შეძლო.  


„კონფერენციის სახელწოდება მრავლისმეტყველია და კარგად გამოხატავს მსოფლიოს წინაშე მდგარ საფრთხეებსა და გამოწვევებს. დარწმუნებული ვარ, ეს საერთაშორისო ღონისძიება საფუძველს ჩაუყრის არაერთ ახალ იდეას, ახალ პროექტსა და დისკუსიას. ჩვენ, სხვადასხვა ქვეყნის მეცნიერებს არაჩვეულებრივი შესაძლებლობა გვეძლევა, ერთმანეთს საკუთარი მოსაზრებები გავუზიაროთ. რაც მთავარია, სამეცნიერო თვალსაზრისით ჩვენი შეკრება ძალიან საინტერესო იქნება, განსაკუთრებით კი - კონფერენციის ფარგლებში დაგეგმილი გასვლითი სემინარები”, - განაცხადა სერგეი ჩერნომორეცმა.


კონფერეციის გახსნაზე შეკრებილ საზოგადოებას, ასევე, მიმართეს სტუ-ის ცოტნე მირცხულავას სახ. წყალთა მეურნეობის ინსტიტუტის დირექტორმა, პროფ. გივი გავარდაშვილმა,სორბონის უნივერსიტეტის ფიზიკური გეოგრაფიის ლაბორატორიის ხელმძღვანელმა, პროფ. ვენსან ჟომელმა, მთის საშიშროებათა და გარემოს დაცვის ჩინეთის აკადემიის ჩუნჩისკის ინსტიტუტის ლაბორატორიის ხელმძღვანელმა, პროფ. ფანგქ იანგ ვეიმ და UNESCO-ს ექსპერტმა, პროფ. კრისტინ ტოვმასიანმა.


ღონისძიების პირველივე დღეს, ყველა მონაწილეს საჩუქრად გადაეცა სამეცნიერო ნაშრომთა 700-გვერდიანი ილუსტრირებული კრებული, რომელიც სტუ-ის ცოტნე მირცხულავას სახ. წყალთა მეურნეობის ინსტიტუტის ორგანიზებით, კონფერენციის მხარდაჭერის მიზნით გამოიცა.



კონფერენციის მსვლელობის პერიოდში დაგეგმილია არაერთი სამეცნიერო აქტივობა, მათ შორის: UNESCO-ს სესია ღვარცოფულ პრობლემებზე, რომელშიც მონაწილეობას მიიღებს ღვარცოფების საერთაშორისო ასოციაციის პრეზიდენტი და წევრები. ასევე, 4-5 ოქტომბერს, კონფერენციის მონაწილეებისათვის  ჩატარდება პროფესიული ექსკურსია-სემინარი საქართველოს ღვარცოფული ტიპის ისეთ აქტიურ მდინარეებზე, როგორიცაა: დურუჯი, თელავის ხევი, არაგვი და თერგი.


საერთაშორისო კონფერენცია მუშაობას 5 ოქტომბერს დაასრულებს.


შსს - მოქალაქეებს მოვუწოდებთ, დაემორჩილონ საპატრულო პოლიციის მითითებებს და დაიცვან მოძრაობის წესები

შსს-ს საპატრულო პოლიციის დეპარტამენტი გაცნობებთ, რომ მოქალაქეთა უსაფრთხო გადაადგილების, ინტენსიური თოვის, ლიპყინულისა და ზვავსაშიშროების გამო, ზოგიერთ რეგიონში, საავტომობილო გზებზე გარკვეული შეზღუდვები დაწესდა.

 

თბილისის მერმა აფეთქების შედეგად დაზარალებული ოჯახები მოინახულა

თბილისის მერმა კახა კალაძემ დიდ დიღომში, საცხოვრებელი კორპუსის აფეთქების შედეგად დაზარალებული ოჯახები მოინახულა.

ექსპერტის შეფასებით, არასწორი და გაბუქებული ინფორმაციის კვლევაში ასახვა ძალიან ცუდია

ექსპერტი გია აბაშიძე ორგანიზაცია Freedom House-ს აკრიტიკებს.

ავტობანზე 20-ზე მეტი მანქანა ერთმანეთს მსუბუქად შეეჯახა

ავტობანზე 20-ზე მეტი ავტომობილი,  ერთმანეთს მსუბუქად შეეჯახა.

ახალციხეში ავტომობილის ინსპექტირების ცენტრთან რიგებია

ახალციხეში, ავტომობილის ინსპექტირების ცენტრთან ათობით მანქანა თავის რიგს ელის. მძღოლები ხშირად მხოლოდ 2-3 დღის შემდეგ ახერხებს ტექდათვალიერების გავლას. 

„სილქნეტი“ თავის მომხმარებელს განახლებულ პირობებს შესთავაზებს

გასული წლის განმავლობაში „სილქნეტმა“ მნიშვნელოვანი სიახლეები შესთავაზა მომხმარებელს. დანერგა 4.5 G ტექნოლოგია და გააუმჯობესა ინტერნეტის ხარისხი.

დავით სერგეენკო: სისხლის მარაგი შეფერხების გარეშე მიეწოდება კლინიკას

შრომის, ჯანმრთელობის და სოციალური დაცვის მინისტრი დავით სერგეენკო სისხლის ბანკის მიერ გაკეთებულ განცხადებას ეხმაურება.

 

სერგეენკო: ,,სიხლის ბანკი" ცდილობს, უბედური შემთხვევა საკუთარი მარკეტინგისთვის გამოიყენოს

ჯანდაცვის მინისტრი დავით სერგეენკო სისხლის მარაგის დეფიციტის შესახებ ერთ-ერთი ,,სისხლის ბანკის" მიერ გაკეთებულ განცხადებას მწვავე კომენტარით პასუხობს.

აფეთქების შედეგად დაზარალებული 70 ადამიანი სასტუმროებშია განთავსებული

ამ დროისთვის სასტუმროებში, აფეთქების შედეგად დაზარალებული 70-ზე მეტი ადამიანია გადაყვანილი.

ანაკლიის პორტამდე მისასვლელი გზისა და რკინიგზის პროექტირებისთვის ბიუჯეტიდან 11 მილიონი გამოიყო

ანაკლიის ღრმაწყლოვან ნავსადგურამდე მისასვლელი საავტომობილო გზისა და რკინიგზის მშენებლობის პროექტისთვის სახელმწიფო ბიუჯეტმა 11 მილიონი ლარი გამოყო. ინფორმაციას „ანაკლიის განვითარების კონსორციუმში“ ადასტურებენ.

აჭარის ჯანდაცვის სამინისტრო მოსახლეობას წითელას საწინააღმდეგო ვაქცინაციის ჩატარებისკენ მოუწოდებს

აჭარის ჯანდაცვის სამინისტრო მოსახლეობას მოუწოდებს, წითელას საწინააღმდეგო ვაქცინაციის ჩასატარებლად თავიანთ ოჯახის ექიმებს მიმართონ.

ჯარში ნამსახურებ პირებს სოცქსელებით სარგებლობა აეკრძალებათ

რუსეთში, ჯარში ნამსახურებ პირთა ნაწილს სოციალური ქსელებით სარგებლობა აეკრძალებათ.

თეგეტა მოტორსი მომხმარებლებს 30%-იან ფასდაკლებას სთავაზობს

თეგეტა მოტორსი მომხმარებლებს ქსელში წარმოდგენილ ზამთრის საბურავებს, კერხერის ბრენდის სარეცხ დანადგარებს და მტვერსასრუტებს 30%-იანი ფასდაკლებით სთავაზობს.

გენადი არველაძე საუდის არაბეთის საპარლამენტო დელეგაციას შეხვდა

ეკონომიკისა და მდგრადი განვითარების მინისტრის მოადგილე გენადი არველაძე საუდის არაბეთის მაჯლის ალ-შურას(პარლამენტის) საქართველოსთან საპარლამენტო მეგობრობის ჯგუფის წევრებს შეხვდა.

ირაკლი ხმალაძე: მერიის მხრიდან შენობის ექსპლუატაციაში მიღება გაზის სისტემის უსაფრთხოებას არ ადგენს

თბილისის ვიცე-მერის ირაკლი ხმალაძის განცხადებით, მერიის მხრიდან შენობის ექსპლუატაციაში მიღება გაზის სისტემის უსაფრთხოებას არ ადგენს.

აკაკი ზოიძე Freedom House-ს აკრიტიკებს

ჯანმრთელობის დაცვისა და სოციალურ საკითხთა კომიტეტის თავმჯდომარე აკაკი ზოიძე ორგანიზაცია Freedom House-ს აკრიტიკებს.

ლარის კურსი

17 იანვრის ვაჭრობის შედეგად აშშ დოლარი გაუფასურდა და 2.6633 ლარი შეადგინა. კურსი, რომელიც დღეს მოქმედებდა, 2.6634 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.01 თეთრი შეადგინა.
 

18 იანვარს ელექტრომომარაგება დროებით შეიზღუდება

სხვადასხვა სამუშაოების ჩატარების გამო 18 იანვარს ელექტრომომარაგება დროებით შეიზღუდება.

ამერიკის შეერთებული შტატების საელჩო დიდ დიღომში მომხდარი ტრაგედიის გამო ქართველ ხალხს თანაუგრძნობს

ამერიკის შეერთებული შტატების საელჩი დიდ დიღომში  გუშინ მომხდარი ტრაგედიის გამო ქართველ ხალხს სამძიმარს უცხადებს.

 

ანკარა-თბილისი-ანკარას მიმართულებით პირველი ავიარეისი ხვალ შესრულდება

ავიაკომპანია Turkish Airlines-ი 18 იანვარს, პირველ რეგულარულ ავიარეისს ანკარა-თბილისი-ანკარას მიმართულებით შეასრულებს.

დღე მეორე - უახლესი ფოტოები აფეთქების ადგილიდან

17 იანვარი საქართველოში გლოვის დღეა.