ევროსაბჭოს გადაწყვეტილება უკრაინისთვის ზურგის შექცევაა?! რას მოუტანს ეს საქართველოს?

ევროსაბჭომ რუსეთს, უკვე ყირიმიანად, ხმის უფლება დაუბრუნა. რას მოუტანს ეს ევროპას, მათ შორის უკრაინას და რა გავლენები ექნება საქართველოზე – ამ საკითხებზე „პირველი“ „საქართველოს უნივერსიტეტის" პროფესორს გია ჯაფარიძეს ესაუბრა.

– რას წარმოადგენს ევროსაბჭო – რა ძალა აქვს მას და რას ნიშნავს რუსეთისთვის ხმის უფლების დაბრუნება? ან რატომ მოხდა ყირიმის ანექსიის გამო ჩამორთმეული უფლების დაბრუნება, როდესაც ნახევარკუნძულზე სტატუსკვო არ შეცვლილა?

თავდაპირველად დავიწყოთ იმით, რომ ჩვენს საზოგადოებაში ხშირად უჭირთ გარჩევა და ევროსაბჭო, ევროპის კავშირის სტრუქტურული ერთეული ჰგონიათ.

რეალურად, ევროსაბჭო არის საერთაშორისო ორგანიზაცია, რომელიც მოიცავს ევროპის სახელმწიფოებს და რომლის წევრი საქართველოც გახლავთ. აპრილში ჩვენ აღვნიშნეთ, ზემოხსენებულ სტრუქტურაში გაწევრიანების 20-წლისთავი.

თავის დროზე ევროსაბჭოდან რუსეთი არავის გაუძევებია და მხოლოდ ხმის მიცემის უფლება შეუჩერეს. ეს მოხდა იმიტომ, რომ 2014 წელს რუსეთმა უკრაინას, ასე პირდაპირ, „მტაცებლურად“ წაართვა ყირიმის ნახევარკუნძული.

მომდევნო ხუთი წლის მანძილზე, 2019 წლის 17 მაისამდე, მას შემდეგ, რაც ორგანიზაციის ერთიანი გადაწყვეტილებით რუსეთს ხმის უფლება დაუბრუნდა, ყირიმის ტერიტორიაზე უკეთესობისკენ არაფერი შეცვლილა. პირიქით, უარესი მდგომარეობაა და ამ მიმართულებით ოფიციალურ მოსკოვს არცერთი ნაბიჯით უკან არ დაუხევია.

უფრო მეტიც, განახორციელა ყირიმის ანექსია და ახლა ნახევარკუნძულის პოლიტიკურ, სოციალურ და ეკონომიკურ ინტეგრაციას ცდილობს რუსეთის სივრცეში.

რა ფასად ახორციელებს კრემლი ამ პოლიტიკას, ეს ცალკე განხილვის თემაა, მაგრამ არსებითი ცვლილებები არ მომხდარა. მაშინ რა მოხდა ევროსაბჭოში?

უკანასკნელ პერიოდში (განსაკუთრებით ავსტრიაში მომხდარი ამბების შემდეგ, ის რომ ვიცე-კანცლერი, ჰაინც-კრისტიან შტრახე რუსეთთან თანამშრომლობდა) ბევრი რადიკალური პოზიციების მქონე პარტიები თანამშრომლობენ ოფიციალურ მოსკოვთან. ზოგიერთ მათგანს პირდაპირი, ღია ხელშეკრულებები აქვთ გაფორმებული პუტინის „ედინაია რასიასთან“, მათ შორის შტრახეს „თავისუფლების პარტიას“.

ხშირად ამბობენ, რომ ევროპაში არიან პოპულისტური ძალები, მაგრამ რამდენად პოპულისტურები არიან და გახდნენ თუ არა ეს ძალები უკვე მეინსტრიმულები, ეს უკვე ცალკე მსჯელობის საგანია. მაშინ, როდესაც მსგავსი ტიპის პოლიტიკური სუბიექტები ძლიერდებიან, მხოლოდ ამ დროიდან იწყება საზოგადოების მხრიდან „განგაშის ზარების“ შემოკვრა.

ევროსაბჭოში კი სულ რამდენიმე ქვეყანა იყო რუსეთისთვის ხმის აღდგენის წინააღმდეგი.

ეს გამოწვეულია იმით, რომ ევროსაბჭოს ბიუჯეტის გარკვეული წილი ოფიციალურ მოსკოვზე მოდის, რომელსაც შესაბამისი თანხები შეაქვს მათთან.

მას შემდეგ, რაც რუსეთმა შეწყვიტა აღნიშნული ფინანსური შენატანის უზრუნველყოფა, პრობლემა შეექმნა ბიუჯეტის შევსებას.

მნიშვნელოვანია აღინიშნოს საქართველოს პრემიერ-მინისტრის სწორი პოზიცია, როდესაც მან გააჟღერა ინიციატივა, რომ ოფიციალური თბილისი მზად არის გაზარდოს თავის ფინანსური კონტრიბუცია. ეს არის ძალიან სწორი გადაწყვეტილება. ამის აღნიშვნა აუცილებელია, რადგან ხელისუფლებაში არ იფიქრონ, თითქოს მხოლოდ „ჩასაფრებულის“ პოზიციიდან ვუყურებთ მთავრობას და მათ საგარეო პოლიტიკას. ეს ასე ნამდვილად არ არის.

ევროსაბჭოში ფინანსური კონტრიბუციის გაზრდის თემა, რაც პრემიერ-მინისტრმა აპრილში გააჟღერა, საქართველოს გაწევრიანების 20 წლისთავთან დაკავშირებით მიძღვნილ ღონისძიებაზე, სწორი გზავნილია.

მართებულია აგრეთვე ჩვენი ქვეყნის პოზიცია, როდესაც იმ სახელმწიფოთა მცირე ჯგუფში აღმოვჩნდით, უკრაინასთან, ბრიტანეთთან, პოლონეთთან, ბალტიის სამივე სახელმწიფოსთან ერთად, რომლებიც რუსეთისთვის ხმის დაბრუნების წინააღმდეგ წავიდა. აღნიშნული ნაბიჯი საქართველოს საგარეო საქმეთა სამინისტროს უნდა შევუქოთ.

რაც შეეხება პირვანდელ თემას, ევროსაბჭოში რუსეთის ყოფნა-არყოფნის საკითხი იდგა უკვე დღისწესრიგში და აქ საფრანგეთმა და გერმანიამ მოიშველია პირადად ჩემთვის ძალიან უსუსური არგუმენტი, რომ თითქოს თუ ოფიციალური მოსკოვი ორგანიზაციის წევრი აღარ იქნება, მაშინ რა ეშველებათ რუსეთის იმ მოქალაქეებს, რომლებსაც დღეს აქვთ შანსი მიმართონ ე.წ. სტრასბურგის სასამართლოს (ადამიანის უფლებათა ევროპულ სასამართლოს).

ოფიციალური განცხადებით, რუსეთის მოქალაქეებს არ უნდა დაუკარგონ შანსი, გამოიყენონ მათი უფლება მიმართონ სტრასბურგის სასამართლოს თუ ჩათვლიან, რომ მათი უფლებები არის დარღვეული.

ზემოაღნიშნული არგუმენტი უსუსურია იმ მხრივ, რომ საჭიროების შემთხვევაში თუ რუსეთის ხელისუფლებას დააკისრეს გარკვეული კომპენსაცია, ის ამ კომპენსაციას აუცილებლად გადაიხდის და საერთაშორისო ევროპულ თანამეგობრობას არ აქვს საშუალება ამ სასამართლოს გამოყენებით, რაიმე სახის წნეხი მიიტანოს ოფიციალურ მოსკოვზე.

ევროსაბჭოს გადაწყვეტილებას მოჰყვა უამრავი კითხვა - რა კავშირშია ეს გადაწყვეტილება ყირიმთან? შეიცვალა რაიმე და შევეგუეთ იმას, რაც ჩაიდინა რუსეთმა ნახევარკუნძულზე?

ზოგადად, საერთაშორისო ურთიერთობებში დიდი მნიშვნელობა აქვს რეპუტაციას, მათ შორის რუსეთისთვის და ამ დეკლარაციით, ოფიციალური მოსკოვის რეაბილიტაცია შედგა.

არანაირი მიზეზით არ შეიძლება გამართლდეს კრემლისთვის ხმის დაბრუნების უფლება. ეს გვაფიქრებინებს, რომ სრულიად სხვა საფუძვლები ჰქონდა ევროსაბჭოს წევრი სახელმწიფოების გადაწყვეტილებას.

აქ უფრო იყო ის პოლიტიკური და შესაძლებელია ეკონომიკური ინტერესები, რომელიც ევროპულ სახელმწიფოებს რუსეთთან მიმართებაში გააჩნიათ.

ეს არ იყო კარგი გადაწყვეტილება არც უკრაინისთვის, არც საქართველოსთვის და საბოლოო ჯამში არც ევროპისთვის.

– საქართველოსთან მიმართებაში რა შედეგები შეიძლება მოჰყვეს რუსეთისთვის ხმის უფლების დაბრუნებას?

რუსეთს ხმის უფლება 2014 წლამდეც გააჩნდა. ევროპის საბჭოში, და ნებისმიერ სხვა საერთაშორისო ორგანიზაციაში, რუსეთის პოზიცია საქართველოსთან მიმართებაში ძალიან აშკარა და ცალსახაა.

ის რეზოლუციები თუ გადაწყვეტილებები, რომელიც ჩვენ ქვეყანასთან დაკავშირებით მიიღება და ჩვენი სახელმწიფოებრივი ინტერესებითვის არის სასარგებლო, რუსეთი ყოველთვის ეწინააღმდეგება და ცდილობს სხვა ქვეყნებზეც მოახდინოს გავლენა, არ დაუჭირონ მხარი საქართველოს.

აქედან გამომდინარე, ჩვენთვის დიდად არაფერი იცვლება, რუსეთის ფედერაცია კვლავ გააგრძელებს ოფიციალური თბილისის წინააღმდეგ მოქმედებებს.

ნეგატიური არის ის რომ, საერთაშორისო სამართლის ასეთი უხეში დარღვევა, რასაც ჰქონდა ადგილი რუსეთის მხრიდან, უკრაინის წინააღმდეგ, ეს დაუსჯელი დარჩა. იყო მხოლოდ მინიმალური სანქციები და ჩვენ ვხედავთ, რომ ეს სანქციებიც ნელნელა იშლება. ანუ კრემლის განზრახვა, ძირი გამოუთხაროს საერთაშორისო ურთიერთობათა სისტემას, რომელიც კონკრეტულ ნორმებზეა დაფუძნებული, თუ სრულად ვერა, მეტნაკლები წარმატებით მაინც ახორციელებს.

მიუხედავად იმისა, რომ საერთაშორისო სამართლის მიხედვით ყველანი თანაბარი ვართ, ჩვენ არ გაგვაჩნია ის პოლიტიკური, დიპლომატიური, გნებავთ ეკონომიკური რესურსი, რომელიც ობიექტურად ჩვენზე დიდ რუსეთს აქვს.

აქედან გამომდინარე, როდესაც რუსეთს პირდაპირი შეტევა მიაქვს საერთაშორისო სამართალზე, ანგრევს მას, ეს ჩვენთვისაც არ არის კარგი.

მნიშვნელოვანია, უკრანისი გამო, რუსეთს დამატებითი სანქციები ჰქონდეს და ამ კონტექსტში საქართველოც იყოს მოხსენიებული.

აღნიშნულის ნაცვლად კი საპირისპირო ხდება. წარმოდგინეთ ახლა უკრაინის იმედგაცრუება, როდესაც ევროპა (ზემოთ აღნიშნული შვიდი სახელმწიფოს გარდა), უგულვებელჰყოფს ოფიციალური მოსკოვის მიერ, საერთაშორისო სამართლებრივი ნორმების და იმ მსოფლიო წესრიგის რღვევას, რომელიც მეორე მსოფლიო ომის შემდეგ არის ჩამოყალიბებული.

– რა გამოხმაურება მოჰყვება აღნიშნულ გადაწყვეტილებას უკრაინის მხრიდან?

ნამდვილად არ ვისურვებდი რომელიმე სახელმწიფოს ყოფნას უკრაინის მდგომარეობაში. წარმოიდგინეთ, ერთ-ერთი უმთავრესი ევროპული საერთაშორისო ორგანიზაცია, რომლის წევრიც არის უკრაინა, ვართ ჩვენც და ყველა ევროპული სახელმწიფო, ფაქტიურად „უპრავებს“, უგულებელყოფს რუსეთის მიერ ჩადენილ იმ ქმედებებს, რომელიც 2014 წელს, ყირიმის ნახევარკუნძულზე განხორციელდა.

უკრაინა, რომელიც უდიდესი სახელმწიფოა, ფაქტიურად მიტოვებული დარჩა ევროპული პარტნიორების მხრიდან და კიევში შეიძლება ვინმემ იფიქროს, რომ საერთაშორისო ორგანიზაციებში კვლავ „დიდი ქვეყნების“ გარიგებებს ენიჭება მნიშვნელობა.

ამ შემთხვევაში გერმანია-საფრანგეთის პოზიცია იყო გადამწყვეტი და სხვა სახელმწიფოები იმ პოზიციას დაიკავებდნენ, რასაც ოფიციალური ბერლინი და პარიზი გააჟღერებდა. შესაბამისად, მათ მიიღეს გადაწყვეტილება, რომ რუსეთს დაბრუნებოდა ხმის უფლება.

არვიცი, შესაძლებელია ახლა ჩვენც ბერლინში, ან პარიზში რომ ვიყოთ, ასე მოვქცეულიყავით, რადგან გვეფიქრა, რომ რეალპოლიტიკა ამას გვკარნახობს, თუმცა, ჩემი პირადი მოსაზრებით, რეალპოლიტიკა სულ სხვა რაღაცას გვკარნახობს.

აღნიშნული არ არის რეალპოლიტიკა, არამედ ეს უფრო იდეალისტური პოლიტიკაა, უფრო რაღაც სასურველის შესაძლებლად დანახვა, იმიტომ რომ გასული წლები, თუნდაც საუკუნეები ადასტურებს, რომ რუსეთთან მსგავსი მიდგომები მას მხოლოდ აძლიერებთ.

იმ შემთხვევაში, თუ გსურს რუსეთთან, გნებავთ დიპლომატიაში, გნებავთ გეოპოლიტიკურ პაექრობაში გაიმარჯვო, მსგავსი პოზიცია, რაც ევროპულმა სახელმწიფოებმა დააფიქსირეს, წარმატების მომტანი არ არის. ეს განწირულია მარცხისთვის.

ავტორი: რატი ერისთავი #მედიალაბორატორია


ქუთაისის "ტორპედოს" პრეზიდენტმა ფეხბურთელები თამაშზე ვერ დაითანხმა

ქუთაისის „ტორპედოს“ ფეხბურთელები დღეს ბაზაზე შეიკრიბნენ. საუბარი სამომავლო გეგმებსა და სავარაუდო ინვესტორებს შეეხო.

ეკონომიკის სამინისტრო: ნათია თურნავას თბილისის აეროპორტის კერძო ინვესტორისთვის გადაცემის პროცესში მონაწილეობა არ მიუღია

ეკონომიკის სამინისტრო, მინისტრ ნათია თურნავასთან დაკავშირებით გავრცელებულ ინფორმაციაზე, განცხადებას ავრცელებს. როგორც სამინისტროში აცხადებენ, ინფორმაცია სიმართლეს არ შეესაბამება.

იენს სტოლტენბერგი: საქართველო გახდება ნატო-ს წევრი, თუმცა ამ პროცესის დრო განსაზღვრული არ გვაქვს

ჩვენ ვხედავთ უფრო მეტ ნატო-ს საქართველოში, საქართველო გახდება ნატო-ს წევრი ,- ამის შესახებ ნატო-ს გენერალურმა მდივანმა იენს სტოლტენბერგმა, ლონდონში, ნატო-ს საპარლამენტო ასამბლეაზე განაცხადა.

ხობში ხანძარია

ხობის მუნიციპალიტეტის სოფელ ხამისკურში ორსართულიანი სახლი იწვის. საგანგებო სიტუაციების მართვის სამსახურის ინფორმაციით, ხანძრის შედეგად არავინ დაშავებულა.

ელიზაბეტ II-მ ბრექსითის თარიღი დაადასტურა

დიდი ბრიტანეთის დედოფალმა ელიზაბეტ II-მ განაცხადა, რომ მთავრობა ბრექსითს 31 ოქტომბერს განახორციელებს. 

დეკანოზ გიორგი მამალაძის ოჯახი ბიძინა ივანიშვილის სახლთან აქციას აანონსებს

მსჯავრდებული დეკანოზის გიორგი მამალაძის ძმა თორნიკე მამალაძე, აქციებს აანონსებს. როგორც მან "პირველს" განუცხადა, 15 ოქტომბერს აქცია-მსვლელობა გაიმართება, სადაც დეკანოზის საპატიმროში დარჩენას გააპროტესტებენ.

თამთა თოდაძის ადვოკატი მარიამ კუბლაშვილს პასუხობს

ისნის რაიონის ბიუროს თანამშრომლის თამთა თოდაძის ადვოკატი თამარ ლუკავა აცხადებს, რომ მისი დაცვის ქვეშ მყოფის მონაწილეობით, სისხლის სამართლის სხვა საქმე არ არსებობს. აღნიშნული განცხადებით თამარ ლუკავა, ილია ჯიშკარიანის ადვოკატს მარიამ კუბლაშვილს პასუხობს.

პრემიერ-მინისტრი სრულიად საქართველოს სვეტიცხოვლობას ულოცავს

მთავრობის მეთაური სვეტიცხოვლის საკათედრო ტაძარში სვეტიცხოვლობის დღესასწაულთან დაკავშირებით, საზეიმო წირვას დაესწრო.

ოკუპირებული აფხაზეთის ე.წ. პრემიერ-მინისტრად ვალერი ბგანბა დაინიშნა

ოკუპირებული აფხაზეთის ე.წ. პრეზიდენტმა რაულ ხაჯიმბამ 14 ოქტომბერს ხელი მოაწერა ბრძანებას, რომლის თანახმად, დე ფაქტო რესპუბლიკის ე.წ. პრემიერ-მინისტრად ვალერი ბგანბა დაინიშნა.

საქართველოს, თურქეთისა და აზერბაიჯანის საგარეო საქმეთა მინისტრების შეხვედრა გაურკვეველი ვადით გადაიდო

საქართველოს, თურქეთისა და აზერბაიჯანის საგარეო საქმეთა მინისტრების რიგით მე-8 შეხვედრა, რომელიც 16 ოქტომბერს თბილისში იყო დაგეგმილი, გადაიდო.

გიორგი გახარია სომხეთს ეწვევა

საქართველოს პრემიერ-მინისტრ გიორგი გახარიას ოფიციალური ვიზიტები საქართველოს მეზობელ ქვეყნებში გრძელდება. 2019 წლის 15 ოქტომბერს მთავრობის მეთაური სომხეთს ეწვევა.

პაშა ბანკის მხარდაჭერით, არასამთავრობო ორგანიზაციამ აუტიზმის ცენტრი „პირველი ნაბიჯი“ გახსნა

პაშა ბანკის მხარდაჭერით, არასამთავრობო ორგანიზაციამ აუტიზმის ცენტრი „პირველი ნაბიჯი“ გახსნა. გახსნის ოფიციალური საზეიმო ღონისძიება 9 ოქტომბერს გაიმართა.

მომავალი 3 წლის განმავლობაში, ენერგოსისტემას 500 მგვტ-მდე დამატებითი სიმძლავრე შეემატება

ეკონომიკის მინისტრის მოადგილემ დავით თვალაბეიშვილმა "არაგვიჰესი" მოინახულა და ენერგეტიკის სექტორში მიმდინარე და დაგეგმილ პროექტებზე ისაუბრა.

მეუფე ანანია: ჩვენ მხარს ვუჭერთ, მაგრამ არ ვაღიარებთ უკრაინის ავტოკეფალიას

წმიდა სინოდის წევრი, მიტროპოლიტი ანანია ამბობს, რომ ქართული ეკლესია მხარს უჭერს უკრაინის ავტოკეფალიას, თუმცა არ აღიარებს.

საქართველოს ბანკის მხარდაჭერით „გურჯაანის ღვინის ფესტივალი 2019“  გაიმართა

საქართველოს ბანკი ღვინის ტურიზმის განვითარების ხელშეწყობასა და ღვინის კულტურის პოპულარიზაციას განაგრძობს.

პოლონეთის ხელისუფლებაში კონსერვატორები რჩებიან

"დოიჩე ველეს" ინფორმაციით, პოლონეთში ჩატარებული არჩევნების ეგზიტპოლის შედეგები გამოქვეყნდა. ამ შედეგებით მმართველი პარტია "სამართალი და სამართლიანობა" [Law and Justice] - 43.6 პროცენტით ლიდერობს. მეორე ადგილს კი, ოპოზიციური სამოქალაქო კოალიცია 27.4%-ით იკავებს.

კენი ლარკინმა თსუ-ის სტუდენტებისთვის იმღერა

თბილისის სახელმწიფო უნივერსიტეტმა, პირველკურსელ სტუდენტებს სწავლის დაწყება კენი ლარკინის კონცერტით მიულოცა.

 
ანრი ოხანაშვილი: დაპირება, რომ უზენაესი სასამართლოს მოსამართლეების შერჩევა იქნებოდა მაქსიმალურად გახსნილი, გამჭვირვალე და ხანგრძლივი პროცესი, შევასრულეთ

"ეს არის ისტორიული პროცესი. ეს პროცესი შედგა", - განაცხადა პარლამენტის იურიდიულ საკითხთა კომიტეტის თავმჯდომარემ ანრი ოხანაშვილმა, უზენაესი სასამართლოს მოსამართლეობის კანდიდატთა შესარჩევ პროცედურებთან დაკავშირებით.

ანრი ოხანაშვილი: სამწუხაროა, რომ ოპოზიციის ნაწილმა გასაუბრების პროცესი პოლიტიკურ სეირად აქცია

„სამწუხაროა, რომ ოპოზიციის ნაწილმა გასაუბრების პროცესი პოლიტიკურ სეირად აქცია“, - ამის შესახებ პარლამენტის იურიდიულ საკითხთა კომიტეტის თავმჯდომარემ ანრი ოხანაშვილმა ტელეკომპანია „იმედის“ ეთერში განაცხადა.

იაპონიაში ტაიფუნის შედეგად დაღუპულთა რიცხი 39-მდე გაიზარდა

იაპონიაში ტაიფუნი "ჰაგიბისის" მიერ გამოწვეული წყალდიდობისა და მეწყერის შედეგად დაღუპულთა რიცხი 39-მდე გაიზარდა. ინფორმაციას იაპონური მედია ავრცელებს. 

დღეს სვეტიცხოვლობაა

საქართველოს მართლმადიდებელი ეკლესია დღეს სვეტიცხოვლობას აღნიშნავს. ამასთან დაკავშირებით ტაძრებში წირვა-ლოცვა შესრულდება.