თსუ-ში დავით ნარმანიას მენეჯმენტისა და ადმინისტრირების კათედრა გაუხლიჩეს

ეკონომიკისა და ბიზნესის ფაკულტეტის პროფესორ-მასწავლებელთა ნაწილი ფაკულტეტის საბჭოს სხდომის გადაწყვეტილებას ფარსს უწოდებს და პროტესტის ახალ ტალღას გეგმავს.

თსუ-ის ეკონომიკისა და ბიზნესის ფაკულტეტის მოწვეულმაპროფესორმა დავით ნიჟარაძემ სოციალური ქსელის მეშვეობით თსუ-ის რექტორს გიორგი შარვაშიძეს მიმართა, რითაც თსუ-ის ეკონომიკისა და ბიზნესის ფაკულტეტის საბჭოს გადაწყვეტილებას გამოეხმაურა, რომლის მიხედვითაც გადაწყდა ახალი კათედრის - „გლობალურ გარემოში მენეჯმენტის კათედრის“ შექმნა.


„ბატონო რექტორო, თქვენი ლოგიკით, ჯერ დაფუძნდა კათედრა სახელწოდებით „გლობალურ გარემოში მენეჯმენტი“', შემდეგ შეიქმნება „ლოკალურ გარემოში მენეჯმენტი“, „სახელმწიფო მენეჯმენტი“, „მუნიციპალური მენეჯმენტი“, „თემთა მენეჯმენტი“, „საოჯახო-საყოფაცხოვრებო მენეჯმენტი“, „ინდივიდების მენეჯმენტი“, „წიაღის მენეჯმენტი“, „საზღვაო-სახმელეთო მენეჯმენტი“, ''მიწისზედა და მიწისქვეშა მენეჯმენტი“ და ა.შ.


მოკლედ, სახეზეა ეკონომიკისა და ბიზნესის ფაკულტეტის სრული „მენეჯმენტიზაცია“ სულისკვეთებით - „რიგითი ღაღანიძის გადასარჩენად“. რაც შეეხება თქვენი დიდი ძალისხმევით და „მყარი ნაბიჯებით“ ფორმირებულ „აბსურდის მენეჯმენტის კათედრის“ ხელმძღვანელობას, რა თქმა უნდა, ამ პოსტს თქვენი ხელდასმული დეკანი დაიკავებს.  ეს კი არ უნდა, მაგრამ სხვა გზა არ გაქვთ, დებულებას ხომ არ დაარღვევთ?!


ხომ მართლა, ამას გულისხმობდით თქვენ მიერ დაანონსებულ რეფორმა-რესტრუქტურიზაციაში?!, - მიმართავს სოციალური ქსელით თსუ-ის რექტორს, გიორგი შარვაშიძეს, ამავე უნივერსიტეტის მოწვეული პროფესორი დავით ნიჟარაძე.


„პირველის“ ინფორმაციით, თსუ-ის ეკონომიკისა და ბიზნესის ფაკულტეტის საბჭომ მიიღო გადაწყვეტილება და შექმნა ახალი კათედრა სახელწოდებით - „გლობალურ გარემოში მენეჯმენტი“. ამ გადაწყვეტილების წინააღმდეგი საბჭოს სხდომაზე დამსწრე წევრთაგან მხოლოდ ორი იყო - დავით ნარმანია  - მენეჯმენტისა და ადმინისტრირების კათედრის ხელმძღვანელი და შოთა შაბურიშვილი - ასოცირებული პროფესორი საერთაშორისო ბიზნესის კათედრიდან.


„პირველთან“ საუბრისას მენეჯმენტისა და ადმინისტრირების კათედრის ასოცირებულმა პროფესორმა ეკა ჩოხელმა აღნიშნა, რომ ამ გადაწყვეტილებით კლანი, რომლის ერთ თავში დეკანი გიორგი ღაღანიძე, ხოლო მეორე თავში საერთაშორისო ეკონომიკისა და ეკონომიკურ მოძღვრებათა ისტორიის კათედრის ხელმძღვანელი ავთანდილ სილაგაძე არიან, ცდილობს გაძლიერდეს და ახალი პლაცდარმი შეუქმნას დეკან ღაღანიძეს, რომელიც ფაკულტეტის დებულების თანახმად ავტომატურად გახდება  კათედრის ხელმძღვანელი. მისთვის და მისი გულშემატკივრებისთვის ეს ძალიან მნიშვნელოვანი მომენტია. სწორედ ამის გამო მიდიან გაუგონარ თავხედობაზე და ქმნიან კათედრას ყოველგვარი პროექტის გარეშე, ანუ ისე, რომ შესაბამისი სასწავლო კურსები მომდევნო 2 სემესტრის განმავლობაში უნდა „დააწიონ“.  მანამდე, ახალი კათედრის წევრები ყველა სასწავლო კურსით კვლავ მენეჯმენტისა და ადმინისტრირების კათედრიდან დაკმაყოფილდებიან, თუ ახალ სასწავლო კურსებს ვერ შექმნიან, არაფერია, ძალა ხომ მათ ხელშია, მენეჯმენტისა და ადმინისტრირების კათედრას წაართმევენ, - მიაჩნია ჩოხელს.


„ჩემთვის გამაოგნებელი იყო საბჭოს სხდომაზე გამოსვლისას აკადემიური საბჭოს წევრის და ერთ-ერთი ვითომ რიგითი კათედრის გამგის ავთანდილ სილაგაძის ტონი, რომლითაც ის მენეჯმენტისა და ადმინისტრირების კათედრის გამგეს, კოლეგას, დავით ნარმანიას მიმართავდა. სილაგაძე აღნიშნავდა, რომ არ იყო სწორი, როცა მისი კოლეგა კათედრასთან დაკავშირებულ სხვადასხვა თემებს, მათ შორის საკუთარი კათედრის სხდომის დღის წესრიგში საკითხების ფორმულირებასაც კი„მათთან,“ უშუალოდ კი მასთან არ ათანხმებს... თან ამ ყოველივეს სილაგაძე დამრიგებლურ - დიდაქტიკურ ტონში და საკმაოდ დიდხანს იმგვარად წარმოაჩენდა, რომ ჩემი აზრით, ჯანსაღი ფსიქიკის ადამიანს ეჭვი შეეპარებოდა იმაში, თუ სად იმყოფებოდა  XXI საუკუნის მეორე ათწლეულის ბოლოს - საქართველოს წამყვანი უნივერსიტეტის წამყვანი ფაკულტეტის საბჭოს სხდომაზე, თუ XX საუკუნის 70-80 იანი წლების „საუკეთესო ტრადიციების“ შესაბამისად მიმდინარე პარტიულ შეკრებაზე, სადაც გავლენიანი და უფროსი პარტიული ბოსები ინიციატივიან და რეალისტ ახალგაზრდებს ტუქსავენ და ავიწროვებენ დაუმორჩილებლობის და წინააღმდეგობის გაწევის გამო. მე მხოლოდ გაოგნება და შესაბამისად, შემდგომ უკვე, ამ ყველაფრისთვის მაქსიმალური წინააღმდეგობის გაწევა დამრჩენია, რამდენადაც, ზუსტად ვიცი, რომ ფაკულტეტის საბჭოს ამ სხდომის მსგავსი სხდომები, რაც შეიძლება სწრაფად უნდა ჩაბარდეს წარსულს“, - ამბობს პროფესორი.


მენეჯმენტისა და ადმინისტრირების კათედრის ასისტენტ-პროფესორი ეკატერინე გულუა აღნიშნავს, რომ  პროტესტს, რასაც ფაკულტეტის რამდენიმე პროფესორი ბოლო წლებია დაუფარავად გამოხატავს ფაკულტეტზე შექმნილი კლანური მმართველობის გამო, ეს გადაწყვეტილება კიდევ უფრო გააძლიერებს. „სურთ ,,გაიკეთონ” კათედრა და სახელი ვერ დაარქვეს. მას, ვინც მოიფიქრა კათედრის სახელწოდება -,,გლობალურ გარემოში მენეჯმენტი“ ვფიქრობ, არ აქვს უფლება „მოღვაწეობდეს“ თსუ-ში. წარმოიდგინეთ, მათ შექმნეს „ჰაერში სუნთქვის კათედრა“ მაშინ, როცა უკვე არსებობს „სუნთქვის კათედრა“. ეს ეწინააღმდეგება ყველა ლოგიკურ ჩარჩოს და არ აქვს არგუმენტირებული საფუძველი, გარდა კლანის მიერ ლობირებულ ერთეულთა პირადი ინტერესისა“, - ამბობს გულუა.


მისი განცხადებით, არაეთიკური და ამორალურიც კი არის, ფაკულტეტზე იქმნებოდეს ახალი, ყოვლად გაუგებარი დანიშნულების კათედრა ადამიანისთვის, რომლის პროფესორობის კანონიერებაზეც კითხვები სასამართლო ფორმატშია დასმული. „ეს სამარცხვინო ფაქტი და ის მეთოდები, რომელიც მის მისაღწევად იქნა გამოყენებული  ავლენს რექტორის წარუმატებელ მმართველობას თსუ-ში, რომელსაც ბიუროკრატიული მექანიზმებით და ქურდული გარჩევებით კონკრეტული პირები ამყარებენ. ჩვენ  ყველა შესაძლო კანონიერი გზით შევეცდებით მივმართოთ თსუ-ის წარმომადგენლობით საბჭოს (რომელმაც უნდა დაამტკიცოს ახალი კათედრის შექმნის გადაწყვეტილება), რომ არ დაამტკიცოს ეს გადაწყვეტილება, როგორც ფაკულტეტის სტუდენტთა ინტერესების დამაზიანებელი და მხოლოდ დეკანისა და კიდევ რამდენიმე პროფესორის, პირად, დაუმსახურებელ ინტერესებზე მორგებული გადაწყვეტილება.  ამ პოზიციას არგუმენტირებულად და ზედმიწევნით დავიცავთ ყველგან, სადაც მოგვისმენენ, იქნება ეს თსუ-ის წარმომადგენლობითი  საბჭო, განათლების სამინისტრო, განათლების საკითხთა საპარლამენტო კომიტეტი თუ შესაბამისი პროფილის არასამთავრობო ორგანიზაციები. იმას კი, რომ მოგვისმინონ, აუცილებლად მივაღწევთ. ის რაც დღეს ხდება თსუ-ში არის საქართველოს თითოეული მოქალაქის სირცხვილი“ - აღნიშნავს გულუა. 


მოწვეული პროფესორი დავით ნიჟარაძე ამბობს, რომ ის რაც ფაკულტეტზე ახალი კათედრის შექმნის გადაწყვეტილებით მოხდა, მისთვის მოულოდნელი არ იყო. „ეს მოხდებოდა, ცხადი იყო, რამდენადაც თსუ ადმინისტრაციამ, კერძოდ კი პრორექტორ ნინო გვენეტაძის ხელმძღვანელობით შექმნილმა მედიაციის ჯგუფმა, მედიაციის ეს პროცესი იმდენად იმიტირებულად და მოვალეობის მოხდის ფორმატით წარმართა, რომ იმთავითვე ცხადი გახადა, რაც იქნებოდა შედეგი...


ფაქტია, „საკუთარი“ კათედრა დეკან ღაღანიძეს ჰაერივით სჭირდება. საამისოდ, მისი წამქეზებლები და გულშემატკივრები - კლანის წევრები - ავთანდილ სილაგაძე, ვლადიმერ პაპავა და ცხადია, რექტორი შარვაშიძე - მიდიან ყველაფერზე, რაოდენ არაადეკვატური და არათანმიმდევრულიც უნდა იყოს მათი ეს ნაბიჯები. მედიაცია ჩააგდეს და იურიდიული სამსახურის უფროსის კუკულავას დახმარებით  მედიაციის შემაჯამებელი დოკუმენტი გააყალბეს. ფაკულტეტის საბჭოზე საკითხის გატანის დროდ შუაგული აგვისტო შეარჩიეს, თითქოს ხელიც დაიბანეს  და რექტორი შარვაშიძე და პრორექტორი გვენეტაძე ამ დროს საერთოდაც შვებულებაში გავიდნენ. შესაბამისად, გადაწყვეტილების სიმძიმე, თუ სიმსუბუქე, ამ ეტაპზე მაინც, მთლიანად აჰკიდეს ფაკულტეტის საბჭოს, რომელიც, იმ პირობებში, როცა იქ  მათივე მხარდაჭერილი სილაგაძე-ღაღანიძე-პაპავას კლანი დომინირებს, რა თქმა უნდა, ცხადი იყო, რა გადაწყვეტილებასაც მიიღებდა... მუდამ აღვნიშვნავ, რომ რაც ახლა ხდება - ანუ ღაღანიძისთვის ჰაერიდან მოგონილი პერსონალური კათედრის შექმნა, სხვა არაფერია თუ არა სილაგაძისა და პაპავას მხრიდან მადლობის გადახდა, ერთგვარი ვალის დაბრუნება ღაღანიძისთვის, რამდენადაც სწორედ ღაღანიძის ძალისხმევით მოხდა, რომ მან საპენსიო ასაკამდე ერთი კვირით ადრე „გაუფორმა“ სილაგაძეს და მასთან ერთად ლადო პაპავას (რომელიც თავის დროზე, რექტორობისას, მსგავსი წოდებების - მუდმივი პროფესორი - შემოღებისა და დაწესების წინააღმდეგი იყო) უვადო პროფესორობა.


მე ვფიქრობ, მათ ჰგონიათ, რომ ფაკულტეტის საბჭოზე ამ გადაწყვეტილების მიღებით ისტორიულ გამარჯვებას მიაღწიეს (საინტერესოა, ვის ებრძვიან). მე კი ვფიქრობ, რომ სწორედ  ამ გადაწყვეტილებით დაუდეს მათ სათავე ფაკულტეტზე მათი უსამართლო ჰეგემონიის დასასრულის დასაწყისს, რადგან ყველა, ისინიც კი, ვინც დღეს ამა თუ იმ მიზეზის გამო, არ აქტიურობს მათ წინააღმდეგ და რიგ შემთხვევაში იძულებულიც ხდება, რომ მათ ჩანაფიქრებს ფორმალურად მხარი დაუჭიროს, - ისინიც კი ცხადად ხედავენ, რომ ღაღანიძე-სილაგაძე-პაპავას კლანი, შარვაშიძის დუმილით, ანუ ხელშეწყობით, უკან და უკან მიაქანებს ფაკულტეტს და სტუდენტთა საუკეთესო ინტერესები არც არავის აინტერესებს.


სამწუხაროდ, საუნივერსიტეტო უბედურების მასშტაბი ეკონომიკისა და ბიზნესის ფაკულტეტით არ ისაზღვრება. საქმე ის არის, რომ რექტორი მხოლოდ ღაღანიძისათვის დაუმსახურებელი და უსამართლო, სხვათა კანოიერი ინტერესების დამაზიანებელი კომფორტის შექმნით არ შემოიფარგლება. მას ყველა ფაკულტეტზე ჰყავს მსგავსი ფიგურები, რომლებიც საერთო კლანური ინტერესებით მოქმედებენ და სულ არ აღელვებთ არც თსუ-ის იმიჯი და არც მისი სტუდენტების ინტერესები.


ზოგადად, თსუ-ში ურთულესი ვითარებაა, - ისტორიისა და ეთნოლოგიის ინსტიტუტის კონკურსის მიღმა უსამართლოდ დარჩენილი მეცნიერები სასამართლოში ჩივიან, იურიდიულ ფაკულტეტზე პროფესორი სტუდენტს უჩივის, ჩვენთან კლანურობა ყოველგვარ აკადემიურ საზღვარს სცდება და საბოლოოდ მყარდება იმ მოარული ხმების ნამდვილობა ,რომ გიორგი შარვაშიძიეს თსუ-ის დანგრევა აქვს დავალებული კონკურენტების სასარგებლოდ. სხვა ახსნას  მე უბრალოდ ვერ ვპოულობ უნივერისიტეტში მიმდინარე სამარცხვინო მოვლენებს.


და სწორედ იმის გამო, რომ კლანი თავის ქმედებებში არავის და არაფერს დაგიდევს, დარწმუნებული ვარ, რომ აღარ არის შორს ის დრო, როცა ჩვენს ფაკულტეტზე და ზოგადად, თსუ-ში ვითარება სამართლიანად გადალაგდება, ანუ აკადემიურ თანამდებობებს და მუშაობისა და  განვითარების საშუალებას მიიღებს ის აკადემიური პერსონალი, რომელიც ყოველმხრივ შეესაბამება სტუდენტთა საუკეთესო ინტერესების დაკმაყოფილების უპირობო კრიტერიუმს.


მანამდე კი არ დავიღლები იმის გამეორებით, რაც ადრეც მითქვამს - სილაგაძე და ღაღანიძე კლანის ორი თავია. ისინი ყოველდღიურად ცდილობენ დაშინებითა და ინტრიგებით თანამშრომლებში საკუთარი აზრის გამოხატვის, რაიმე განსხვავებული ინიციატივით გამოსვლის ჩახშობას. მათ მიდგომებს იზიარებს და ამას თავისი სიჩუმით მხარს უჭერს ლადო პაპავაც. რექტორის დუმილი და ურეაქციობა კი მათთვის უკვე კარგა ხანია იქცა წამახალისებელ ფაქტორად.  ცოტაც და მივიღებთ კლანის მიერ შემოთავაზებულ მორიგ „შედევრს“- არაფრისმომცემი კათედრის მიტაცება-უზურპაციის სპეცოპერაციას და ეს იქნება კიდეც, როგორც აღვნიშნე, ამ კლანის ზეობის დასასრულის დასაწყისი.


მცირედი იმედი მაქვს წარმომადგენლობითი საბჭოსი, რომ ეს წარმომადგენლობითი ორგანო გაუფრთხილდება როგორც უნივერსიტეტის, ისე პირად რეპუტაციას და აბსურდის სპექტაკლის ამ მოქმედებას არ აუნთებს მწვანე შუქს“, -  აცხადებს ნიჟარაძე.


მამუკა მდინარაძე: ნებისმიერ პოლიტიკოსს ობიექტური დასკვნის გამოსატანად ვურჩევ ისარგებლონ აშშ-ის სახელმწიფო დეპარტამენტის ბოლოდროინდელი პოზიციით

პარლამენტის თავმჯდომარის მოადგილე მამუკა მდინარაძე კონგრესმენ მალინის განცხადებას, სოციალურ ქსელში ეხმიანება.

 

თელავში სამ საცხოვრებელ სახლში ცეცხლი ლოკალიზებულია

თელავში, ახვლედიანის ქუჩაზე, სამ საცხოვრებელში გაჩენილი ხანძარი ლოკალიზებულია.

ირაკლი ლატარია: კონგრესმენის განცხადება ვერ ჩაითვლება ობიექტურად, რადგან ის კომპანია „ფრონტერას“ პირდაპირი ლობისტია

ანალიტიკოსი ირაკლი ლატარია აცხადებს, რომ რესპუბლიკელი კონგრესმენის მარკიუნ მალინის წერილს, რომელშიც ის საქართველოს მთავრობას ამერიკული კომპანიების მიმართ მტრულ განწყობაში ადანაშაულებს, პირადი ინტერესი უდევს საფუძვლად.

ავიაკატასტროფაში დაღუპულთა ცხედრები უკრაინაში გადაასვენეს

უკრაინაში თეირანის აეროპორტის მახლობლად ჩამოვარდნილი თვითმფრინავის კატასტროფაში დაღუპული 11 ადამიანის ცხედრები გადაასვენეს.

გია ვოლსკი: კონგრესმენის განცხადება არის მიკერძოებული და კონკრეტული კომპანიის, „ფრონტერას“ ინტერესს უკავშირდება

„ამერიკის შეერთებული შტატების კონგრესმენის განცხადება არის მიკერძოებული და კონკრეტული კომპანიის, „ფრონტერას“ ინტერესს უკავშირდება“, – ამის შესახებ პარლამენტის პირველმა ვიცე-სპიკერმა, გია ვოლსკიმ განაცხადა.

ე.წ მიონის შენობაში ხანძარი ლიკვიდირებულია-დაღუპულია ერთი მამაკაცი

თბილისში, ბელიაშვილის ქუჩის 98 ნოემრში ყოფილი მიონის ქარხნის შენობაში მეეექვსე სართულზე გაჩენილ ხანძარს შუა ხნის მამაკაცი ემსხვერპლა.

ანრი ოხანაშვილის საქმეზე დაკავებულ ვახტანგ რობაქიძის 7000-ლარიანი გირაო შეეფარდა

ახალციხის რაიონულ სასამართლოში ვახტანგ რობაქიძის აღკვეთის ღონისძიებაზე მეორედ იმსჯელეს. "ქართული ოცნების" დეპუტატ ანრი ოხანაშვილისადმი მუქარისა და ხულიგნობისთვის დაკავებულს 7000-ლარიანი გირაო შეეფარდა.

თელავში სამი საცხოვრებელი სახლი იწვის

თელავში, ახვლედიანის ქუჩაზე, სამი საცხოვრებელი სახლი იწვის. ადგილობრივების ინფორმაციით, ხანძარი დაკეტილ ბინაში გაჩნდა და დანარჩენებს მოედო.

ანდრია გვიდიანი: კონგრესმენი იქცევა არაეთიკურად, როდესაც იყენებს მის პოლიტიკურ გავლენას მის მიერ ლობირებული კომპანიის მხარდასაჭერად

ექსპერტი ეკონომიკის საკითხებში ანდრია გვიდიანი კონგრესმენ მალინის განცხადებას, სოციალურ ქსელში ეხმიანება.

 

ბელიაშვილის ქუჩაზე ე.წ. მიონის შენობა იწვის

თბილისში, ბელიაშვილის ქუჩის 98 ნოემრში ყოფილი მიონის ქარხნის შენობაში მეეექვსე სართულზე ხანძარი ლოკალიზებულია. 

მამუკა ხაზარაძე: ქვეყანა, "ქართული ოცნების" ხელმძღვანელობით, ორიენტრირებულია ჩრდილოეთ ვექტორზე

პარტია "ლელო საქართველოს" მლიდერის მამუკა ხაზარაძის განცხადებით, კონგრესმენ მორკუინ მალინის წერილი საქართველოსა და ამერიკას შორის სტრატეგიულ ურთიერობას ეჭვქვეშ აყენებს.

მეუფე იოანე დეკანოზის შეწყალებაზე: როცა პრეზიდენტს შეეძლება ჩვენი სიტყვის მიღება, ალბათ ის შეასრულებს ამას

ქუთაის-გაენათის ეპისკოპოსი მეუფე იოანე დეკანოზ გიორგი მამალაძის შეწყალებასთან დაკავშირებით აცხადებს, რომ მას არავის პატიმრობაში ყოფნა არ სურს. 

ხელვაჩაურში ხანძრის შედეგად ორი ადამიანი დაიღუპა

ხელვაჩაურის მუნიციპალიტეტის სოფელ შარაბიძეებში ხანძრის შედეგად ორი ადამიანი დაიღუპა, ერთმა კი ძლიერი დამწვრობა მიიღო.

გია ვოლსკი: დასპოილერება რა არის არ ვიცი, მაგრამ გახარია არის ქვეყნის სტაბილურობის გარანტია

"დასპოილერება რა არის არ ვიცი, გიორგი გახარია მძლავრად არის თავის პოსტზე",- ამის შესახებ პართალენტის პირველმა ვიცე-სპიკერმა გია ვოლსკიმ სამთავრობო ცვლილებთან დაკავშირებით გაკეთებული კომენტარისას განაცხადა. 

ვოლსკი კონგრესმენის წერილზე: განცხადება მიკერძოებულია და კონკრეტული კომპანიის ინტერესს უკავშირდება

"მე ვფიქრობ, რომ განცხადება მნიკერძოებულია და ის კონკრეტული კომპანიის ინტერესს უკავშირდება",- ასეთი შეფასება მისცა პარლამენტის თავმჯდომარის პირველმა ვიცე სპიკერმა გია ვოლსკიმ რეპუბლიკელი კონგრესმენის მარკუინ მალინის წერილს.

ილიამ მეროე: დღეს უნდა ასხუროთ ნაკურთხი წყალი თქვენს სახლებს, თქვენს ეზო-კარს და მადლი სულისა წმინდისა დაისადგურებს თქვენთან

კათოლისკოს-პატრარქმა ილია მეორემ სამების საკათედრო ტაძრიდან მოსახლეობას ნათლისღების დღესასწაული მიულოცა, დალოცა მრევლი და მისცა კურთხევა, რომ მათ სახლებს ნაკურთი წყალი ასხურონ.

რუსეთისა და ვეროპის საკითხებში ტრამპის მრჩეველი თანამდებობიდან გადადგა

რუსეთისა და ვეროპის საკითხებში აშშ-ს პრეზიდენტის დონალდ ტრამპის მრჩეველი ენდრიუ პიკი თანამდებობიდან გადადგა.

გური სულთანიშვილის "საზოგადოებრივი მითები" ფეიკმედიის და მედიის ნეიტრალურობის შესახებ - POSTV

„გავრცელებული მითი მედიის ნეიტრალურობის და მიუკერძოებლობის შესახებ არა მხოლოდ მოგონილია, არამედ შეუძლებელი და ეწინააღმდეგება ჯანსაღი დემოკრატიული პროცესის წარმოებას, სადაც სხვადასხვა ინტერესის ჯგუფები საკუთარი იდეების და დღის წესრიგის გასამყარებლად იბრძვიან“, - ამბობს POSTV-ის გადაცემა „საზოგადოებრივი მითების“ ავტორი და წამყვანი გური სულთანიშვილი.

იემენში ყაზარმის სარაკეტო დაბომბვისას 70 სამხედრო დაიღუპა

იემენში, მარიბის რაიონში მდებარე სამხედრო სასწავლო ბანაკი დაიბომბა, რის შედეგადაც 70 სამხედრო დაიღუპა. 

ქუთაისში ავტოსაგზაო შემთხვევას მცირეწლოვანი ბავშვი ემსხვერპლა

ქუთაისში, აეროპორტის მიმდებარე ტერიტორიაზე ავტოსაგზაო შემთხვევა მოხდა.

ცეცხლსასროლი იარაღისა და საბრძოლო მასალის უკანონო შეძენა-შენახვისა და ტარების ფაქტზე ერთი პირი დააკავეს

თბილისში პოლიციამ ცეცხლსასროლი იარაღისა და საბრძოლო მასალის უკანონო შეძენა-შენახვისა და ტარების ფაქტზე 977 წელს დაბადებული, წარსულში ნასამართლევი გ.ბ. დააკავა.