უზბეკეთის ელჩი: საქართველო, მსოფლიო ბაზრებზე წვდომის გაფართოებისათვის მნიშვნელოვანი პარტნიორია

საქართველოში უზბეკეთის რესპუბლიკის ელჩი შერზოდ ფაიზიევი საქართველო უზბეკეთის დიპლომატიური ურთიერთობები 25 წელს "პირველთან" ექსკლუზიურ ინტერვიუში აფასებს.

 

 

ფაიზიევი "პირველს" ქვეყნებს შორის სავაჭრო-ეკონომიკური და საინვესტიციო თანამშრომლობის გაფართოების გეგმებზე ესაუბრა და აღნიშნა, რომ საქართველოსთან სატრანსპორტო-საკომუნიკაციო სფეროში თანამშრომლობა პრიორიტეტული მიმართულებაა.


ელჩამა ცენტრალური აზიიდან კასპიის ზღვასა და შემდეგ კავკასიაზე გამავალი სატრანსპორტო მარშრუტებსის აქტუალურობას გაუსვა ხაზი და საქართველოს მსოფლიო ბაზრებზე წვდომის გაფართოებისათვის მნიშვნელოვანი პარტნიუორი უწოდა.


უზბეკი დიპლომატი დარწმუნებულია, რომ ბაქო-თბილისი-ყარსის სარკინიგზო მარშრუტის ამოქმედება უზბეკური საქონლის სამხრეთ და ცენტრალური ევროპის ბაზრებზე გასატანად პერსპექტიული საშუალებაა.


- უზბეკეთი დ საქართველო აღნიშნავენ მნიშვნელოვან თარიღს - დიპლომატიური ურთიერთობების დამყარებიდან 25 წლისთავს. ამასთან დაკავშირებით როგორ შეაფასებდით ორიოდ სიტყვით ჩვენს ქვეყნებს შორის არსებულ ურთიერთობათა განვითარებას ამ პერიოდის განმავლობაში?


- უზბეკეთის რესპუბლიკასა და საქართველოს შორის დიპლომატიური ურთიერთობები 25 წელს ითვლის. თუმცა ეს მრგვალი თარიღი არ ასახავს ტრადიციულად თბილ და ჭეშმარიტად მეგობრულ ურთიერთობებს, რომლებიც ჩვენს ხალხებს შორის ჩამოყალიბდა. ჩვენს ურთიერთობებს საფუძვლად უდევს არა მხოლოდ ადამიანური კავშირები და ურთიერთობის მრავალწლიანი პრაქტიკა, არამედ ერთმანეთის უდიდესი ისტორიისა და უნიკალური კულტურის ღრმა პატივისცემა.


ბუნებრივია, საერთო ისტორიიდან, დიდიხნის კულტურული, ეკონომიკური თუ ჰუმანიტარული კავშირებიდან გამომდინარე უზბეკეთისთვის საქართველოსთან ურთიერთობების განვითარება ყოველთვის იყო საგარეო პოლიტიკის ერთ-ერთი პრიორიტეტული მიმართულება. ჩვენ საქართველოს განვიხილავთ, როგორც საკვანძო სახელმწიფოს სამხრეთ კავკასიის რეგიონში. ჩვენი ქვეყანა ისწრაფვის დაამყაროს საქართველოსთან თანასწორუფლებიანი და ურთიერთსასარგებლო, გრძელვადიანი და მჭიდრო ურთიერთობა. ყველა ეს თეზისი მკაფიოდაა ასახული უზბეკეთის საგარეო პოლიტიკურ კონცეფციაში, რომელსაც პრეზიდენტი შავკატ მირზიოევი უძღვება.


უდიდესი კმაყოფილებით მინდა გავუსვა ხაზი იმ ფაქტს, რომ ამგვარი მიდგომების რეალიზაციის ფარგლებში, ბოლო წლებში, შეინიშნება ჩვენს ქვეყნებს შორის კონტაქტების მნიშვნელოვანი გააქტიურება მაღალ და უმაღლეს დონეებზე, სახელმწიფო სტრუქტურებს, მეწარმე სუბიექტებსა და საქმიან წრეებს შორის. მაგალითად მოვიყვან უზბეკეთის პრეზიდენტის, შავკატ მირზიოევის და საქართველოს პრემიერ-მინისტრის, გიორგი კვირიკაშვილის შეხვედრას ქ. ნიუ-იორკში გაეროს გენერალური ასამბლეის 72-ე სესიის მსვლელობისას 2017 წლის სექტემბერში, საქართველოს პარლამენტის თავმჯდომარის ვიზიტს უზბეკეთში 2018 წლის იანვარში, ეკონომიკური თანამშრომლობის საკითხებში სამთავრობათაშორისი კომისიის მერვე სხდომას ჩატარებას თბილისში 2018 წლის მაისში და სხვა მრავალს.


ამ შეხვედრებისა და მოლაპარაკებების შედეგად დამტკიცებულია უზბეკეთსა და საქართველოს შორის პოლიტიკურ, სავაჭრო-ეკონომიკურ, საინვესტიციო, სატრანსპორტო და კულტურულ-ჰუმანიტარულ სფეროებში თანამშრომლობის "საგზაო რუკა". ამ დოკუმენტის პრაქტიკული რეალიზაცია დადებით შედეგს იძლევა ორმხრივი ურთიერთობების გააქტიურების თვალსაზრისით.


სიამოვნებით მინდა აღვნიშნო, რომ ჩვენი ქვეყნების პარლამენტებში შექმნილია და აქტიურად ფუნქციონირებს უზბეკეთისა და საქართველოს მეგობრობის ჯგუფები, რომლებსაც ასევე მნიშვნელოვანი წვლილი შეაქვთ ჩვენს ქვეყნებს შორის თანამშრომლობის შემდგომ განვითარებაში.


- ქვეყნებს შორის ორმხრივი ურთიერთობების ერთ-ერთი უმთავრესი მახასიათებელია სავაჭრო-ეკონომიკური თანამშრომლობის დონე. როგორია დღეისათვის უზბეკეთსა და საქართველოს შორის ვაჭრობის სტატისტიკა წინა წლების მაჩვენებლებთან შედარებით და რა პერსპექტივები იკვეთება?


 - თანამედროვე რეალობის გათვალისწინებით და ჩვენი ქვეყნების ინტერესებიდან გამომდინარე ორმხრივი ურთიერთქმედების მნიშვნელოვან მიმართულებად  განვიხილავთ სავაჭრო-ეკონომიკური და საინვესტიციო თანამშრომლობის გაფართოებას.


უზბეკეთი საქართველოს პერსპექტიულ სავაჭრო-ეკონომიკურ პარტნიორად განიხილავს. ეფექტიანად მუშაობს სამთავრობათაშორისო ეკონომიკური კომისია, რომლის საქმიანობის შედეგებიც წლიდან წლამდე დადებით დინამიკას გვიჩვენებს. ამ კონტექსტში სასიხარულოა იმის აღნიშვნა, რომ ბოლო წლებში საგრძნობლად გაიზარდა ტვირთბრუნვის მაჩვენებლები. ასე მაგალითად, სტატისტიკური მონაცემების თანახმად, 2019 წლის პირველი ნახევრის შედეგებით ორმხრივი ვაჭრობა 37,2 პროცენტით გაიზარდა და 55 მილიონ აშშ დოლარს გადააჭარბა.


ამავე დროს ამჟამინდელი მაჩვენებლები არ ასახავს ჩვენი ქვეყნების რეალურ პოტენციალს. ჩვენ ყველა აუცილებელი პირობა გვაქვს საიმისოდ, რომ კარდინალურად გავზარდოთ  ორმხრივი ვაჭრობის მოცულობა იმ ფაქტის გათვალისწინებით, რომ უზბეკეთში დამოუკიდებლობის წლებში ჩამოყალიბდა მრეწველობის სრულიად ახალი  დარგები, რომელთა სპეციალიზაცია გახლავთ სხვადასხვა სახის მაღალი ხარისხის და მოთხოვნადი პროდუქციის გამოშვება.


ამ მიზნით უზბეკეთის მხარე მზადაა მრავალი სახის პროდუქციის ხარჯზე გააფართოვოს იმ საქონლის ნომენკლატურა, რომელიც ქართულ ბაზარს მიეწოდება. მათ შორის შეიძლება აღინიშნოს მრეწველობის ისეთი დარგების პროდუქცია, როგორიცაა ელექტროტექნიკური, ქიმიური, მანქანათმშენებელი, ტექსტილის, ფარმაცევტული, სამშენებლო და სხვა მრეწველობა.


საერთო აზრს გამოვხატავ, თუ ვიტყვი, რომ ორმხრივი ვაჭრობის განვითარების პროცესს ასევე ხელს შეუწყობს სამეურნეო სუბიექტებს შორის ურთიერთქმედების გააქტიურება, ორივე ქვეყნის ტერიტორიაზე საერთო საწარმოთა შექმნა, სავაჭრო წარმომადგენლობებისა და სავაჭრო სახლების გახსნა, სავაჭრო-სამრეწველო გამოფენებისა და ბაზრობების მოწყობა.


ჩვენ ასევე დაინტერესებული ვართ საინვესტიციო თანამშრომლობით. უზბეკეთი მზადაა ისეთი კონკურენტუნარიანი და მოთხოვნადი პროდუქციის წარმოებასთან დაკავშირებული საინვესტიციო პროექტების ერთობლივი რეალიზაციისათვის, როგორიცაა ტექსტილის მზა ნაკეთობები, ფარმაცევტული პრეპარატები, თანამედროვე სამშენებლო მასალები, გადამუშავებული ხილ-ბოსტნეულის პროდუქცია, ქიმიური წარმოების საქონელი და სხვა მრავალი, რაც მესამე ქვეყნებში შემდგომი ექსპორტისთვისაა განკუთვნილი.


- როგორ შეაფასებდით ჩვენს ქვეყნებს შორის ტურისტული ურთიერთქმედების  დონეს?


- თქვენ ძალზე მნიშვნელოვან საკითხს შეეხეთ. როგორც ჩვენთვის ყველასთვის ცნობილია, ტურიზმის სფერო ორმაგ მისიას ასრულებს: ერთი მხრივ ის ხალხების დაახლოების მნიშვნელოვანი ფაქტორია; მეორე მხრივ კი სახელმწიფო ბიუჯეტის შევსების მძლავრი წყარო იმ ქვეყნებისათვის, რომელთაც მიმზიდველი ტურისტული მიმართულებები აქვთ.


ყველა ზემოჩამოთვლილი ასპექტიდან გამომდინარე ჩვენ განსაკუთრებული ყურადღება მივმართეთ ტურისტულ სფეროში ორმხრივი ურთიერთობების საკითხებზე. კერძოდ, უზბეკეთისა და საქართველოს უმდიდრესი კულტურული და ისტორიული მემკვიდრეობა, თქვენი ქვეყნის გამაჯანსაღებელი კურორტების შესაძლებლობებისა და უზბეკეთის ისტორიული ღირსშესანიშნაობების ჩათვლით, ხელსაყრელ საფუძველს ქმნის ტურიზმის სფეროში მხარეთა თანამშრომლობის გააქტიურებისათვის.


მოგეხსენებათ, უზბეკეთს  კოლოსალური შესაძლებლობები აქვს ტურიზმის სფეროში. რესპუბლიკაში 7 ათასზე მეტი კულტურული მემკვიდრეობის ობიექტია, რაც მთლიანად ცენტრალურ აზიაში არსებული ისტორიული ძეგლების 90 პროცენტს აღემატება. მათგან 500-ზე მეტი ტურისტულ მარშრუტებშია მოქცეული. ყველაზე თვალსაჩინო მარგალიტებია ბუხარის, სამარყანდის, ხივასა და შახრისაბზის ძეგლები.


ბოლო ორი წლის განმავლობაში უზბეკეთში დიდი რეფორმები ტარდება, რომლებიც საზოგადოებრივი ცხოვრების პრაქტიკულად ყველა სფეროს მოიცავს. ტურიზმის სფერო და ყველაფერი, რაც ამ დარგს უკავშირდება, სახელმწიფოს მხრიდან მიჩნეულია პრიორიტეტულ მიმართულებად და ეკონომიკის სტრატეგიული სექტორის სტატუსი აქვს მინიჭებული.


მრავალი ღონისძიების განხორციელება ახლდა ტურისტებისათვის უზბეკეთის მიმზიდველობის მკვეთრ ამაღლებას. თუ 2017 წელს უზბეკეთს 2,6 მილიონი ტურისტი ეწვია, 2018 წელს ეს ციფრი 5,3 მილიონამდე გაიზარდა (99-პროცენტიანი მატება). 2025 წლისათვის ვგეგმავთ უცხოელი ტურისტების რაოდენობა 9 მილიონამდე გავზარდოთ.


ანალოგიური ვითარება ჩამოყალიბდა  ტურიზმის სფეროში საქართველოშიც. ამასთან, თქვენი ქვეყნის გამოცდილება და განხორციელებული ღონისძიებები ეკონომიკის ამ სფეროს განვითარებისათვის  კარგი მაგალითია უზბეკეთისათვის.


ამ მხრივ მნიშნელოვან როლს ასრულებს მხარეთა კოოპერირება, იდეებისა და გამოცდილების გაზიარება, ერთობლივი პროდუქტების შექმნა. სიამოვნებით უნდა აღვნიშნოთ, რომ ჩვენ უკვე ვახორციელებთ აქტიურ ნაბიჯებს ტურიზმის სფეროში დასახული მიზნის რეალიზაციისათვის. მაგალითად, მიმდინარე წლის 16 ივლისიდან გაიხსნა ტაშკენტსა და თბილისს შორის პირდაპირი ავია-მიმოსვლა. ეროვნული ავიაკომპანია „უზბეკისტონ ჰავო იულარის“ თანამედროვე და საიმედო თვითმფრინავები კვირაში ორჯერ ახორციელებენ ფრენებს ჩვენი ქვეყნების დედაქალაქებს შორის და ორივე მიმართულებით ბილეთების შოვნა უკვე ჭირს.


არანაკლებ სასიამოვნოა უზბეკეთის დელეგაციის საქართველოში ვიზიტის აღნიშვნაც, რომელიც მიმდინარე წლის აგვისტოს დასაწყისში შედგა. ამ ვიზიტის ფარგლებში საქართველოს მოსახლეობას უნიკალური შესაძლებლობა მიეცა, უშუალოდ გასცნობოდა უზბეკეთის მდიდარ ტურისტულ პოტენციალს, უძველეს, კოლორიტულ კულტურას და უზბეკი ხალხის დახვეწილ სამზარეულოს.


დარწმუნებული ვარ, რომ უაღრესად თბილი და წარუშლელი შთაბეჭდილებებით დაბრუნდა სამშობლოში საქართველოს ტურიზმის ეროვნული ადმინისტრაციის დელეგაცია, რომელიც 13-15 აგვისტოს საპასუხო ვიზიტით ეწვია ქ. ტაშკენტს. დელეგაციის ვიზიტისას მოეწყო საქართველოს ტურისტული პოტენციალის პრეზენტაცია და დამყარდა კონტაქტები უზბეკეთის ტურისტულ კომპანიებთან.


მინდა ვისარგებლო შემთხვევით და გაცნობოთ, რომ 2019 წლის ნოემბერში ტაშკენტში გაიმართება საერთაშორისო ტურისტული ბაზრობა. ჩვენ ვიწვევთ ქართულ ტურისტულ კომპანიებს აქტიური მონაწილეობა მიიღონ ამ ღონისძიებაში. დარწმუნებული ვარ, რომ პირდაპირი ავიარეისების გახსნა საშუალებას მოგვცემს კიდევ უფრო თამამი გეგმები დავსახოთ თანამშრომლობის, მათ შორის ტურიზმის დარგში ურთიერთქმედების გასაფართოებლად.


- თქვენი აზრით ეკონომიკის კიდევ რომელ დარგებში შეიძლება გაფართოვდეს ჩვენს ქვეყნებს შორის თანამშრომლობა?


- თქვენ ძალზე სწორი კითხვა დასვით. ერთ-ერთი პრიორიტეტული მიმართულებაა ასევე სატრანსპორტო-საკომუნიკაციო სფეროში თანამშრომლობა.


თავისი გეოგრაფიული განლაგების წყალობით საქართველო აღმოსავლეთ-დასავლეთის დამაკავშირებელი უმნიშვნელოვანესი სატრანსპორტო და სავაჭრო გზების გასაყარზე მდებარეობს ზღვაზე გასასვლელითა და შესაბამისად ევროპისა და აზიის საგარეო ვაჭრობის ბაზრებზე წვდომით. ამჟამად განსაკუთრებულ აქტუალურობას იძენს ცენტრალური აზიიდან კასპიის ზღვასა და შემდეგ კავკასიაზე გამავალი სატრანსპორტო მარშრუტები.


საქართველო, სატრანსპორტო-სატრანზიტო პოტენციალის გათვალისწინებით, განიხილება უზბეკეთის მნიშვნელოვან პარტნიორად მსოფლიო ბაზრებზე წვდომის გაფართოებისათვის. ამის დასტურია ის ფაქტი, რომ უკანასკნელ წლებში მნიშვნელოვნად გაიზარდა უზბეკეთიდან ევროპის ქვეყნებსა და სხვა სახელმწიფოებში საქონლის ტრანზიტი საქართველოს ტერიტორიის გავლით.


მხარეებს აქვთ სარკინიგზო ტრანსპორტის დარგში თანამშრომლობის შემდგომი განვითარებისა და გაფართოების შესაძლებლობა. ამ კონტექსტში დარწმუნებული ვართ, რომ ბაქო-თბილისი-ყარსის სარკინიგზო მარშრუტის ამოქმედება კარგ პერსპექტივებს გვიხსნის სატრანსპორტო სფეროში თანამშრომლობის გასაღრმავებლად და დამატებით შესაძლებლობებს გვაძლევს უზბეკური საქონლის სამხრეთ და ცენტრალური ევროპის ბაზრებზე გასატანად.


ამ თვალსაზრისით, უზბეკეთის მხარე გულდასმით შეისწავლის როგორც აღნიშნული დერეფნების საშუალებით საკუთარი ტვირთნაკადების გაზრდის შესაძლებლობებს, ასევე საკუთარი სახსრების დაბანდების საკითხს ფოთის პორტსა და დაგეგმილი ანაკლიის ღრმაწყლოვანი პორტის ტერიტორიის მოწყობაში.


ვიმედოვნებთ, რომ საქართველო ასევე დაინტერესებულია უზბეკეთის პოტენციალის გამოყენებით, რომელიც აზიის შუაგულში მდებარეობს და უდიდესი ეკონომიკური და სტრატეგიული შესაძლებლობები აქვს. ამასთან დაკავშირებით მინდა აღვნიშნო, რომ თავისუფალი ეკონომიკური ზონა "ნავოი" ასევე კარგ ბაზისს წარმოადგენს ორი ქვეყნის თანამშრომლობის გასაღრმავებლად სატრანსპორტო-საკომუნიკაციო სფეროში.


უმნიშვნელოვანეს საავტომობილო, სარკინიგზო და საავიაციო გზაჯვარედინებზე  განლაგებული ქალაქ ნავოის აეროპორტი ერთმანეთთან აკავშირებს სამხრეთ-აღმოსავლეთ აზის და ცენტრალური და სამხრეთ აზიის ქვეყნებს, ახლო აღმოსავლეთსა და ევროპის კონტინენტის სახელმწიფოებს. ახალი საწარმოო ობიექტების ერთობლივი მშენებლობა ამ ადგილას, საკონტინენტთაშორისო ავიაგადაზიდვების განხორციელებაზე მუშაობა პერსპექტივაში განსაკუთრებით ხელსაყრელი იქნება უზბეკეთისა და საქართველოსათვის.


- როგორ გესახებათ უზბეკეთსა და საქართველოს შორის თანამშრომლობა სამომავლოდ?


- ჩვენ მოწოდებული ვართ კვლავაც განვავითაროთ  ურთირთხელსაყრელი და პარტნიორული კავშირები საქართველოსთან. ამ მიზნის რეალიზაციისათვის მხარეები გააგრძელებენ იმ საკითხებზე აქტიურ მუშაობას, რომლებიც სხვადასხვა დონეზე კონტაქტების ორგანიზაციას, ასევე იმ პოლიტიკური, ეკონომიკური და კულტურულ-ჰუმანიტარული ხასიათის ღონისძიებების ჩატარებას ეხება, როლებმაც სახელმწიფოთა შორის ურთიერთობები თვისობრივად ახალ სიმაღლეზე უნდა აიყვანოს.


ჩვენ უნდა გვესმოდეს, რომ ყველა მოქმედება და ყველა ნაბიჯი, რომელსაც მხარეები განახორციელებენ, პირველ რიგში ემსახურება მოქალაქეების კეთილდღეობის ამაღლებასა და ჩვენი სახელმწიფოების განვითარების უზრუნველყოფას. დარწმუნებული ვარ, რომ მომავალ საიუბილეო წელს უზბეკეთსა და საქართველოს შორის კოოპერაციის და ურთიერთხელსაყრელი თანამშრომლობის კიდევ უფრო მაღალი განვითარების მოწმენი გავხდებით.


ნება მომეცით ვისარგებლო შემთხვევით და ამ ინტერვიუს მეშვეობით მივულოცო საქართველოს მთავრობას და ქართველ ხალხს ეს ღირსშესანიშნავი მოვლენა სახელმწიფოთაშორისო ურთიერთობებში და ვუსურვო მშვიდობა და მომავალი განვითარება.


 


Citigroup საქართველოს ფინანსური ბაზრის განვითარებაში ინვესტირებით დაინტერესდა

"ამერიკული მულტინაციონალური საინვესტიციო ბანკი Citigroup-ი დაინტერესებულია საქართველოს ფინანსური ბაზრის განვითარების პროცესში ინვესტირებით და გამოთქვამს სურვილს, შეიძინოს საქართველოს ხაზინის მიერ გამოშვებული გარკვეული მოცულობის ფასიანი ქაღალდები".

ირაკლი კობახიძე: „ნაციონალური მოძრაობა“ 2012 წლამდეც ახერხებდა, საერთაშორისო პარტნიორებისთვის არასწორი ინფორმაცია მიეწოდებინა და ასე გაემართლებინა წამების ფაქტები

საპარლამენტო უმრავლესობის ერთ-ერთი წევრი ირაკლი კობახიძე აცხადებს, რომ ოთხი კონგრესმენის წერილში არაერთი ფაქტობრივი უზუსტობაა, რომლებიც აუცილებლად გასწორდება.

ირაკლი კობახიძე: რიტორიკა ოპოზიციის მხრიდან ზედმეტად მძაფრია. მათ არ აქვთ ის მდგომარეობა, რომ ასეთი რიტორიკით ისაუბრონ

რეალობა არის ის, რომ, თუ ვერ შევთანხმდით ოპოზიციასთან, იმ შემთხვევაში ძალაში დარჩება არსებული შერეული სისტემა, - ამის შესახებ პარლამენტის ყოფილმა თავმჯდომარემ, საპარლამენტო უმრავლესობის წევრმა ირაკლი კობახიძემ მედიას განუცხადა.

გომი-საჩხერე-ჭიათურა-ზესტაფონის გზაზე შეზღუდვები დაწესდა

საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტი გზებზე არსებულ ვითარებასთან დაკავშირებით ინფორმაციას ავრცელებს.

ირაკლი კობახიძე კონგრესმენების წერილზე: შეიცავს არაერთ ძალიან უხეშ ფაქტობრივ უზუსტობას - აუცილებლად გვექნება რეაგირება

წერილი შეიცავს არაერთ ძალიან უხეშ ფაქტობრივ უზუსტობას. ისეთებს, რომელთან დაკავშირებითაც სრული ინფორმაცია აქვს ქართველ საზოგადოებას, - პარლამენტის ექსთავმჯდომარე ირაკლი კობახიძე მედიასთან კონგრესმენების წერილს გამოეხმაურა.

მებაჟე ოფიცრებმა „წითელ ხიდსა“ და „სარფში“ არადეკლარირებული სიგარეტი გამოავლინეს

საბაჟო გამშვებ პუნქტებში- „წითელი ხიდი“ და „სარფი“, სიგარეტის კანონდარღვევით შემოტანის მცდელობის ფაქტები აღიკვეთა.

ირაკლი კობახიძე: გრიგოლ ვაშაძემ აღიარა, რომ სახელმწიფო გადატრიალების მცდელობის უკან „ნაციონალური მოძრაობა“ იდგა

საპარლამენტო უმრავლესობის წევრის, ირაკლი კობახიძის განცხადებით, გრიგოლ ვაშაძემ აღიარა, რომ სახელმწიფო გადატრიალების მცდელობის უკან „ნაციონალური მოძრაობა“ იდგა.

ჯანდაცვის სამინისტრო: სიმართლეს არ შეესაბამება ინფორმაცია, რომ ზუგდიდში 22 წლის ქალი "კორონავისრუსით" გარდაიცვალა

ჯანდაცვის სამინისტროს განცხადებით, ლაბორატორიულად დადასტურდა, რომ ზუგდიდში 22 წლის ქალი გრიპის B ტიპის ვირუსით დაიღუპა.

ირაკლი ბურდული: გიორგი შარვაშიძის დისერტაცია პლაგიატი არ არის

„როდესაც გიორგი შარვაშიძემ დაიცვა დისერტაცია, არ არსებობდა ქვეყანაში ისეთი სტანდარტები, როგორიც დღეს. დღევანდელ სტანდარტებს ვერ ექნება გავლენა 2002 ან 2003 წელზე“, - ამის შესახებ თსუ-ს პროფესორმა, იურიდიული ფაკულტეტის დეკანის მოადგილემ ირაკლი ბურდულმა განაცხადა.

მიხეილ ჩხენკელმა დიდი ბრიტანეთის ერთ-ერთ საუკეთესო სანაოსნო სასწავლებელის ხელმძღვანელობასთან მომავალი პარტნიორობის გეგმები განიხილა

საქართველოს განათლების, მეცნიერების, კულტურისა და სპორტის მინისტრი მიხეილ ჩხენკელი განათლების მსოფლიო ფორუმში მონაწილეობას იღებს, რომელიც ლონდონში იმართება.

მუხიანში ძველი ავტობუსები "ISUZU"-ს მარკის ავტობუსებით ჩანაცვლდა

თბილისის საზოგადოებრივი ტრანსპორტის რეფორმის ფარგლებში, მუხიანის დასახლებაში მოძრავი № 17 სამარშრუტო ავტობუსი "ISUZU"-ს მარკის რვა მეტრიანი ავტობუსებით ჩანაცვლდა.

შოკოლადის მწარმოებელი კომპანია Camille Bloch-ი საქართველოში თხილის პლანტაციებს გააშენებს

შოკოლადის მწარმოებელი ცნობილი შვეიცარიული კომპანია Camille Bloch-ი საქართველოში თხილის პლანტაციებს გააშენებს, ქართულ თხილს კი პროდუქტ “რაგუსას” წარმოებაში გამოიყენებს,  - საინვესტიციო პროექტის განხორციელების დეტალებზე საქართველოს პრემიერ-მინისტრმა გიორგი გახარიამ და კომპანიის აღმასრულებელმა დირექტორმა დანიელ ბლოხმა დავოსში გამართული შეხვედრისას ისაუბრეს.

ლარი 0.28 თეთრით გამყარდა

23 იანვრის ვაჭრობის შედეგად აშშ დოლარი გაუფასურდა და 2.8867 ლარი შეადგინა. კურსი, რომელიც დღეს მოქმედებდა, 2.8895 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.28 თეთრი შეადგინა.

თბილისის სახელმწიფო უნივერსიტეტში ევროპის უნივერსიტეტების ასოციაციის წარმომადგენელთა შეხვედრა გაიმართა

120-ზე მეტი ევროპული უნივერსიტეტის წარმომადგენელი ევროპულ უნივერსიტეტებში სადოქტორო განათლების კვლევების შედეგებსა და სამომავლო გეგმებს ვორქშოფზე განიხილავს. 

გიორგი გახარია: საქართველოს 20% რუსეთის მიერ ოკუპირებულია, რაც ჩვენი მოქალაქეების წინაშე მდგარი ყოველდღიური გამოწვევაა 

"ჩვენ გამოწვევებით სავსე რეგიონში ვიმყოფებით და როდესაც რუკაზე ამ სამეზობლოს შეხედავთ, ამაში თავადაც დარწმუნდებით, აქტუალურია ჩვენი ქვეყნის ოკუპაციის საკითხი", - ამის შესახებ საქართველოს პრემიერ-მინისტრმა გიორგი გახარიამ დავოსის მსოფლიო ეკონომიური ფორუმის ფარგლებში გამართულ თემატურ დისკუსიაზე - New Ambitions for Europe განაცხადა, რომელშიც ფინეთის პრემიერ-მინისტრთან, ევროკომისიის ვიცე-პრეზიდენტებთან და ბიზნესლიდერებთან, მათ შორის “ვოლვო ჯგუფის” დირექტორთა საბჭოს თავმჯდომარესთან ერთად მიიღო მონაწილეობა.

დღეიდან მეტროსადგურ „ახმეტელის თეატრიდან“ გლდანულას მიმართულებით ახალი ავტობუსები იმოძრავებენ

მეტროსადგურ „ახმეტელის თეატრის“ მიმდებარე ტერიტორიიდან,  გლდანულას  მიმართულებით, დღეიდან N73 ხაზზე ახალი „ISUZU“-ს მარკის  ავტობუსები იმოძრავებენ. 

კორონავირუსი: ყველაფერი სიმპტომების, ვაქცინისა და რისკების შესახებ

ჩინეთი აძლიერებს ძალისხმევას კორონავირუსის მოსაგერიებლად, რომელიც ქალაქ ვუჰანში, სავარაუდოდ, ზღვის, პროდუქტების ერთ-ერთ ბაზარზე წარმოიშვა.

პრემიერი: როდესაც ჩვენი მეგობრები ევროპის მომავალზე ისაუბრებთ, ყველაფერს გავაკეთებთ, საქართველო განხილვის თემა იყოს 

"აქ ვიმყოფები, როგორც იმ ქვეყნის პრემიერ-მინისტრი, რომელიც აღმოსავლეთ პარტნიორობის წევრია და ეს ჩვენთვის ძალიან მნიშვნელოვანია; მეორე ფაქტორი ის გახლავთ, რომ საქართველოს ევროპული და ევროატლანტიკური მისწრაფება შემდგარი ფაქტია, ეს არჩევანი ჩვენმა მოქალაქეებმა გააკეთეს", -ამის შესახებ საქართველოს პრემიერ-მინისტრმა გიორგი გახარიამ დავოსის მსოფლიო ეკონომიური ფორუმის ფარგლებში გამართულ თემატურ დისკუსიაზე - New Ambitions for Europe განაცხადა, რომელშიც ფინეთის პრემიერ-მინისტრთან, ევროკომისიის ვიცე-პრეზიდენტებთან და ბიზნესლიდერებთან, მათ შორის “ვოლვო ჯგუფის” დირექტორთა საბჭოს თავმჯდომარესთან ერთად მიიღო მონაწილეობა.

პროკურორი: ბრალდების მხარე ალექსანდრე სუბელიანის ჩვენებას დასკვნით სიტყვაში შეაფასებს

„რამდენად მნიშვნელოვანია ამ მოწმის ჩვენება ბრალდებულის მიმართ წარდგენილ ბრალდების შინაარსთან მიმართებაში, მას შემდგომ, რაც ჩვენ დავასრულებთ აბსოლუტურად ყველა მტკიცებულებების გამოკვლევას, ბრალდების მხარე სახელმწიფო ბრალდების დასკვნით სიტყვაში შეაფსებს თითოეული მოწმის ჩვენებას, შემხებლობასა და მის მნიშვნელობას ბრალდებასთან მიმართებაში“, - ამის შესახებ პროკურორმა ბესიკ ქვარცხავამ განაცხადა.

"ბორჯომი ლიკანი" აუქციონზე ვერ გაიყიდა

სასტუმრო "ბორჯომი ლიკანი" საჯარო აუქციონზე არ გაიყიდა. იმის გამო, რომ ობიექტით არავინ დაინტერესდა, ვაჭრობაც არ შედგა.

ვლადიმერ პუტინის მიერ წარდგენილი კანონპროექტი სახელმწიფო დუმამ პირველი მოსმენით მიიღო 

რუსეთის სახელმწიფო დუმამ საკონსტიტუციო ცვლილებების შესახებ კრემლის ლიდერის ვლადიმერ პუტინის მიერ წარდგენილი კანონპროექტი პირველი მოსმენით მიიღო.