შალვა თადუმაძე: ამ დიპლომით „ღია საზოგადოება - საქართველოს“ და „ახალგაზრდა იურისტთა ასოციაციას“ წლების განმავლობაში ჩემთან, როგორც იურისტთან, კონტრაქტი ჰქონდათ გაფორმებული

„ფონდ „ღია საზოგადოებას“ აქვს რეპუტაცია და როდესაც ასეთ რამეს აკეთებენ, ბუნებრივია, უმჯობესი იქნებოდა, არქივში ჩაეხედათ და ენახათ, მქონდა თუ არა დიპლომი მანამდე“, - შალვა თადუმაძემ იურიდიული კომიტეტის მოსმენაზე დეპუტატ ლევან კობერიძეს უპასუხა.

პარლამენტის დამოუკიდებელმა დეპუტატმა ლევან კობერიძემ თადუმაძეს ჰკითხა, ხომ არ აჯობებდა, მან დროებით შეიჩეროს უფლებამოსილება და შეიქმნას საპარლამენტო კომისია, რომელიც დიპლომის ნამდვილობას დაადგენს.


„მინდა, სამართლებრივად განვიხილოთ ჩემი დიპლომის საკითხი. ეს არ არის დიპლომი, რომელიც მე დღეს მოვიტანე. ეს არის დიპლომი, რომელიც ზუსტად 18 წლის წინათ წარვადგინე სახელმწიფო უწყებაში, კონკურსში მივიღე მონაწილეობა და იმ სახელმწიფო უწყებას მაშინ არანაირი ეჭვის საფუძველი არ ჰქონდა, რადგან მაშინ მოქმედი კანონმდებლობით ასეთი ინსტიტუტი არსებობდა და ასეთი დიპლომი გაიცემოდა. არ მომხდარა ისე, რომ მე ეს დიპლომი სადღაც დავმალე და არ გამოვაჩინე“. - განმარტა თადუმაძემ.


უზენაესი სასამართლოს მოსამართლეობის კანდიდატმა აღნიშნა, რომ „ღია საზოგადოება - საქართველოს“ მასთან, როგორც იურისტთან, 4 წელი კონტრაქტი ჰქონდა გაფორმებული ამ დიპლომის საფუძველზე, ახლა კი აცხადებს, რომ მისი დიპლომი ეჭვს იწვევს.


„დღეს ჩემს დიპლომთან დაკავშირებით ინფორმაცია დევს „ღია საზოგადოება - საქართველოს“ საიტზე, რომელიც ამბობს, რომ ჩემი დიპლომი იწვევს ეჭვს და ძალიან უხერხულია, რომ აღნიშნულ ორგანიზაციას 4 წელი დაკონტრაქტებული ვყავდი, როგორც იურისტი და ადვოკატი, ამ დიპლომისა და ამ ავტობიოგრაფიის საფუძველზე, რაც ნიშნავს იმას, რომ ეს ადამიანები ჩემი კვალიფიკაციითა და დიპლომით კმაყოფილები იყვნენ და ამ ორგანიზაციაში 4 წელი საკმაოდ მაღალანაზღაურებად იურისტად ვითვლებოდი იმ პროგრამებში, რომლებსაც „ღია საზოგადოება - საქართველო“ და „ღია საზოგადოების“ ცენტრალური ოფისი აფინანსებდნენ. ამ ინსტიტუტს რეპუტაცია აქვს და როდესაც ასეთ რამეს აკეთებს, ბუნებრივია, უმჯობესი იქნებოდა, თავის არქივში ჩაეხედა და ენახა, მქონდა თუ არა დიპლომი მანამდე და თუ მქონდა, მაგრამ მაინც ეჭვი გაუჩნდა და დანაშაული დაფარა, მისი პასუხისმგებლობის საკითხი დგება, თუ არ მქონდა, აქ ან არაკვალიფიციურობასთან გვაქვს საქმე, იმ კონკრეტულმა პირებმა, რომლებიც ამ დიპლომზე საუბრობენ, არ იციან ის კანონმდებლობა, რომელიც ამ დიპლომის გაცემის საფუძველია. შუალედი არ არსებობს, იმიტომ რომ ამ ფონდებს, მე, როგორც იურისტი და ადვოკატი, ამ დიპლომით ვყავარ აყვანილი“. - განაცხადა თადუმაძემ.


მისივე თქმით, „ახალგაზრდა იურისტთა ასოციაციასაც“ ჰქონდა მასთან ორი წელი კონტრაქტი გაფორმებული იურიდიული მომსახურების გაწევაზე.


„რაც შეეხება მეორე ორგანიზაციას, რომელიც ამ კოალიციის წევრია და ამ მიმართულებით აქტიურად მუშაობს, ეს არის „ახალგაზრდა იურისტთა ასოციაცია“, რომელსაც ჩემთან ორი წელი ჰქონდა კონტრაქტი გაფორმებული იურიდიული მომსახურების გაწევაზე. დღევანდელ განხილვას ესწრება საერთაშორისო ორგანიზაცია „პროლოგის“ დირექტორი, გიორგი ჩხეიძე. ის იყო საკონკურსო კომისიის წევრი, რომელშიც მე ამ დიპლომით და ჩემი ავტობიოგრაფიით გავედი და გავიმარჯვე. ამიტომ, როდესაც „ახალგაზრდა იურისტთა ასოციაცია“ ჩემს დიპლომზე საუბრობს, მე მესმის, რომ მის დღევანდელ თავმჯდომარეს საზოგადოებრივი რეპუტაცია არ აქვს, მაგრამ მე, როგორც იურისტს, რომელიც მივიჩნევ, რომ „ახალგაზრდა იურისტთა ასოციაციიდან“ ძალიან ბევრი რამე მივიღე, როგორც იურისტმა, გული მწყდება, როდესაც ეს ორგანიზაცია თავის არქივში არ ეძებს, ვინ არის შალვა თადუმაძე და ქმნის სურათს, თითქოს შალვა თადუმაძე უდიპლომო და თაღლითია. როგორც ვხედავ, აქ შუალედი არ არსებობს. ამ ადამიანებმა ან ეს კანონები არ წაიკითხეს და ისე მოახდინეს ჩემი პერსონალური მონიტორინგი, და თუ ეს ასე მოხდა, მაშინ არაკვალიფიციურები არიან, ხოლო თუკი წაიკითხეს და მაინც მოახდინეს, არაკეთილსინდისიერები არიან“. - განაცხადა თადუმაძემ.


თადუმაძე ვერ ხედავს მიზეზს, რატომ უნდა გადადგეს, როცა არ არსებობს რაიმე დოკუმენტი, სადაც წერია, რომ შალვა თადუმაძის დიპლომი ყალბია ან შალვა თადუმაძეს არ შეეძლო იმ დროს ასეთი განათლება მიეღო.


„მე მესმის ეს დიპლომის ამბავი. ბუნებრივია, თავიდანვე მქონდა გაცნობიერებული, რა მოჰყვებოდა ჩემს დიპლომს. საკუთარი ნებით გამოვაქვეყნე ეს დიპლომი და შევედი ამ კონკურსში. 18 წლის განმავლობაში ჩემი დიპლომი არ დამიმალავს. 1999 წელს ეს დიპლომი წარდგენილი მაქვს თავდაცვის სამინისტროში და პირად საქმეში არსებობს. სწორედ ამ დიპლომით ამიყვანეს რამდენიმე სამსახურში, როგორც კვალიფიციური იურისტი. ამიტომ, ახლა ეს საუბარი, რომ მე უნდა გადავდგე, მიუღებლად მიმაჩნია. რატომ უნდა გადავდგე? გვაქვს რაიმე დოკუმენტი, სადაც წერია, რომ შალვა თადუმაძის დიპლომი ყალბია ან შალვა თადუმაძეს არ შეეძლო იმ დროს ასეთი განათლება მიეღო. მსგავსი საბუთი არ არსებობს. არსად გადადგომას არ ვაპირებ. არ მიცხოვრია ისე, რომ რამე დამემალოს, მით უმეტეს, დიპლომი არ მაქვს დასამალი. 2001 წლიდან აქტიურ იურიდიულ საქმიანობას ვეწევი. შეიძლება ითქვას, რომ არც ერთი ხელისუფლებისთვის მისაღები დამოუკიდებელი იურისტი არ ვიყავი. 2006 წელს აქტიურ საადვოკატო საქმიანობას ვეწეოდი, ამ დიპლომით წარვდექი ადვოკატთა ასოციაციაში, ჩავაბარე გამოცდები და მივიღე ადვოკატის საქმიანობის ლიცენზია. ახლა კი იმიტომ, რომ რამოდენიმე არაკვალიფიციური ან არაკეთილსინდისიერი არასამთავრობო ორგანიზაცია ეჭვიანობს ჩემს დიპლომზე, ამიტომ ჩემი 18-წლიანი მუშაობა და ის პირობები, რა პირობებშიც ვმუშაობდი, გადავდო და ახლა დაველოდო, საგამოძიებო კომისია აღიარებს თუ არა ჩემს დიპლომს? ახლა ვეტყვით, რომ საგამოძიებო კომისია იტყვის, რომ ეს დიპლომი არის ნამდვილი, იმიტომ რომ არის ნამდვილი! ვინმეს მოსწონს თუ არ მოსწონს, ეს დიპლომი გაიცემოდა კანონის თანახმად, მე მქონდა შესაძლებლობა, ეს დიპლომი მიმეღო. ამ დიპლომით მე ჩემი კარიერა შევქმენი“. - განაცხადა შალვა თადუმაძემ.


სტეფანეს ახალი კლიპის „ტანგოს“ პრეზენტაცია გაიმართა

22 ოქტომბერს სტეფანეს ახალი მუსიკალური ვიდეორგოლის „ტანგოს“ პრეზენტაცია გაიმართა. მუსიკალური ვიდეო სპეციალურად adjarabet.com-ის ინტერაქციული ფილმისთვის შეიქმნა.

ნათია თურნავა: თბილისის აბრეშუმის გზის ფორუმი რეალურ ბრენდად იქცა

ეკონომიკისა და მდგრადი განვითარების მინისტრმა ნათია თურნავამ, ჟურნალისტებთან საუბრისას განაცხადა რომ მნიშვნელოვანია საქართველოს, როლი განახლებული აბრეშუმის გზის ფარგლებში.

ძიუდოს ახალგაზრდული ნაკრები სამშობლოში დაბრუნდა

საქართველოს ძიუდოისტთა ახალგაზრდული ნაკრები მსოფლიო ჩემპიონატიდან ისტორიული შედეგით დაბრუნდა.

კრემლი: ერდოღანისა და პუტინის მოლაპარაკებები ხანგრძლივი და რთული იქნება

რუსეთისა და თურქეთის პრეზიდენტების ვლადიმირ პუტინისა და რეჯეპ ტაიპ ერდოღანის მოლაპარაკებები, რომელიც დღეს სოჭში გაიმართება, რუსეთის ლიდერის პრეს–მდივნის დმიტრი პესკოვის აზრით, რთული და ხანგრძლივი იქნება.

რატი იონათამიშვილი ეკა ბესელიას: შეზღუდული შესაძლებლობის მქონე ადამიანები ვიბრძვით, მაგრამ არასდროს ვსარგებლობთ ჩვენი მდგომარეობით

შეზღუდული შესაძლებლობის მქონე ადამიანები ვიბრძვით, მაგრამ არასდროს ვსარგებლობთ ჩვენი მდგომარეობით, – ასე უპასუხა უმრავლესობის წარმომადგენელმა რატი იონათამიშვილმა დამოუკიდებელ დეპუტატ ეკა ბესელიას, რომელმაც იონათამიშვილს მიმართა: „ნუ სარგებლობდა რაღაცებით“.

მაია ცქიტიშვილი: რუსთავი-თბილისის ავტობანის სადავო მონაკვეთის საკითხს მოსახლეობასთან ერთად გადავწყვეტთ

რეგიონული განვითარებისა და ინფრასტრუქტურის მინისტრის მაია ცქიტიშვილის განცხადებით, რუსთავი-თბილისის ავტომაგისტრალის სადავო მონაკვეთის მშენებლობის საკითხს სამინისტრო მოსახლეობასთან კომუნიკაციის შედეგად გადაწყვეტს.

მაია ცქიტიშვილი უკრაინის ინფრასტრუქტურის მინისტრს შეხვდა

რეგიონული განვითარებისა და ინფრასტრუქტურის მინისტრმა მაია ცქიტიშვილმა, "თბილისის აბრეშუმის გზის ფორუმის" ფარგლებში, სამუშაო შეხვედრა უკრაინის ინფრასტრუქტურის მინისტრ ვლადისლავ კრიკლიისთან
გამართა.

მაია ცქიტიშვილი: ფორუმის საშუალებით შესაძლოა გამოვიყენოთ შესაძლებლობები და შევისწავლოთ ერთმანეთის გამოცდილება

ვიცე-პრემიერმა მაია ცქიტიშვილმა აბრეშუმის გზის ფორუმზე განცხადა რომ "ესაა საშუალება მეტი ინტეგრაცია, მეტი შესაძლებლობები გამოვიყენოთ და შევისწავლოთ ერთმანეთის გამოცდილება".

ქუთაისში სოციალურად დაუცველებმა აქცია გამართეს

ქუთაისში 300-მდე ოჯახს სოციალური დახმარება შეუჩერდა, რის გამოც სოციალურად დაუცველებმა აქცია გამართეს.მოქალაქეები სოციალური მომსახურების სააგენტოსთან შეირკიბნენ და განმარტება მოითხოვეს.

შიქსინ ჩენი: საქართველოს ბიზნესის კეთების რეიტინგში ძალიან მაღალი შედეგი აქვს

"თბილისის აბრეშუმის გზის ფორუმზე" აზიის განვითარების ბანკის ვიცე-პრეზიდენტმა შიქსინ ჩენმა, საქართველოში ბიზნესს გარემოს გაუმჯობესების შესახებ ისაუბრა.

არჩილ თალაკვაძე ევროკავშირის წარმომადგენლობას და მრჩეველებს შეხვდა

პარლამენტის თავმჯდომარე არჩილ თალაკვაძე, ევროკავშირის წარმომადგენლობას და მრჩეველებს საარჩევნო კანონმდებლობის რეფორმასთან დაკავშირებით შეხვდა.

სეულში ქართული ფილმების დღეები მგაიხსნა

22 ოქტომბერს, კორეის რესპუბლიკაში საქართველოს საელჩოს ორგანიზებით, "Korean Film Archive"-ში საზეიმოდ გაიხსნა ქართული ფილმების დღეები.

ლიუ ჰუი: ქართული ღვინო ჩინეთში სულ უფრო პოპულარული ხდება

თბილისში მიმდინარე "აბრეშუმის გზის ფორუმზე" ჩინეთის ბაზარზე ქართული ღვინის მნიშვნელობაზე ისაუბრა ჩინეთის სახალხო რესპუბლიკის სპეციალურმა წარმომადგენელმა ევრაზიის რეგიონში ლიუ ჰუიმ.

უზბეკეთის ვიცე-პრემიერი: საქართველო სამაგალითო ქვეყანაა ძალიან ბევრ სფეროში

უზბეკეთის პრემიერ- მინისტრის მოადგილემ ელიორ განიევმა საქართველოში განხორციელებული რეფორმების მნიშვნელობაზე ისაუბრა.

ნათია თურნვა: თბილისის აბრეშუმის გზის ფორუმი უკვე იქცა რეალურ ბრენდად

ეკონომიკისა და მდგრადი განვითარების მინისტრის ნათია თურნავას შეფასებით, "აბრეშუმის გზის ფორუმი" საქართველოში წარმატებით მიმდინარეობს.

ლიუ ჰუი: წელს საქართველო-ჩინეთს შორის სავაჭრო მოცულობამ 900 მილიონ დოლარს მიაღწია

ჩინეთის სახალხო რესპუბლიკის წარმომადგენელმა ევრაზიის რეგიონში ლიუ ჰუიმ "თბილისის აბრეშუმის გზის ფორუმის" გახსნით პანელში მიიღო მონაწილეობა და პროექტის ფარგლებში ქვეყნებს შორის თანამშრომლობის მნიშვნელობაზე ისაუბრა.

ნათია თურნავა: რუსეთთან ფრენების აღდგენა ჩვენზე არ არის დამოკიდებული

ეკონომიკისა და მდგრადი განვითარების მინისტრი ნათია თურნავა აცხადებს, რომ ქართული მხარე რუსეთთან ფრენების აღდგენაზე დიალოგის მომხრეა, თუმცა ეს არ არის საქართველოზე დამოკიდებული.

დავით ნარმანია: ჰესებზე თუ წინააღმდეგობა გვექნება ელექტროენერგია გაძვირდება

"ადგილობრივი ჰესების მშენებლობის წინააღმდეგნი თუ ვიქნებით ასეთ შემთხვევაში ელექტროენერგია აუცილებლად გაგვიძვირდება", -ამის შესახებ სემეკის ახლადარჩეულმა თავმჯდომარემ დავით ნარმანიამ განაცხადა.

მაია ცქიტიშვილი: საქართველოს გაცილებით მეტი შეუძლია თავის პარტნიორებს შესთავაზოს

რეგიონული განვითარებისა და ინფრასტრუქტურის მინისტრმა მაია ცქიტიშვილმა, აბრეშუმის
გზის რიგით მესამე ფორუმის ფარგლებში გამართულ პირველ პანელზე ისაუბრა საქართველოს შესაძლებლობებზე.

მაია ცქიტიშვილი: ანაკლიის პორტს არ სჭირდება კიდევ ერთი პერფორმანსი და პარლამენტში შეხვედრა

რეგიონული განვითარებისა და ინფრასტრუქტურის მინისტრი მაია ცქიტიშვილი, პარლამენტში ანაკლიის პორტზე სასაუბროდ მისვლას არ აპირებს.

ნურიელ რუბინი: საქართველო ხდება მნიშვნელოვანი ლოგისტიკური ჰაბი 

„აბრეშუმის გზის ფორუმის“ გახსნითი პანელის - „ერთად საერთო მომავლისკენ: სტაბილური და მდგრადი ზრდის მოდელები“ ფარგლებში, ნიუ-იორკის სტერნის ბიზნეს სკოლის ეკონომიკის პროფესორმა ნურიელ რუბინმა დადებითად შეაფასა ის სატრანსპორტო და ეკონომიკური პროექტები, რომლებიც რეგიონში მიმდინარეობს და ამ კონტექსტში საქართველოს როლზე გაამახვილა ყურადღება.