აშშ-ის წარმომადგენელთა პალატამ საქართველოს მხარდამჭერი ორპარტიული აქტი დაამტკიცა

აშშ- ის წარმომადგენელთა პალატამ ერთსულოვნად დაამტკიცა ორპარტიული "საქართველოს მხრდამჭერი აქტი", რაც საქართველოსა და აშშ-ს შორის სტრატეგიული ურთიერთობების თვისებრივად კიდევ უფრო მაღალ დონეზე აყვანის მკაფიო დასტურია,- ამის შესახებ ინფორმაციას საქართველოს საგარეო უწყება ავრცელებს.

უწყების ცნობით, ორპარტიული კანონპროექტი კიდევ ერთხელ ხაზს უსვამს საქართველოს სუვერენიტეტის, დამოუკიდებლობისა და ტერიტორიული მთლიანობისადმი აშშ-ის მტკიცე მხარდაჭერას და საქართველოს ოკუპირებულ ტერიტორიებზე ადამიანის უფლებათა დამრღვევი პირების წინააღმდეგ სანქციების დაწესების ინიციატივით გამოდის.


კანონპროექტი განსაკუთრებულ ყურადღებას უთმობს აშშ-საქართველოს შორის თავდაცვისა და უსაფრთხოების სფეროში თანამშრომლობას, საქართველოს თავდაცვისუნარიანობის განმტკიცებას და ამ მიმართულებით სახელმწიფო მდივანს, შესაბამის უწყებებთან ერთად საქართველოსთან თანამშრომლობის მომავალი ხუთი წლის სტრატეგიის წარდგენას ავალებს. კანონპროექტით კონგრესი აშშ-ს სავაჭრო წარმომადგენელს მოუწოდებს გადადგას ქმედითი ნაბიჯები საქართველოსა და აშშ-ს შორის თავისუფალი ვაჭრობის შეთანხმების გასაფორმებლად, მოლაპარაკებების მიმართულებით.


აშშ-ის წარმომადგენელთა პალატის მიერ დამტკიცებული "საქართველოს მხარდამჭერი აქტი" საქართველოს მეგობართა ჯგუფის თანათავმჯდომარე კონგრესმენებმა, ჯერი კონოლიმ (დემოკრატი-ვირჯინიის შტატი) და ადამ კინზინგერმა (რესპუბლიკელი-ილინოისის შტატი) 2019 წლის 16 იანვარს წარადგინეს.


კანონპროექტს 31-მდე თანასპონსორი ჰყავდა, როგორც დემოკრატიული, ასევე რესპუბლიკური პარტიებიდან. აშშ-ის წარმომადგენელთა პალატის მიერ საქართველოს მხარდამჭერი აქტის ერთსულოვნად დამტკიცებამდე, იგი კონგრესის რამდენიმე კომიტეტმა, მათ შორის საგარეო ურთიერთობათა, იურიდიულ საკითხთა და შემოსავლების კომიტეტებმა ერთხმად მიიღეს.


საკანონმდებლო აქტით კონგრესი გმობს რუსეთის მიერ საქართველოს რეგიონების - აფხაზეთისა და ცხინვალის რეგიონის ოკუპაციას, ასევე, ოკუპირებულ რეგიონებში ადამიანის უფლებათა დარღვევის შემთხვევებს, მათ შორის, საქართველოს მოქალაქეების, არჩილ ტატუნაშვილის, გიგა ოთხოზორიას და დავით ბაშარულის მკვლელობებს. ამ სახით, კანონპროექტი ეხმიანება "რუსეთის ფედერაციის მიერ ოკუპირებული აფხაზეთისა და ცხინვალის რეგიონში ადამიანის უფლებების უხეში დარღვევისა და "ოთხოზორია-ტატუნაშვილის სიის შესახებ" საქართველოს პარლამენტის ორპარტიულ რეზოლუციას.


კერძოდ, კანონპროექტი გმობს რუსეთის ფედერაციის მიერ ძალისმიერი გზით ოკუპირებულ საქართველოს აფხაზეთსა და ცხინვალის რეგიონში/სამხრეთი ოსეთი მიმდინარე დაკავების, გატაცებისა და ადამიანის უფლებათა სხვა დარღვევებს, მათ შორის საქართველოს მოქალაქეების - არჩილ ტატუნაშვილის, გიგა ოთხოზორიასა და დავით ბაშარულის მკვლელობებს.


კანონპროექტი მხარს უჭერს კონფლიქტის მშვიდობიან მოგვარებას და მოუწოდებს რუსეთის ფედერაციას, რომ სრულად შეასრულოს ევროკავშირის შუამავლობით მიღწეული ცეცხლის შეწყვეტის თაობაზე 2008 წლის 12 აგვისტოს შეთანხმება, და მხარს უჭერს საქართველოს რეგიონებში - აფხაზეთსა და ცხინვალის რეგიონში/სამხრეთი ოსეთი საერთაშორისო უსაფრთხოების მექანიზმების შექმნასა და საკუთარ სახლებში იძულებით გადაადგილებულ პირთა და ლტოლვილთა უსაფრთხო და ღირსეულ დაბრუნებას.


კონგრესი აშშ-ში შესვლის აკრძალვის, ქვეყნიდან გაძევების, ვიზისა, თუ აშშ-ში შესასვლელად საჭირო სხვა შესაბამისი დოკუმენტების არგაცემის/გაუქმების, შესაბამისი ტრანზაქციების დაბლოკვის/აკრძალვის და ფინანასური აქტივების დაყადაღების გზით სანქციების დაწესებას მოითხოვს ყველა იმ პირისადმი, ვინც უშუალო მონაწილეობით, ან დახმარების გაწევის გზით პასუხისმგებელია რუსეთის მიერ ოკუპირებული აფხაზეთისა და ცხინვალის რეგიონის ტერიტორიებზე ადამიანის უფლებათა უხეშ დარღვევებზე. კონგრესი ავალებს აშშ-ის პრეზიდენტს, აშშ-ის ხაზინის მდივანთან კონსულტაციის გზით, კანონის ამოქმედებიდან 60 დღის ვადაში და 180 დღიან პერიოდში მინიმუმ ერთხელ, ზემოხსენებულ დანაშაულებრივ ქმედებებში გამოვლენილი პირების თაობაზე კონგრესისათვის დეტალური ანგარიშის წარდგენას.


კანონპროექტით აშშ-ის კონგრესი მხარდაჭერას გამოხატავს და ხაზს უსვამს საქართველოში მიმდინარე დემოკრატიული ფასეულობების განვითარებას, მათ შორის თავისუფალ და სამართლიან არჩევნებს, საჯარო სექტორის გამჭვირვალობასა და ანგარიშვალდებულებას, კანონის უზენაესობასა და ქვეყანაში მიმდინარე ანტიკორუფციულ ძალისხმევებს.


კონგრესმენები მხარდაჭერას უცხადებენ საქართველოს ევროატლანტიკურ და ევროპულ ინტეგრაციას და თავდაცვისა და უსაფრთხოების სფეროში აშშ-საქართველოს ურთიერთობების კიდევ უფრო გაძლიერებისა და ახალ ეტაპზე გადასვლის ინიციატივით გამოდიან. კანონპროექტი მხარს უჭერს საქართველოს მოქალაქეების უფლებას, თავისუფლად განსაზღვრონ მომავალი და დამოუკიდებლად აირჩიონ ქვეყნის საგარეო და უსაფრთხოების პოლიტიკა, მათ შორის სხვა ქვეყნებთან, თუ საერთაშორისო ორგანიზაციებთან ურთიერთობა, სხვა ქვეყნის მიერ ჩარევის, დაშინებისა, თუ ძალადობის გარეშე.


კანონპროექტის მიხედვით, აშშ-ის პოლიტიკა უნდა იყოს - საქართველოსთან კონსულტაციის გზით, გააძლიეროს საქართველოს მიერ საფრთხის თავიდან აცილების, წინააღმდეგობის გაწევისა და თვითდაცვის შესაძლებლობები, მათ შორის საქართველოს შეიარაღებული ძალების შესაძლებლობების გასაუმჯობესებლად ქვეყნისადმი აშშ-ის შესაბამისი დახმარების გზით. საკანონმდებლო აქტით კონგრესი აშშ-ის სახელმწიფო მდივანს მოუწოდებს, შესაბამის უწყებებთან კონსულტაციის გზით, მოამზადოს და აშშ-ის კონგრესს წარუდგინოს აშშ-ის ხელისუფლების მიერ საქართველოსთვის უსაფრთხოების სფეროში 2008 წლიდან გაწეული დახმარების, საქართველოს, მათ შორის დამოუკიდებლობის, სუვერენიტეტისა და ტერიტორიული მთლიანობის წინაშე არსებული გამოწვევებისა და ქვეყნის თავდაცვითი შესაძლებლობების შეფასების ანგარიში და ასევე საქართველოს მიერ საფრთხის თავიდან აცილების, წინააღმდეგობის გაწევისა და თავდაცვითი შესაძლებლობების გაძლიერების მიმართულებით მომავალი ხუთი წლის სტრატეგია. კანონპროექტში ხაზგასმულია, რომ აღნიშნული, საქართველოს უსაფრთხოების შესაძლებლობების გაუმჯობესებასა და თავდაცვისუნარიანობის გაძლიერებას ემსახურება.


დოკუმენტში ასევე ხაზგასმულია საქართველოს კიბერუსაფრთხოების უზრუნველსაყოფად, საქართველოსა და აშშ-ს შორის კიბერუსაფრთხოების სფეროში თანამშრომლობის გაძლიერების საჭიროება. ამ კანონპროექტის ამოქმედებიდან 180 დღის ვადაში აშშ-ის სახელმწიფო მდივანმა სხვა, აშშ-ის სხვა შესაბამის უწყებებთან კონსულტაციის გზით, კონგრესს უნდა წარუდგინოს საქართველოსა და აშშ-ს შორის კიბერუსაფრთხოების სფეროში თანამშრომლობის თაობაზე ანგარიში.


კანონპროექტი ასევე მოუწოდებს აშშ-ს ადმინისტრაციას ქმედითი ნაბიჯების გადადგმისკენ რუსეთის დეზინფორმაციასა და პროპაგანდასთან ბრძოლაში საქართველოს შესაძლებლობების გაძლიერების მიმართულებით. ამ კანონპროექტის ამოქმედებიდან 180 დღის ვადაში აშშ-ის სახელმწიფო მდივანმა, აშშ-ის სხვა შესაბამის უწყებებთან კონსულტაციის გზით, ზემოხსენებულ საკითხზე აშშ-ის კონგრესს უნდა წარუდგინოს საქართველოსა და აშშ-ს შორის თანამშრომლობის თაობაზე ანგარიში.


როგორც შემდგომი ნაბიჯი, აშშ-ის წარმომადგენელთა პალატის მიერ უკვე დამტკიცებული საკანონმდებლო აქტის პროექტი აშშ-ის სენატს გადაეგზავნება. სენატის შესაბამისი კომიტეტებისა და სენატის პლენარულ სესიაზე კანონპროექტის დამტკიცების შემდეგ, იგი ხელმოსაწერად აშშ-ის პრეზიდენტს გაეგზავნება, რომლის ხელმოწერის შემთხვევაში იგი კანონის ძალას შეიძენს.


ადიგენში სახალხო დღესასწაული "ზარზმობა" აღნიშნეს

ადიგენის სოფელ ზარზმაში სერაპიონ ზარზმელის ხსენების დღე აღნიშნეს.

ჯივიპი სამგორის რაიონში, მაისურაძის ქუჩაზე ტექნიკურ სამუშაოებს ჩაატარებს

ხვალ, 12 ნოემბერს, კომპანია ჯორჯიან უოთერ ენდ ფაუერი სამგორის რაიონში, მაისურაძის ქუჩა N11-თან, წყალმომარაგების სისტემაზე გეგმურ ტექნიკურ სამუშაოებს ჩაატარებს.

გურამ ნიკოლაშვილი: ბიძინა ივანიშვილის ინიციატივას, წყალტუბოს აღორძინებასთან დაკავშირებით, დღეს სახელმწიფოს პასუხი მოყვა

წყალტუბოსთვის დამუშავდება განვითარების გენერალური გეგმა, რომელიც დაეფუძნება შვეიცარული „კოლენ პარტნერსის“ მიერ გაკეთებულ კვლევას - გურამ ნიკოლაშვილის „დღის ქრონიკა“.

პროკურატურამ მაკო გომური დაზარალებულად სცნო

საქართველოს პროკურატურამ 20-21 ივნისის მოვლენების საქმეზე მაკო გომური, ომარ სეხნიაშვილი და მირზა ლიპარტელიანი დაზარალებულად სცნო.

კარლო კოპალიანი: გეთანხმები, ბატონო ბარამიძე, თქვენი ადგილი არის ციხეში ზუსტად ერთ-ერთი ამ დანაშაულისთვის, რასაც ჰქვია ფარული კადრების გადაღების შეკვეთა

საპარლამენტო უმრავლესობის წევრმა, კარლო კოპალიანმა ჟურნალისტებთან განაცხადა, რომ ადამიანები, რომლებიც ხელს აფათურებენ სხვის პირად ცხოვრებაში, უნდა დაისაჯონ.

ყანდაურაში 5 კაცის მკვლელობის საქმეზე დაკავებული ომარ გამყრელიძე უმცროსი გაათავისუფლეს

თელავის რაიონული სასამართლოს მოსამართლემ მამუკა წიკლაურმა, ომარ გამყრელიძე უმცროსი 2000 ლარიანი გირაოს საფუძველზე სასამართლო დარბაზიდან გაათავისუფლა.

​საქართველოს პრეზიდენტი ევროპის საბჭოს გენერალურ მდივანს შეხვდა

საქართველოს პრეზიდენტი სალომე ზურაბიშვილი ევროპის საბჭოს ახლადარჩეულ გენერალურ მდივანს, მარია პეინჩინოვიჩ ბურიჩს შეხვდა.

12 ნოემბერს თბილისის რამდენიმე უბანს ელექტრომომარაგება დროებით შეეზღუდება

გეგმურ-პროფილაქტიკური სამუშაოების ჩატარების გამო 12 ნოემბერს ელექტრომომარაგება თბილისის რამდენიმე უბანს  დროებით შეეზღუდება. ამის შესახებ ინფორმაციას "თელასი" ავრცელებს.

პირველი რესპუბლიკის მოედანზე ქანდაკება: N’Uovo გაიხსნა

პირველი რესპუბლიკის მოედანზე ქანდაკება - N’Uovo გაიხსნა, რომელიც იტალიაში მცხოვრებმა ქართველმა მოქანდაკე პრასტომ, ვაჟა მიქაბერიძემ შექმნა. ინსტალაციის გახსნის ღონისძიებას თბილისის მერის მოადგილე სოფიო ხუნწარია დაესწრო.

გიგა ბოკერია მეუფე იაკობის განცხადებაზე: პარლამენტის დემოკრატიული ვალდებულებაა ეს საკითხი განიხილოს

პარლამენტის წევრი "ევროპული საქართველოდან" გიგა ბოკერია აცხადებს, რომ ბოდბელი მიტროპოლიტის მეუფე იაკობის განცხადება, პატრიარქის შეცვლასთან დაკავშირებით, საპარლამენტო კომისიის შექმნის საფუძველს წარმოადგენს.

2019-2022 წლების საგარეო პოლიტიკის სტრატეგიისა და სამუშაო გეგმის შემმუშავებელი უწყებათაშორისი საბჭოს შეხვედრა გაიმართა

საქართველოს საგარეო საქმეთა სამინისტროში საქართველოს 2019-2022 წლის საგარეო პოლიტიკური სტრატეგიისა და სამოქმედო გეგმის შემმუშავებელი უწყებათაშორისი საბჭოს სხდომა გაიმართა.

მასწავლებელი მოსწავლის მიმართ გარყვნილი ქმედების ბრალდებით დააკავეს

იმერეთის ერთ-ერთ სოფელში მასწავლებელი მოსწავლის მიმართ გარყვნილი ქმედების გამო დააკავეს.

შრომის ინსპექცია საჯარო სამართლის იურიდიულ პირად ჩამოყალიბდება 

უმრავლესობის წევრმა დიმიტრი ცქიტიშვილმა "შრომის კოდექსში" შესატან ცვლილებებზე განაცხადა, რომ "ნებისმიერ კანონს, რომელიც იქმნება, სჭირდება აღსრულების მექანიზმი. ამიტომაა აუცილებელი შრომის ინსპექციის ეფექტიტანი მუშაობა".

მამუკა არეშიძე: ლავროვის განცხადება არ ნიშნავს, რომ რუსეთი ყარაბაღის დამოუკიდებლობას აღიარებს

ექსპერტი კავკასიის საკითხებში მამუკა არეშიძე სერგეი ლავროვის განცხადებას, მთიანი ყარაბაღის კონფლიქტთან დაკავშირებით, მუდმივი ნარატივის ნაწილად აფასებს და თვლის, რომ რუსეთი კონკრეტული გადაწყვეტილების მიღებას არ აპირებს. 

საჯარო და კერძო თანამშრომლობის სააგენტოს თავმჯდომარე ალექსანდრე რევია თანამდებობიდან გათავისუფლდა 

სსიპ საჯარო და კერძო თანამშრომლობის სააგენტოს თავმჯდომარე ალექსანდრე რევია თანამდებობიდან გათავისუფლდა. შესაბამის ბრძანებას საქართველოს პრემიერ-მინისტრმა გიორგი გახარიამ ხელი დღეს მოაწერა.

მარნეულში მე-7 კლასელ გოგონას მანქანა დაეჯახა

მარნეულში 12 წლის გოგონას ავტომობილი დაეჯახა.

არჩილ თალაკვაძე: საქართველოს ტერიტორიულ მთლიანობას და ჩვენს პოზიტიურ დღის წესრიგს აქვს ცალსახა მხარდაჭერა ევროსაბჭოს გენერალური მდივნისგან

„საქართველოს ტერიტორიულ მთლიანობასა და სუვერენიტეტს ცალსახა მხარდაჭერა აქვს ევროპის საბჭოს გენერალური მდივნისგან. მან ასევე ხაზგასმით აღნიშნა, რომ საქართველოს პროგრესი და რეფორმები,  ის გეგმები, რომელიც ჩვენ გვაქვს, არის სათანადოდ დანახული და დაფასებული“,- ამის შესახებ საქართველოს პარლამენტის თავმჯდომარემ განაცხადა.

ლარი 0.2 თეთრით გაუფასურდა

11 ნოემბერის ვაჭრობის შედეგად აშშ დოლარი გამყარდა და  2.9633 ლარი შეადგინა. კურსი, რომელიც დღეს მოქმედებდა, 2.9613 იყო, შესაბამისად, დოლარის ცვლილებამ ეროვნულ ვალუტასთან მიმართებაში -0.20 თეთრი შეადგინა.

ბიურომ "ევროპული საქართველოს" კანონპროექტი დაბლოკა, რასაც დეპუტატებს შორის კამათი მოჰყვა 

ბიურომ „ევროპული საქართველოს“ კანონპროექტი, აფხაზეთის ავტონომიური რესპუბლიკის უმაღლესი საბჭოს არჩევით ორგანოდ ჩამოყალიბებაზე, დაბლოკა და კომიტეტებს განსახილველად არ გადასცა.

 

 
პრემიერ-მინისტრმა და ევროპის საბჭოს გენერალურ მდივანმა ორგანიზაციაში საქართველოს თავმჯდომარეობის პრიორიტეტები განიხილეს

საქართველოს ევროპის საბჭოს თავმჯდომარეობის პრიორიტეტების განხილვა იყო პრემიერ-მინისტრ გიორგი გახარიასა და ევროპის საბჭოს გენერალურ მდივან, მარია პეიჩინოვიჩ ბურიჩის შეხვედრის მთავარი თემა.

შემოსავლების სამსახურის თანამშრომლება ნარკოტიკული ნივთიერების შემცველი მედიკამენტები გამოავლინეს

3-9 ნოემბერს, საბაჟო გამშვებ პუნქტებში "სარფი", "მტკვარი", "ქუთაისის აეროპორტი"და "თბილისის აეროპორტი", ნარკოტიკული ნივთიერების შემცველი მედიკამენტების საზღვარზე კანონდარღვევით შემოტანის ფაქტები აღკვეთა.