სოსო არჩვაძე: ასეთი სწრაფი წინსვლა მსოფლიოს არცერთ სხვა ქვეყანას არ ჰქონია! 

ექსპერტი ეკონომიკის საკითხებში სოსო არჩვაძე სოციალურ ქსელში მსოფლიო ბანკის „ბიზნესის კეთების“ 2020 წლის რეიტინგში საქართველოს რეიტინგის თაობაზე ვრცელ პოსტს აქვეყნებს.

მისი თქმით, კარგი დასაწყისი საქმის ნახევარია!


„მსოფლიო ბანკი უკვე თითქმის ორი ათეული წელია, აქვეყნებს ინფორმაციას ბიზნესის წარმოების მდგომარეობის შესახებ მსოფლიოს 190 ქვეყნის მიხედვით. ამ პერიოდის მანძილზე საქართველომ სერიოზულ წარმატებას მიაღწია - სპორტული ტერმინოლოგია რომ მოვიშველიოთ, დრიბლინგით ჩამოიტოვა მრავალი ათეული ქვეყანა და 2006 წლის 112-ე ადგილიდან 2020 წლისათვის მეშვიდე ადგილზე გადაინაცვლა.


ასეთი სწრაფი წინსვლა მსოფლიოს არც ერთ სხვა ქვეყანას არ ჰქონია! - ამ ხნის მანძილზე საქართველომ არა მარტო ქულათა ისტორიულ მაქსიმუმს -83.7-ს მიაღწია, არამედ რეიტინგი 105-ით გაიუმჯობესა. შედარებისთვის: რეიტინგის გაუმჯობესების მხრივ მეორე ადგილზე მყოფი ჩრდილოეთ მაკედონიის მდგომარეობა იმავე პერიოდში მხოლოდ 64 პოზიციითაა გაუმჯობესებული. აღსანიშნავია, რომ საქართველო რეიტინგით პირველ ადგილზე მყოფ ახალ ზელანდიას მხოლოდ 3.1 ქულით ჩამორჩება, მაშინ როდესაც თავისი სახმელეთო მეზობლებიდან მასთან ყველაზე ახლო - 28-ე ადგილზე მყოფ რუსეთის ფედერაციას უსწრებს 5.5 ქულით (საქართველოს სხვა სახმელეთო მეზობლებს უკავიათ, შესაბამისად, თურქეთს - 33-ე, აზერბაიჯანს - 34-ე, ხოლო სომხეთს - 47-ე ადგილი).


საქართველო შარშანდელის მსგავსად, კვლავ ლიდერია ევროპისა და ცენტრალური აზიის 23 ქვეყანას შორის. განსაკუთრებით ხაზგასასმელია ის, რომ ბიზნესის დაწყების მხრივ მაქსიმალური 100 ქულიდან მსოფლიო ბანკმა საქართველოს 99.6 პროცენტი მიაკუთვნა. საქართველო, ახალ ზელანდიასთან ერთად, ის სახელმწიფოა, სადაც ბიზნესის დაწყება ერთი პროცედურით, იმავე დღესაა შესაძლებელი. თუ გავითვალისწინებთ, რომ „კარგი დასაწყისი - საქმის ნახევარს უდრის“, ხოლო „ყველაფრის ეკონომია დროის ეკონომიაზე დაიყვანება“, საქართველოს არა მარტო აქვს მნიშვნელოვანი პოტენციალი ბიზნესის განვითარებისათვის, არამედ ამის უკვე ღიად დაფიქსირებით, ავტორიტეტული საერთაშორისო ფინანსური და ეკონომიკური ინსტიტუტები არაორაზროვან მესიჯებს უგზავნიან მსოფლიოს საქმიან წრეებს ჩვენს ქვეყანასთან საქმიანი ურთიერთობების დაწყებისა და გაღრმავების მიზანშეწონილობის შესახებ. ამის ნათელი დადასტურებაა გუშინ თბილისში დასრულებული „აბრეშუმის გზის“ მესამე საერთაშორისო ფორუმი, რომელშიც 60-ზე მეტი ქვეყნის 2200-მა წარმომადგენელმა მიიღო მონაწილეობა.


მსოფლიო ბანკის მონიჭებული მაღალი რეიტინგი არ ემყარება მხოლოდ ბიზნესის დაწყებას. საქართველო მსოფლიო ქვეყნების პირველ ათეულშია ქონების რეგისტრაციისა (მე-5 ადგილი) და მინორიტარულ ინვესტორთა უფლებების დაცვის (მე-7 ადგილი) მხრივ. ამის გარდა, წინა წელთან შედარებით საქართველომ მდგომარეობა გაიუმჯობესა გადასახადების გადახდის, საზღვრებს მიღმა ვაჭრობის, გადახდისუუნარობისა და სხვა ინდიკატორების მიხედვითაც.


ნებისმიერი სახელმწიფოს მდგრადობა დიდწილად ემყარება ეროვნული ეკონომიკის ეფექტიან ადმინისტრირებას. ამ მხრივ აღსანიშნავია საქართველოს დაწინაურება 2 პოზიციით გადასახადების გადახდის ინდიკატორში და მე-14 პოზიციის დაკავება.


ორი გარემოება გახდა აღნიშნული პოზიტიური ტენდენციის განმაპირობებელი: პირველი, საგადასახადო სისტემის ადმინისტრირების სიმარტივე და მეორე - გადამხდელებისთვის კომფორტული გარემოს შექმნა. ბიზნესისადმი სახელმწიფოს დამოკიდებულება ბოლო წლებში მკაფიოდ კომპლიმენტარულია, ითვალისწინებს საგადასახადო ანგარიშგებისთვის საჭირო დროის შემცირებას. და რადგანაც ყველაფრის ეკონომია, როგორც უკვე ითქვა, დროის ეკონომიაზე დაიყვანება, ნაკლები დრო ცალსახად შედეგის უფრო ნაკლები ძალისხმევით მიღწევას ნიშნავს. ამ გზით დაზოგილი დრო და რესურსი კი შესაძლებელია მიემართოს ქართული კომპანიების კონკურენტუნარიანობის ამაღლებისაკენ ინოვაციური მიდგომებისა და ტექნოლოგიების დანერგვის საფუძველზე. თავი მხრივ, ყოველივე ეს ბიზნესის მხრიდან ასახვას ჰპოვებს არა მარტო გადასახადების გადახდაში, არამედ მზარდ სოციალურ პასუხისმგებლობაში.


მთლიანობაში, ბიზნესის კეთებაში წარმატებებზე მიუთითებს ის გარემოებაც, რომ საქართველოში ბიზნესსექტორის მიერ გამოშვებული პროდუქციის ზრდის ტემპი ბოლო წლებში 1.5-ჯერ აღემატება ქვეყნის მთლიანი შიდა პროდუქტის ზრდის ტემპს.


იმის გათვალისწინებით, რომ ეკონომიკური რეფორმები არაა ერთჯერადი აქტი, ისინი, ფაქტობრივად, უწყვეტი რეჟიმის პროცესს წარმოადგენენ, უნდა ვივარაუდოთ, რომ საქართველოს კვლავ ექნება შთამბეჭდავი წინსვლა, თანაც არა მარტო ბიზნესის კეთებასთან ასოცირებულ ინდიკატორებში, არამედ სხვა ინსტიტუტებისა და სარეიტინგო სააგენტოების მიერ განხორციელებულ შეფასებებში - გლობალური კონკურენტუნარიანობის ინდექსიდან დაწყებული და ქვეყნის საკრედიტო რეიტინგით დამთავრებული“. - წერს სოსო არჩვაძე.


შეგახსენებთ, რომ მსოფლიო ბანკის „ბიზნესის კეთების“ 2020 წლის რეიტინგში საქართველომ ქულების მიხედვით ისტორიულ მაქსიმუმს მიაღწია და ის კვლავაც ლიდერებს შორის რჩება.


რუსთაველის გამზირის ნაწილი გადაიკეტება

თბილისის მერიის განცხადებით, საახალწლო დეკორაციებისა და ილუმინაციების დემონტაჟის გამო, რუსთაველის გამზირის ნაწილი გადაიკეტება. 

გახარია კონგრესმენების წერილზე: არასოდეს შეგვშინებია მწვავე შეკითხვების, არც პასუხების გაცემის 

"სტრატეგიულ პარტნიორებს შორის რა სახის მწვავე კითხვებიც არ უნდა დაისვას, ყოველთვის მზად ვართ, ამ კითხვებზე დავჯდეთ და ვისაუბროთ, როგორც ქვეყნის შიგნით, ასევე, ქვეყნის გარეთ",- ამის შესახებ პრემიერ-მინისტრმა გიორგი გახარიამ ამერიკელი სენატორების წერილთან დაკავშირებით განაცხადა.

მაია ცქიტიშვილი: ძალიან მნიშვნელოვანია განვითარების პარტნიორების მხარდაჭერა, რაც ჩვენთვის მეტი შესაძლებლობის გაჩენას ნიშნავს

დონორთა ყოველწლიურ ფორუმზე, რომელიც დღეს სახელმწიფო ცერემონიების სასახლეში გაიხსნა, ვიცე-პრემიერმა, რეგიონული განვითარებისა და ინფრასტრუქტურის მინისტრმა მაია ცქიტიშვილმა, სადისკუსიო პანელის ფორმატში, ფორუმის მონაწილეების შეკითხვებს უპასუხა და ქვეყნის განვითარებისთვის საერთაშორისო საფინანსო ინსტიტუტების მხარდაჭრის მნიშვნელობას გაუსვა ხაზი.

დავით მათიკაშვილი: „ნაციონალური მოძრაობა“ და მათი სატელიტები ცდილობენ, მორჩილი პარტიული აქტივი ახალგაზრდულ სამოქალაქო ორგანიზაციებად გაასაღონ

სულ მცირე, უხერხულია, როცა „ნაციონალური მოძრაობა“ და მათი სატელიტები ცდილობენ, თავიანთი მორჩილი პარტიული აქტივი ახალგაზრდულ სამოქალაქო ორგანიზაციებად გაასაღონ,- ამის შესახებ პარლამენტის იურიდიული კომიტეტის თავმჯდომარის მოადგილე დავით მათიკაშვილი სოციალურ ქსელში წერს.

გიორგი გახარია: სახელმწიფო მხარს უჭერს ძლიერი ქართული ბიზნესის შექმნას

"საქართველოს მთავრობა სრულად ათვითცნობიერებს იმას, რომ მისი ძირითადი ფუნქციაა, შექმნას შესაბამისი გარემო იმისთვის, რომ საქართველოში საშუალო, მცირე და მსხვილ ინფრასტრუქტურულ ბიზნესს ყველანაირად შეუწყოს ხელი განვითარდეს და შექმნას დამატებითი სამუშაო ადგილები".

აზარტული თამაშების ზიანის შემცირების მიზნით საპატრიარქოში მუდმივმოქმედი სამუშაო ჯგუფი შეიქმნა

საქართველოს საპატრიარქოში აზარტული თამაშების ზიანის შემცირების სტრატეგიაზე მომუშავე ჯგუფის მორიგი შეხვედრა ჩატარდა.

პრემიერი: წერილიც ბევრი იქნება, სიხარულიც და "დასპოილერებაც" - საინტერესო ცხოვრება გველის 

"ცხოვრება მოძრაობაა, ყოველთვის ყველაფერი იცვლება, ყველაფერს უნდა დაველოდოთ", - ამის შესახებ პრემიერ-მინისტრმა გიორგი გახარიამ თანამდებობის შესაძლო დატოვებასთან დაკავშირებით დასმული კითხვის საპასუხოდ განაცხადა. 

"სოციალური მუშაკების რაოდენობა არ შემცირდება და გაძლიერდება ბავშვზე ზრუნვის მიმართულება"

საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროში მიმდინარე რეორგანიზაციის ფარგლებში, 2020 წლის 1 თებერვლიდან მეურვეობა-მზრუნველობის, ბავშვთა და ოჯახში ძალადობის ადმინისტრირების ფუნქცია ადამიანით ვაჭრობის (ტრეფიკინგის) მსხვერპლთა, დაზარალებულთა დაცვისა და დახმარების სახელმწიფო ფონდში გაერთიანდება. ინფორმაციას ჯანდაცვის სამინისტრო ავრცელებს. 

პრემიერი საქართველოში რუსეთის დელეგაციის შესაძლო ჩამოსვლაზე: საქართველოს კანონს გვერდს ვერავინ აუვლის 

"საქართველო ევროსაბჭოს პრეზიდენტი ქვეყანაა. ევროსაბჭოში რუსეთს წევრობა აღუდგა, ეს ფაქტია სამწუხაროდ", - ამის შესახებ პრემიერ-მინისტრმა გიორგი გახარიამ ჟურნალისტებს საქართველოში დაგემილ ევროსაბჭოს სხდომასა და რუსეთის დელეგაციის ჩამოსვლის საკითხზე განუცხადა.

 

თალაკვაძე: გვქონდა მოლოდინი, რომ ოპოზიციისთვის პროპორციული სისტემის შეთავაზებით თანხმობა შედგებოდა, თუმცა ეს შესაძლებლობაც ჩაშალეს

"გვქონდა მოლოდინი, რომ ოპოზიციისთვის პროპორციული სისტემის შეთავაზებით შეთანხმება შედგებოდა, შევძლებდით თანამშრომლობას და ეს იქნებოდა ქვეყნის ინტერესებისთვის გაერთიანების წერტილი, თუმცა ოპოზიციამ 20 ივნისის შემდეგაც გააგრძელა დესტრუქცია", - ამის შესახებ პარლამენტის თავმჯდომარემ არჩილ თალაკვაძემ განაცხადა.

პრემიერი: ოკუპაციის წინააღმდეგ ბრძოლისა და ქვეყნის უსაფრთხოების გარანტის ყველაზე ეფექტური ინსტრუმენტი ქვეყნის ევროატლანტიკური ორიენტაციაა

"ოკუპაციის წინააღმდეგ ბრძოლისა და ქვეყნის უსაფრთხოების გარანტის ყველაზე ეფექტური ინსტრუმენტი გახლავთ ქვეყნის საგარეო პოლიტიკა-ევროპული და ევროატლანტიკური ორიენტაცია", -  ამის შესახებ საქართველოს პრემიერ-მინისტრმა გიორგი გახარიამ დონორთა კონფერენციაზე სიტყვით გამოსვლისას განაცხადა.

ლარი 0.7 თეთრით გაუფასურდა

29 იანვრის ვაჭრობის შედეგად აშშ დოლარი გამყარდა და  2.8999 ლარი შეადგინა. კურსი, რომელიც დღეს მოქმედებდა, 2.8929 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში -0.70 თეთრი შეადგინა.
 

ამირან გამყრელიძე კორონავირუსზე: ჯანდაცვის სისტემაში მუშაობის საკმაოდ დიდი სტაჟი მაქვს და თუ როდისმე ყოფილა ქვეყანა მზად, დღეს ყველაზე უფრო მზად არის

თუ როდისმე ყოფილა ქვეყანა მზად, დღეს ყველაზე უფრო მზად არის. საქართველოს ხელისუფლება ყველაფერს აკეთებს იმისათვის, რომ ინფექციის შემოსვლის ალბათობა მინიმუმამდე დავიყვანოთ,- ამის შესახებ დაავადებათა კონტროლისა და საზოგადოებრივი ჯანდაცვის ეროვნული ცენტრის დირექტორმა ამირან გამყრელიძემ ტელეკომპანია „POSTV“-ის ეთერში განაცხადა.

პრემიერი: მთავარია ჩვენმა პარტნიორებმა ნაბიჯ-ნაბიჯ ჩვენთან ერთად დაინახონ პროგრესი და რეფორმების შედეგები

"მთავარია, რომ ჩვენმა პარტნიორებმა, კოლეგებმა, ყოველდღიურად, ნაბიჯ-ნაბიჯ, ჩვენთან ერთად დაინახონ პროგრესი და რეფორმების შედეგები",- ამის შესახებ პრემიერმა გიორგი გახარიამ დონორთა კონფერენციაზე სიტყვით გამოსვლისას განაცხადა.

არჩილ თალაკვაძე: იმედია, პარტიები, რომლებიც მშვიდ პოლიტიკაზე არიან ორიენტირებულნი, დესტრუქციულ პროცესებს გაემიჯნებიან

„საარჩევნო მოდელთან დაკავშირებით ჩვენი შეთავაზების შემდეგ ოპოზიციის მიერ დესტრუქციული ქმედებების გაგრძელებამ, დაგვარწმუნა იმაში, რომ ოპოზიციის ეს ნაწილი არანაირი თანამშრომლობისთვის მზად არ არის“, - ამის შესახებ პარლამენტის თავმჯდომარემ არჩილ თალაკვაძემ განაცხადა.

ქუთაისში საფლავები გაძარცვეს

ქუთაისში, საფიჩხიის სასაფლაოზე საფლავები გაძარცვეს. სასაფლაოს ადმინისტრაციაში აცხადებენ, რომ წაღებულია ბიუსტები.

ამირან გამყრელიძე: ბათუმში ჩამოსულ ორ ჩინელზე შესაბამისი დაკვირვებითი მუშაობა მიმდინარეობს

დაავადებათა კონტროლის ეროვნული ცენტრის გენერალური დირექტორის ამირან გამყრელიძის თქმით, საქართველოში ჩამოსულ ყველა ჩინელზე მიდევნებითი სამუშაოები მიმდინარეობს.

ნათია თურნავა: 2019 წელს საქართველოს 7 რეგიონის 11,000 - მდე აბონენტს  ბუნებრივი გაზის საერთო ქსელში ჩართვის საშუალება მიეცა

2019 – 2021 წლებში, საქართველოს მთავრობის განკარგულებით, შპს „საქართველოს გაზის ტრანსპორტირების კომპანია“ გაზიფიცირების სამწლიან სტრატეგიულ პროგრამას ახორციელებს.

კახა კალაძემ მუნიციპალური სერვისების განვითარების სააგენტოს ახლადრეაბილიტირებული სერვისცენტრი დაათვალიერა 

თბილისის მერმა გლდანში, მუნიციპალური სერვისების განვითარების სააგენტოს ახლადრეაბილიტირებული სერვისცენტრი დაათვალიერა, რომელიც გლდანის რაიონის გამგეობის შენობაშია განთავსებული. 

სერგი კაპანაძე: "ქართულ ოცნებას" მარტივი გამოსავალი აქვს, გადაეწყოს იმ მოთხოვნაზე, რომელიც ქვეყნის მოსახლეობას აქვს

"ევროპული საქართველოს" წევრი სერგი კაპანაძე საქართველოს მთავრობისთვის ამერიკელი კონგრესმენების მიერ გამოგზავნილ წერილს გამოეხმაურა. 

პრემიერი: მნიშვნელოვანია, შიდა უსაფრთხოების კომპონენტი, რომელიც მართლმსაჯულების სისტემის გამართულ ფუნქციონირებასა და სისხლის სამართლის პოლიტიკის ერთიანი სისტემის შექმნას მოიცავს

ჩვენ არ უნდა გამოგვრჩეს შიდა უსაფრთხოების კომპონენტი, რომელიც ასევე მნიშვნელოვანია და რომელიც მოიცავს, როგორც მართლმსაჯულების სისტემის გამართულ ფუნქციონირებას, ასევე ქვეყანაში სისხლის სამართლის პოლიტიკის ერთიანი სისტემის შექმნას, - ამის შესახებ საქართველოს პრემიერ-მინისტრმა გიორგი გახარიამ დონორთა ყოველწლიურ კონფერენციაზე სიტყვით გამოსვლისას განაცხადა.