გოგა ხაინდრავა: ლორა თორნტონის საქმიანობა მარგინალური პოლიტიკური ჯგუფის მხარდაჭერას ემსახურება, აღნიშნული საკითხი სერიოზულად უნდა დადგეს აშშ-ში

რეჟისორ გოგა ხაინდრავას განცხადებით, საქართველო რეგიონში ერთადერთი ქვეყანაა, რომელიც ამერიკის შეერთებული შტატებისთვის მყარი პარტნიორია და თანაც ეს არაერთხელ დაამტკიცა.

ხაინდრავას თქმით, ამ ფონზე აბსოლუტურად მიუღებელია ის, რაც „ეროვნულ-დემოკრატიული ინსტიტუტის“ (NDI) დაკვეთით ჩატარებულ კვლევაშია ასახული.


ხაინდრავა ამბობს, რომ ამერიკის „ეროვნულ-დემოკრატიული ინსტიტუტის“ (NDI) საქართველოს ოფისის დირექტორი ლორა თორნტონი და მისი ჯგუფი, რომლებიც ძალიან სერიოზულ საერთაშორისო ინსტიტუტს წარმოადგენენ, წლების განმავლობაში ქართული საზოგადოების მიმართ  შეურაცხმყოფელ ქმედებებს ახორციელებენ, მანიპულირებენ საზოგადოებრივი აზრით, რომელიც სიყალბეს ეყრდნობა.


ხაინდრავას შეფასებით, ლორა თორნტონის საქმიანობა დეგრადირებული და სრულიად მარგინალური პოლიტიკური ჯგუფის მხარდაჭერას ემსახურება.


„რეგიონში ერთადერთი ქვეყანა ვართ, რომელიც აშშ-ისთვის მყარი პარტნიორია. ჩვენ ეს ათწლეულების განმავლობაში არაერთხელ დავამტკიცეთ. ამ ფონზე აბსოლუტურად შეუწყნარებელია, რისი მოწმენიც გავხდით ჩვენ გუშინ და ვართ მთელი ამ პერიოდის განმავლობაში. ქალბატონი ლორა თორნტონი და მისი ჯგუფი, რომელიც მოკალათებულნი არიან ძალიან სერიოზულ საერთაშორისო ინსტიტუტში, რომელსაც „ეროვნულ-დემოკრატიული ინსტიტუტი“ ჰქვია, წლების მანძილზე პრაქტიკულად შეურაცხმყოფელ მოქმედებას სჩადის ქართული საზოგადოების მიმართ, ქართული საზოგადოებრივი აზრით მანიპულირებს, რომელიც, როგორც წესი, დაყრდნობილია სიყალბეზე, არის ცალსახად პოლიტიკურად ანგაჟირებული, რადგან, რასაც ის ჩადის, არის ერთი დეგრადირებული და სრულიად მარგინალური პოლიტიკური ჯგუფის მხარდაჭერა“,- განაცხადა გოგა ხაინდრავამ.


ამასთან, ხაინდრავას თქმით, აღნიშნული მოქმედებები დიდ გავლენას ვერ ახდენს ქართულ საზოგადოებაზე, ვინაიდან მოქალაქეები გონიერებას იჩენენ, თუმცა საერთაშორისო ასპარეზზე ქვეყნისთვის, „ეროვნულ-დემოკრატიული ინსტიტუტის“ სერიოზული გავლენიდან გამომდინარე, საფრთხეს წარმოადგენს.


„შიდა მოხმარებისთვის, რა თქმა უნდა, მსგავსი მოქმედებები ჩვენთვის იმდენად სახიფათო არ არის, რადგან ქართული საზოგადოება ბევრად უფრო გონიერია, ვიდრე ქალბატონ თორნტონს ჰგონია.  ჩვენთვის ეს საფრთხეს წარმოადგენს საერთაშორისო ასპარეზზე, რადგან „ეროვნულ-დემოკრატიულ ინსტიტუტს“ უსმენენ, „ეროვნულ-დემოკრატიული ინსტიტუტის“ გავლენა საერთაშორისო ასპარეზზე ძალიან მაღალია“,- განაცხადა გოგა ხაინდრავამ.


ხაინდრავას განმარტებით, საქართველოში სახელმწიფო ინსტიტუტებზე შეტევა მიზანმიმართულად მიმდინარეობს.


„რასაც ჩვენ ვხედავთ, არის სახელმწიფო ინსტიტუტებზე შეტევა, მათი დისკრედიტაცია. ქალბატონ თორნტონს მივმართავ, ქართული საზოგადოება არ არის მხოლოდ ის პოლიტიკური წუმპე, რომელსაც ემსახურება. ქართული საზოგადოება ბევრად უფრო დიდი, ბევრად გონიერი და ბევრად სამართლიანია, ვიდრე წარმოუდგენიათ, ამიტომ  ქართული საზოგადოებრივი აზრით მანიპულირება არ გამოუვათ. რასაც ესენი აკეთებენ, არის აბსოლუტური მარაზმი და ამას სერიოზული ყურადღება უნდა მიექცეს“,- განაცხადა გოგა ხაინდრავამ.


ხაინდრავა მიიჩნევს, რომ მსგავსი ქმედებები აშშ-საც აზიანებს, ვინაიდან საქართველო აშშ-ის მყარი პარტნიორია.


„რასაც გუშინ გავეცანით, ჩემი აზრით, ბოროტმოქმედებაა, რაც მიმართულია არა მარტო ჩვენი ქვეყნის წინააღმდეგ, არამედ აშშ-ის ინტერესების საწინააღმდეგოდ. პირველი და ყველაზე მნიშვნელოვანი – თურმე, ამ მარგინალების აზრით, 60 პროცენტი აცხადებს, რომ საქართველში არ არის დემოკრატია, იგივე „ენდიაის“ კვლევების მიხედვით, 2012 წელს 50 პროცენტი ამბობდა, რომ საქართველოში დემოკრატიაა. 60 პროცენტი ამბობს, რომ საქართველო დღეს თურმე არასწორი მიმართულებით ვითარდება, მაშინ, როდესაც 60 პროცენტი 2012 წელს, სააკაშვილის დროს და 2008 წელს იძახდა, რომ სწორი მიმართულებით ვითარდება. ეს არის სრული უგუნურება, ფალსიფიცირება, სიყალბე, ქართული სახელმწიფოს და ქართველი ერის ეროვნულ საფუძვლებზე შეტევა. ქართული ეკლესიისადმი დამოკიდებულების 25-პროცენტიანი ვარდნა არის გაცხადებული კვლევაში, რაც წარმოგვიდგინეს. ეს არის სიცრუე, მიზანმიმართული ბრძოლა ზუსტად იმ ფასეულობების წინააღმდეგ, რომელზეც დგას ჩვენი ქვეყანა. გარდა ამისა, ჩემთვის გაუგებარია ციფრები, რასაც ვხედავთ. გრიგოლ ვაშაძის, ამ ჩეკისტის, რუსეთის საოკუპაციო რეჟიმის თანამშრომლის პოპულარობა საქართველოში აღემატება ივანიშვილის, ზურაბიშვილის, თალაკვაძის პოპულარობას, პრაქტიკულად ყველა ინსტიტუტის – განათლების სამინისტროს, თავდაცვის, რაც ყველაზე შემაშფოთებელია“, – განაცხადა გოგა ხაინდრავამ.


ხაინდრავას თქმით, მისთვის გაუგებარია, რამ გამოიწვია ნეგატიური დამოკიდებულება საქართველოს შეიარაღებული ძალებისადმი, რომლებიც საერთაშორისო მისიებში უპრეცედენტო გმირობით გამოირჩევიან და ამას მთელი მსოფლიო აღნიშნავს.


„მაინტერესებს, რამ განაპირობა საქართველოს ჯარისადმი ნეგატიური დამოკიდებულება, იქნებ ამიხსნას ქალბატონმა ლორა თორნტონმა, რამ განაპირობა საქართველოს ჯარისადმი, საქართველოს სამხედროებისადმი ასეთი დამოკიდებულება, რომლებიც, ჩემი აზრით, უპრეცედენტო გმირობით გამოირჩევიან საერთაშორისო მისიებში, რაზეც მთელი მსოფლიო ლაპარაკობს“,- განაცხადა გოგა ხაინდრავამ.


ხაინდრავამ ლორა თორნტონი „ნაციონალური მოძრაობის“ თანამებრძოლად მოიხსენია.


„ლორა თორტონი გახდა „ნაციონალური მოძრაობის“ თანამებრძოლი. ის პრაქტიკულად თავისი საქმიანობით საქართველოში გადატრიალების წინაპირობას ქმნის. ეს არავითარ შემთხვევაში არ მოხდება, რადგან ამის ნათელი მაგალითია ქართული საზოგადოების დამოკიდებულება ამ მარგინალური სექტის მიმართ. ჩვენ კარგად ვხედავდით და ვუყურებდით იმ დაანონსებულ აქციებს, მრავალრიცხოვან აქციებს, სადაც ერთი და იგივე 100 კაცი დადის იქით-აქეთ, როგორც წესი, მათი შვილები, აქტივისტები და ა.შ. რამდენიც უნდა ეცადოს პოლიტიკურად ანგაჟირებული ქალბატონი თორნტონი, რომ „ნაციონალურ მოძრაობას“ სახელმწიფოზე თავდასხმის პლაცდარმი შეუქმნას, ის ამას ვერ მიაღწევს“,- აღნიშნა გოგა ხაინდრავამ.


გოგა ხაინდრავამ საქართველოს ხელისუფლებას მიმართა, აღნიშნული საკითხი ძალიან სერიოზულად დააყენონ აშშ-ში.



„მინდა, მივმართო საქართველოს ხელისუფლებას, მმართველ პარტიასა და იმ ადამიანებს, ვისაც ეს ეხებათ, აღნიშნული საკითხი ძალიან სერიოზულად უნდა დადგეს აშშ-ში“,- განაცხადა გოგა ხაინდრავამ. 


 


ჩინეთიდან საქართველოს 34 მოქალაქე დღეს თბილისში დაბრუნდება და ორკვირიან კარანტინს საჩხერის სასტუმრო - კომპლექსში გაივლის

საქართველოს 34 მოქალაქე, რომელიც ჩინეთიდან საქართველოში დღეს ბრუნდება, ორკვირიან კარანტინს საჩხერის სასტუმრო - კომპლექსში გაივლის.

 

 

ბათუმში ახალგაზრდული ფორუმი "ადგილობრივი თვითმმართველობა სტუდენტებისთვის" გაიხსნა

თბილისის საკრებულოს სპორტის და ახალგაზრდულ საქმეთა კომისიის ინიციატივით, ბათუმში დღეს ახალგაზრდული ფორუმი - "ადგილობრივი თვითმმართველობა სტუდენტებისთვის“ გაიხსნა.

ავსტრალიურ მედია საშუალებებში საქართველოზე განხორციელებულ კიბერთავდასხმასთან დაკავშირებით ინფორმაცია ვრცელდება

ავსტრალიურ მედია საშუალებებში ასევე ვრცელდება ინფორმაცია საქართველოზე განხორციელებულ კიბერ-თავდასხმებთან დაკავშირებით. გამოქვეყნებულ ინფორმაციებში მოყვანილია საქართველოს საგარეო საქმეთა სამინისტროს განცხადება.

კახა კალაძე: ჩვენთვის ერთ-ერთი მთავარი პრიორიტეტი განათლება და განათლების რეფორმაა

"თქვენ ხართ ადამიანები, ვისაც გაქვთ განსხვავებული მოსაზრებები, ინოვაციური მიდგომები და ძალიან მნიშვნელოვანია თქვენი ჩართულობა ქვეყნის განვითარების პროცესში",- ასე მიმართა თბილისის მერმა კახა კალაძემ ბათუმის ახალგაზრდული ფორუმის მონაწილეებს.

გურამ ნიკოლაშვილი: ოპოზიციას პასუხისმგებლობის ასარიდებლად სჭირდება, ჩადენილ დანაშაულებს უწოდოს შეცდომები, კანონიერად გასამართლებულ პირებს კი - პოლიტიკური პატიმრები

„ოპოზიციას პასუხისმგებლობის ასარიდებლად სჭირდება, ჩადენილ დანაშაულებს უწოდოს შეცდომები, კანონიერად გასამართლებულ პირებს კი - პოლიტიკური პატიმრები“, - ამის შესახებ საჯარო პოლიტიკის სპეციალისტმა გურამ ნიკოლაშვილმა ტვ „იმედის“ "დღის ქრონიკაში" განაცხადა.

საქართველოს საპარლამენტო დელეგაციამ ეუთოს საპარლამენტო ასამბლეის ზამთრის სესიაში მონაწილეობა მიიღო 

20-21 თებერვალს, ავსტრიის დედაქალაქში ეუთოს საპარლამენტო ასამბლეის მე-19 ზამთრის სესია გაიმართა.

ფსიქო-სოციალური რეაბილიტაციის ცენტრი „კამარა“ და „ევროპაბეთი“ პარტნიორები გახდნენ

დღეს ფსიქო-სოციალური რეაბილიტაციის ცენტრ „კამარასა“ და კომპანია „ევროპაბეთს“ შორის ურთიერთთანამშრომლობის მემორანდუმი გაფორმდა.

ფონდი "ქართუ": განულებული ვალების პროგრამის შესახებ არასწორი ინფორმაცია ვრცელდება

საქველმოქმედო ფონდი "ქართუ" განულებული ვალების პროგრამის შესახებ სოციალურ ქსელებში გავრცელებულ ინფორმაციასთან დაკავშირებით განცხადებას ავრცელებს.

 

ალექსანდრა ჰოლ ჰოლი: ასეთი ჭკვიანი და ნიჭიერი ადამიანის შერჩევა საქართველოს მთავრობის გონივრული ნაბიჯია!

დიდი ბრიტანეთის ყოფილი ელჩი საქართველოში ალექსანდრა ჰოლ ჰოლი სოფიო ქაცარავს გაერთიანებულ სამეფოში საქართველოს ელჩად დანიშვნას სოციალურ ქსელში ულოცავს.

საქართველოში კანადის ახალდანიშნულმა ელჩმა საგარეო საქმეთა მინისტრის პირველ მოადგილეს რწმუნებათა სიგელების ასლები გადასცა

საქართველოში კანადის ახალდანიშნულმა ელჩმა (რეზიდენციით ქ. ანკარა), ჯამალ ქოქარმა რწმუნებათა სიგელების ასლები გადასცა საქართველოს საგარეო საქმეთა მინისტრის პირველ მოადგილეს, ვახტანგ მახარობლიშვილს.

ირაკლი ღარიბაშვილი კანადელ დიპლომატებს შეხვდა

საქართველოს თავდაცვის მინისტრმა ირაკლი ღარიბაშვილმა კანადის ახალდანიშნულ ელჩს ჯამალ ქოქარს და კანადის საგარეო საქმეთა სამინისტროს ევრაზიულ და ევროპულ საკითხთა დირექტორატის გენერალურ დირექტორს, დევიდ სპრულს უმასპინძლა.

„ჯორჯიან მანგანეზის“ საოპერაციო დირექტორი შუქრუთის მოვლენებზე: წინააღმდეგები ვართ ნებისმიერი კონფრონტაციის, ველოდებით, რომ ყველაფერი დაუბრუნდეს გონივრულობას

ჩვენ წინააღმდეგები ვართ ნებისმიერი კონფრონტაციისა და დაპირისპირების, ამიტომ ველოდებით, რომ ყველაფერი დაუბრუნდეს გონივრულობას, - ამის შესახებ კომპანია „ჯორჯიან მანგანეზის“ საოპერაციო დირექტორმა მერაბ ლომინაძემ მედიაჰოლდინგ „კვირას“ პრესკლუბში გამართულ საგანგებო პრესკონფერენციაზე განაცხადა.

პირველკლასელთა რეგისტრაციის ვადები განისაზღვრა

პირველკლასელთა რეგისტრაციის ვადები განსაზღვრა. I ეტაპზე – 2020 წლის 2 მარტიდან 16 მარტის ჩათვლით რეგისტრაციის გავლა შეეძლება სპეციალური საგანმანათლებლო საჭიროების მქონე პირებს. 

რატი იონათამიშვილი: თუ ოპოზიცია არ შეცვლის პოზიციას, დარჩება თამაშგარე მდგომარეობაში

„თუ ოპოზიცია არ შეცვლის პოზიციას, დარჩება თამაშგარე მდგომარეობაში“, - ამის შესახებ ფრაქცია „ქართული ოცნების“ თავმჯდომარემ, რატი იონათამიშვილმა ტელეკომპანია „პირველის“ ეთერში განაცხადა.

თბილისში არჩილ ბეთანელის სახელობის ქუჩა გაიხსნა

თბილისის საკრებულოს სახელდებისა და სიმბოლიკის კომისიის ინიციატივით, ჩუღურეთის რაიონში, ასპინძის ქუჩის შესახვევს პროფესორის, ტექნიკის მეცნიერებათა დოქტორის, აკადემიკოსის არჩილ ბეთანელის სახელი მიენიჭა.

რატი იონათამიშვილი: უგულავას პოლიტპატიმარს უწოდებს მხოლოდ „ნაციონალური მოძრაობა“ და მასთან ასოცირებული ორგანიზაციები

„უგულავას პოლიტპატიმარს უწოდებს მხოლოდ „ნაციონალური მოძრაობა“ და მასთან ასოცირებული ორგანიზაციები“, - ამის შესახებ ფრაქცია „ქართული ოცნების“ თავმჯდომარემ, რატი იონათამიშვილმა ტელეკომპანია „პირველის“ ეთერში განაცხადა.

ატმოსფერული ჰაერის დაბინძურების კონტროლის გამკაცრებასთან დაკავშირებით სამუშაო შეხვედრა გაიმართა

გარემოს დაცვისა და სოფლის მეურნეობის სამინისტროში ატმოსფერული ჰაერის დაბინძურების კონტროლის გამკაცრებასთან დაკავშირებით სამუშაო შეხვედრა გაიმართა.

რუსეთის ფედერაციის მიერ საქართველოს წინააღმდეგ განხორციელებულ კიბერთავდასხმას თურქული პრესა გამოეხმაურა

თურქულმა პრესამ 2020 წლის 20 თებერვალს  საქართველოში განხორციელებული ფართომასშტაბიანი კიბერშეტევის ფაქტი ფართოდ გააშუქა.

ნათია თურნავამ დამსახურებული მშენებლები და არქიტექტორები დააჯილდოვა

ეკონომიკისა და მდგრადი განვითარების მინისტრმა ნათია თურნავამ სამ არქიტექტორსა და სამშენებლო დარგის რვა წარმომადგენელს დამსახურებული არქიტექტორისა და დამსახურებული მშენებლის საპატიო სიგელები და მედლები გადასცა.

საქართველოში განხორციელებულ კიბერთავდასხმას ბრიტანული მედია ეხმაურება 

2019 წლის ოქტომბერში „გრუ“-ს მხრიდან საქართველოზე განხორციელებულ კიბერ-შეტევას ფართოდ ეხმაურებიან ბრიტანული მედია-საშუალებებიც. ინფორმაციას საქართველოს საგარეო საქმეთა სამინისტრო ავრცელებს. 

ხოშტარიას რუსული ჰიმნის გამპროტესტებელი 20 ივნისის ვიდეოს აქვეყნებს

ნათია კონცელიძე, რომელიც ელენე ხოშტარიას მიერ პარლამენტში რუსული ჰიმნის გაჟღერებას აპროტესტებდა, სოციალურ ქსელში 20 ივნისს რუსთაველის გამზირზე გამართული აქციის ვიდეოს აქვეყნებს.