„თეგეტა მოტორსმა“ 2019 წელი ავტოინდუსტრიის ბაზრის ლიდერის სტატუსით დახურა

„თეგეტა მოტორსისთვის“ 2019 წელი მასშტაბური პროექტების განხორციელებით დაიწყო, კომპანიამ მნიშვნელოვანი პროექტები განახორციელა როგორც ქსელის გაფართოების, ისე ინფრასტრუქტურისა და ახალი სერვისების დანერგვის მიმართულებით.

„თეგეტა მოტორსი“ პირველი ქართული კომპანიაა ავტოინდუსტრიის სფეროდან, რომელმაც Fitch-ის რეიტინგი მიიღო და, ასევე, ევროპულ საკრედიტო რეიტინგს „BB–“-ს  ფლობს, რაც მიუთითებს მის გამჭვირვალობასა და მყარ ფინანსურ პოზიციაზე. ამასთანავე, „თეგეტა მოტორსმა“ წარმატებით გაიარა ინსპექტირების გარე საკონტროლო აუდიტი, დანერგა შრომის უსაფრთხოებისა და ჯანმრთელობის მართვის (ISO 18001:2007), ასევე, გარემოს დაცვის მენეჯმენტის (ISO 14001:2015) სტანდარტები. ამ ეტაპზე „თეგეტა მოტორსი“ მუშაობს ხარისხის მენეჯმენტის სისტემის გარე საკონტროლო აუდიტზე. აღსანიშნავია, რომ კომპანიამ 2019 წელს ევროკავშირისა და მსოფლიო ბანკის საუკეთესო წლიური ანგარიშისა და გამჭვირვალობის ჯილდო მიიღო.


გასულ წელს „თეგეტა მოტორსმა“ 30 მლნ ლარის ობლიგაციების ემისია განახორციელა, რაც კორპორაციული საჯარო ობლიგაციების სეგმენტში ყველაზე მსხვილი ტრანზაქცია იყო. ობლიგაციების დაშვება საქართველოს საფონდო ბირჟის ლისტინგში 2019 წლის მაისში განხორციელდა.


2019 წელს პრემიუმ ავტომწარმოებელმა Volvo Cars-მა და „თეგეტა მოტორსმა“ თანამშრომლობის მემორანდუმი გააფორმეს და გახსნეს Volvo Cars-ის პირველი წარმომადგენლობა საქართველოში. კომპანიის პორტფელს, ასევე, დაემატა ახალი წამყვანი ბრენდები მსუბუქი და სატვირთო ავტოსათადარიგო ნაწილების, აკუმულატორების, საბურავების, ზეთებისა და სპეცტექნიკის მიმართულებით. „თეგეტა მოტორსმა“ პირველმა შემოიყვანა საქართველოს ბაზარზე „NIU“-ს ბრენდის ელექტროსკუტერები. ამასთანავე, კომპანიამ დაიმატა ახალი ბიზნესმიმართულებები, ავტომობილების გაქირავება და გაყიდვები - „თეგეტა ქარ რენტი“ და „თეგეტა რენტალსი“.


„თეგეტა მოტორსმა„ გასულ წელს აჭარის რეგიონში ყველაზე დიდი სერვისცენტრი გახსნა, რომლის სრული ფართობი 4 ჰექტარს მოიცავს. ცენტრი აღჭურვილია უახლესი ავტოსერვისის მანქანა-დანადგარებით. აღნიშნული ფილიალი „თეგეტა მოტორსის“ ყველაზე მსხვილი მომსახურების რეგიონალური ცენტრია საქართვლოში. კომპანიამ პროექტში 25 მილიონ ლარზე მეტი ინვესტიცია განახორციელა და 200-მდე ადგილობრივი მცხოვრები დაასაქმა.


„თეგეტა მოტორსმა“ 2019 წელს მნიშვნელოვანი ინფრასტრუქტურული ცვლილებები განახორციელა და არსებული სერვისცენტრების გადაიარაღება მოახდინა უახლესი მანქანა-დანადგარებით. ამ მიმართულებით აღსანიშნავია სატვირთო ავტომობილების ვულკანიზაცია. ასევე, დაინერგა მობილური სერვისი იმ რეგიონებისთვის, სადაც არ არის კომპანიის წარმომადგენლობა. „თეგეტა მოტორსმა“ მომსახურების ხელმისაწვდომობისთვის შექმნა უნიკალური პლატფორმა - მოძრავი სერვისცენტრი და მაღაზია, რომელიც მომხმარებელს ადგილზე სთავაზობს სწრაფ მომსახურებას სხვადასხვა სერვისისა თუ პროდუქციის მიწოდებით.


მომსახურების დროის შემცირებისა და მომხმარებლისთვის მეტი კომფორტის შექმნის მიზნით, „თეგეტა მოტორსმა“ მნიშვნელოვანი ტექნოლოგიური სიახლეები დანერგა როგორც საცალო, ისე კორპორაციული სერვისის მიმართულებით, აღნიშნული სიახლე მოიცავს სწრაფი გადახდის სერვისს და ავტომობილის დისტანციური დიაგნოსტირების სისტემას, რაც გახლავთ სერვისის უახლესი სტანდარტი, რომელიც საშუალებას იძლევა, ონლაინ რეჟიმში მიიღოთ ავტომობილის მდგომარეობის შესახებ სრული ინფორმაცია. ტექნიკური ხარვეზის შემთხვევაში წინასწარ ხდება პრობლემის იდენტიფიცირება და უმოკლეს დროში მისი მოგვარება, აღნიშნული მომსახურება გაძლევთ საშუალებას, მაქსიმალურად მოკლე დროში მოახდინოთ საჭირო სერვისის მიღება. ამასთანავე, კომპანიამ განავითარა და ახალი სერვისები დაამატა „თეგეტა კომფორტის“ მიმართულებით. „თეგეტა კომფორტი“ აერთიანებს 5 სერვისს: კომფორტ მომსახურება - გულისხმობს პერსონალური მენეჯერის მომსახურებას და სრულ ავტოსერვისს; აკუმულატორის ადგილზე მიტანა-მონტაჟის მომსახურება; ავტომობილის ჩანაცვლება - სერვისით სარგებლობისას თქვენ შეგიძლიათ იქირაოთ ალტერნატიული ავტომობილი, ვიდრე თქვენი შეკეთდება; ავტომობილის დაქოქვა - თუ მოულოდნელად ავტომობილი ვერ დაქოქეთ, შეგიძლიათ გამოიძახოთ თეგეტას პერსონალური მენეჯერი, რომელიც  დაგეხმარებათ ამ პრობლემის მოგვარებაში; ადგილზე ვულკანიზაციის სერვისი - თუ თქვენი ავტომობილის საბურავი მოულოდნელად დაზიანდა, თქვენ კი საბურავის გამოსაცვლელად საჭირო ხელსაწყოები არ მოგეპოვებათ, ან უბრალოდ არ იცით, როგორ შეცვალოთ საბურავი, გამოიძახეთ თეგეტას პერსონალური მენეჯერი და ის დაგიმონტაჟებთ სათადარიგო საბურავს.


ასევე, ერთ-ერთ მნიშვნელოვან ტექნოლოგიურ სიახლეს წარმოადგენს ონლაინ მაღაზია, სადაც წარმოდგენილია მსოფლიოს წამყვანი ბრენდების მიერ წარმოებული ავტოსათადარიგო ნაწილების სრული სპექტრი როგორც მსუბუქი, ისე სატვირთო მიმართულებით, ავტომობილის აქსესუარები და სხვა მრავალი პროდუქცია, რომელთა შეძენას შეძლებთ ონლაინ, ხოლო თუ თქვენთვის სასურველი პროდუქტი არ მოიძებნა, საშუალება გექნებათ, გააკეთოთ შეკვეთა და 5-7 დღეში მიიღოთ სასურველი პროდუქტი.


გასულ წელს განხორციელებული პროექტებიდან, ასევე, მეტად მნიშვნელოვანი და აღსანიშნავი პროექტი გახლდათ „თეგეტა შენთან ერთად“, რომელიც გულისხმობს კომპანიის კორპორაციული პასუხისმგებლობის მიმართულებას, რომელიც საქართველოში ავტოინდუსტრიის განვითარებას ისახავს მიზნად. აღნიშნული კამპანიის ფარგლებში „თეგეტა მოტორსმა“ განახორციელა მნიშვნელოვანი პროექტები ქვეყანაში განათლების, საგზაო უსაფრთხოების, ბიზნესისა და ტურიზმის განვითარების მიმართულებით.


დღეისთვის „თეგეტა მოტორსი“ აერთიანებს შვიდ შვილობილ კომპანიას, სადაც 2 000-მდე კადრია დასაქმებული და მათ უმრავლესობას „თეგეტა აკადემიის“ კურსდამთავრებულები წარმოადგენენ. „თეგეტა აკადემია“ არის უნიკალური სასწავლო პლატფორმა, რომლის სასწავლო პროგრამა შედგენილია ევროპაში აპრობირებული დუალური განათლების მოდელის მიხედვით და გულისხმობს სამუშაოზე დაფუძნებულ სწავლებას. სასწავლო ცენტრი „თეგეტა აკადემიის“ მიზანია ქვეყანაში პროფესიული განათლების პოპულარიზაცია, ავტომომსახურების სფეროში მაღალკვალიფიციური სპეციალისტების მომზადება და მათი შემდგომი დასაქმება. აკადემიამ 2019 წელს პროფესიული კოლეჯის ავტორიზაცია მიიღო.


„თეგეტა მოტორსი“ 1995 წლიდან მოღვაწეობს ქართულ ბაზარზე და მუდმივად ინარჩუნებს ავტოინდუსტრიის ლიდერის პოზიციას. 2019 წელს კომპანია მოემსახურა 300 000-მდე საცალო, 4 000-მდე საბითუმო და 35 000-მდე კორპორაციულ მომხმარებელს. „თეგეტა მოტორსი“ დღეისათვის 26 ფილიალით არის წარმოდგენილი მთელი საქართველოს მასშტაბით, მისი სერვისცენტრები გამოირჩევა დახვეწილი ინფრასტრუქტურით, მაღალკვალიფიციური კადრებითა და ავტოსერვისის თანამედროვე დანადგარებით.


ქართულ მრავალხმიანობასა და სუფრას ეროვნული მნიშვნელობის კატეგორია მიენიჭა

ეროვნული მნიშვნელობის კატეგორია განესაზღვრა არამატერიალური კულტურული მემკვიდრეობის ძეგლებს - "ქართულ მრავალხმიანობასა" და "ქართული ტრადიციული სუფრის/პურობის კულტურას". 

თანადაფინანსების გრანტების პროგრამის გამარჯვებულები ცნობილია

ეკონომიკისა და მდგრადი განვითარების სამინისტროს ინოვაციების და ტექნოლოგიების სააგენტოს თანადაფინანსების გრანტების პროგრამის გამარჯვებული სტარტაპები  ცნობილია.

გიგი უგულავა შეწყალების თხოვნაზე: პრეზიდენტს მიმართვის გარეშეც შეუძლია საქმის გამოსწორება

"შეწყალების თხოვნით არ მგონია, რომ ვინმეს მივმართო",- ასე უპასუხა პატიმრობაში მყოფმა თბილისის ყოფილმა მერმა გიგი უგულავამ კითხვას, რომელიც შეწყალების თხოვნას ეხებოდა.

უგულავა: რაც უფრო ბევრი პოლიტპატიმარი ეყოლება ამ ქვეყანას, ოპოზიცია უფრო მეტად შეიკვრება

"ოპოზიციის ერთიანობა სადღეგრძელოს ჰგავდა, მაგრამ დღეს აბსოლუტურად სხვა ვითარებაა. რაც უფრო მეტი პოლიტპატიმარი იქნება, მით უფრო მეტად შეიკვრება ოპოზიცია", -ამის შესახებ პატიმრობაში მყოფმა თბილისის ყოფილმა მერმა გიგი უგულავას TV პირველის ეთერში განაცხადა. 

ავსტრიის ელჩი საქართველოში: საარჩევნო სისტემა ქართულ რეალობას უნდა მოერგოს

საქართველოში ავსტრიის საგანგებო და სრულუფლებიანი ელჩის არად ბენკოს განცხადებით, საარჩევნო სისტემასთან დაკავშირებით, მმართველმა გუნდმა და ოპოზიციამ გამოსავალი უნდა იპოვოს. 

ირაკლი შოთაძემ თანამშრომლებთან შეხვედრაზე უწყების წინაშე არსებულ გამოწვევებზე და სამომავლო გეგმებზე ისაუბრა

საქართველოს გენერალურმა პროკურორმა ირაკლი შოთაძემ თანამშრომლებთან შეხვედრაზე უწყების წინაშე არსებულ გამოწვევებზე, სამომავლო გეგმებზე და ძირითად პრიორიტეტულ მიმართულებებზე ისაუბრა.

საქართველოს გენერალურმა პროკურორმა ირაკლი შოთაძემ მის პირველ მოადგილედ ბაკურ აბულაძე წარადგინა

საქართველოს გენერალური პროკურორი ირაკლი შოთაძე თანამშრომლებს შეხვდა და უწყების წინაშე არსებულ გამოწვევებზე, სამომავლო გეგმებსა და ძირითად პრიორიტეტულ მიმართულებებზე ისაუბრა.

მიხეილ ჩხენკელმა ქართველ კალათბურთელებს უმასპინძლა

2021 წლის ევროპის ჩემპიონატის შესარჩევი ეტაპის წარმატებულად დაწყება მიულოცა განათლების მინისტრმა მიხეილ ჩხენკელმა საქართველოს საკალათბურთო ნაკრებს.

ირაკლი სესიაშვილი: საქართველომ დაამტკიცა, რომ ნატოს სანდო პარტნიორია

საქართველოსა და ნატოს საერთო ღირებულებები და ერთი მიზანი აქვთ, - ამის შესახებ პარლამენტის თავდაცვის და უშიშროების კომიტეტის თავმჯდომარემ, ირაკლი სესიაშვილმა გადაცემა „დღის ქრონიკაში“ განაცხადა.

მიხეილ ყაველაშვილი: ბიძინა ივანიშვილი იყო ის ადამიანი, ვინც ბოლო მოუღო თქვენს სადისტურ და მოღალატე ხელისუფლებას

ბიძინა ივანიშვილი იყო ის ადამიანი, ვინც ბოლო მოუღო თქვენს სადისტურ და მოღალატე ხელისუფლებას, მაგრამ აქვე გეტყვით, რომ მან ეს პირველ რიგში გააკეთა ქართველ ხალხთან ერთად, რომელთანაც თქვენ დღემდე არ გაქვთ მისასვლელი პირი, - ამის შესახებ საპარლამენტო უმრავლესობის წევრი მიხეილ ყაველაშვილი სოციალურ ქსელში წერს.

გომი-ზესტაფონის მონაკვეთზე მისაბმელიანი ავტოტრანსპორტის მოძრაობა აკრძალულია

გომი-ზესტაფონის მონაკვეთზე მისაბმელიანი ავტოტრანსპორტის მოძრაობა აკრძალულია. ინფორმაციას საავტომობილო გზების დეპარტამენტი ავრცელებს. 

ჩუმათელეთი-ხუნევის მონაკვეთზე შეზღუდვებია

"ინტენსიური თოვისა და ლიპყინულის გამო, თბილისი–სენაკი–ლესელიძის (რუსეთის ფედერაციის საზღვარი) საავტომობილო გზის კმ138–კმ158 (ჩუმათელეთი-ხუნევი) მონაკვეთზე მისაბმელიანი და ნახევრადმისაბმელიანი ავტოტრანსპორტის მოძრაობა აკრძალულია", -ამის შესახებ საავტომობილო გზების დეპარტამენტის ინფორმაციაშია აღნიშნული.

 

ცესკოს თავმჯდომარე ეროვნულ-დემოკრატიული ინსტიტუტის პრეზიდენტს შეხვდა

ცენტრალური საარჩევნო კომისიის (ცესკო) თავმჯდომარე თამარ ჟვანია დღეს ეროვნულ-დემოკრატიული ინსტიტუტის (NDI) პრეზიდენტს, დერეკ მიტჩელს შეხვდა.

გომი-კორბოულის მონაკვეთზე მისაბმელიანი ავტოტრანსპორტის მოძრაობა აკრძალულია

საქართველოს რეგიონული განვითარებისა და ინფრასტრუქტურის სამინისტროს, საავტომობილო გზების დეპარტამენტი გზებზე არსებულ ვითარებასთან დაკავშირებით განცხადებას ავრცელებს.

დავით ზალკალიანი ევროპის საბჭოს გენერალურ მდივანს შეხვდა

ევროპის საბჭოს მინისტრთა კომიტეტის მოქმედმა თავმჯდომარემ, საქართველოს საგარეო საქმეთა მინისტრმა დავით ზალკალიანმა შეხვედრა გამართა ევროპის საბჭოს გენერალურ მდივანთან მარია პეიჩინოვიჩ ბურიჩთან.

ლარი ისევ სწრაფი ტემპით მყარდება

25 თებერვლის ვაჭრობის შედეგად აშშ დოლარი გაუფასურდა და 2.7946 ლარი შეადგინა. კურსი, რომელიც დღეს მოქმედებდა, 2.8079 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 1.33 თეთრი შეადგინა.

სოფელ ჭიაურს, ჰერეთის კარსა და თამარიანს წყალმომარაგება შეზღუდულად მიეწოდება

გაერთიანებული წყალმომარაგების კომპანიის დირექტორი, გიგა მანდარია, ლაგოდეხის მუნიციპალიტეტში წყალმომარაგების კუთხით არსებულ ვითარებას გაეცნო. 

თემაზე "მწვანე ეკონომიკა და ზრდის ახალი შესაძლებლობები მცირე და საშუალო საწარმოებისათვის საქართველოში" შეხვედრა გაიმართა

„ევროკავშირი გარემოსთვის“ (EU4Environment) პროგრამის ფარგლებში შეხვედრა თემაზე „მწვანე ეკონომიკა და ზრდის ახალი შესაძლებლობები მცირე და საშუალო საწარმოებისათვის საქართველოში“ გაიმართა.

ეკატერინე მიქაბაძემ მონაწილეობა მიიღო სამუშაო შეხვედრაში "მწვანე ეკონომიკა და ზრდის ახალი შესაძლებლობები მცირე და საშუალო საწარმოებისათვის საქართველოში"

ეკონომიკისა და მდგრადი განვითარების მინისტრის პირველმა მოადგილემ ეკატერინე მიქაბაძემ მონაწილეობა მიიღო სამუშაო შეხვედრაში „მწვანე ეკონომიკა და ზრდის ახალი შესაძლებლობები მცირე და საშუალო საწარმოებისათვის საქართველოში“.

სამტერედიასთან ტრაილერი მინივენს შეეჯახა - დაღუპულია 5 ადამიანი (ვიდეო)

სამტრედიის შემოსასვლთან ავტოსაგზაო შემთხვევას 5 ადამიანის სიცოცხლე ემსხვერპლა.

ეგვიპტის ყოფილი პრეზიდენტი ხოსნი მუბარაკი გარდაიცვალა

ეგვიპტის ყოფილი პრეზიდენტი მუჰამედ ხოსნი საჰიდ მუბარაკი 91 წლის ასაკში გარდაიცვალა.