საზოგადოება

თბილისის მერიამ პროექტი #უსმინეთბილისს დაიწყო

მერიის ახალი პროექტი
23:49 25.03
დაკოპირებულია

"დარჩი სახლში, ჩვენ დავუკრავთ თქვენთვის"  - ამ მოწოდებით ციფრულ სივრცეში კიდევ ერთი მუსიკალური ციკლი დაიწყო.

თბილისის მერიის ინფორმაციით, პროექტის - #უსმინეთბილისს ფარგლებში, სხვადასხვა ჟანრის მუსიკოსები თუ მომღერლები, თბილისის მერიის სოციალურ ქსელში ონლაინ კონცერტებს გამართავენ.

პროექტის შესახებ მოსახლეობას ინფორმაცია თბილისის მერმა, კახა კალაძემ  მიაწოდა.

მისი თქმით, დღეიდან, 22:00 საათზე, თბილისის მერიის „ფეისბუქ“ გვერდზე, ყველასთვის საყვარელი მუსიკოსები და მომღერლები შეიკრიბებიან. 

დედაქალაქის მერმა კიდევ ერთხელ მოუწოდა მოქალაქეებს, მსოფლიო ჯანდაცვის ორგანიზაციის რეკომენდაციები გაითვალისწინონ და დარჩნენ სახლში, რათა მსოფლიო გამოწვევას საქართველო ერთობლივი ძალებით გაუმკლავდეს.  

"მაქსიმალურად გავითვალისწინოთ ყველა ის მოთხოვნა, რასაც გვეუბნება ჯანდაცვის მსოფლიო ორგანიზაცია, რათა დავიცვათ ჩვენი ოჯახის წევრების, ჩვენი შვილების, მომავალი თაობების, ჩვენი ქვეყნის მოსახლეობის ჯანმრთელობა. შესაბამისად, ძალიან მნიშვნელოვანია, რომ დავრჩეთ სახლში, თავი შევიკავოთ ხალხმრავალ ადგილებზე მისვლისგან. მესმის, ძალიან რთულია, მაგრამ ყველა ვთანხმდებით, რომ სხვა გამოსავალი არ არსებობს. ჩვენ, ყველა ერთად - ხელისუფლება, საზოგადოება ერთიანი ძალისხმევით მოვახერხებთ, ღირსეულად ვუპასუხოთ ამ ურთულეს და უმძიმეს გამოწვევას, რომელსაც მთელ მსოფლიოში ებრძვიან", - განაცხადა კახა კალაძემ. 

მერის განმარტებით, დედაქალაქის მთავრობა არაერთ პროექტს ახორციელებს  მათთვის, ვისაც არსებულ რთულ ვითარებაში, მხარდაჭერა და თანადგომა ყველაზე მეტად სჭირდება.

"დღეს ყველანი დაძაბული ვართ, რთული მდგომარეობაა. ბევრი პროექტი ხორციელდება, ვეხმარებით, ხელს ვუწყობთ ყველა იმ ადამიანს, ყველა იმ ოჯახს, ვისაც დღეს ყველაზე მეტად სჭირდება ჩვენი თანადგომა და მხარდაჭერა. ამასთან, ჩვენ მივიღეთ გადაწყვეტილება, რომ ამ რთულ ვითარებაში ადამიანებს, ცოტათი მაინც შევუმსუბუქოთ არსებული მდგომარეობა და გავახალისოთ, გაგამხნევოთ ქართული სიმღერებით.  მოწოდება - დარჩი სახლში, რა თქმა უნდა, ძალაშია. დარჩით სახლში, ჩვენ ვიწყებთ ძალიან მაგარ პროექტს #უსმინეთბილისს. თქვენ სახლიდან გაუსვლელად გექნებათ შესაძლებლობა, მოუსმინოთ ცნობილ ქართველ მომღერლებს, რომლებიც მუსიკალურ ნომრებს თქვენთვის შეასრულებენ", - განაცხადა კახა კალაძემ.

#უსმინეთბილისს იქ, სადაც ხარ - სახლში, სხვადასხვა რეგიონში თუ საქართველოს საზღვრებს გარეთ!

პირველი რესპუბლიკა

102 წელი პირველი დემოკრატიული რესპუბლიკი...

საქართველოს პირველი დემოკრატიული რესპუბლიკის გამოცხადებიდან 102 წელი გავიდა. 191...
საქართველოს დამოუკიდებლობის აქტის ხელმოწერიდან 102 წლისთავის აღნიშვნას მცხეთა-მთიანეთის რეგიონიც შეუ...
27 წუთის წინ
საქართველოს დამოუკიდებლობის დღე, კორონავირუსის გავრცელების პრევენციის გამო, ახალციხეში მასშტაბური, ტ...
48 წუთის წინ
ნენსკრას ჰიდროელექტროსადგურის პროექტის განმახორციელებელმა კომპანიამ - სს „ნენსკრა ჰიდრომ“ ეკონომიკის...
55 წუთის წინ
ზუგდიდის საკრებულოს "ევროპული საქართველოს" დეპუტატს ბათლომე შელიას 2000-ლარიანი გირაო შეეფარდა. ზუგ...
57 წუთის წინ
მდგრადი განვითარების მინისტრი 2020 ნათია თურნავა: ძლიერი ენერგეტიკა საქართველოს...
ეკონომიკის მინისტრ ნათია თურნავას განცხადებით საქართველო აძლიერებს თავის ენერგეტიკას, რომელიც ეკონომ...
მარნეულში სასმელი წყლის ახალი ქსელი შენდ...
მარნეულის მუნიციპალიტეტში, სასმელი წყლის ახალი ქსელის მოწყობის მიზნით, ფართომასშ...
ტექნიკური უნივერსიტეტი საქართველოს დროში...
საქართველოს ტექნიკური უნივერსიტეტის ადმინისტრაციული კორპუსი, საქართველოს დამოუკი...
ლევან დავითაშვილი: თავისუფლება და დემოკრ...
გარემოს დაცვისა და სოფლის მეურნეობის მინისტრი ლევან დავითაშვილი მოსახლეობას დამო...