ესპანეთში კორონავირუსის მქონე ორსული საკეისრო კვეთისას დაიღუპა
1585572415
ესპანეთში ორსული ქალი, რომელსაც კორონავირუსის დიაგნოზის გამო, საკეისრო კვეთა ჩაუტარდა, ოპერაციისას გარდაიცვალა. ასევე ვერ მოხერხდა ბავშვის გადარჩენა. ექიმების თქმით, ის მკვდარი დაიბადა.
ორსული პაციენტი 37 წლის იყო. ქალს ქრონიკული დაავადება ჰქონდა. იგი საავადმყოფოში, სიმპტომების გამოვლენის შემდეგ, კვირას გადაიყვანეს. კორონავირუსზე გაკეთებული ტესტის პასუხი დადებითი აღმოჩნდა.
ბოლო მონაცემებით, ესპანეთში კორონავირუსის 85 195 შემთხვევაა დადასტურებული. გარდაცვლილია 5 085 ადამიანი.
