ევროკავშირის მარეგულირებელი სინოვაკის ვაქცინის განხილვას იწყებს
1620141216
ევროპის წამლის სააგენტომ ჩინური წარმოების „სინოვაკის“ ვაქცინის ეფექტურობისა და უსაფრთხოების განხილვა დაიწყო, - ამის შესახებ ინფორმაციას politico ავრცელებს.
„სინოვაკის“ ვაქცინაში გამოიყენება ინაქტივირებული ვირუსი, რომელსაც დაავადების გამოწვევა არ შეუძლია.
„ეს კვლევები ადასტურებს, რომ ვაქცინა უწყობს ხელს ანტისხეულების გამომუშავებას, რომლებიც კორონავირუსს ებრძვის და დაავადებისგან დაცვა შეუძლია“, – ნათქვამია განცხადებაში.
სინოვაკმა სხვადასხვა კვლევაში გამოაქვეყნა განსხვავებული ეფექტურობის მაჩვენებლები, რომლებიც 51-დან 82 პროცენტამდე მერყეობს. იგი დამტკიცებულია ჩინეთის მარეგულირებლის მიერ.
სააგენტო, ასევე, განიხილავს გერმანული „ქიურვაკის“, ამერიკული „ნოვავაქსისა“ და რუსული „სპუტნიკ ვი“-ს ვაქცინებს.
შეგახსენებთ, „სინოფარმისა“ და „სინოვაკის“ ავტორიზაციის საკითხს ჯანმო მომდევნო კვირის ბოლოს გადაწყვეტს.
„სინოვაკის“ 100 000 დოზა კი საქართველოში უკვე ჩამოსულია.
აგრეთვე წაიკითხეთ: 👇
👉 „ძალიან პერსპექტიულად გამოიყურება ჩინური ტრადიციული მეთოდით გააქტიურებული „სინოვაკის“ ვაქცინა“
