მსოფლიოში კორონავირუსით 16 წამში ერთი ადამიანი კვდება
1601368200
მსოფლიოში კორონავირუსით 16 წამში ერთი ადამიანი კვდება. ამის შესახებ ინფორმაციას Reuters ავრცელებს.
გამოცემის მიერ გავრცელებული ინფორმაციის თანახმად, 24 საათში მსოფლიოში ინფექციისგან 5 400 ადამიანი იღუპება. ამ მონაცემებს Reuters სექტემბრის თვის სტატისტიკაზე დაყრდნობით აქვეყნებს.
„პანდემიამ მძიმე გავლენა მოახდინა ეკონომიკაზე, გადაიტვირთა ჯანდაცვის სისტემები და შეცვალა ადამიანების ცხოვრების წესი“, - აღნიშნულია გავრცელებულ ინფორმაციაში.
კორონავირუსის გავრცელების მხრივ ლიდერობენ:
- აშშ
- ინდოეთი
- ბრაზილია
შეგახსენებთ, მსოფლიოში კორონავირუსით გარდაცვლილთა რიცხვმა 1 მილიონს გადააჭარბა. COVID 19 პანდემიად მიმდინარე წლის 11 მარტს გამოცხადდა.
