თბილისის ზღვის ჰოსპიტალში მიღებული პასუხებიდან 21 პაციენტს COVID-19 არ დაუდგინდა
1585815622
თბილისის ზღვის ჰოსპიტალში მიღებული 21 პაციენტის პასუხებიდან კორონავირუსი არცერთს არ დაუდგინდა.
აღნიშნულის შესახებ თბილისის ზღვის ჰოსპიტალის ხელმძღვანელმა კახა ბეროზაშვილმა განაცხადა.
მისივე ინფორმაციით, ჰოსპიტალში მყოფი პაციენტების უმტესობის მდგომარეობა სტაბილურია.
"ველოდებოდით 21 ადამიანის პასუხს, მათი სინჯები იყო ლაბორატორიაში გაგზავნილი, საბედნიეროდ ყველა პასუხი არის უარყოფითი. ახალი შემთხვევა ჩვენს კლინიკაში არ დაფიქსირებულა. პაციენტების უმეტესობის მდგომარეობა არის სტაბილური, 46 პაციენტიდან 6 მოთავსებულია რეანიმაციულ განყოფილებაში, მძიმე მდგომარეობაა, სიმძიმე ვირუსისგან არ არის გამოწვეული, ახლავს ქრონიკული დაავადებები", - განაცხადა ბეროზაშვილმა.
ცნობისთვის, ამ დროისთვის, საქართველოში კორონავირუსით 130 ადამიანია ინფიცირებული, 26 გამოჯანმრთლდა.
