საქართველოს ბანკის მხარდაჭერით „ფარმანეტმა“ მეხუთე ფილიალი გახსნა
1597145157
საქართველოს ბანკი ბიზნესის მხარდაჭერის ფარგლებში სხვადასხვა სფეროს წახალისებას აგრძელებს. ბანკისა და სააფთიაქო ქსელის „შპს ფარმანეტი“-ს პარტნიორობით კომპანიამ თემქაზე კიდევ ერთი, რიგით მეხუთე ფილიალი გახსნა. ინფორმაციას საქართველოს ბანკის საზოგადოებასთან ურთიერთობის სამსახური ავრცელებს.
„მოხარული ვართ, რომ მოგვეცა შესაძლებლობა მხარი დაგვეჭირა შპს ფარმანეტის სააფთიაქო ქსელის გაფართოებისთვის. მიგვაჩნია, რომ პანდემიის პირობებში კიდევ უფრო მნიშვნელოვანია ფარმაცევტული სფეროს წახალისება.ბანკის მზადაა კომპანიას, როგორც მის სანდო პარტნიორს, მომავალშიც გაუწიოს მხარდაჭერა“- განაცხადა ზურაბ მასურაშვილმა, საქართველოს ბანკის მცირე და საშუალო ბიზნესის მიმართულების ხელმძღვანელმა.
ინფორმაციისთვის, შპს ფარმანეტმა ფარმაცევტული საქმიანობა 2011 წელს დაიწყო. კომპანიის მიზანია სოციალური პასუხისმგებლობის ფარგლებში დახმარება გაუწიოს მომხმარებელს ინფორმაციის მიწოდების, კონსულტაციის გაწევისა და სამკურნალო-პროფილაქტიკური საშუალებების შეთავაზებით.
